AIR World Service Punjabi

ਬੀਜਿੰਗ ‘ਚ ਪਿਛਲੇ ਹਫ਼ਤੇ ਦੂਜੀ ‘ਬੇਲਟ ਅਤੇ ਫੋਰਮ ਪਹਿਲ’ ਦੀ ਬੈਠਕ ਮੁਕੰਮਲ ਹੋਈ।ਇਸ ਬੈਠਕ ‘ਚ 36 ਮੁਲਕਾਂ ਦੇ ਰਾਜ ਮੁੱਖੀਆਂ ਵੱਲੋਂ ਸ਼ਿਰਕਤ ਕੀਤੀ ਗਈ ।ਸੰਯੁਕਤ ਰਾਸ਼ਟਰ ਅਤੇ ਅੰਤਰਰਾਸ਼ਟਰੀ ਮੁਦਰਾ ਫੰਡ ਸਮੇਤ 90 ਤੋਂ ਵੀ ਵੱਧ ਸੰਸਥਾਵਾਂ, ਮੀਡੀਆ, ਅਕਾਦਮਿਕ, ਕਾਰਪੋਰੇਟ ਅਤੇ ਹੋਰ ਧਿਰਾਂ ਸਮੇਤ ਲਗਭਗ 5,000 ਭਾਗੀਦਾਰਾਂ ਨੇ ਵੀ ਇਸ ਫੋਰਮ ‘ਚ ਹਿੱਸਾ ਲਿਆ।ਇੰਡੋਨੇਸ਼ੀਆ ਨੂੰ ਛੱੱਡ ਕੇ ਸਾਰੇ ਦੱਖਣ-ਪੂਰਬੀ ਏਸ਼ੀਆਈ ਮੁਲਕਾਂ, ਤੁਰਕਮੇਨਿਸਤਾਨ ਤੋਂ ਇਲਾਵਾ ਸਾਰੇ ਮੱਧ ਏਸ਼ੀਆਈ ਦੇਸ਼ਾਂ, ਅੱਠ ਦੱਖਣ ਏਸ਼ੀਆਈ ਮੁਲਕਾਂ ‘ਚੋਂ ਦੋ ਦੇਸ਼ਾਂ, ਪੂਰਬੀ ਏਸ਼ੀਆ ‘ਚੋਂ ਮੰਗੋਲੀਆ, ਪੱਛਮੀ ਏਸ਼ੀਆ ਤੋਂ ਸੰਯੁਕਤ ਅਰਬ ਅਮੀਰਾਤ, ਰੂਸ ਅਤੇ ਅਜ਼ਰਬਾਈਜਾਨ ਸਮੇਤ 12 ਯੂਰੋਪੀ ਦੇਸ਼ਾਂ ,ਅਫ਼ਰੀਕਾ ਤੋਂ 5 ਮੁਲਕਾਂ (2017 ਦੀ ਬੈਠਕ ‘ਚ ਸਿਰਫ ਇਥੋਪੀਆ ਅਤੇ ਕੀਨੀਆ ਨੇ ਹੀ ਸ਼ਿਰਕਤ ਕੀਤੀ ਸੀ) ਅਤੇ ਲਾਤੀਨੀ ਅਮਰੀਕਾ ਤੋਂ ਇੱਕ ਮੁਲਕ ਚਿੱਲੀ ਨੇ ਇਸ ਫੋਰਮ ‘ਚ ਸ਼ਮੂਲੀਅਤ ਕੀਤੀ। ਬਹੁਤ ਸਾਰੇ ਮੁਲਕ ਇਸ ਦੂਜੇ ਬੀ.ਆਰ.ਆਈ. ਬੈਠਕ ਤੋਂ ਪਰਾਂ ਰਹੇ।ਜਿਸ ‘ਚ ਬਰਿਕਸ ਦੇ ਪੰਜ ਮੈਂਬਰਾਂ ‘ਚੋਂ ਤਿੰਨ ਮੈਂਬਰ ਮੁਲਕਾਂ ਨੇ ਇਸ ਫੋਰਮ ‘ਚ ਹਿੱਸਾ ਨਹੀਂ ਲਿਆ।ਸੰਯੁਕਤ ਰਾਸ਼ਟਰ, ਬਰਤਾਨੀਆ, ਜਰਮਨੀ, ਫਰਾਂਸ, ਜਾਪਾਨ, ਦੱਖਣੀ ਕੋਰੀਆ, ਆਸਟ੍ਰੇਲੀਆ, ਸਪੇਨ, ਤੁਰਕੀ ਅਤੇ ਕੁੱਝ ਹੋਰ ਮੁਲਕਾਂ  ਨੇ ਇਸ ਫੋਰਮ ‘ਚ ਭਾਗ ਨਹੀਂ ਲਿਆ। ਫੋਰਮ ਮਿਲਣੀ ਤੋਂ ਕੁੱਝ ਦਿਨ ਪਹਿਲਾਂ ਹੀ ਚੀਨ ਵੱਲੋਂ “ ਬੇਲਟ ਅਤੇ ਰੋਡ ਪਹਿਲ: ਤਰੱਕੀ...

ਉੱਤਰੀ ਕੋਰੀਆ ਦੇ ਆਗੂ ਕਿਮ ਜਾਂਗ ਉਨ ਨੇ ਰੂਸ ਦੇ ਰਾਸ਼ਟਰਪਤੀ ਵਲਾਦਮਿਰ ਪੁਤਿਨ ਨਾਲ ਇਸ ਹਫ਼ਤੇ ਰੂਸੀ ਸ਼ਹਿਰ ਵਲਾਦੀਵੋਸਤੋਕ ਵਿਖੇ ਮੁਲਾਕਾਤ ਕੀਤੀ।ਇੰਨ੍ਹਾਂ ਦੋਵਾਂ ਆਗੂਆਂ ਦਰਮਿਆਨ ਇਹ ਪਹਿਲੀ ਬੈਠਕ ਸੀ।ਇਸ ਮਿਲਣੀ ਨੂੰ ਮਹੱਤਵਪੂਰਣ ਇਸ ਲਈ ਵੀ ਮੰਨਿਆ ਗਿਆ ਹੈ ਕਿਉਂਕਿ ਮਾਸਕੋ ਅਤੇ ਪਿਯੋਂਗਯਾਂਗ ਦੋਵੇਂ ਹੀ ਸ਼ੀਤ ਯੁੱਧ ਸਮੇਂ ਦੇ ਸਹਿਯੋਗੀ ਹਨ।ਇਸ ਦੇ ਨਾਲ ਹੀ ਇਸ ਬੈਠਕ ਦਾ ਆਯੋਜਨ ਉਸ ਸਮੇਂ ਹੋਇਆ ਹੈ ਜਦੋਂ ਰੂਸ ਇਸ ਖੇਤਰ ‘ਚ ਆਪਣੀ ਮੌਜੂਦਗੀ ਦੇ ਪ੍ਰਭਾਵ ਨੂੰ ਹੋਰ ਵਧਾਉਣ ਲਈ ਯਤਨਸ਼ੀਲ ਹੈ।ਇਸ ਤੋਂ ਇਲਾਵਾ ਰੂਸ ਨੂੰ ਇੱਕ ਹੋਰ ਮੌਕਾ ਪ੍ਰਾਪਤ ਹੋਇਆ ਹੈ ਕਿ ਉਹ ਖੇਤਰੀ ਸਮੱਸਿਆਵਾਂ ‘ਚ ਮੁੜ ਆਪਣੀ ਵਿਚੋਲਗੀ ਨੂੰ ਕਾਇਮ ਕਰ ਸਕੇ।ਦਰਅਸਲ ਉੱਤਰੀ ਕੋਰੀਆ ਅਤੇ ਅਮਰੀਕਾ ਵਿਚਾਲੇ ਸਿੱਧੇ ਸੰਵਾਦ ਦੇ ਸ਼ੁਰੂ ਹੋਣ ਤੋਂ ਬਾਅਦ ਰੂਸ ਦੀ ਪੁੱਛ ਪੜਤਾਲ ਘੱਟ ਗਈ ਸੀ।ਕਹਿ ਸਕਦੇ ਹਾਂ ਇਸ ਮਸਲੇ ‘ਚ ਨਾ ਦੇ ਬਰਾਬਰ ਹੀ ਰੂਸ ਦੀ ਮੌਜੂਦਗੀ ਰਹੀ ਸੀ। ਜਿੱਥੇ ਇੱਕ ਪਾਸੇ ਪੁਤਿਨ ਅਤੇ ਕਿਮ ਗੱਲਬਾਤ ਚੱਲ ਰਹੀ ਸੀ ਉਸ ਸਮੇਂ ਹੀ ਅਮਰੀਕਾ ਅਤੇ ਦੱਖਣੀ ਕੋਰੀਆ ਦਰਮਿਆਨ ਫੌਜੀ ਕਿਵਾਇਦ ਵੀ ਸ਼ੁਰੂ ਹੋਈ, ਜਿਸ ਤੋਂ ਕਿ ਪਿਯੋਂਗਯਾਂਗ ਨੂੰ ਦਿੱਕਤ ਰਹੀ ਹੈ। ‘Key Resolve and Foal Eagle’ ਨਾਂਅ ਦੀ ਇਸ ਸਾਲਨਾ ਸਾਂਝੀ ਫੌਜੀ ਕਿਵਾਇਦ ਨੂੰ ਹਮੇਸ਼ਾਂ ਵੱਡੇ ਪੱਧਰ ‘ਤੇ ਆਯੋਜਿਤ ਕੀਤਾ ਜਾਂਦਾ ਰਿਹਾ ਹੈ।ਪਰ ਇਸ ਵਾਰ ਇਸ ਫੌਜੀ ਮਸ਼ਕ ਦਾ ਪੱਧਰ ਛੋਟਾ ਹੀ ਸੀ। ਜਿਵੇਂ ਕਿ ਉੱਤਰੀ ਕੋਰੀਆ ਅਤੇ ਅਮਰੀਕਾ ਵਿਚਾਲ...

ਪਾਕਿਸਤਾਨ ‘ਚ ਕੁੱਝ ਵੀ ਲੀਹ ‘ਤੇ ਨਹੀਂ ਚੱਲ ਰਿਹਾ ਹੈ।ਪਾਕਿਸਤਾਨ ਦੀ ਅਰਥ ਵਿਵਸਥਾ ਡਾਵਾਂਡੋਲ ਹੋ ਰੱਖੀ ਹੈ ਅਤੇ ਅੰਤਰਰਾਸ਼ਟਰੀ ਮੁਦਰਾ ਫੰਡ, ਆਈ.ਐਮ.ਐਫ. ਵੱਲੋਂ ਵੀ ਕੋਈ ਸਹਾਰਾ ਨਹੀਂ ਮਿਲ ਰਿਹਾ ਹੈ।ਅਜਿਹੀ ਸਥਿਤੀ ‘ਚ ਪਾਕਿ ਦੇ ਵਿੱਤ ਮੰਤਰੀ ਅਸਦ ਉਮਰ ਵੱਲੋਂ ਆਪਣੇ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਗਿਆ ਹੈ।ਵਜ਼ੀਰ-ਏ-ਆਜ਼ਮ ਇਮਰਾਨ ਖਾਨ ਦੇ ਸੱਤਾ ‘ਚ ਆਉਣ ਨੂੰ ਅਜੇ ਕੋਈ ਜਿਆਦਾ ਸਮਾਂ ਨਹੀਂ ਹੋਇਆ ਹੈ ਪਰ ਇੰਨੇ ਘੱਟ ਸਮੇਂ ‘ਚ ਪਾਕਿਸਤਾਨ ‘ਚ ਅਜਿਹੀਆਂ ਘਟਨਾਵਾਂ ਤੋਂ ਸਪੱਸ਼ਟ ਹੁੰਦਾ ਹੈ ਕਿ ਦੇਸ਼ ਦੇ ਹਾਲਾਤ ਗੰਭੀਰ ਹਨ। ਇਸਲਾਮਾਬਾਦ ਵੱਲੋਂ ਆਈ.ਐਮ.ਐਫ. ਤੋਂ 18 ਬਿਲੀਅਨ ਡਾਲਰ ਦੀ ਮਦਦ ਦਾ ਦਬਾਅ ਪਾਇਆ ਜਾ ਰਿਹਾ ਹੈ।ਜੇਕਰ ਇਸ ਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਅੰਤਰਰਾਸ਼ਟਰੀ ਏਜੰਸੀ ਵੱਲੋਂ ਇਹ ਲਗਾਤਾਰ 13ਵੀਂ ਵਾਰ ਵਿੱਤੀ ਮਦਦ ਹੋਵੇਗੀ।ਪਹਿਲਾਂ ਹੀ ਸਾਊਦੀ ਅਰਬ, ਸੰਯੁਕਤ ਅਰਬ ਅਮੀਰਾਤ ਅਤੇ ਚੀਨ ਵੱਲੋਂ 10 ਬੀਲੀਅਨ ਡਾਲਰ ਦਾ ਨਰਮ ਕਰਜਾ (ਸੋਫਟ ਲੋਨ) ਪਾਕਿਸਤਾਨ ਨੂੰ ਪੇਸ਼ ਕੀਤਾ ਗਿਆ ਹੈ।ਵਿਸ਼ਲੇਸ਼ਕਾਂ ਨੂੰ ਉਮੀਦ ਹੈ ਕਿ ਵਾਸ਼ਿਗੰਟਨ ਅਧਾਰਿਤ ਅੰਤਰਰਾਸ਼ਟਰੀ ਮੁਦਰਾ ਫੰਡ ਵੱਲੋਂ ਬੇਲਆਊਟ ਨੂੰ ਹਰੀ ਝੰਡੀ ਦੇਣ ਨੂੰ ਦੋ ਮਹੀਨਿਆਂ ਤੱਕ ਦਾ ਸਮਾਂ ਲੱਗ ਸਕਦਾ ਹੈ।ਹੋ ਸਕਦਾ ਹੈ ਕਿ ਦਿੱਤੀ ਜਾਣ ਵਾਲੀ ਰਾਸ਼ੀ ਪਾਕਿਸਤਾਨ ਦੀ ਮੰਗ ਤੋਂ ਬਹੁਤ ਘੱਟ ਹੋਵੇ।ਕਿਆਸਰਾਈਆਂ ਲਗਾਈਆਂ ਜਾ ਰਹੀਆਂ ਹਨ ਕਿ ਬੇਲਆਊਟ ਪੈਕੇਜ 8 ਬਿਲੀਅਨ ਤੋਂ 12 ਬਿਲੀਅਨ ਡਾਲਰ ਦੇ ਦਰਮਿਆਨ ਹੋ ਸਕਦਾ ਹੈ। ਜ...

ਈਸਟਰ ਦੇ ਮੌਕੇ, ਦਿਨ ਐਤਵਾਰ  21  ਅਪ੍ਰੈਲ ਨੂੰ ਅੱਠ ਆਤਮਘਾਤੀ ਹਮਲਾਵਰਾਂ ਨੇ ਸ਼੍ਰੀਲੰਕਾ ਵਿੱਚ ਤਿੰਨ ਵੱਖ-ਵੱਖ ਥਾਵਾਂ ਕੋਲੰਬੋ, ਨੀਗੋਂਬੋ ਅਤੇ ਬੈਟੀਕਲੋਆ ਵਿਖੇ ਗਿਰਜਾਘਰਾਂ ਅਤੇ ਹੋਟਲਾਂ ਉੱਤੇ ਹਮਲਾ ਕਰਕੇ 250 ਤੋਂ ਵਧੇਰੇ ਲੋਕਾਂ ਦੀ ਜਾਨ ਲੈ ਲਈ, ਜਿਨ੍ਹਾਂ  ‘ ਚ 38 ਵਿਦੇਸ਼ੀ ਵੀ ਸ਼ਾਮਿਲ ਹਨ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸਲਾਮਿਕ ਸਟੇਟ ਆਫ ਇਰਾਕ ਐਂਡ ਸੀਰੀਆ (ਆਈ.ਐੱਸ.ਆਈ.ਐੱਸ.) ਦੁਆਰਾ ਇੱਕ ਵੀਡੀਓ ਜਾਰੀ ਕਰਕੇ ਇਸ ਘਿਨੌਣੀ ਵਾਰਦਾਤ ਨੂੰ ਅੰਜਾਮ ਦੇਣ ਦਾ ਦਾਅਵਾ ਕਰਨ ਵਿੱਚ ਦੋ ਦਿਨ ਤੋਂ ਜ਼ਿਆਦਾ ਦਾ ਸਮਾਂ ਲੱਗ ਗਿਆ ,  ਜਿਸ ਵਿੱਚ ਹਮਲੇ ਦੇ ਆਗੂ ਜ਼ਹਿਰਾਨ ਹਾਸ਼ਿਮ ਨੇ ਸੱਤ ਹਮਲਾਵਰਾਂ ਦੀ ਅਗਵਾਈ ਕਰਦੇ ਹੋਏ ਆਈ.ਐੱਸ.ਆਈ.ਐੱਸ. ਦੇ ਸਰਗਨਾ ਅਬੂ ਬਕਰ ਅਲ ਬਗਦਾਦੀ ਪ੍ਰਤੀ ਆਪਣੀ ਵਫਾਦਾਰੀ ਦਾ ਇਜ਼ਹਾਰ ਕੀਤਾ ਹੈ। ਕਾਬਿਲੇਗੌਰ ਹੈ ਕਿ ਇਨ੍ਹਾਂ ਖੂਨੀ ਹਮਲਿਆਂ ਦੇ ਬਾਅਦ ਸ਼੍ਰੀਲੰਕਾ ਦੇ ਅਧਿਕਾਰੀਆਂ ਨੇ  70  ਤੋਂ ਜ਼ਿਆਦਾ ਸ਼ੱਕੀ ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਸੰਬੰਧੀ ਇੱਕ ਛਾਪੇ ਦੌਰਾਨ ਇੱਕ ਮਹਿਲਾ ਜੋ ਕਿ ਹਮਲਾਵਰਾਂ ਵਿੱਚੋਂ ਇੱਕ ਦੀ ਪਤਨੀ ਸੀ, ਨੇ ਕੋਲੰਬੋ ਵਿੱਚ ਆਪਣੇ ਬੱਚਿਆਂ ਸਮੇਤ ਆਪਣੇ ਆਪ ਨੂੰ ਵੀ ਧਮਾਕਾ ਕਰਕੇ ਉਡਾ ਲਿਆ। ਇਸ ਦੇ ਨਾਲ ਹੀ ਵੱਖ-ਵੱਖ ਸਥਾਨਾਂ ਵਿੱਚ ਘੱਟੋ-ਘੱਟ ਦੋ ਵਿਸਫੋਟਕਾਂ ਨੂੰ ਨਕਾਰਾ ਕੀਤਾ ਗਿਆ, ਜਿਸ ਤੋਂ ਪਤਾ ਚੱਲਦਾ ਹੈ ਕਿ ਹਮਲਾਵਰਾਂ ਦੇ ਗੁੱਟ ਦੁਆਰਾ ਇਸ ਤਰ੍ਹਾਂ ਦੇ ਹੋਰ ਵੀ ਹ...

ਇਸ ਹਫ਼ਤੇ ਦੀ ਸ਼ੁਰੂਆਤ ‘ਚ ਅਮਰੀਕੀ ਵਿਦੇਸ਼ ਮੰਤਰੀ ਮਾਇਕ ਪੋਂਪੀਓ ਨੇ ਐਲਾਨ ਕੀਤਾ ਸੀ ਕਿ ਅਮਰੀਕਾ ਇਰਾਨ ਤੋਂ ਤੇਲ ਦੀ ਦਰਾਮਦ ‘ਚ ਦਿੱਤੀ ਛੋਟ ‘ਚ ਹੋਰ ਵਾਧਾ ਨਹੀਂ ਕਰੇਗਾ।ਭਾਰਤ, ਚੀਨ ਅਤੇ ਅਮਰੀਕੀ ਸਹਿਯੋਗੀ ਜਾਪਾਨ, ਦੱਖਣੀ ਕੋਰੀਆ ਅਤੇ ਤੁਰਕੀ ਇਸ ਨਵੇਂ ਐਲਾਨ ਨਾਲ ਪ੍ਰਭਾਵਿਤ ਹੋਣਗੇ।ਇੰਨਾਂ ਤੋਂ ਇਲਾਵਾ ਛੋਟ ਪ੍ਰਾਪਤ ਕਰਨ ਵਾਲੇ ਤਿੰਨ ਹੋਰ ਮੁਲਕਾਂ ਇਟਲੀ , ਗ੍ਰੀਸ ਅਤੇ ਤਾਇਵਾਨ ਨੇ ਆਪਣਾ ਆਯਾਤ ਘਟਾ ਕੇ ਜ਼ੀਰੋ ਕਰ ਦਿੱਤਾ ਹੈ। ਇਰਾਨ ਪ੍ਰਮਾਣੂ ਸਮਝੌਤੇ ਤੋਂ ਵੱਖ ਹੋ ਕੇ ਟਰੰਪ ਪ੍ਰਸ਼ਾਸਨ ਇਰਾਨ ਨੂੰ ਆਰਥਿਕ ਅਤੇ ਕੂਟਨੀਤਕ ਤੌਰ ‘ਤੇ ਦੁਨੀਆ ਨਾਲੋਂ ਵੱਖ ਕਰਨ ਦੀ ਕੋਸ਼ਿਸ ਕਰ ਰਿਹਾ ਹੈ।ਇਰਾਨ ਤੋਂ ਤੇਲ ਆਯਾਤ ਲਈ ਛੋਟ ਨਵੰਬਰ 2018 ‘ਚ 180 ਦਿਨਾਂ ਲਈ ਲਾਗੂ ਕੀਤੀ ਗਈ ਸੀ, ਜਿਸ ਦੀ ਕਿ ਮਿਆਦ 2 ਮਈ ਨੂੰ ਖ਼ਤਮ ਹੋਣ ਜਾ ਰਹੀ ਹੈ।ਅਮਰੀਕਾ ਵੱਲੋਂ ਅਜਿਹਾ ਐਲਾਨ ਕੀਤਾ ਜਾਣਾ ਪਹਿਲਾਂ ਤੋਂ ਹੀ ਤੈਅ ਸੀ। ਭਾਰਤੀ ਵਿਦੇਸ਼ ਮਾਮਲਿਆਂ ਦੇ ਮੰਤਰਾਲੇ ਨੇ ਕਿਹਾ ਹੈ ਕਿ ਭਾਰਤ ਅਮਰੀਕੀ ਪ੍ਰਸ਼ਾਸਨ ਨਾਲ ਰਾਬਤਾ ਕਾਇਮ ਰੱਖੇਗਾ ਤਾਂ ਜੋ ਇਸ ਸਬੰਧੀ ਚਰਚਾ ਕੀਤੀ ਜਾ ਸਕੇ।ਭਾਰਤ ਵੱਲੋਂ ਲਗਾਤਾਰ ਅਮਰੀਕੀ ਅਧਿਕਾਰੀਆਂ ਨਾਲ ਗੱਲਬਾਤ ਕੀਤੀ ਜਾ ਰਹੀ ਹੈ ਤਾਂ ਜੋ ਛੋਟ ਦੀ ਮਿਆਦ ‘ਚ ਵਾਧਾ ਕਰਾਇਆ ਜਾ ਸਕੇ।ਜਿੱਥੇ ਇੱਕ ਪਾਸੇ ਅਮਰੀਕਾ ਨਾਲ ਗੱਲਬਾਤ ਜਾਰੀ ਹੈ ਉੱਥੇ ਹੀ ਭਾਰਤ ਵੱਲੋਂ ਤੇਲ ਆਯਾਤ ਲਈ ਇਰਾਨ ਦੇ ਬਦਲ ‘ਚ ਕਿਸੇ ਹੋਰ ਸਰੋਤ ਦੀ ਤਲਾਸ਼ ਵੀ ਕੀਤੀ ਜਾ ਰਹੀ ਹੈ। ਪੈਟਰੋਲੀਅਮ ਅਤੇ ...

ਯੂਕਰੇਨ ਦੇ ਸਿਆਸੀ ਇਤਿਹਾਸ ‘ਚ ਇੱਕ ਵੱਡਾ ਮਹੱਤਵਪੂਰਨ ਬਦਲਾਵ ਉਸ ਸਮੇਂ ਵੇਖਣ ਨੂੰ ਮਿਿਲਆ ਜਦੋਂ ਹਾਸਰਸ ਕਲਾਕਾਰ ਤੋਂ ਰਾਜਨੀਤੀ ‘ਚ ਆਏ ਸਿਆਸਤਦਾਨ ਵੋਲੋਦਮਿਰ ਜ਼ੇਲੇਨਸਕੀ ਨੇ ਰਾਸ਼ਟਰਪਤੀ ਚੋਣਾਂ ‘ਚ ਸ਼ਾਨਦਾਰ ਜਿੱਤ ਦਰਜ ਕੀਤੀ।73% ਤੋਂ ਵੀ ਵੱਧ ਵੋਟਾਂ ਹਾਸਿਲ ਕਰਕੇ ਉਨ੍ਹਾਂ ਨੇ ਇੱਕ ਨਵਾਂ ਇਤਿਹਾਸ ਸਰਿਿਜਆ ਹੈ।ਉਹ ਯੂਕਰੇਨ ਦੇ ਸਭ ਤੋਂ ਘੱਟ ਉਮਰ ਦੇ ਰਾਸ਼ਟਰਪਤੀ ਬਣ ਗਏ ਹਨ। ਜ਼ੇਲੇਨਸਕੀ ਜਿਸ ਨੇ ਕਿ ਮਸ਼ਹੂਰ ਟੀ.ਵੀ. ਸੀਰੀਜ਼ ‘ਚ ਰਾਸ਼ਟਰਪਤੀ ਦੀ ਭੂਮਿਕਾ ਨਿਭਾਈ ਸੀ, ਉਸ ਨੂੰ ਕੀ ਪਤਾ ਸੀ ਕਿ ਅਸਲ ਜੀਵਨ ‘ਚ ਉਹ ਇਸ ਅਹੁਦੇ ਦਾ ਆਨੰਦ ਮਾਣੇਗਾ।ਜ਼ੇਲੇਨਸਕੀ ਨੇ ਚੋਣਾਂ ਤੋਂ ਸਿਰਫ ਚਾਰ ਮਹੀਨੇ ਪਹਿਲਾਂ ਹੀ ਰਾਸ਼ਟਰਪਤੀ ਅਹੁਦੇ ਲਈ ਆਪਣੀ ਉਮੀਦਵਾਰੀ ਦਾ ਐਲਾਨ ਕੀਤਾ ਸੀ ਅਤੇ ਇਕ ਸਿਆਸੀ ਪਾਰਟੀ ਦਾ ਗਠਨ ਵੀ ਕੀਤਾ।ਕੋਈ ਵੀ ਸਿਆਸੀ ਤਜ਼ਰਬਾ ਨਾ ਹੋਣ ਕਰਕੇ  ਉਨ੍ਹਾਂ ਦੀ ਚੋਣ ਮੁਹਿੰਮ ਹੋਰਨਾਂ ਉਮੀਦਵਾਰਾਂ ਨਾਲੋਂ ਵੱਖਰੀ ਸੀ।ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਦੀ ਮਦਦ ਨਾਲ ਆਪਣੇ ਚੋਣ ਪ੍ਰਚਾਰ ਨੂੰ ਮਜ਼ਬੂਤ ਕੀਤਾ। ਯੂਕਰੇਨ ਦੇ ਚੋਣ ਨਤੀਜਿਆਂ ਨੇ ਲੋਕਵਾਦ ਅਤੇ ਸਿਆਸੀ ਸਥਾਪਨਾ ਦੇ ਵਿਰੋਧੀ ਭਾਵਨਾ ਦੀ ਲਹਿਰ ਨੂੰ ਉਤਸ਼ਾਹਿਤ ਕਰਨ ਵਾਲੇ ਰਾਜਨੀਤੀ ‘ਚ ਗ਼ੈਰ ਅਨੁਭਵੀ ਆਗੂਆਂ ਵੱਲ ਵੱਧ ਦੇ ਆਲਮੀ ਰੁਝਾਨ ਨੂੰ ਪੇਸ਼ ਕੀਤਾ ਹੈ।ਮੌਜੂਦਾ ਰਾਸ਼ਟਰਪਤੀ ਪੇਟਰੋ ਪੋਰੋਸ਼ੇਂਕੋ ਨੇ ‘ਚਰਚ, ਫੌਜ ਅਤੇ ਭਾਸ਼ਾ’  ਦਾ ਨਾਅਰਾ ਲਗਾ ਕੇ ਦੇਸ਼ਭਗਤੀ ਦਾ ਦਾਅਵਾ ਕੀਤਾ ਸੀ, ਜਦਕਿ ਜ਼ੇਲੇਨਸਕੀ ਨੇ  ...

ਲੋਕ ਸਭਾ ਚੋਣਾਂ ਦੇ ਤੀਜੇ ਪੜਾਅ ਲਈ ਮੰਗਲਵਾਰ ਨੂੰ 13 ਰਾਜਾਂ ਅਤੇ 2 ਕੇਂਦਰ ਸ਼ਾਸਤ ਰਾਜਾਂ ਦੀਆਂ 116 ਸੀਟਾਂ ‘ਤੇ 66% ਵੋਟਿੰਗ ਹੋਈ।ਕੁੱਲ 543 ਲੋਕ ਸਭਾ ਸੀਟਾਂ ‘ਚੋਂ 303 ਚੋਣ ਹਲਕਿਆਂ ‘ਚ ਮਤਦਾਨ ਹੋ ਚੁੱਕਾ ਹੈ, ਜੋ ਕਿ ਦੁਨੀਆਂ ਦੀ ਸਭ ਤੋਂ ਵੱਡੀ ਚੋਣ ਪ੍ਰਕ੍ਰਿਆ ਦਾ ਅਹਿਮ ਹਿੱਸਾ ਹੈ। ਬਾਕੀ ਰਹਿੰਦੇ ਪੜਾਵਾਂ ਲਈ ਵੱਖ-ਵੱਖ ਸਿਆਸੀ ਪਾਰਟੀਆਂ ਦੇ ਸੀਨੀਅਰ ਆਗੂਆਂ ਅਤੇ ਸਟਾਰ ਪ੍ਰਚਾਰਕਾਂ ਵੱਲੋਂ ਆਪੋ-ਆਪਣੇ ਉਮੀਦਵਾਰਾਂ ਦੇ ਹੱਕ ‘ਚ ਜ਼ੋਰ-ਸ਼ੋਰ ਨਾਲ ਚੋਣ ਪ੍ਰਚਾਰ ਕੀਤਾ ਜਾ ਰਿਹਾ ਹੈ। ਭਾਰਤੀ ਚੋਣ ਕਮਿਸ਼ਨ ਵੱਲੋਂ ਲੋਕ ਸਭਾ ਚੋਣਾਂ ਦੇ 7 ਪੜਾਵਾਂ ‘ਚੋਂ ਤਿੰਨ ਪੜਾਵਾਂ ਲਈ ਪਈਆਂ ਵੋਟਾਂ ਨੂੰ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਣ ਲਈ ਨਿਗਰਾਨੀ ਕੀਤੀ ਗਈ ਹੈ। ਤੀਜੇ ਗੇੜ੍ਹ ਲਈ ਹੋਏ ਮਤਦਾਨ ‘ਚ 116 ਸੰਸਦੀ ਚੋਣ ਹਲਕਿਆਂ ਲਈ 1640 ਉਮੀਦਵਾਰ ਚੋਣ ਮੈਦਾਨ ‘ਚ ਸਨ।ਇੰਨ੍ਹੀ ਵੱਡੀ ਗਿਣਤੀ ‘ਚ ਉਮੀਦਵਾਰਾਂ ਦਾ ਚੋਣ ਲੜ੍ਹਣਾ ਇਸ ਗੱਲ ਦੀ ਗਵਾਹੀ ਭਰਦਾ ਹੈ ਕਿ ਭਾਰਤ ‘ਚ ਲੋਕਤੰਤਰ ਦਾ ਬੋਲ ਬਾਲਾ ਕਾਇਮ ਹੈ।66% ਪਏ ਮਤਦਾਨ ਨੇ ਵੀ ਲੋਕਾਂ ਦੇ ਲੋਕਤੰਤਰ ‘ਚ ਦ੍ਰਿੜ ਵਿਸ਼ਵਾਸ ਨੂੰ ਪੇਸ਼ ਕੀਤਾ ਹੈ। ਤੀਜੇ ਪੜਾਅ ਲਈ ਦੇਸ਼ ਭਰ ‘ਚ ਦੋ ਲੱਖ ਤੋਂ ਵੱਧ ਮਤਦਾਨ ਕੇਂਦਰ ਸਥਾਪਿਤ ਕੀਤੇ ਗਏ ਸਨ।ਚੋਣ ਕਮਿਸ਼ਨ ਵੱਲੋਂ ਗੁਜਰਾਤ ਦੇ ਗਿਰ ਜੰਗਲ ‘ਚ ਬਨੇਜ ਪਿੰਡ ‘ਚ ਇਕਲੇ ਵੋਟਰ ਲਈ ਵੀ ਮਤਦਾਨ ਕੇਂਦਰ ਸਥਾਪਿਤ ਕੀਤਾ ਗਿਆ, ਜੋ ਕਿ ਇਹ ਦਰਸਾਉਂਦਾ ਹੈ ਕਿ ਹਰ ਇੱਕ ਵੋਟ ਦੀ ਵੱਡਮੁੱਲੀ ਕੀਮਤ ਹੈ।...

ਡੈਮੋਕਰੇਟਿਕ ਪੀਪਲਜ਼ ਰਿਪਬਲਿਕ ਆਫ਼ ਕੋਰੀਆ (ਉੱਤਰੀ ਕੋਰੀਆ) ਦੀ ਸਰਕਾਰੀ ਮਾਲਕੀ ਵਾਲੀ ਖ਼ਬਰ ਏਜੰਸੀ ਨੇ ਪਿਛਲੇ ਹਫ਼ਤੇ ਐਲਾਨ ਕੀਤਾ ਸੀ ਕਿ ਦੇਸ਼ ਨੇ ਇੱਕ ਨਿਰਦੇਸ਼ਿਤ ਹਥਿਆਰ ਦਾ ਸਫ਼ਲ ਪ੍ਰੀਖਣ ਕੀਤਾ ਹੈ।ਹਾਲਾਂਕਿ ਇਹ ਸਪਸ਼ੱਟ ਹੈ ਕਿ ਇਹ ਪ੍ਰੀਖਣ ਪ੍ਰਮਾਣੂ ਜਾਂ ਅੰਤਰ-ਮਹਾਂਦੀਪੀ ਬੈਲਿਸਟਿਕ ਮਿਜ਼ਾਇਲ ਪ੍ਰਵਿਰਤੀ ਦਾ ਨਹੀਂ ਸੀ।ਕੇ.ਸੀ.ਐਨ.ਏ. ਨੇ ਇਸ ਨੂੰ ਅਤਿ-ਆਧੁਨਿਕ ਪਰ ਨਿਰਦੇਸ਼ਕ ਹਥਿਆਰ ਵੱਜੋਂ ਦਰਸਾਇਆ ਹੈ।ਇਸ ਤੋਂ ਭਾਵ ਹੈ ਕਿ ਇਸ ਹਥਿਆਰ ਦੀ ਰੇਂਜ ਸੰਯੁਕਤ ਰਾਜ ਤੱਕ ਨਹੀਂ ਹੋ ਸਕਦੀ ਹੈ, ਜਿਸ ਨਾਲ ਕਿ ਅਮਰੀਕਾ ਨੂੰ ਕਿਸੇ ਤਰ੍ਹਾਂ ਦਾ ਨੁਕਸਾਨ ਪਹੁੰਚਾਇਆ ਜਾ ਸਕੇ। ਇਸ ਪ੍ਰੀਖਣ ਬਾਰੇ ਹੋਰ ਜਾਣਕਾਰੀ ਦੇਣ ਦੇ ਨਾਲ-ਨਾਲ ਉੱਤਰੀ ਕੋਰੀਆ ਸਰਕਾਰ ਨੇ ਕਿਹਾ ਹੈ ਕਿ ਉੱਤਰੀ ਕੋਰੀਆ ਨਾਲ ਪ੍ਰਮਾਣੂ ਮਸਲੇ ‘ਤੇ ਗੱਲਬਾਤ ਲਈ ਅਮਰੀਕਾ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਦੀ ਜਗ੍ਹਾ ਕਿਸੇ ਹੋਰ ਨੁਮਾਇੰਦੇ ਨੂੰ ਅੱਗੇ ਲਿਆਵੇ।ਇਸ ਬਿਆਨ ਤੋਂ ਪਤਾ ਚੱਲਦਾ ਹੈ ਕਿ ਉੱਤਰੀ ਕੋਰੀਆ ਕੂਟਨੀਤਕ ਲਾਭ ਚੁੱਕਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਵਾਈਟ ਹਾਊਸ ਵੱਲੋਂ ਇਸ ਸਬੰਧੀ ਕੁੱਝ ਸਖਤ ਰਵੱਈਆ ਨਹੀਂ ਅਪਣਾਇਆ ਗਿਆ ਅਤੇ ਨਾਲ ਹੀ ਪਿਯਾਂਗਯਾਂਗ ਨੂੰ ਇੱਕ ਉਸਾਰੂ ਗੱਲਬਾਤ ਲਈ ਚੌਕਸ ਰਹਿਣ ਲਈ ਕਿਹਾ ਹੈ।ਇਸ ਤੋਂ ਸੰਕੇਤ ਮਿਲਦਾ ਹੈ ਕਿ ਟਰੰਪ ਪ੍ਰਸ਼ਾਸਨ ਦੋਵਾਂ ਮੁਲਕਾਂ ਵਿਚਾਲੇ ਚੱਲ ਰਹੀ ਦੁਵੱਲੀ ਗੱਲਬਾਤ ਨੂੰ ਲੀਹੋਂ ਨਹੀਂ ਉਤਰਨ ਦੇਣਾ ਚਾਹੇਗਾ। ਉੱਤਰੀ ਕੋਰੀਆ ਵੱਲੋਂ ਕੀਤੇ ਗਏ ਇਸ ਪ੍ਰੀਖਣ ਦੀਆਂ ਰ...

ਸ੍ਰੀਲੰਕਾ ‘ਚ ਈਸਟਰ ਦੇ ਦਿਨ ਗਿਰਜਾਘਰਾਂ ‘ਚ ਚੜ੍ਹਦੀ ਸਵੇਰ ਨੂੰ ਜੋ ਕੁੱਝ ਵੀ ਵਾਪਰਿਆ ਅਤੇ ਉਸ ਦੀ ਗੰਭੀਰਤਾ ਨਾਲ ਪੂਰੀ ਦੁਨੀਆ ਜਾਣੂ ਹੈ।ਸਵੇਰ ਦੇ ਸਮੇਂ ਹੋਏ ਲੜੀਵਾਰ ਬੰਬ ਧਮਾਕਿਆਂ ਕਾਰਨ ਟਾਪੂ ਮੁਲਕ ਦੀ ਸ਼ਾਂਤੀ ਨੂੰ ਵੱਡੀ ਢਾਅ ਲੱਗੀ ਹੈ।ਸ੍ਰੀਲੰਕਾ ਦੇ ਇਤਿਹਾਸ ‘ਚ ਇਹ ਸਭ ਤੋਂ ਭਿਆਨਕ ਹਮਲਿਆਂ ਦੀ ਗਵਾਹੀ ਭਰਦਾ ਅੱਤਵਾਦੀ ਹਮਲਾ ਹੈ।ਦੱਸਣਯੋਗ ਹੈ ਕਿ ਵਧੇਰੇਤਰ ਧਮਾਕੇ ਰਾਜਧਾਨੀ ਕੋਲੰਬੋ ਵਿਖੇ ਹੋਏ।ਸਥਾਨਕ ਸਮੇਂ ਅਨੁਸਾਰ ਇਹ ਬੰਬ ਧਮਾਕੇ ਸਵੇਰ 8.45 ‘ਤੇ ਈਸਟਰ ਪ੍ਰਾਰਥਨਾ ਸਭਾ ਦੌਰਾਨ ਸਭ ਤੋਂ ਪਹਿਲਾਂ ਕੋਲੰਬੋ ਦੀ ਸੇਂਟ ਐਂਥਨੀ ਚਰਚ, ਪੱਛਮੀ ਤੱਟੀ ਸ਼ਹਿਰ ਨੇਗਂਬੋ ਦੀ ਸੇਂਟ ਸੇਬਾਸਟੀਅਨ ਚਰਚ ਅਤੇ ਬੱਟੀਕਲੋਵਾ ਦੀ ਇੱਕ ਚਰਚ ‘ਚ ਹੋਏ।ਇਸ ਤੋਂ ਬਾਅਦ ਤਿੰਨ ਪੰਜ ਸਿਤਾਰਾ ਹੋਟਲਾਂ ਅਤੇ ਗੈਸਟ ਹਾਊਸ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ।ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਦੇਸ਼ ਦੀ ਕੁੱਲ ਅਬਾਦੀ ਦਾ 6% ਕੈਥੋਲਿਕ ਸਮਾਜ ਦੇ ਲੋਕ ਹਨ ਅਤੇ ਜਦੋਂ ਉਨ੍ਹਾਂ ਵੱਲੋਂ ਈਸਟ ਪ੍ਰਾਰਥਨਾ ਸਭਾ ‘ਚ ਹਿੱਸਾ ਲਿਆ ਜਾ ਰਿਹਾ ਸੀ ਉਸ ਸਮੇਂ ਇੰਨ੍ਹਾਂ ਲੜੀਵਾਰ ਬੰਬ ਧਮਾਕਿਆਂ ਨੂੰ ਅੰਜਾਮ ਦਿੱਤਾ ਗਿਆ। ਸਿਰਫ ਛੇ ਘੰਟਿਆਂ ‘ਚ ਕੁੱਲ ਮਿਲਾ ਕੇ 8 ਬੰਬ ਧਮਾਕੇ ਹੋਏ, ਜਿਸ ‘ਚ 290 ਤੋਂ ਵੀ ਵੱਧ ਲੋਕ ਮਾਰੇ ਗਏ ਅਤੇ 500 ਤੋਂ ਵੀ ਵੱਧ ਲੋਕ ਜ਼ਖਮੀ ਹੋ ਗਏ ਹਨ।ਮ੍ਰਿਤਕਾਂ ‘ਚ 6 ਭਾਰਤੀਆਂ ਤੋਂ ਇਲਾਵਾ ਯੂਰੋਪ ਅਤੇ ਅਮਰੀਕਾ ਦੇ ਵੀ ਨਾਗਰਿਕ ਸ਼ਾਮਿਲ ਹਨ।ਇਹ ਅੱਤਵਾਦੀ ਹਮਲਾ ਕਿਤੇ ਨਾ ਕਿਤੇ 26 ਨਵ...

ਭਾਰਤ ਵਿੱਚ ਅਮਰੀਕਾ ਦੇ ਸਾਬਕਾ ਰਾਜਦੂਤ ਰਾਬਰਟ ਬਲੈਕਵਿਲ ਨੇ ਵਿਸ਼ੇਸ਼ ਕਰ ਭਾਰਤ ਦੇ ਮਾਮਲੇ ਵਿੱਚ ਅਮਰੀਕੀ ਰਾਸ਼ਟਰਪਤੀ ਦੀ ਨੀਤੀ ਨੂੰ ਲੈ ਕੇ ਕੀਤੇ ਗਏ ਆਪਣੇ ਮੁਲਾਂਕਣ ਵਿੱਚ ਰਾਸ਼ਟਰਪਤੀ ਡੌਨਲਡ ਟਰੰਪ ਨੂੰ 'ਬੀ ਪਲੱਸ' ਗ੍ਰੇਡ ਦਿੱਤੀ ਹੈ। ਇਸ ਮੁਲਾਂਕਣ ਦਾ ਸਮਾਂ ਬਹੁਤ ਅਹਿਮ ਹੈ। ਇਸ ਸਮੇਂ ਰਾਸ਼ਟਰਪਤੀ ਡੌਨਲਡ ਟਰੰਪ ਦੂਜੇ ਕਾਰਜਕਾਲ ਲਈ ਪ੍ਰਚਾਰ ਕਰ ਰਹੇ ਹਨ ਅਤੇ ਠੀਕ ਇਸੇ ਤਰ੍ਹਾਂ ਭਾਰਤੀ ਸਰਕਾਰ ਵੀ ਇਸ ਕਾਰਜ ਵਿੱਚ ਰੁੱਝੀ ਹੋਈ ਹੈ। ਬਲੈਕਵਿਲ ਦੀ ਅਗਵਾਈ ਵਾਲੀ ਕੌਂਸਲ ਆਨ ਫੌਰਨ ਰਿਲੇਸ਼ਨਜ਼ (ਸੀ.ਐਫ.ਆਰ.) ਦੀ ਵਿਸ਼ੇਸ਼ ਰਿਪੋਰਟ ਵਿੱਚ ਕਿਹਾ ਹੈ ਕਿ ਟਰੰਪ ਦੀ ਵਿਦੇਸ਼ ਨੀਤੀ ਜਿਸ ਤਰ੍ਹਾਂ ਦੀ ਜਾਪਦੀ ਹੈ ਉਹ ਉਸ ਤੋਂ ਕਿਤੇ ਜ਼ਿਆਦਾ ਬਿਹਤਰ ਹੈ। ਇਸ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਭਾਰਤ ਨਾਲ ਸਥਿਰ ਤਰੀਕੇ ਨਾਲ ਰਣਨੀਤਕ ਸਬੰਧਾਂ ਨੂੰ ਨਿਰੰਤਰ ਅੱਗੇ ਵਧਾਉਣ ਦਾ ਸਿਹਰਾ ਰਾਸ਼ਟਰਪਤੀ ਟਰੰਪ ਦਿੱਤਾ ਜਾਣਾ ਚਾਹੀਂਦਾ ਹੈ। ਇਸ ਤਰ੍ਹਾਂ ਹੀ ਭਾਰਤ ਦੀ ਵਿਦੇਸ਼ ਨੀਤੀ ਅਤੇ ਅਮਰੀਕਾ ਦੇ ਨਾਲ ਰਣਨੀਤਿਕ ਸਾਂਝੇਦਾਰੀ ਨੂੰ ਅੱਗੇ ਵਧਾਉਣ ਲਈ ਇਸ ਦੀਆਂ ਪ੍ਰਾਪਤੀਆਂ 'ਤੇ ਭਾਰਤੀ ਵਿਦਵਾਨਾਂ ਨੇ ਅਮਰੀਕਾ ਦੇ ਉਲਟ ਸਲਾਹ ਦਿੱਤੀ ਹੈ। ਇਸ ਲਈ ਭਾਰਤ ਨੂੰ ਏ ਗਰੇਡ ਮਿਲਣ ਦੀ ਸੰਭਾਵਨਾ ਹੈ। ਰਾਜਦੂਤ ਬਲੈਕਵਿਲ ਦੀ ਰਾਇ ਅਨੁਸਾਰ, ਵਾਸ਼ਿੰਗਟਨ ਦੇ ਭਾਰਤ ਨਾਲ ਰਣਨੀਤਿਕ ਸਬੰਧ ਜੋ 21ਵੀਂ ਸਦੀ ਦੇ ਸ਼ੁਰੂ ਤੋਂ ਹੋਰ ਗੂੜੇ ਹੋ ਰਹੇ ਹਨ, ਇਨ੍ਹਾਂ ਨੂੰ ਹੋਰ ਮਜ਼ਬੂਤ ਕਰਨ ਦ...

ਭੂਟਾਨ ਨੇ ਦੂਜੇ ਬੀ.ਆਰ.ਆਈ. ਫੋਰਮ ਨਾਲ ਬਾਈਕਾਟ ਕਰਨ ਦਾ ਫ਼ੈਸਲਾ ਕੀਤਾ ਹੈ, ਜੋ ਇਸ ਮਹੀਨੇ ਦੇ ਆਖਿਰ 'ਚ ਚੀਨ ਦੇ ਬੀਜਿੰਗ ਵਿਖੇ ਕਰਨ ਦਾ ਅਨੁਮਾਨ ਹੈ। ਇਸ ਫ਼ੈਸਲੇ ਸਬੰਧੀ ਥਿੰਫੂ ਨੇ ਕੋਈ ਖ਼ਾਸ ਕਾਰਨ ਨਹੀਂ ਦਿੱਤੇ। ਭੂਟਾਨ ਨੇ ਮਈ 2017 ਵਿਚ ਆਯੋਜਿਤ ਪਹਿਲੇ ਬੀ.ਆਰ.ਆਈ. ਫੋਰਮ ਦਾ ਵੀ ਬਾਈਕਾਟ ਕੀਤਾ ਸੀ। ਬਾਅਦ ਵਿਚ ਬਾਈਕਾਟ ਕਰਨ ਬਾਰੇ ਭੂਟਾਨ ਨੇ ਦੱਸਿਆ ਕਿ ਬੀ.ਆਰ.ਆਈ ਇਕ ਨਵਾਂ ਪ੍ਰੋਜੈਕਟ ਸੀ, ਜਿਸ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਸੀ। ਇਸ ਲਈ ਭੂਟਾਨ ਨੇ ਬੀ.ਆਰ.ਆਈ. ਵਿਚ ਸ਼ਾਮਿਲ ਹੋਣ ਜਾਂ ਕਿਸੇ ਵੀ ਤਰ੍ਹਾਂ ਦੀ ਹਿੱਸੇਦਾਰੀ ਤੋਂ ਪਹਿਲਾਂ ਇਸਨੂੰ ਸਮਝਣ ਅਤੇ ਉਡੀਕ ਕਰਨ ਦੀ ਚੋਣ ਕੀਤੀ। ਭਾਰਤ ਦੇ ਦੂਜੇ ਬੀ.ਆਰ.ਆਈ. ਫੋਰਮ 'ਚ ਹਿੱਸਾ ਨਾ ਲੈਣ ਦੇ ਫ਼ੈਸਲੇ ਤੋਂ ਤਿੰਨ ਦਿਨ ਬਾਅਦ ਭੂਟਾਨ ਦਾ ਇਹ ਫ਼ੈਸਲਾ ਸਾਹਮਣਾ ਆਇਆ ਹੈ, ਜਦੋਂਕਿ ਬੰਗਲਾਦੇਸ਼, ਮਾਲਦੀਵਸ, ਨੇਪਾਲ, ਪਾਕਿਸਤਾਨ ਅਤੇ ਸ੍ਰੀਲੰਕਾ ਸਮੇਤ ਹੋਰਨਾਂ ਦੱਖਣੀ ਏਸ਼ੀਆਈ ਮੁਲਕਾਂ ਨੇ ਇਸ ਸਮਾਰੋਹ ਵਿੱਚ ਸ਼ਾਮਿਲ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਭਾਰਤ ਨੇ ਬੀ.ਆਰ.ਆਈ. 'ਤੇ ਆਪਣੀ ਸਥਿਤੀ ਨੂੰ ਦੁਹਰਾਉਂਦਿਆ ਕਿਹਾ ਕਿ "ਸੰਪਰਕਤਾ ਸਬੰਧੀ ਪਹਿਲਕਦਮੀ ਵਿਸ਼ਵ ਵਿਆਪੀ ਮਾਨਤਾ ਪ੍ਰਾਪਤ ਅੰਤਰਰਾਸ਼ਟਰੀ ਨਿਯਮਾਂ, ਚੰਗੇ ਪ੍ਰਸ਼ਾਸਨ, ਕਾਨੂੰਨ ਦੇ ਨਿਯਮਾਂ, ਖੁੱਲੇਪਣ, ਪਾਰਦਰਸ਼ਤਾ ਅਤੇ ਬਰਾਬਰੀ ਉੱਤੇ ਆਧਾਰਿਤ ਹੋਣੀ ਚਾਹੀਦੀ ਹੈ ਅਤੇ ਇਸਨੂੰ ਇਸ ਤਰੀਕੇ ਨਾਲ ਅਪਣਾਇਆ ਜਾਣਾ ਚਾਹੀਦਾ ਹੈ ਜਿਸ ਨਾਲ ਇਸਦੀ ਪ...

ਇਸ ਹਫ਼ਤੇ ,  ਭਾਰਤ   ਨੇ   ਉੜੀਸਾ ਵਿੱਚ ਇੱਕ ਜਾਂਚ ਕੇਂਦਰ ਤੋਂ ਆਪਣੇ ਪਹਿਲੇ ਸੁਤੰਤਰ ਤੌਰ ਤੇ ਡਿਜ਼ਾਈਨ ਕੀਤੇ ਗਏ ਅਤੇ ਵਿਕਸਤ ਲੰਮੀ ਰੇਂਜ ਵਾਲੇ ਉਪ-ਸੋਨਿਕ ਕਰੂਜ਼ ਮਿਜ਼ਾਈਲ ' ਨਿਰਭੈ '  ਦੀ ਸਫਲਤਾਪੂਰਵਕ ਉਡਾਣ ਦਾ ਪ੍ਰੀਖਣ ਕੀਤਾ ਹੈ।  ' ਨਿਰਭੈ '  ਇੱਕ ਜ਼ਮੀਨ ਤੇ ਹਮਲਾ ਕਰਨ ਵਾਲੀ ਕਰੂਜ਼ ਮਿਜ਼ਾਇਲ ਹੈ ਜਿਸ ਵਿੱਚ ਆਪਣੇ ਨਾਲ ਪ੍ਰਮਾਣੂ ਬੰਬ ਲਿਜਾਣ ਦੀ ਸਮਰਥਾ ਹੈ ਅਤੇ ਇਹ 1000 ਕਿਲੋਮੀਟਰ ਦੇ ਖੇਤਰ ਤੱਕ ਮਾਰ ਕਰਦੀ ਹੈ। ਇਹ ਮਿਜ਼ਾਇਲ 0.7 ਮੇਕ ਦੀ   ਗਤੀ  ' ਤੇ  ਵਿਚਰਨ ਦੇ ਸਮਰੱਥ ਹੈ ਅਤੇ ਇਹ ਘੱਟ ਤੋਂ ਘੱਟ 100 ਮੀਟਰ ਨਿਸ਼ਚਤ ਟੀਚੇ ਦੀ ਰੇਂਜ ਨੂੰ ਕਵਰ ਕਰਦੇ ਹੋਏ ਸਟੀਕ ਨਿਸ਼ਾਨਾ ਲਗਾ ਸਕਦੀ ਹੈ। ਆਪਣੇ ਵਿਚਰਨ ਦੀ ਸਮਰਥਾ ਅਤੇ ਆਪਣੇ ਨਿਸ਼ਚਿਤ ਟੀਚੇ ਤੇ ਸਹੀ ਮਾਰ ਕਰਨ ਵਾਲੀ ਇਹ ਅਤਿ-ਆਧੁਨਿਕ ਮਿਜ਼ਾਇਲ ਹੈ। ਇਹ ਪਹਿਲਾਂ ਆਪਣਾ ਨਿਸ਼ਾਨਾ ਨਿਸ਼ਚਿਤ ਕਰਦੀ ਹੈ ਅਤੇ ਉਸ ਤੋਂ ਬਾਅਦ ਤੇਜ ਗਤੀ ਨਾਲ ਨਿਸ਼ਾਨੇ 'ਤੇ ਵਾਰ ਕਰਦੀ ਹੈ। ਇਸ ਮਿਜ਼ਾਇਲ ਦਾ ਪ੍ਰੀਖਣ ਪੂਰੀ ਤਰ੍ਹਾਂ ਸਫਲ ਰਿਹਾ, ਬੇਸ਼ੱਕ ਉਹ ਇਹ ਪ੍ਰੀਖਣ ਪੂਰੀ ਤਰ੍ਹਾਂ ਰੇਂਜ ਨਾਲ ਉਡਾਣ ਭਰਨ ਸੰਬੰਧੀ ਹੋਵੇ ਜਾਂ ਨਿਸ਼ਾਨੇ ਲਾਉਣ ਸੰਬੰਧੀ। ਇਸ ਮਿਸ਼ਨ ਦੇ ਸਾਰੇ ਉਦੇਸ਼ਾਂ ਨੂੰ ਪੂਰਾ ਕੀਤਾ  ਹੈ ਅਤੇ ਇਸ ਤਜ਼ਰਬੇ ਨਾਲ  ਜੁੜੇ ਸਾਰੇ ਵਿਗਿਆਨੀਆਂ ਦੇ ਵਿਸ਼ਵਾਸ ਵਿੱਚ ਵਾਧਾ ਕੀਤਾ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਇਸ ਵਿੱਚ ਰਾਕੇਟ ਬੂਸਟ...

ਸੂਡਾਨ ‘ਚ ਪਿਛਲੇ ਇੱਕ ਹਫ਼ਤੇ ‘ਚ ਜਿੰਨੇ ਬਦਲਾਅ ਵੇਖਣ ਨੂੰ ਮਿਲੇ ਹਨ ਇੰਨੇ ਤਾਂ ਰਾਸ਼ਟਰਪਤੀ ਓਮਰ ਅਲ ਬਸ਼ੀਰ ਦੇ ਕਾਰਜਕਾਲ ਦੌਰਾਨ ਪਿਛਲੇ 3 ਦਹਾਕਿਆਂ ‘ਚ ਵੀ ਨਹੀਂ ਹੋਏ ਸਨ।ਸੂਡਾਨ ‘ਚ ਕਈ ਮਹੀਨਿਆਂ ਦੇ ਵਿਰੋਧ ਪ੍ਰਦਰਸ਼ਨ ਤੋਂ ਬਾਅਦ ਰਾਸ਼ਟਰਪਤੀ ਬਸ਼ੀਰ ਦਾ ਇਸ ਮਹੀਨੇ ਤਖ਼ਤਾ ਪਲਟ ਦਿੱਤਾ ਗਿਆ। ਸਾਲ 1989 ‘ਚ ਸੱਤਾ ‘ਚ ਕਾਬਜ ਹੋਣ ਤੋਂ ਬਾਅਦ ਸ੍ਰੀ ਬਸ਼ੀਰ ਨੇ ਅਜਿਹੇ ਰਸਤੇ ਦੀ ਚੋਣ ਕੀਤੀ ਕਿ ਉਹ ਸੰਕਟ ਨਾਲ ਜੂਝ ਰਹੇ ਸੂਡਾਨ ਦੇ ਸਥਾਈ ਰੂਪ ‘ਚ ਸ਼ਾਸਕ ਬਣੇ ਰਹੇ।ਰਾਸ਼ਟਰਪਤੀ ਬਸ਼ੀਰ ਉਸ ਨਾਗਰਿਕ ਜੰਗ ‘ਚੋਂ ਬਚ ਨਿਕਲੇ ਸਨ , ਜਿਸ ‘ਚ ਸੂਡਾਨ ਨੇ ਆਪਣਾ 1/3 ਭੂ-ਭਾਗ ਅਤੇ ¾ ਤੇਲ ਮਾਲੀਆ ਗਵਾ ਦਿੱਤਾ ਸੀ, ਜਦੋਂ 2011 ‘ਚ ਦੱਖਣੀ ਸੂਡਾਨ ਨੇ ਆਜ਼ਾਦੀ ਪ੍ਰਾਪਤ ਕੀਤੀ ਸੀ।ਸ੍ਰੀ ਬਸ਼ੀਰ ਨੇ ਦੋ ਦਹਾਕਿਆਂ ਤੋਂ ਕੌਮਾਂਤਰੀ ਇੱਕਲ ਨੂੰ ਆਪਣੇ ਸਿਆਸੀ ਲਾਭ ਲਈ ਇਸਤੇਮਾਲ ਕੀਤਾ।ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੀਆਂ ਨਾਕਾਮਯਾਬੀਆਂ ਨੂੰ ਆਲਮੀ ਸਥਿਤੀਆਂ ਦੇ ਮੱਥੇ ਮੜ੍ਹਿਆ। ਪਰ ਜੋ ਕੁੱਝ ਵੀ ਉਨ੍ਹਾਂ ਨੇ ਤਿੰਨ ਦਹਾਕਿਆ ‘ਚ ਕੀਤਾ ਉਸ ਦਾ  ਸਿੱਟਾ ਉਨ੍ਹਾਂ ਨੂੰ 11 ਅਪ੍ਰੈਲ ਨੂੰ ਮਿਲ ਹੀ ਗਿਆ।ਸ੍ਰੀ ਬਸ਼ੀਰ ਨੂੰ ਰਾਸ਼ਟਰਪਤੀ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ।ਇਸ ਸਮੇਂ ਸੂਡਾਨਵਾਸੀਆਂ ਲਈ ਬਹੁਤ ਜ਼ਰੂਰੀ ਹੈ ਕਿ ਉਨ੍ਹਾਂ ਸਿਆਸੀ ਆਗੂਆਂ ਤੋਂ ਆਪਣੀ ਕ੍ਰਾਂਤੀ ਨੂੰ ਸੁਰੱਖਿਅਤ ਕਰਨ, ਜੋ ਕਿ ਸੱਤਾ ‘ਚ ਆਪਣੇ ਪੈਰ ਜਮਾਈ ਰੱਖਣ ਲਈ ਕੁੱਝ ਵੀ ਸਮਝੌਤਾ ਕਰਨ ਨੂੰ ਤਿਆਰ ਹਨ। ਪ੍ਰਦਰਸ਼ਨਕਾਰੀਆਂ...

ਹਾਲ ਹੀ ਵਿਚ ਕਵੇਟਾ ਵਿਚ ਹੋਏ ਦਹਿਸ਼ਤਗਰਦ ਹਮਲੇ ਵਿਚ ਹਜ਼ਾਰਾ ਭਾਈਚਾਰੇ ਦੇ  20 ਲੋਕ ਮਾਰੇ ਗਏ ਸਨ ਅਤੇ 48 ਜ਼ਖ਼ਮੀ ਹੋਏ ਸਨ। ਇਹ ਘਟਨਾ ਪਾਕਿਸਤਾਨ ਵਿਚ ਘੱਟਗਿਣਤੀਆਂ ਦੀ ਹਾਲਤ ਨੂੰ ਪੇਸ਼ ਕਰਦੀ ਹੈ। ਖਾਸ ਤੌਰ 'ਤੇ ਹਜ਼ਾਰਾ ਸਮੂਹ 'ਤੇ ਵਧਦੇ ਹਮਲਿਆਂ ਨੇ ਪਾਕਿਸਤਾਨ ਵਿਚ ਘੱਟ ਗਿਣਤੀਆਂ ਦੇ ਖਿਲਾਫ ਅਜਿਹੇ ਅਪਰਾਧਾਂ ਦੀ ਕਿਸਮ ਬਾਰੇ ਨਵੇਂ ਸਵਾਲ ਉਠਾਏ ਹਨ। ਕੁਝ ਲੋਕ ਹਿੰਸਾ ਨੂੰ ਸੁੰਨੀ ਸ਼ੀਆ ਸੰਪਰਦਾਇਕ ਹਿੰਸਾ ਵਜੋਂ ਦੇਖ ਰਹੇ ਹਨ, ਜਦਕਿ ਦੂਜੇ ਇਸ ਨੂੰ ਹਜ਼ਾਰਾ ਭਾਈਚਾਰੇ ਪ੍ਰਤੀ ਯੋਜਨਾਬੱਧ ਸਾਜ਼ਿਸ਼ ਸਮਝਦੇ ਹਨ। ਪ੍ਰਾਂਤਕ ਅਤੇ ਸੰਘੀ ਸਰਕਾਰ ਦੇ ਵਿਰੁੱਧ ਹਜ਼ਾਰਾ ਸਮੂਹ ਵਲੋਂ ਵਿਰੋਧ ਪ੍ਰਦਰਸ਼ਨ ਜਾਰੀ ਹਨ। ਉਨ੍ਹਾਂ ਦੀਆਂ ਮੰਗਾਂ ਦੋ ਗੱਲਾਂ ਦੁਆਲੇ ਘੁੰਮਦੀਆਂ ਹਨ, ਪਹਿਲੀ, ਆਪਣੇ ਭਾਈਚਾਰੇ ਉੱਪਰ ਹੋਏ ਹਮਲਿਆਂ ਲਈ ਜਿੰਮੇਵਾਰ ਅੱਤਵਾਦੀ ਸੰਗਠਨਾਂ ਵਿਰੁੱਧ ਕਾਰਵਾਈ ਅਤੇ ਦੂਜੀ ਵਾਰ ਕੌਮੀ ਕਾਰਜ ਯੋਜਨਾ (ਐਨ.ਏ.ਪੀ). ਦਾ ਗਠਨ। ਇਹ ਜਾਣਨਾ ਉਚਿਤ ਹੈ ਕਿ ਹਜ਼ਾਰਾ ਕੌਣ ਹਨ ਅਤੇ ਉਹ ਪਾਕਿਸਤਾਨ ਦੇ ਅੱਤਵਾਦੀ ਸਮੂਹਾਂ ਦੀ ਹਿੱਟ ਲਿਸਟ ਉੱਤੇ ਕਿਉਂ ਹਨ? ਪਾਕਿਸਤਾਨ ਦੇ ਹਜ਼ਾਰਾ ਮੱਧ ਏਸ਼ੀਆ ਦੇ ਮੂਲਵਾਸੀ ਹਨ, ਜੋ ਮੰਗੋਲੀਅਨ ਵਿਸ਼ੇਸ਼ਤਾਵਾਂ ਵਾਲਾ ਇਕ ਨਸਲੀ ਸਮੂਹ ਹੈ। ਕੁਏਟਾ (ਬਲੋਚਿਸਤਾਨ) ਦੇ ਮੁੱਖ ਤੌਰ 'ਤੇ ਸ਼ੀਆ ਕੇਂਦਰੀ ਏਸ਼ੀਆ ਤੋਂ ਪਰਵਾਸ ਕਰ ਕੇ ਆਏ ਹਨ ਪਰ ਬੁਰੀ ਗੱਲ ਇਹ ਹੈ ਕਿ ਪਾਕਿਸਤਾਨ ਵਿਚ ਵੀ ਉਨ੍ਹਾਂ ਨੂੰ ਸੁੰਨੀ ਕੱਟੜਪੰਥੀ ਸ...

ਉੱਤਰੀ ਕੋਰੀਆ ਅਤੇ ਅਮਰੀਕਾ ਦਰਮਿਆਨ ਵੱਧਦੇ ਤਣਾਅ ਦੀ ਪਿੱਠਭੂਮੀ ‘ਚ, ਵਿਸ਼ੇਸ਼ ਤੌਰ ‘ਤੇ ਹਨੋਈ ਸੰਵਾਦ ਬਿਨ੍ਹਾਂ ਕਿਸੇ ਸਿੱਟੇ ਮੁਕੰਮਲ ਹੋਣ ਦੀ ਸਥਿਤੀ ‘ਚ ਪਿਯਾਂਗਯਾਂਗ ‘ਚ ਉੱਤਰੀ ਕੋਰੀਆ ਦੀ 14ਵੀਂ ਸਰਬੋਤਮ ਪੀਪਲਜ਼ ਅਸੈਂਬਲੀ ਦਾ ਪਹਿਲਾ ਸੈਸ਼ਨ ਇੱਕ ਵੱਡੀ ਤਬਦੀਲੀ ਦਾ ਗਵਾਹ ਬਣਿਆ। ਦੇਸ਼ ਦੇ ਕਈ ਪ੍ਰਮੁੱਖ ਆਗੂਆਂ ਨੂੰ ਉਨ੍ਹਾਂ ਦੇ ਅਹੁਦਿਆਂ ਤੋਂ ਤਬਦੀਲ ਕੀਤਾ ਗਿਆ ਅਤੇ ਕਈਆਂ ਨੂੰ ਅਹਿਮ ਅਹੁਦਿਆਂ ਦਾ ਕਾਰਜਭਾਰ ਸੰਭਾਲਿਆ ਗਿਆ। ਨਵੇਂ ਅਹੁਦਿਆਂ ਦੀ ਸਿਰਜਣਾ ਕੀਤੀ ਗਈ।ਇਸ ਦੇ ਨਾਲ ਹੀ 2018 ਦੇ ਰਾਸ਼ਟਰ ਬਜਟ ਅਤੇ 2019 ਦੇ ਅਨੁਮਾਨਿਤ ਬਜਟ ਨੂੰ ਮਨਜ਼ੂਰੀ ਦਿੱਤੀ ਗਈ। ਨਵੇਂ ਚੁਣੇ ਗਏ ਨੁਮਾਇੰਦਿਆਂ ਨੇ ਰਾਜ ਮਾਮਲਿਆਂ ਕਮਿਸ਼ਨ ਦੇ ਚੇਅਰਮੈਨ ਦੀ ਚੋਣ ਸਬੰਧੀ ਚਰਚਾ ਵੀ ਕੀਤੀ।ਇਹ ਸੰਵਾਦ ਡੇਮੋਕਰੇਟਿਕ ਪੀਪਲਜ਼ ਰਿਪਬਲਿਕ ਆਫ਼ ਕੋਰੀਆ ਦੀ ਰਾਜਨੀਤੀ ਸਥਿਤੀ ਨੂੰ ਮੁੜ ਪਰਿਭਾਸ਼ਿਤ ਕਰਨ ਲਈ “ ਰਾਜ ਸਮਾਨੀਕਰਣ” ਦੇ ਵਿਸ਼ੇ ‘ਤੇ ਕੇਂਦਰਿਤ ਰਿਹਾ। ਕਿਮ ਜਾਂਗ ਉਨ ਦੀ ਐਸ.ਏ.ਸੀ. ਦੇ ਚੇਅਰਮੈਨ ਵੱਜੋਂ ਮੁੜ ਚੋਣ ਕੀਤੀ ਗਈ।ਉਨ੍ਹਾਂ ਨੂੰ “ ਸਾਰੇ ਕੋਰੀਆਈ ਲੋਕਾਂ ਦੇ ਸਰਬਉੱਚ ਪ੍ਰਤੀਨਿਧੀ” ਦੀ ਨਵੀਂ ਉਪਾਧੀ ਵੀ ਦਿੱਤੀ ਗਈ। ਇਸ ਦਾ ਅਰਥ ਇਹ ਹੈ ਕਿ ਉਹ ਪਾਰਟੀ, ਰਾਜ ਅਤੇ ਫੌਜ ਦੇ ਸਬ ਤੋਂ ਉੱਚ ਆਗੂ ਬਣੇ ਰਹਿਣਗੇ।ਬਹਿਰਹਾਲ ਕਿਮ ਜਾਂਗ ਉਨ ਇਸ ਇਜਲਾਸ ‘ਚ ਸ਼ਾਮਿਲ ਨਹੀਂ ਹੋਏ। ਪਾਕ ਪੋਂਗ ਜੂ ਨੇ 2003 ਤੋਂ 2007 ਤੱਕ ਅਤੇ 2013 ਤੋਂ 2019 ਤੱਕ ਉੱਤਰੀ ਕੋਰੀਆ ਦੇ ਵਿਵਹ...

ਪਿਛਲੇ ਪੰਜ ਸਾਲਾਂ ‘ਚ ਭਾਰਤ ਦੀ ਔਸਤਨ ਆਰਥਿਕ ਵਾਧਾ ਦਰ 7% ਤੋਂ ਵੱਧ ਰਹੀ ਹੈ।ਇਸ ਨੇ ਭਾਰਤ ਨੂੰ ਦੁਨੀਆਂ ਦੀਆਂ ਸਭ ਤੋਂ ਤੇਜ਼ੀ ਨਾਲ ਵਿਕਸਿਤ ਹੋਣ ਵਾਲੀਆਂ ਅਰਥ ਵਿਵਸਥਾਵਾਂ ‘ਚੋਂ ਇੱਕ ਬਣਾਇਆ ਹੈ।ਬਹੁਤ ਸਾਰੇ ਮੁਲਕਾਂ ਦੀ ਆਰਥਿਕ ਮੰਦੀ,ਆਲਮੀ ਨਿਵੇਸ਼ ‘ਤੇ ਮੰਡਰਾ ਰਹੇ ਨਕਾਰਾਤਮਕ ਜੋਖਮ ਦੇ ਖ਼ਤਰੇ, ਬ੍ਰੈਗਜ਼ਿਟ ਦੀ ਡਾਵਾਂਡੋਲ ਸਥਿਤੀ ਅਤੇ ਵਪਾਰ ਸੁਰੱਖਿਆਵਾਦ ਦੇ ਦੌਰ ‘ਚ ਇਹ ਤਰੱਕੀ ਕਿਤੇ ਵਧੇਰੇ ਸ਼ਲਾਘਾਯੋਗ ਹੈ।ਅੰਤਰਰਾਸ਼ਟਰੀ ਮੁਦਰਾ ਫੰਡ, ਆਈ.ਐਮ.ਐਫ. ਨੇ ਆਪਣੀ ਤਾਜ਼ਾ ਰਿਪੋਰਟ ‘ਚ ਭਾਰਤ ਦੀ ਆਰਥਿਕ ਤਰੱਕੀ ਦੀ ਪ੍ਰਸੰਸਾ ਕੀਤੀ ਹੈ ਅਤੇ ਨਾਲ ਹੀ ਚਾਲੂ ਮਾਲੀ ਸਾਲ 2019-20 ਲਈ 7.3% ਵਾਧੇ ਦੀ ਭਵਿੱਖਬਾਣੀ ਕੀਤੀ ਹੈ। ਇਸ ਦੇ ਨਾਲ ਹੀ ਭਾਰਤ ‘ਚ ਨਿਵੇਸ਼ ‘ਚ ਮਾਮੂਲੀ ਵਾਧੇ ਦਾ ਅਨੁਮਾਨ ਵੀ ਲਗਾਇਆ ਗਿਆ ਹੈ।ਆਈ.ਐਮ.ਐਫ. ਨੇ ਪਿਛਲੇ ਕੁੱਝ ਸਾਲਾਂ ‘ਚ ਭਾਰਤ ‘ਚ ਹੋਏ ਕਈ ਅਹਿਮ ਸੁਧਾਰਾਂ ਦੇ ਮੱਦੇਨਜ਼ਰ ਅਜਿਹੇ ਵਿਕਾਸ ਨੂੰ ਸੰਬੋਧਿਤ ਕੀਤਾ ਹੈ।ਭਾਰਤ ਨੇ ਇਸ ਤਰੱਕੀ ਨੂੰ ਹਾਸਿਲ ਕਰਦਿਆਂ ਯਕੀਨ ਦਵਾਇਆ ਹੈ ਕਿ ਮੁਦਰਾਸਫਿਤੀ ਕੰਟਰੋਲ ‘ਚ ਹੈ ਅਤੇ ਕੁੱਲ ਵਿੱਤੀ ਘਾਟਾ ਬਜਟ ਵੀ ਨਿਰਧਾਰਿਤ ਟੀਚਿਆਂ ਅਧੀਨ ਰਹਿ ਸਕਦਾ ਹੈ। ਭਾਰਤ ‘ਚ ਕਈ ਆਰਥਿਕ ਅਧਿਕਾਰਾਂ ਨੂੰ ਅੰਜਾਮ ਦਿੱਤਾ ਗਿਆ ਹੈ।ਜਿੰਨ੍ਹਾਂ ਨੂੰ ਦੇਸ਼ ਅੰਦਰ ਅਤੇ ਨਾਲ ਹੀ ਕੌਮਾਂਤਰੀ ਪੱਧਰ ‘ਤੇ ਵਪਾਰ ਅਤੇ ਆਰਥਿਕ ਮਾਹਿਰਾਂ ਵੱਲੋਂ ਸ਼ਲ਼ਾਘਾ ਪ੍ਰਾਪਤ ਹੋਈ ਹੈ। ਆਈ.ਐਮ.ਐਫ. ਨੇ ਜੀਐਸਟੀ ਦੇ ਸਕਾਰਾਤਮਕ ਪ੍ਰਭਾ...

ਪਿਛਲੇ ਕਈ ਦਹਾਕਿਆਂ ਤੋਂ ਪਾਕਿਸਤਾਨ ਵਿੱਚ ਧਾਰਮਿਕ ਅਤੇ ਹੋਰ ਘੱਟ-ਗਿਣਤੀਆਂ ਉੱਤੇ ਹੋ ਰਹੇ ਜ਼ੁਲਮ ਦੇ ਖਿਲਾਫ਼ ਅਮਰੀਕਾ ਵਿੱਚ ਰਹਿ ਰਹੇ ਸੈਂਕੜੇ ਪਾਕਿਸਤਾਨੀ ਘੱਟ-ਗਿਣਤੀਆਂ ਨੇ ਹਾਲ ਹੀ ਵਿੱਚ ਵਾਸ਼ਿੰਗਟਨ ਵਿਖੇ ਰੋਸ ਮੁਜ਼ਾਹਰਾ ਕੀਤਾ। ਮੁਜ਼ਾਹਰਾਕਾਰੀਆਂ ਨੇ ਪਾਕਿਸਤਾਨੀ ਪ੍ਰਸ਼ਾਸਨ ਦੁਆਰਾ ਕੀਤੇ ਜਾਂਦੇ ਉਨ੍ਹਾਂ ਦੇ ਸ਼ੋਸ਼ਣ ਉੱਤੇ ਵੀ ਕਰੜਾ ਇਤਰਾਜ਼ ਜਤਾਇਆ। ਵਾਸ਼ਿੰਗਟਨ ਡੀ.ਸੀ. ਵਿੱਚ ਮੁਜ਼ਾਹਰਾ ਕਰ ਰਹੇ ਇਨ੍ਹਾਂ ਮੁਜ਼ਾਹਰਾਕਾਰੀਆਂ ਵਿੱਚ ਮੁਹਾਜਿਰ (ਭਾਰਤ ਤੋਂ ਪਾਕਿਸਤਾਨ ਗਏ ਸ਼ਰਨਾਰਥੀ), ਬਲੋਚ, ਪਸ਼ਤੂਨ ਅਤੇ ਕੁਝ ਧਾਰਮਿਕ ਘੱਟ-ਗਿਣਤੀ ਦੇ ਲੋਕ ਸ਼ਾਮਿਲ ਸਨ। ਮੁਹਾਜਿਰ ਗੁੱਟ ਮੁੱਤਾਹਿਦਾ ਕੌਮੀ ਮੂਵਮੈਂਟਸ (ਐੱਮ.ਕਿਊ.ਐੱਮ.) ਦੀ ਅਮਰੀਕਾ ਸਥਿਤ ਇਕਾਈ ਨਾਲ ਸੰਬੰਧਤ ਮੁਜ਼ਾਹਰਾਕਾਰੀਆਂ ਨੇ ਅਮਰੀਕੀ ਮੀਡੀਆ ਨੂੰ ਦੱਸਿਆ ਕਿ ਪਾਕਿਸਤਾਨੀ ਫੌਜ ਨੇ ਘੱਟ-ਗਿਣਤੀ ਲੋਕਾਂ ਨਾਲ ਬੜੀ ਹੀ ਬੇਇਨਸਾਫ਼ੀ ਕੀਤੀ ਹੈ। ਹਰ ਦਿਨ ਘੱਟ-ਗਿਣਤੀ ਲੋਕਾਂ ਦੇ ਕਤਲ ਅਤੇ ਉਨ੍ਹਾਂ ਦੇ ਲਾਪਤਾ ਹੋਣ ਨਾਲ ਸੰਬੰਧਤ ਅਨੇਕਾਂ ਮਾਮਲੇ ਸਾਹਮਣੇ ਆਉਂਦੇ ਹਨ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਉਹ ਪਾਕਿਸਤਾਨੀ ਮੁਜ਼ਾਹਰਾਕਾਰੀਆਂ ਦੇ ਨਾਤੇ ਵ੍ਹਾਈਟ ਹਾਊਸ ਅਤੇ ਹੋਰ ਮਨੁੱਖੀ ਅਧਿਕਾਰ ਸੰਗਠਨਾਂ ਦੇ ਸਾਹਮਣੇ ਆਪਣੀ ਆਵਾਜ਼ ਬੁਲੰਦ ਕਰਨੀ ਚਾਹੁੰਦੇ ਹਨ। ਕਾਬਿਲੇਗੌਰ ਹੈ ਕਿ ਇਸ ਮੌਕੇ ਮੁਜ਼ਾਹਰਾਕਾਰੀਆਂ ਨੇ ਪਾਕਿਸਤਾਨ ਵਿੱਚ ਘੱਟ-ਗਿਣਤੀਆਂ ਅਤੇ ਹੋਰਨਾਂ ਸਤਾਏ ਲੋਕਾਂ ਲਈ ਕੌਮਾਂਤਰੀ ਮਦਦ ਮੁਹੱਈਆ ਕਰਵਾਉਣ ਦੀ ਅਪੀ...

ਇਸ ਸਾਲ 13 ਅਪ੍ਰੈਲ ਨੂੰ ਜਲ੍ਹਿਆਂਵਾਲੇ ਬਾਗ਼ 'ਚ ਹੋਏ ਖੂਨੀ-ਸਕੇ ਦੇ 100 ਵਰ੍ਹੇ ਪੂਰੇ ਹੋ ਗਏ ਹਨ, ਜਿਸ ਨੂੰ ਭਾਰਤੀ ਇਤਿਹਾਸ ਵਿਚ ਭੁਲਾਏ ਨਾ ਜਾਣ ਵਾਲੀ ਸਭ ਤੋਂ ਦੁਖਾਂਤਕ ਘਟਨਾ ਵਜੋਂ ਜਾਣਿਆ ਜਾਂਦਾ ਹੈ। ਇਸ ਦਿਨ ਅੰਮ੍ਰਿਤਸਰ ਦੇ ਇਕ ਜਨਤਕ ਬਾਗ਼ ਜਲ੍ਹਿਆਂਵਾਲੇ ਬਾਗ਼ 'ਚ ਇਕ ਹਜ਼ਾਰ ਤੋਂ ਵੱਧ ਨਿਰਦੋਸ਼ ਮਰਦਾਂ, ਔਰਤਾਂ ਅਤੇ ਬੱਚਿਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਇਨ੍ਹਾਂ ਨਿਰਦੋਸ਼ ਨਾਗਰਿਕਾਂ ਨੂੰ ਮਾਰਨ ਦਾ ਫ਼ੈਸਲਾ ਬ੍ਰਿਟਿਸ਼ ਅਫ਼ਸਰ, ਕਰਨਲ ਰੈਗੀਨਾਲਡ ਡਾਇਰ ਨੇ ਲਿਆ ਸੀ, ਜਿਸ ਨੇ ਬਾਅਦ ਵਿਚ ਇਹ ਗਵਾਹੀ ਵੀ ਦਿੱਤੀ ਕਿ 'ਉਨ੍ਹਾਂ ਨੂੰ ਖ਼ਤਮ ਕਰਨਾ ਉਸਨੇ ਆਪਣਾ ਫਰਜ਼ ਸਮਝਿਆ'। ਅੱਜ ਇਸ ਖੂਨੀ-ਸਾਕੇ ਨੂੰ ਦੁਨੀਆ ਭਰ ਵਿਚ ਯਾਦ ਕੀਤਾ ਜਾ ਰਿਹਾ ਹੈ। ਇਸ ਦੁਖਾਂਤ ਨਾਲ ਬ੍ਰਿਟਿਸ਼ ਭਾਰਤ 'ਚ ਭਾਰਤੀਆਂ ਦੇ ਮਨੁੱਖੀ ਅਧਿਕਾਰਾਂ ਬਾਰੇ ਪਤਾ ਚੱਲਦਾ ਹੈ। ਇਸ ਅਪਰਾਧ ਨੇ ਬ੍ਰਿਟਿਸ਼ ਰਾਜਨੀਤਕ ਵਰਗ ਨੂੰ ਵੀ ਭੈਭੀਤ ਕਰ ਦਿੱਤਾ ਸੀ। 1920 ਨੂੰ ਬ੍ਰਿਟਿਸ਼ ਹਾਊਸ ਆਫ਼ ਕਾਮਨਜ਼ 'ਚ ਹੋਈ ਇਸ ਕਤਲੇਆਮ ਨੂੰ ਲੈ ਕੇ ਬਹਿਸ ਵਿਚ ਸਰ ਵਿੰਸਟਨ ਚਰਚਿਲ, ਜਿਨ੍ਹਾਂ ਨੇ ਭਾਰਤ ਦੀ ਆਜ਼ਾਦੀ ਨੂੰ ਲੈ ਕੇ ਹੋਏ ਸੰਘਰਸ਼ ਨੂੰ ਬਹੁਤ ਚੰਗੀ ਤਰ੍ਹਾਂ ਲਿਖਿਆ ਹੈ, ਉਨ੍ਹਾਂ ਨੇ ਜਿਲ੍ਹਿਆਂ ਵਾਲੇ ਬਾਗ ਦੇ ਇਸ ਕਤਲੇਆਮ ਨੂੰ ਅਜਿਹੀ ਭਿਆਨਕ ਘਟਨਾ ਕਿਹਾ ਹੈ, ਜੋ ਇਕਹਿਰੀ ਅਤੇ ਅਲਗਾਵ ਅਲਹਿਦਗੀ ਰੱਖਦੀ ਹੈ। ਭਾਰਤ ਦੇ ਕੋਮੀ ਕਵੀ ਗੁਰੂਦੇਵ ਰਬਿੰਦਰਨਾਥ ਟੈਗੋਰ,...

ਲੋਕ ਸਭਾ ਚੋਣਾਂ 2019 ਦੇ ਵੀਰਵਾਰ ਨੂੰ ਪਹਿਲੇ ਗੇੜ੍ਹ ਦੇ ਆਗਾਜ਼ ਨਾਲ ਹੀ ਦੁਨੀਆ ਦੀ ਸਭ ਤੋਂ ਵੱਡੀ ਲੋਕਤੰਤਰੀ ਚੋਣ ਪ੍ਰਕ੍ਰਿਆ ਦੀ ਸ਼ੁਰੂਆਤ ਹੋ ਗਈ ਹੈ।18 ਰਾਜਾਂ ਅਤੇ 2 ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ 91 ਚੋਣ ਹਲਕਿਆਂ ‘ਚ ਮਤਦਾਨ ਹੋਇਆ।ਕੁੱਝ ਨਿੱਕ ਸੁੱਕ ਘਟਨਾਵਾਂ ਤੋਂ ਇਲਾਵਾ ਵਧੇਰੇਤਰ ਵੋਟਿੰਗ ਪ੍ਰਕ੍ਰਿਆ ਸਾਂਤੀ ਵਾਲੇ ਮਾਹੌਲ ‘ਚ ਮੁਕੰਮਲ ਹੋਈ ਹੈ। ਪਹਿਲੇ ਪੜਾਅ ‘ਚ 1,279 ਉਮੀਦਵਾਰਾਂ ਦੀ ਕਿਸਮਤ ਈ.ਵੀ.ਐਮ. ‘ਚ ਬੰਦ ਹੋ ਗਿਆ।ਭਾਰਤ ‘ਚ ਆਮ ਚੋਣਾਂ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਦੀਆਂ ਸਭ ਤੋਂ ਵੱਡੀਆਂ ਚੋਣਾਂ ‘ਚੋਂ ਇੱਕ ਹੈ।ਜਿਸ ਨੂੰ ਭਾਰਤ ‘ਚ ਲੋਕਤੰਤਰ ਉਤਸਵ ਵੱਜੋਂ ਪੁਕਾਰਿਆ ਜਾਂਦਾ ਹੈ।ਇਸ ਤੱਥ ਦੀ ਪੁਸ਼ਟੀ ਇਸ ਗੱਲ ਨਾਲ ਕੀਤੀ ਜਾ ਸਕਦੀ ਹੈ ਕਿ ਭਾਰਤ ‘ਚ ਮੂਜੌਦਾ ਸਮੇਂ 900 ਮਿਲੀਅਨ ਯੋਗ ਵੋਟਰ ਹਨ ਅਤੇ ਪਹਿਲੇ ਗੇੜ੍ਹ ‘ਚ 140 ਮਿਲੀਅਨ ਵੋਟਰ ਯੋਗ ਸਨ।900 ਮਿਲੀਅਨ ਵੋਟਰਾਂ ਤੋਂ ਭਾਵ ਅਮਰੀਕਾ ਦੀ ਕੁੱਲ ਆਬਾਦੀ ਦਾ ਤਿੰਨ ਗੁਣਾ ਵੱਧ ਹੋਣਾ। ਆਮ ਚੋਣਾਂ ਦੇ ਨਾਲ ਨਾਲ ਆਂਧਰਾ ਪ੍ਰਦੇਸ਼, ਅਰੁਣਾਚਲ ਪ੍ਰਦੇਸ਼, ਸਿੱਕਮ ਅਤੇ ਉੜੀਸਾ ‘ਚ ਵਿਧਾਨ ਸਭਾ ਚੋਣਾਂ ਦਾ ਵੀ ਆਯੋਜਨ ਹੋਇਆ। ਲੋਕ ਸਭਾ ਚੋਣਾਂ ਦੇ ਪਹਿਲੇ ਪੜਾਅ ‘ਚ ਤ੍ਰਿਪੁਰਾ ‘ਚ ਸਭ ਤੋਂ ਵੱਧ 81.8% ਅਤੇ ਪੱਛਮੀ ਬੰਗਾਲ ‘ਚ 81% ਅਤੇ ਮਨੀਪੁਰ ‘ਚ 78.2% ਵੋਟਾਂ ਪਈਆਂ।ਜਦਕਿ ਬਿਹਾਰ ‘ਚ ਸਭ ਤੋਂ ਘੱਟ 50% ਵੋਟਾਂ ਪਈਆਂ ਹਨ।ਹਾਲਾਂਕਿ ਅੰਤਿਮ ਅੰਕੜੇ ਮਿਲਣੇ ਅਜੇ ਬਾਕੀ ਹਨ। ਪੱਛਮੀ ਬੰਗਾਲ ‘ਚ ਸੱਤਾਧ...