AIR World Service Punjabi

ਸਾਲ 2020 ਵਿਚ ਭਾਰਤ ਅਤੇ ਨਿਊਜੀਲੈਂਡ ਸਬੰਧਾਂ ਵਿਚਕਾਰ ਇਕ ਨਵੇਂ ਅਧਿਆਇ ਦੀ ਸ਼ੁਰੂਆਤ ਹੋ ਰਹੀ ਹੈ| ਪਿਛਲੇ ਮਹੀਨੇ ਫਰਵਰੀ ਵਿਚ ਨਿਊਜੀਲੈਂਡ ਦੇ ਵਿਦੇਸ਼ ਮੰਤਰੀ ਇਯਾਨ ਲੀਜ ਗਾਲਵੋ ਅਤੇ ਉਸ ਉਪਰੰਤ ਨਿਊਜੀਲੈਂਡ ਦੇ ਉਪ ਪ੍ਰਧਾਨ ਮੰਤਰੀ ਅਤੇ ਵਿਦੇਸ਼ ਮੰਤਰੀ ਵਿੰਸਟਨ ਪੀਟਰਜ ਅਤੇ ਵਪਾਰ ਮੰਤਰੀ ਡੇਵਿਡ ਪਾਰਕਰ ਦਾ ਇਕ ਵਪਾਰਕ ਵਫਦ ਨਾਲ ਭਾਰਤ ਆਉਣਾ ਇਸ ਗੱਲ ਦੀ ਗੁਆਹੀ ਭਰਦਾ ਹੈ ,ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਸਬੰਧਾਂ ਨੂੰ ਲੈ ਕੇ ਮਹੱਤਵਪੂਰਣ ਤਬਦੀਲੀਆਂ ਆ ਰਹੀਆਂ ਹਨ| ਵੇਖਿਆ ਜਾਵੇ ਭਾਰਤ ਅਤੇ ਨਿਊਜੀਲੈਂਡ ਵਿਚਕਾਰ ਬਹੁਤ ਜਿਆਦਾ ਇਤਹਾਸਿਕ ਸਾਂਝਾਂ ਤੋਂ ਇਲਾਵਾ ਭਾਈਚਾਰਕ ਅਤੇ ਅਪਣੱਤ ਭਰੀਆਂ ਸਾਂਝਾਂ ਹਨ| ਬ੍ਰਿਟਿਸ਼ ਬਸਤੀਵਾਦ ਸ਼ਾਸ਼ਨ ਦਾ ਸ਼ਿਕਾਰ ਅਤੇ ਸੰਸਦੀ ਸ਼ਾਸ਼ਨ ਦੇ ਵਿਕਾਸ ਦੇ ਨਾਲ ਨਾਲ ਕਾਮਨ ਵੈਲਥ ਮੰਡਲ ਦੁਆਰਾ ਸਾਂਝੇ ਸਬੰਧ ਸਥਾਪਿਤ ਕਰਨ ਦੀ ਇੱਛਾ ਰੱਖਦੇ ਦੋਵੇਂ ਦੇਸ਼ ਇਕ ਦੂਜੇ ਦੇ ਹਿੱਤਾਂ ਦੇ ਰਾਖੀ ਕਰਦੇ ਇੰਡੋ ਪੈਸਫਿਕ ਦੇ ਵਿਆਪਕ ਪ੍ਰਸੰਗ ਵਿਚ ਇਕ ਦੂਜੇ ਨੂੰ ਵਿਕਸਤ ਕਰਨ ਦੀ ਰੁਚੀ ਰੱਖਦੇ ਹਨ| ਇਸੇ ਸੰਦਰਭ ਵਿਚ ਨਿਊਜੀਲੈਂਡ ਦੇ ਉਪ ਪ੍ਰਧਾਨ ਮੰਤਰੀ ਵਲੋਂ ਭਾਰਤ ਦੇ ਨਾਲ ਸਾਲ 2025 ਤੱਕ ਨਿਵੇਸ਼ ਨੂੰ ਲੈ ਕੇ ਨਵਾਂ ਅਧਿਆਇ ਸ਼ੁਰੂ ਕੀਤਾ ਗਿਆ ਹੈ, ਜੋ ਖਾਸ ਖੇਤਰਾਂ ਵਿਚ ਦੋਵਾਂ ਦੇਸ਼ਾਂ ਦੇ ਆਪਸੀ ਸਬੰਧਾਂ ਨੂੰ ਨਵੀਂ ਪਹਿਚਾਣ ਦੇਵੇਗਾ| ਅਜੋਕੇ ਸੰਦਰਭ ਵਿਚ ਸਬੰਧਾਂ ਦਾ ਆਪਸੀ ਆਧਾਰ ਦੋਵਾਂ ਦੇਸ਼ਾਂ ਵਿਚਕਾਰ ਵਪਾਰ ਨੂੰ ਉਤਸ਼ਾਹਿਤ ਕਰਨ ਦੀ ਜਰੂਰਤ ਦੇ ਦੁਆਲੇ ਘੁੰਮਦਾ ...

ਰੱਖਿਆ ਅਧਿਐਨ ਅਤੇ ਵਿਸ਼ਲੇਸ਼ਣ ਲਈ ਮਨੋਹਰ ਪਾਰੀਕਰ ਸੰਸਥਾ, ਜੋ ਕਿ ਭਾਰਤ ਦਾ ਸਭ ਤੋਂ ਵੱਡਾ ਥਿੰਕ ਟੈਂਕ ਹੈ, ਵੱਲੋਂ ਚੌਥੇ ਪੱਛਮੀ ਏਸ਼ੀਆ ਸੰਮੇਲਨ ਦਾ ਆਯੋਜਨ ਨਵੀਂ ਦਿੱਲੀ ਵਿਖੇ ਕੀਤਾ ਗਿਆ।ਇਸ ਸੰਮੇਲਨ ਦਾ ਵਿਸ਼ਾ- “Ten Years of Political and Economic Transformation in West Asia: Challenges, Lessons and Future Trends” ਰਿਹਾ।ਇਸ ਸੰਮੇਲਨ ‘ਚ ਕਈ ਭਾਰਤੀ ਅਤੇ ਅੰਤਰਰਾਸ਼ਟਰੀ ਮਾਹਰਾਂ ਵੱਲੋਂ ਸ਼ਮੂਲੀਅਤ ਕੀਤੀ ਗਈ।ਜਿਸ ‘ਚ ਲੈਬਨਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸ੍ਰੀ ਫੌਦ ਸਿਨੀਓਰਾ ਅਤੇ ਮਿਸਰ ਦੇ ਸਾਬਕਾ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਨਾਬਿਲ ਫਾਹਮੀ ਨੇ ਵੀ ਸ਼ਿਕਤ ਕੀਤੀ।ਇੰਨ੍ਹਾਂ ਨੇ ਖਿੱਤੇ ਨਾਲ ਜੁੜੇ ਵੱਖ-ਵੱਖ ਮਹੱਤਵਪੂਰਨ ਮੁੱਦਿਆਂ ‘ਤੇ ਵਿਚਾਰ ਵਟਾਂਦਰਾ ਕੀਤਾ।ਦੋ ਦਿਨਾਂ ਤੱਕ ਚੱਲੀ ਇਸ ਚਰਚਾ ਨੂੰ ਛੇ ਸੈਸ਼ਨਾਂ ‘ਚ ਵੰਡਿਆ ਗਿਆ ਸੀ, ਜਿਸ ‘ਚ ਖੇਤਰੀ ਸੁਰੱਖਿਆ ਸਥਿਤੀ, ਬਾਹਰੀ ਤਾਕਤਾਂ ਦੀ ਭੂਮਿਕਾ, ਆਰਥਿਕਤਾ, ਸੰਘਰਸ਼ ਦੀ ਬਦਲਦੀ ਸਥਿਤੀ ਅਤੇ ਪੱਛਮੀ ਏਸ਼ੀਆ ਨਾਲ ਭਾਰਤ ਦੇ ਵੱਧਦੇ ਰੁਝਾਨ ਸ਼ਾਮਲ ਸਨ। ਭਾਰਤ ਸਰਕਾਰ ਦੇ ਸੜਕ, ਆਵਾਜਾਈ ਅਤੇ ਰਾਜਮਾਰਗ ਰਾਜ ਮੰਤਰੀ ਜਨਰਲ ਵਿਜੇ ਕੁਮਾਰ ਸਿੰਘ (ਸੇਵਾਮੁਕਤ) ਨੇ ਸੰਮੇਲਨ ‘ਚ ਆਪਣੇ ਭਾਸ਼ਣ ਦੌਰਾਨ ਪਿਛਲੇ ਇਕ ਦਹਾਕੇ ‘ਚ ਇਸ ਖੇਤਰ ‘ਚ ਹੋਏ ਉਤਰਾਅ-ਚੜਾਵਾਂ ਦਾ ਜ਼ਿਕਰ ਕੀਤਾ ਅਤੇ ਨਾਲ ਹੀ ਭਾਰਤ ਦੇ ਇਸ ਖੇਤਰ ਨਾਲ ਵੱਧ ਰਹੀ ਸ਼ਮੂਲੀਅਤ ਦੀ ਮਹੱਤਤਾ ਨੂੰ ਪੇਸ਼ ਕੀਤਾ।ਮਨੋਹਰ ਪਾਰੀਕਰ ਇਡਸਾ ਦੇ ਡਾਇਰੈਕ...

ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਅਮਰੀਕੀ ਰਾਸ਼ਟਰਪਤੀ ਡੌਨਾਲਡ ਟਰੰਪ ਨੇ ਭਾਰਤ-ਅਮਰੀਕਾ ਵਿਆਪਕ ਵਿਸ਼ਵਵਿਆਪੀ ਸਾਂਝੇਦਾਰੀ ਨੂੰ ਮਜ਼ਬੂਤ ਕਰਨ ਦੀ ਵਚਨਬੱਧਤਾ ਪੇਸ਼ ਕੀਤੀ ਹੈ।ਖੁਦਮੁਖਤਿਆਰ ਅਤੇ ਲੋਕਤੰਤਰੀ ਨਿਜ਼ਾਮ ਦੇ ਆਗੂਆਂ ਨੇ ਆਜ਼ਾਦੀ ਦੀ ਮਹੱਤਤਾ, ਸਾਰੇ ਨਾਗਰਿਕਾਂ ਨਾਲ ਬਰਾਬਰੀ ਦਾ ਵਤੀਰਾ, ਮਨੁੱਖੀ ਅਧਿਕਾਰਾਂ ਅਤੇ ਕਾਨੂੰਨ ਦੇ ਸ਼ਾਸਨ ਪ੍ਰਤੀ ਵੱਚਨਬੱਧਤਾ ਦੀ ਮਹੱਤਤਾ ਨੂੰ ਸਮਝਿਆ ਹੈ।ਇਸੇ ਕਰਕੇ ਹੀ ਉਨ੍ਹਾਂ ਨੇ ਦੁਵੱਲੇ ਸੰਬੰਧਾਂ ਨੂੰ ਵਧੇਰੇ ਉਤਸ਼ਾਹਤ ਕਰਨ ਦੀ ਲੋੜ ਨੂੰ ਉਜਾਗਰ ਕੀਤਾ ਹੈ।ਇਹ ਸਾਂਝੇਦਾਰੀ ਆਪਸੀ ਵਿਸ਼ਵਾਸ, ਸਾਂਝੇ ਹਿੱਤਾਂ ਅਤੇ ਆਪਣੇ ਨਾਗਰਿਕਾਂ ਵਿਚਾਲੇ ਰੁਝਾਨਾਂ ਨੂੰ ਵਧੇਰੇ ਹੁਲਾਰਾ ਦੇਣ ‘ਚ ਮਦਦਗਾਰ ਹੋਵੇਗੀ। ਦੋਵਾਂ ਆਗੂਆਂ ਨੇ ਖਾਸ ਤੌਰ ‘ਤੇ ਸਮੁੰਦਰੀ ਅਤੇ ਪੁਲਾੜ ਦੇ ਖੇਤਰ ‘ਚ ਜਾਗਰੂਕਤਾ ਅਤੇ ਸੂਚਨਾ ਸਾਂਝੀ ਕਰਨਾ;ਸਾਂਝੀ ਕਿਵਾਇਦ;ਫੌਜੀ ਅਫ਼ਸਰਾ ਦੀ ਅਦਲਾ ਬਦਲੀ, ਸਾਰੀਆਂ ਸੇਵਾਵਾਂ ਅਤੇ ਵਿਸ਼ੇਸ਼ ਬਲਾਂ ਦਰਮਿਆਨ ਵਿਸਤ੍ਰਿਤ ਅਭਿਆਸ ਦੇ ਨਾਲ ਨਾਲ ਰੱਖਿਆ ਅਤੇ ਸੁਰੱਖਿਆ ਸਹਿਯੋਗ ਨੂੰ ਵਧੇਰੇ ਮਜ਼ਬੂਤ ਕਰਨ ਦਾ ਵਾਅਦਾ ਕੀਤਾ ਹੈ। ਦੋਵਾਂ ਆਗੂਆਂ ਨੇ ਰੱਖਿਆ ਸਹਿਯੋਗ ਸਮਝੌਤੇ ਨੂੰ ਜਲਦ ਤੋਂ ਜਲਦ ਅੰਤਿਮ ਰੂਪ ਦੇਣ ਬਾਰੇ ਗੱਲ ਕੀਤੀ।ਉਨ੍ਹਾਂ ਨੇੇ ਹਾਈਡਰੋਕਾਰਬਨ ‘ਚ ਵਪਾਰ ਅਤੇ ਨਿਵੇਸ਼ ‘ਚ ਭਾਰਤ ਅਤੇ ਅਮਰੀਕਾ ਵਿਚਾਲੇ ਵੱਧ ਰਹੇ ਸੰਬੰਧਾਂ ਦਾ ਸਵਾਗਤ ਕੀਤਾ।ਆਪਣੀ ਰਣਨੀਤਕ ਊਰਜਾ ਭਾਈਵਾਲੀ ਰਾਹੀਂ ਭਾਰਤ ਅਤੇ ਅਮਰੀਕਾ ਊਰਜਾ ਸੁਰੱਖਿਆ ...

ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਾਲਡ ਟਰੰਪ ਵੱਲੋਂ ਭਾਰਤ ਦਾ ਆਪਣਾ ਪਹਿਲਾ ਦੌਰਾ ਮੁਕੰਮਲ ਕਰ ਲਿਆ ਗਿਆ ਹੈ।ਉਹ 36 ਘੰਟਿਆਂ ਤੱਕ ਭਾਰਤ ‘ਚ ਰਹੇ ਅਤੇ ਮੰਨਿਆਂ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਇਹ ਫੇਰੀ ਸਮਾਰੋਹ ਅਤੇ ਮੁੱਦੇ ਭਰਪੂਰ ਰਹੀ।ਦੱਸਣਯੋਗ ਹੈ ਕਿ ਉਹ ਅਮਰੀਕਾ ਦੇ ਸੱਤਵੇਂ ਅਜਿਹੇ ਰਾਸ਼ਟਰਪਤੀ ਹਨ, ਜਿੰਨ੍ਹਾਂ ਵੱਲੋਂ ਭਾਰਤ ਦਾ ਦੌਰਾ ਕੀਤਾ ਗਿਆ ਹੈ।ਪਿਛਲੇ ਦੋ ਦਹਾਕਿਆਂ ‘ਚ ਅਮਰੀਕਾ ਦੇ ਚਾਰੇ ਰਾਸ਼ਟਰਪੀਆਂ ਵੱਲੋਂ ਭਾਰਤ ਦਾ ਦੌਰਾ ਕੀਤਾ ਗਿਆ ਹੈ, ਜੋ ਕਿ ਭਾਰਤ-ਅਮਰੀਕਾ ਸੰਬੰਧਾਂ ‘ਚ ਆ ਰਹੀ ਤੇਜ਼ੀ ਨੂੰ ਦਰਸਾਉਂਦਾ ਹੈ।ਰਾਸ਼ਟਰਪਤੀ ਟਰੰਪ ਨਾਲ ਉਨ੍ਹਾਂ ਦੀ ਪਤਨੀ ਅਤੇ ਅਮਰੀਕਾ ਦੀ ਪਹਿਲੀ ਮਹਿਲਾ ਮੇਲਾਨੀਆ ਟਰੰਪ, ਧੀ ਇੰਵਾਕਾ ਟਰੰਪ, ਜਵਾਈ ਜਾਰੇਡ ਕੁਸ਼ਨੇਰ ਅਤੇ ਉੱਚ ਪੱਧਰੀ ਵਫ਼ਦ ਵੀ ਭਾਰਤ ਫੇਰੀ ‘ਤੇ ਸੀ। ਰਾਸ਼ਟਰਪਤੀ ਟਰੰਪ ਦੇ ਅਹਿਮਦਾਬਾਦ ਪਹੁੰਚਣ ‘ਤੇ ਲੱਖਾਂ ਦੀ ਗਿਣਤੀ ‘ਚ ਉੱਥੇ ਮੌਜੂਦ ਲੋਕਾਂ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਸਾਬਰਮਤੀ ਆਸ਼ਰਮ ਦਾ ਦੌਰਾ ਕਰਨ ਤੋਂ ਬਾਅਧ ਰਾਸ਼ਟਰਪਤੀ ਟਰੰਪ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਮੋਟੇਰਾ ਸਟੇਡੀਅਮ ‘ਚ 1.25 ਲੱਖ ਲੋਕਾਂ ਨੂੰ ਸੰਬੋਧਨ ਕੀਤਾ।ਇਸ ਸਮਾਰੋਹ ਨੂੰ ‘ਨਮਸਤੇ ਟਰੰਪ’ ਦਾ ਨਾਂਅ ਦਿੱਤਾ ਗਿਆ ਸੀ।ਇੱਥੇ ਵਰਣਨਯੋਗ ਹੈ ਕਿ ਪੰਜ ਮਹੀਨੇ ਪਹਿਲਾਂ ਹੀ ਹਸਟਨ ਵਿਖੇ ਦੋਵਾਂ ਆਗੂਆਂ ਨੇ ਹਾਊਡੀ ਮੋਦੀ ਰੈਲੀ ‘ਚ ਭਾਰਤੀ ਅਮਰੀਕੀ ਭਾਈਚਾਰੇ ਨੂੰ ਸੰਬੋਧਨ ਕੀਤਾ ਸੀ। ਉਸ ਸਮੇਂ ਵੀ ਬਹੁਤ ਵੱਡੀ ਭੀੜ ਦੀ ਮੌਜ...

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਬੀਤੇ ਦਿਨ ਅਹਿਮਦਾਬਾਦ ਪਹੁੰਚ ਕੇ ਭਾਰਤ ਦੀ ਆਪਣੀ ਪਹਿਲੀ ਫੇਰੀ ਦੀ ਸ਼ੁਰੂਆਤ ਕੀਤੀ।ਅਹਿਮਦਾਬਾਦ ਹਵਾਈ ਅੱਡੇ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ।ਗੁਜਰਾਤ ਅਤੇ ਗਾਂਧੀ ਦੇ ਵਿਸ਼ੇਸ਼ ਸਬੰਧ ਹਨ ਅਤੇ ਰਾਸ਼ਟਰਪਤੀ ਟਰੰਪ ਵੱਲੋਂ ਸਾਬਰਮਤੀ ਆਸ਼ਰਮ ਦਾ ਦੌਰਾ ਕਰਕੇ ਵਧੀਆ ਸੰਕੇਤ ਦਿੱਤੇ ਹਨ।ਬ੍ਰਿਟਿਸ਼ ਸ਼ਾਸਨ ਦੌਰਾਨ ਭਾਰਤ ਦੀ ਆਜ਼ਾਦੀ ਦੇ ਸੰਢਰਸ਼ ‘ਚ ਮਹਾਤਮਾ ਗਾਂਧੀ ਦੀ ਅਹਿਮ ਭੂਮਿਕਾ ਦੇ ਮੱਦੇਨਜ਼ਰ ਇਸ ਸਥਾਨ ਦੇ ਦੌਰੇ ਦੀ ਚੋਣ ਬਹੁਤ ਖਾਸ ਰਹੀ। ਰਾਸ਼ਟਰਪਤੀ ਟਰੰਪ ਦਾ ਭਾਰਤ ਵੱਲੋਂ ਬਹੁਤ ਹੀ ਨਿੱਘਾ ਸਵਾਗਤ ਕੀਤਾ ਗਿਆ।ਨਵੀਂ ਦਿੱਲੀ ਨੇ ਰਾਸ਼ਟਰਪਤੀ ਟਰੰਪ ਨੂੰ ਅਹਿਮਦਾਬਾਦ ‘ਚ ਬਣੇ ਦੁਨੀਆ ਦੇ ਸਭ ਤੋਂ ਵੱਡੇ ਕ੍ਰਿਕਟ ਸਟੇਡੀਅਮ ਦੇ ਉਦਘਾਟਨ ਦੀ ਗੁਜ਼ਾਰਿਸ਼ ਕੀਤੀ।ਇਸ ਮੌਕੇ ਲੱਖਾਂ ਦੀ ਗਿਣਤੀ ‘ਚ ਲੋਕ ਮੌਜੂਦ ਸਨ।ਇੱਥੇ ਪਹੁੰਚ ‘ਤੇ ਰਾਸ਼ਟਰਪਤੀ ਟਰੰਪ ਦੇ ਸਵਾਗਤ ‘ਚ ਭਾਰਤ ਦੇ ਰਾਜਾਂ ਦੇ ਸਭਿਆਚਾਰ, ਸੰਗੀਤ ਅਤੇ ਨਾਚ ਨੂੰ ਬਹੁਤ ਹੀ ਵਧੀਆ ਢੰਗ ਨਾਲ ਪੇਸ਼ ਕੀਤਾ ਗਿਆ। ਰਾਸ਼ਟਰਪਤੀ ਟਰੰਪ ਭਾਰਤ ਦੀ ਵਿਭਿੰਨਤਾ ਅਤੇ ਸਮਾਜ ਦੇ ਵੱਖ-ਵੱਖ ਸਭਿਆਚਾਰਾਂ ਦੇ ਮੇਲ ਨੂੰ ਵੇਖ ਕੇ ਬਹੁਤ ਹੀ ਪ੍ਰਭਾਵਿਤ ਹੋਏ।ਇਸ ਵਿਸ਼ੇਸ਼ ਸਟੇਡੀਅਮ ‘ਚ ਉਨ੍ਹਾਂ ਵੱਲੋਂ ਦਿੱਤਾ ਗਿਆ ਭਾਸ਼ਣ ਬਹੁਤ ਹੀ ਪ੍ਰਭਾਵੀ ਰਿਹਾ।ਰੇਡਿਓ ਅਤੇ ਟੀਵੀ ‘ਤੇ ਇਸ ਦੇ ਸਿੱਧੇ ਪ੍ਰਸਾਰਣ ਨੇ ਲੋਕਾਂ ਨੂੰ ਕੀਲ ਕੇ ਰੱਖ ਦਿੱਤਾ। ਰਾਸ਼ਟਰਪਤੀ ਟਰੰਪ ਨੇ ਭਾਰਤ ਦੇ ਵਿਕਾਸ ਦੀ ...

ਅੰਤਰਰਾਸ਼ਟਰੀ ਅੱਤਵਾਦ ਦੇ ਨਾਲ ਨਜਿੱਠਣ ਲਈ ਆਲਮੀ ਅੰਤਰ-ਸਰਕਾਰੀ ਨਿਗਰਾਨ ਵਿੱਤ ਐਕਸ਼ਨ ਟਾਸਕ ਫੋਰਸ, ਐਫਏਟੀਐਫ ਨੇ ਬੀਤੇ ਸ਼ੁੱਕਰਵਾਰ ਇਕ ਅਹਿਮ ਫ਼ੈਸਲਾ ਲੈਂਦਿਆਂ ਐਲਾਨ ਕੀਤਾ ਹੈ ਕਿ ਉਹ ਈਰਾਨ ਨੂੰ ਆਪਣੀ ਕਾਲੀ ਸੂਚੀ ‘ਚ ਸ਼ਾਮਲ ਕਰਦਾ ਹੈ।ਇਸ ਦੌਰਾਨ ਪਾਕਿਸਤਾਨ ਐਫਏਟੀਐਫ ਦੀ ਗ੍ਰੇਅ ਸੂਚੀ ‘ਚੋਂ ਬਾਹਰ ਹੋਣ ‘ਚ ਅਸਫਲ ਰਿਹਾ ਹੈ।40 ਮੈਂਬਰੀ ਐਫਏਟੀਐਫ ਜਿਸ ਦਾ ਕਿ ਪੈਰਿਸ ‘ਚ ਮੁੱਖ ਦਫ਼ਤਰ ਹੈ, ਉਹ ਅੰਤਰਰਾਸ਼ਟਰੀ ਪੱਧਰ ‘ਤੇ ਕਾਲੇ ਧਨ ਅਤੇ ਅੱਤਵਾਦ ਫੰਡਿੰਗ ਨਾਲ ਨਜਿੱਠਣ ਲਈ ਕਾਰਜ ਕਰ ਰਿਹਾ ਹੈ।ਐਫਏਟੀਐਫ ਦੋ ਵੱਖੋ ਵੱਖ ਸ਼ੇ੍ਰਣੀਆਂ ‘ਚ ਸੂਚੀ ਤਿਆਰ ਕਰਦਾ ਹੈ।ਐਫਏਟੀਐਫ ਵੱਲੋਂ ਜੇਕਰ ਕਿਸੇ ਮੁਲਕ ਨੂੰ ਆਪਣੀ ਕਾਲੀ ਸੂਚੀ ‘ਚ ਨਾਮਜ਼ਦ ਕੀਤਾ ਜਾਂਦਾ ਹੈ ਤਾਂ ਇਸ ਦਾ ਮਤਲਬ ਹੈ ਕਿ ਉਸ ਦੇਸ਼ ਨਾਲ ਕੋਈ ਵੀ ਵਿੱਤੀ ਲੈਣ ਦੇਣ ਨਹੀਂ ਕਰੇਗਾ।ਗ੍ਰੇਅ ਸੂਚੀ ‘ਚ ਕਾਲੀ ਸੂਚੀ ਨਾਲੋਂ ਘੱਟ ਪਾਬੰਦੀਆਂ ਹਨ।ਇਸ ਤਹਿਤ ਜੋ ਮੁਲਕ ਗ੍ਰੇਅ ਸੂਚੀ ‘ਚ ਨਾਮਜ਼ਦ ਹੁੰਦਾ ਹੈ ਉਸ ਨੂੰ ਕਾਲੇ ਧਨ ਅਤੇ ਅੱਤਵਾਦ ਫੰਡਿੰਗ ‘ਤੇ ਰੋਕ ਲਗਾਉਣ ਲਈ ਲੋੜੀਂਦੇ ਕਦਮਾਂ ਤੋਂ ਇਲਾਵਾ ਵਧੇਰੇ ਕਾਰਵਾਈ ਕਰਨ ਦੀ ਜ਼ਰੂਰਤ ਹੁੰਦੀ ਹੈ। ਇਤਫ਼ਾਕ ਦੀ ਗੱਲ ਇਹ ਹੈ ਕਿ ਇਰਾਨ ਨੂੰ ਉਸ ਸਮੇਂ ਕਾਲੀ ਸੂਚੀ ‘ਚ ਨਾਮਜ਼ਦ ਕੀਤਾ ਗਿਆ ਜਦੋਂ ਉਹ ਆਪਣੀਆਂ ਸੰਸਦੀ ਚੋਣਾਂ ‘ਚ ਰੁੱਝਿਆ ਹੋਇਆ ਸੀ।ਇਹ ਚੋਣਾਂ ਬਹੁਤ ਹੀ ਅਮਰੀਕਾ ਅਤੇ ਇਰਾਨ ਦਰਮਿਆਨ ਚੱਲ ਰਹੇ ਤਣਾਅ ਵਿਚਾਲੇ ਹੋਈਆਂ।ਦੱਸਣਯੋਗ ਹੈ ਕਿ ਵਾਸ਼ਿੰਗਟਨ ਵੱਲੋਂ ਪ੍ਰਮਾਣੂ ਸਮਝੌਤੇ ਤੋਂ ਬ...

ਪੈਰਿਸ ‘ਚ ਪਿਛਲੇ ਐਤਵਾਰ ਨੂੰ ਐਫਏਟੀਐਫ ਦੀ ਪੂਰਨ ਬੈਠਕ ਦਾ ਆਯੋਜਨ ਹੋਇਆ।ਇਸ ਬੈਠਕ ‘ਚ 205 ਮੁਲਕਾਂ ਦੇ 800 ਤੋਂ ਵੀ ਵੱਧ ਨੁਮਾਇੰਦਿਆਂ ਨੇ ਸ਼ਿਰਕਤ ਕੀਤੀ।ਇਸ ਬੈਠਕ ਦੌਰਾਨ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ ਕਿ ਸ਼ਾਇਦ ਪਾਕਿਸਤਾਨ ਗ੍ਰੇਅ ਸੂਚੀ ਤੋਂ ਬਾਹਰ ਹੋ ਸਕਦਾ ਹੈ। ਹੋਰ ਮਸਲਿਆਂ ਤੋਂ ਇਲਾਵਾ ਐਫਏਟੀਐਫ ਦੀ ਇਸ ਬੈਠਕ ‘ਚ ਅੱਤਵਾਦ ਫੰਡਿੰਗ ਅਤੇ ਕਾਲੇ ਧਨ ‘ਤੇ ਰੋਕ ਲਗਾਉਣ ਲਈ ਪਾਕਿਸਤਾਨ ਸਮੇਤ ਦੂਜੇ ਦੇਸ਼ਾਂ ਵੱਲੋਂ ਕੀਤੀ ਗਈ ਤਰੱਕੀ ਬਾਰੇ ਵਿਚਾਰ ਚਰਚਾ ਕੀਤੀ ਗਈ।ਦੱਸਣਯੋਗ ਹੈ ਕਿ ਜੋ ਦੇਸ਼ ਐਫਏਟੀਐਫ ਦੀ ਗ੍ਰੇਅ ਸੂਚੀ ‘ਚ ਨਾਮਜ਼ਦ ਹੁੰਦੇ ਹਨ ਉਨ੍ਹਾਂ ਨੂੰ ਆਲਮੀ ਵਿੱਤ ਪ੍ਰਣਾਲੀ ਲਈ ਵੱਡਾ ਖ਼ਤਰਾ ਮੰਨਿਆ ਜਾਂਦਾ ਹੈ।ਪਾਕਿਸਤਾਨ ਵੀ ਜੂਨ 2018 ਤੋਂ ਇਸ ਸੂਚੀ ‘ਚ ਨਾਮਜ਼ਦ ਹੈ। 19 ਫਰਵਰੀ , 2020 ਨੂੰ ਮੀਡੀਆ ਰਿਪੋਰਟਾਂ ‘ਚ ਆਉਣਾ ਸ਼ੁਰੂ ਹੋ ਗਿਆ ਸੀ ਕਿ ਇਸ ਸਾਲ ਜੂਨ ਮਹੀਨੇ ਤੱਕ ਪਾਕਿਸਤਾਨ ਦਾ ਨਾਂਅ ਗ੍ਰੇਅ ਸੂਚੀ ‘ਚ ਕਾਇਮ ਰਹੇਗਾ।17 ਫਰਵਰੀ ਨੂੰ ਅੰਤਰਰਾਸ਼ਟਰੀ ਸਹਿਕਾਰਤਾ ਸਮੀਖਿਆ ਸਮੂਹ ਵੱਲੋਂ ਪਾਕਿਸਤਾਨ ਵੱਲੋਂ ਸੌਂਪੀ ਗਈ ਰਿਪੋਰਟ ਦੇ ਮੁਲਾਂਕਣ ਦੀ ਜੋ ਰਿਪੋਰਟ ਪੇਸ਼ ਕੀਤੀ ਗਈ ਉਸ ਦੇ ਅਧਾਰ ‘ਤੇ ਹੀ ਇਹ ਫ਼ੈਸਲਾ ਲਿਆ ਗਿਆ।ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਪਾਕਿਸਤਾਨ ਨੇ ਅੱਤਵਾਦ ਵਿੱਤ ਨੂੰ ਰੋਕਣ ਲਈ ਢੁਕਵੇਂ ਕਦਮ ਨਹੀਂ ਚੁੱਕੇ ਹਨ। ਐਫਏਟੀਐਫ ਨੇ ਪਾਕਿਸਤਾਨ ਨੂੰ ਅੱਤਵਾਦ ਫੰਡਿੰਗ ਖ਼ਿਲਾਫ ਸਖਤ ਕਾਰਵਾਈ ਕਰਨ ਦੀ ਹਿਦਾਇਤ ਦਿੱਤੀ ਹੋਈ ਹੈ ਪਰ ਜੇਕਰ...

ਆਖੀਰ 18 ਫਰਵਰੀ ਨੂੰ ਪੰਜ ਮਹੀਨੇ ਬਾਅਦ ਅਫਗਾਨਿਸਤਾਨ ਵਿਚ 28 ਸਤੰਬਰ 2019 ਨੂੰ ਹੋਈ ਰਾਸ਼ਟਰਪਤੀ ਦੀ ਚੋਣ ਦੇ ਨਤੀਜਿਆਂ ਦਾ ਐਲਾਨ ਕਰ ਦਿੱਤਾ ਗਿਆ। ਜਿਸ ਵਿਚ ਮੌਜੂਦਾ ਰਾਸ਼ਟਰਪਤੀ ਅਸ਼ਰਫ ਗਨੀ ਨੂੰ ਜੇਤੂ ਐਲਾਨਿਆ ਗਿਆ। ਜਦੋਂਕਿ ਉਹਨਾਂ ਦੇ ਵਿਰੋਧੀ ਉਮੀਦਵਾਰ ਡਾ.ਅਬਦੁੱਲਾ ਅਬਦੁੱਲਾ ਨੇ ਚੋਣਾਂ ਦੇ ਨਤੀਜਿਆਂ ਨੂੰ ਸਵੀਕਾਰ ਕਰਨ ਤੋਂ ਸਾਫ ਇਨਕਾਰ ਕਰ ਦਿੱਤਾ। ਉਹਨਾਂ ਨੇ ਚੋਣ ਕਮਿਸ਼ਨ 'ਤੇ ਧੋਖਾਧੜੀ ਦਾ ਦੋਸ਼ ਲਗਾਉਂਦੇ ਹੋਏ ਅਗਲੀ ਸਰਕਾਰ ਬਣਾਉਣ ਦਾ ਐਲਾਨ ਕੀਤਾ। ਵੋਟਰਾਂ ਦੀ ਗਿਣਤੀ ਘੱਟ ਸੀ ਅਤੇ ਜਦੋਂ ਪਹਿਲੇ ਗੇੜ ਵਿਚ ਸ਼੍ਰੀ ਗਨੀ ਨੂੰ ਜੇਤੂ ਦਿਖਾਇਆ ਗਿਆ ਤਾਂ ਵਿਰੋਧੀਆਂ ਨੇ ਵੋਟ ਪ੍ਰਤੀਸ਼ਤ ਨੂੰ ਵਿਵਾਦਿਤ ਕਰਾਰ ਦਿੱਤਾ । ਸਿੱਟੇ ਵਜੋਂ 15 % ਵੋਟਾਂ ਨੂੰ ਆਡਿਟ ਕੀਤਾ ਗਿਆ। ਰਾਸ਼ਟਰਪਤੀ ਗਨੀ ਨੇ ਬਹੁਤ ਹੀ ਥੋੜੇ ਫਰਕ ਨਾਲ ਚੋਣ ਜਿੱਤੀ। ਉਹਨਾਂ ਨੂੰ 50.64% ਵੋਟਾਂ ਪ੍ਰਾਪਤ ਹੋਈਆਂ। ਅੰਤਿਮ ਚੋਣ ਨਤੀਜਿਆਂ ਦੀ ਘੋਸ਼ਣਾ ਤੋਂ ਬਾਅਦ ਭਾਰਤ ਨੇ ਰਾਸ਼ਟਰਪਤੀ ਅਸ਼ਰਫ ਗਨੀ ਨੂੰ ਮੁੜ ਤੋਂ ਚੋਣ ਜਿੱਤਣ ਲਈ ਮੁਬਾਰਕਬਾਦ ਦਿੱਤੀ। ਭਾਰਤ ਨੇ ਅਫਗਾਨਿਸਤਾਨ ਦੇ ਲੋਕਾਂ ਨੂੰ ਲੋਕਤੰਤਰੀ ਪ੍ਰਣਾਲੀ ਵਿਚ ਆਪਣਾ ਵਿਸ਼ਵਾਸ਼ ਕਾਇਮ ਰੱਖਣ ਤੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ ਆਪਣਾ ਹਰ ਤਰਾਂ ਦਾ ਸਮਰਥਨ ਜਾਰੀ ਰੱਖਣ ਦੇ ਪ੍ਰਣ ਨੂੰ ਦੁਹਰਾਇਆ। ਇਸਦੇ ਨਾਲ ਹੀ ਬਾਹਰੀ ਅੱਤਵਾਦ ਵਿਰੁੱਧ ਲੜਨ, ਸਥਾਈ ਸ਼ਾਂਤੀ ਸਥਾਪਿਤ ਕਰਨ ਅਤੇ ਦੁਵੱਲੇ ਰਣਨੀਤਕ ਸਬੰਧਾਂ ਨੂੰ ਮਜਬੂਤ ਕਰਨ ਲਈ ਨਵੀਂ ਸਰਕਾਰ ਨੂੰ ਹਰ ਤਰਾ...

ਭਾਰਤ ਦੇ ਵਿਦੇਸ਼ ਮੰਤਰੀ ਡਾ.ਐਸ.ਜੈਸ਼ੰਕਰ ਵੱਲੋਂ ਮਿਊਨਿਖ ਸੁਰੱਖਿਆ ਸੰਮੇਲਨ ‘ਚ ਸ਼ਿਰਕਤ ਕਰਨ ਲਈ ਜਰਮਨੀ ਦਾ ਦੌਰਾ ਕੀਤਾ ਗਿਆ।ਇਸ ਫੇਰੀ ਦੌਰਾਨ ਡਾ.ਜੈਸ਼ੰਕਰ ਨੇ ਓਮਾਨ, ਸਪੇਨ, ਕੁਵੈਤ,ਅਰਮੇਨੀਆ, ਸਾਊਦੀ ਅਰਬ ਅਤੇ ਆਸਟ੍ਰੇਲੀਆ ਦੇ ਵਿਦੇਸ਼ ਮੰਤਰੀਆਂ ਨਾਲ ਮੁਲਾਕਾਤ ਕੀਤੀ।ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸਿੰਗਾਪੁਰ, ਜਰਮਨੀ ਅਤੇ ਬੈਲਜੀਅਮ ਦੇ ਰੱਖਿਆ ਮੰਤਰੀਆਂ ਨਾਲ ਵੀ ਬੈਠਕ ਕੀਤੀ।ਸ੍ਰੀ ਜੈਸ਼ੰਕਰ ਨੇ ਯੂਰੋਪੀਅਨ ਕੌਂਸਲ ਦੇ ਪ੍ਰਧਾਨ ਨਾਲ ਵੀ ਮੁਲਾਕਾਤ ਕੀਤੀ। ਬਾਅਦ ‘ਚ ਭਾਰਤੀ ਵਿਦੇਸ਼ ਮੰਤਰੀ ਨੇ ਬਰਲਿਨ ਦਾ ਦੌਰਾ ਕੀਤਾ ਅਤੇ ਆਪਸੀ ਹਿੱਤਾਂ ਦੇ ਦੁਵੱਲੇ ਸਬੰਧਾਂ ਸਮੇਤ ਖੇਤਰੀ ਅਤੇ ਅੰਤਰਰਾਸ਼ਟਰੀ ਮਸਲਿਆਂ ‘ਤੇ ਵਿਸਥਾਰ ਨਾਲ ਵਿਚਾਰ ਵਟਾਂਦਰਾ ਕਰਨ ਲਈ ਜਰਮਨੀ ਦੇ ਵਿਦੇਸ਼ ਮੰਤਰੀ ਹੇਕੋ ਮਾਸ ਅਤੇ ਰੱਖਿਆ ਮੰਤਰੀ ਅਨੈਗਰੇਟੇ ਕਰੈਮਪ ਨਾਲ ਮੁਲਾਕਾਤ ਕੀਤੀ। ਕੌਮਾਂਤਰੀ ਮੰਚ ‘ਤੇ ਭਾਰਤ ਅਤੇ ਜਰਮਨੀ ਮਜ਼ਬੂਤ ਦੁਵਲੇ ਸਬੰਧਾਂ ਅਤੇ ਸਹਿਯੋਗੀ ਸਾਂਝੇਦਾਰੀ ਦਾ ਨਿੱਘ ਮਾਣ ਰਹੇ ਹਨ ।ਇਸੇ ਲੈਅ ਨੂੰ ਜਾਰੀ ਰੱਖਦਿਆਂ ਹੀ ਭਾਰਤ ਨੇ ਬਹੁਪੱਖੀਵਾਦ ਲਈ ਫਰਾਂਸ-ਜਰਮਨ ਦੀ ਹਿਮਾਇਤ ਪ੍ਰਾਪਤ ਗੱਠਜੋੜ ‘ਚ ਸ਼ਮੂਲੀਅਤ ਕੀਤੀ ਹੈ।ਡਾ.ਜੈਸ਼ੰਕਰ ਨੇ ਇਸ ਸਬੰਧੀ ਐਲਾਨ ਕਰਦਿਆਂ ਕਿਹਾ ਕਿ ਅਜੋਕੇ ਸਮੇਂ ‘ਚ ਬਹੁਪੱਖੀਵਾਦ ‘ਤੇ ਖ਼ਤਰਾ ਮੰਡਰਾ ਰਿਹਾ ਹੈ।ਜਿਸ ਕਰਕੇ ਰਾਸ਼ਟਰਵਾਦ ਅਤੇ ਵਪਾਰਵਾਦ ‘ਤੇ ਦਬਾਅ ਵੱਧ ਰਿਹਾ ਹੈ।ਭਾਰਤ ਸੰਯੁਕਤ ਰਾਸ਼ਟਰ ਦੀ ਕੇਂਦਰਿਤਾ ਅਤੇ ਕੌਮਾਂਤਰੀ ਵਪਾਰ ‘ਚ ਵਿਸ਼ਵ ਵਪਾਰ ਸੰਗਠਨ ਦੀ ਸਾਰਥ...

ਹਾਲ ‘ਚ ਹੀ ਤੁਰਕੀ ਦੇ ਰਾਸ਼ਟਰਪਤੀ ਰੇਸੇਪ ਤਾਇਪੀ ਆਰਡੋਗਨ ਵੱਲੋਂ ਪਾਕਿਸਤਾਨ ਦਾ ਦੌਰਾ ਕੀਤਾ ਗਿਆ।ਉਨ੍ਹਾਂ ਨੇ ਆਪਣੀ ਇਸ ਫੇਰੀ ਦੌਰਾਨ ਕਸ਼ਮੀਰ ਦੀ ਮੌਜੂਦਾ ਸਥਿਤੀ ‘ਤੇ ਚਿੰਤਾ ਪ੍ਰਗਟ ਕਰਦਿਆਂ ਕਿਹਾ ਕਿ ਤੁਰਕੀ ਇਸ ਮਸਲੇ ‘ਤੇ ਗੰਭੀਰ ਰੂਪ ‘ਚ ਚਿੰਤਤ ਹੈ ਕਿ ਹਾਲ ‘ਚ ਹੀ ਕਈ ਕੋਸ਼ਿਸ਼ਾਂ ਦੇ ਬਾਵਜੂਦ ਖਿੱਤੇ ਦੀ ਸਥਿਤੀ ‘ਚ ਸੁਧਾਰ ਨਹੀਂ ਹੋਇਆ ਹੈ।ਉਨ੍ਹਾਂ ਕਿਹਾ ਕਿ ਤੁਰਕੀ ਸੰਯੁਕਤ ਰਾਸ਼ਟਰ ਦੇ ਪ੍ਰਸਤਾਵ ਦੇ ਅਧਾਰ ‘ਤੇ ਅਤੇ ਨਾਲ ਹੀ ਕਸ਼ਮੀਰੀ ਲੋਕਾਂ ਦੀਆਂ ਉਮੀਦਾਂ ਅਨੁਸਾਰ ਪਾਕਿਸਤਾਨ ਅਤੇ ਭਾਰਤ ਦਰਮਿਆਨ ਇਸ ਮਸਲੇ ਨੂੰ ਹੱਲ ਕਰਨ ਲਈ ਸੰਵਾਦ ਵਿਧੀ ਦਾ ਸਮਰਥਨ ਕਰਦਾ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ ਤੁਰਕੀ ਕਸ਼ਮੀਰ ਨਾਲ ਆਪਣੀ ਏਕਤਾ ਜ਼ਾਹਰ ਕਰਦਾ ਹੈ।ਕਸ਼ਮੀਰੀ ਲੋਕਾਂ ਵੱਲੋਂ ਜੋ ਸੰਘਰਸ਼ ਕੀਤਾ ਗਿਆ ਹੈ ਉਸ ਦੀ ਤੁਲਨਾ ਪਹਿਲੇ ਵਿਸ਼ਵ ਯੁੱਧ ਦਰਮਿਆਨ ਵਿਦੇਸ਼ੀ ਤਾਕਤਾਂ ਖ਼ਿਲਾਫ ਤੁਰਕੀ ਦੀ ਜੰਗ ਨਾਲ ਕੀਤੀ ਹੈ। ਤੁਰਕੀ ਦੇ ਰਾਸ਼ਟਰਪਤੀ ਵੱਲੋਂ ਦਿੱਤੀ ਗਈ ਇਸ ਟਿੱਪਣੀ ਦੀ ਭਾਰਤ ਵੱਲੋਂ ਸਖ਼ਤ ਸ਼ਬਦਾਂ ‘ਚ ਪ੍ਰਤੀਕ੍ਰਿਆ ਪ੍ਰਗਟ ਕੀਤੀ ਗਈ ਹੈ।ਨਵੀਂ ਦਿੱਲੀ ਨੇ ਤੁਰਕੀ ਦੇ ਰਾਸ਼ਟਰਪਤੀ ਦੀ ਟਿੱਪਣੀ ‘ਤੇ ਦੇਸ਼ ਦੇ ਸਫੀਰ ਨੂੰ ਇਕ ਹੱਦਬੰਦੀ ਪੱਤਰ ਜਾਰੀ ਕੀਤਾ ਹੈ।ਵਿਦੇਸ਼ ਮੰਤਰਾਲੇ ਨੇ ਇਕ ਬਿਆਨ ‘ਚ ਕਿਹਾ ਹੈ ਕਿ ਰਾਸ਼ਟਰਪਤੀ ਆਰਡੋਗਨ ਵੱਲੋਂ ਦਿੱਤੀ ਗਈ ਟਿੱਪਣੀ ਇਸ ਗੱਲ ਦੀ ਗਵਾਹੀ ਭਰਦੀ ਹੈ ਕਿ ਉਨ੍ਹਾਂ ਨੂੰ ਇਤਿਹਾਸ ਦੀ ਸਮਝ ਦੀ ਘਾਟ ਹੈ ਅਤੇ ਨਾ ਹੀ ਇਹ ਟਿੱਪਣੀ ਕੂਟਨੀਤੀ ਨਜ਼ਰੀਏ ਨੂੰ ਪੇਸ਼ ਕ...

ਭਾਰਤ ਦੇ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਡਾ.ਐਸ.ਜੈਸ਼ੰਕਰ ਵੱਲੋਂ ਬ੍ਰਸ਼ੱਲਜ਼ ਦਾ ਦੌਰਾ ਕੀਤਾ ਗਿਆ।ਇਸ ਫੇਰੀ ਦੌਰਾਨ ਉਨ੍ਹਾਂ ਨੇ ਯੂਰਪੀਅਨ ਸੰਘ ਦੇ ਵਿਦੇਸ਼ ਮਾਮਲਿਆਂ ਦੀ ਕੌਂਸਲ. ਐਫਏਸੀ ਨਾਲ ਵਿਚਾਰ ਵਟਾਂਦਰਾ ਕੀਤਾ।ਇਹ ਮੁਲਾਕਾਤ ਯੂਰਪੀਅਨ ਸੰਘ ਦੇ ਉੱਚ ਪ੍ਰਤੀਨਿਧੀ।ਵਿਦੇਸ਼ ਮਾਮਲਿਆਂ ਅਤੇ ਸੁਰੱਖਿਆ ਨੀਤੀ ਲਈ ਉਪ ਪ੍ਰਧਾਨ ਜੋਸਫ ਬੋਰੇਲ ਦੇ ਸੱਦੇ ‘ਤੇ ਆਯੋਜਿਤ ਕੀਤੀ ਗਈ।ਦੱਸਣਯੋਗ ਹੈ ਕਿ ਭਾਰਤੀ ਵਿਦੇਸ਼ ਮੰਤਰੀ ਵੱਲੋਂ ਦਸੰਬਰ 2019 ‘ਚ ਨਵੇਂ ਕਮਿਸ਼ਨ ਦਾ ਕਾਰਜਭਾਰ ਸੰਭਾਲਣ ਤੋਂ ਬਾਅਦ ਈਯੂ ਲਈ ਇਹ ਪਹਿਲੀ ਫੇਰੀ ਸੀ।ਐਫਏਸੀ ਦਾ ਗਠਨ ਈਯੂ ਦੇ ਉੱਚ ਪ੍ਰਤੀਨਿਧੀ ਅਤੇ ਯੂਰੋਪੀਅਨ ਸੰਘ ਦੇ 27 ਮੈਂਬਰ ਦੇਸ਼ਾਂ ਦੇ ਵਿਦੇਸ਼ ਮੰਤਰੀਆਂ ਵੱਲੋਂ ਕੀਤਾ ਗਿਆ ਹੈ।ਇਹ ਕੌਂਸਲ ਵਿਦੇਸ਼ ਨੀਤੀ, ਰੱਖਿਆ ਅਤੇ ਸੁਰੱਖਿਆ, ਵਪਾਰ, ਵਿਕਾਸ ਸਹਿਯੋਗ ਅਤੇ ਮਾਨਵਤਾਵਾਦੀ ਮਦਦ ‘ਤੇ ਈਯੂ ਦੇ ਬਾਹਰੀ ਕਾਰਜਾਂ ਲਈ ਜ਼ਿੰਮੇਵਾਰ ਹੈ।ਭਾਰਤੀ ਵਿਦੇਸ਼ ਮੰਤਰੀ ਨੇ ਐਫਏਸੀ ਨਾਲ ਭਾਰਤੀ ਵਿਦੇਸ਼ ਨੀਤੀ ਦੀਆਂ ਤਰਜੀਹਾਂ ਅਤੇ ਖੇਤਰੀ ਤੇ ਵਿਸ਼ਵਵਿਆਪੀ ਨਜ਼ਰੀਏ ਨੂੰ ਸਾਂਝਾ ਕੀਤਾ।ਇਸ ਚਰਚਾ ‘ਚ ਭਾਰਤ ਅਤੇ ਯੂਰੋਪੀਅਨ ਯੂਨੀਅਨ ਦੇ ਸਾਂਝੇ ਮੁੱਲਾਂ, ਹਿੱਤਾਂ ਸਬੰਧੀ ਮੁੱਦਿਆਂ ‘ਤੇ ਧਿਆਨ ਕੇਂਦਰਿਤ ਕੀਤਾ ਗਿਆ। ਜੋਸਫ ਬੋਰੇਲ ਵੱਲੋਂ ਹਾਲ ‘ਚ ਹੀ ਰਾਏਸੇਨਾ ਸੰਵਾਦ -2020 ‘ਚ ਸ਼ਿਰਕਤ ਕਰਨ ਲਈ ਭਾਰਤ ਦਾ ਦੌਰਾ ਕੀਤਾ ਗਿਆ ਸੀ।ਉਨ੍ਹਾਂ ਨੇ ਭਾਰਤ ਅਤੇ ਈਯੂ ਦਰਮਿਆਨ ਸਮਾਨਤਾਵਾਂ ਨੂੰ ਪ੍ਰਗਟ ਕਰਦਿਆਂ ਦੋਵਾਂ ਧਿਰਾਂ ਨੂੰ ਨੇਮ ਅਧ...

56ਵਾਂ ਮਿਊਨਿਖ ਸੁਰੱਖਿਆ ਸੰਮੇਲਨ, ਐਮਐਸਸੀ ਪਿਛਲੇ ਹਫ਼ਤੇ ਜਰਮਨੀ ਦੇ ਮਿਊਨਿਖ ਵਿਖੇ ਹੋ ਨਿਭੜਿਆ।ਇਹ ਅੰਤਰਰਾਸ਼ਟਰੀ ਸੁਰੱਖਿਆ ਨੀਤੀ ‘ਤੇ ਚਰਚਾ ਕਰਨ ਵਾਲਾ ਉੱਚ ਗਲੋਬਲ ਮੰਚ ਹੈ।ਇਸ ਸੰਮੇਲਨ ਦੌਰਾਨ ‘ਪੱਛਮਹੀਣਤਾ’ ‘ਤੇ ਵਧੇਰੇ ਧਿਆਨ ਕੇਂਦਰਿਤ ਕੀਤਾ ਗਿਆ।ਪੱਛਮ ਦੀਆਂ ਆਪਣੀ ਕਦਰਾਂ ਕੀਮਤਾਂ ਅਤੇ ਰਣਨੀਤਕ ਰੁਝਾਨਾਂ ‘ਚ ਆਏ ਮਤਭੇਦਾਂ ਅਤੇ ਅਨਿਸ਼ਚਿਤਤਾਵਾਂ ਕਾਰਨ ਇਕ ਪਾੜ ਉਭਰ ਕੇ ਆਇਆ ਹੈ।ਇਸ ਸੰਮੇਲਨ ‘ਚ ਨਾਟੋ ਦੇ ਸਕੱਤਰ ਜਨਰਲ ਜੇਨਸ ਸਟੋਲਟਨਬਰਗ ਨੇ ਆਪਣੇ ਸੰਬੋਧਨ ‘ਚ ਕਿਹਾ ਕਿ ਵਾਸ਼ਿਗੰਟਨ ਆਪਣੇ ਸਹਿਯੋਗੀ ਦੇਸ਼ਾਂ ਅਤੇ ਆਲਮੀ ਚਿੰਤਾਵਾਂ ਤੋਂ ਆਪਣੇ ਆਪ ਨੂੰ ਵੱਖ ਕਰ ਰਿਹਾ ਹੈ।ਯੂਰੋਪੀਅਨ ਭਾਵਨਾਵਾਂ ਨੂੰ ਯਕੀਨ ਦਿਵਾਉਣ ਦੇ ਮਕਸਦ ਨਾਲ ਸੰਯੁਕਤ ਰਾਜ ਦੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਕਿਹਾ ਕਿ ਐਟਲਾਂਟਿਕ ਤੋਂ ਪਾਰ ਸਹਿਯੋਗੀਆਂ ਨਾਲ ਨਾਤਾ ਤੋੜਣਾ ਬਹੁਤ ਜ਼ਰੂਰੀ ਸੀ।ਉਨ੍ਹਾਂ ਦੇ ਮੁਤਾਬਿਕ ਪੱਛਮ ਜਿੱਤ ਰਿਹਾ ਸੀ , ਕਹਿ ਸਕਦੇ ਹਾਂ ਕਿ ਦੂਜਿਆਂ ਨੂੰ ਵੀ ਨਾਲ ਲੈ ਕੇ ਜਿਤ ਦੀ ਰਾਹ ‘ਤੇ ਅੱਗੇ ਵੱਧ ਰਿਹਾ ਸੀ।ਉਨ੍ਹਾਂ ਅੱਗੇ ਕਿਹਾ ਕਿ ਵਾਸ਼ਿਗੰਟਨ ਨੇ ਨਾਟੋ ਜ਼ਰੀਏ ਹਮੇਸ਼ਾਂ ਹੀ ਯੂਰਪ ਦੀਆਂ ਸਰਹੱਦਾਂ ਦੀ ਰਾਖੀ ਕਰਨ ’ਚ ਅਹਿਮ ਭੂਮਿਕਾ ਨਿਭਾਈ ਹੈ।ਇਸ ਦੇ ਨਾਲ ਹੀ ਇਸਲਾਮਿਕ ਰਾਜ ਨੂੰ ਹਰਾਉਣ ਲਈ ਬਹੁ-ਰਾਸ਼ਟਰੀ ਯਤਨਾਂ ਦੀ ਅਗਵਾਈ ਵੀ ਕੀਤੀ ਹੈ। ਅਸਲ ‘ਚ ਜਰਮਨ ਦੇ ਰਾਸ਼ਟਰਪਤੀ ਫਰੈਂਕ ਵਾਲਟਰ ਨੇ ਕਿਹਾ ਕਿ ਅਮਰੀਕਾ ਨੇ ਅੰਤਰਰਾਸ਼ਟਰੀ ਭਾਈਚਾਰੇ ਦੇ ਵਿਚਾਰਾਂ ਤੱਕ ਨੂੰ ਰ...

ਪੁਰਤਗਾਲੀ ਰਾਸ਼ਟਰਪਤੀ ਮਾਰਕੇਲੋ ਰੈਬੇਲੋ ਡੀ ਸੂਜ਼ਾ ਵੱਲੋਂ ਭਾਰਤ ਦੀ ਸਰਕਾਰੀ ਫੇਰੀ ਕੀਤੀ ਗਈ।ਇਸ ਦੌਰੇ ਦੌਰਾਨ  14 ਮੰਗ ਪੱਤਰ ਅਤੇ ਸਮਝੌਤਿਆਂ ਨੂੰ ਸਹੀਬੱਧ ਕੀਤਾ ਗਿਆ।ਜਿਸ ‘ਚ ਕਿ ਆਪਸੀ ਲਾਭਕਾਰੀ ਮੁੱਦਿਆਂ ਦੇ ਵਿਆਪਕ ਖੇਤਰ ਸ਼ਾਮਲ ਹਨ।ਸਮੁੰਦਰੀ ਆਵਾਜਾਈ ਅਤੇ ਬੰਦਰਗਾਹ ਵਿਕਾਸ, ਸਟਾਰਟ ਅੱਪਸ, ਏਰੋਸਪੇਸ, ਕੂਟਨੀਤਿਕ ਸਿਖਲਾਈ, ਵਿਗਿਆਨਕ ਖੋਜ ਅਤੇ ਜਨਤਕ ਨੀਤੀ ਸਬੰਧੀ ਖੇਤਰ ਇੰਨ੍ਹਾਂ ਸਮਝੌਤਿਆਂ ‘ਚ ਸ਼ਾਮਲ ਹਨ। ਇਸ ਫੇਰੀ ਨੇ ਭਾਰਤ-ਪੁਰਤਗਾਲ ਦੁਵੱਲੇ ਸਬੰਧਾਂ ਨੂੰ ਇਕ ਨਵੀਂ ਗਤੀਸ਼ੀਲਤਾ ਪ੍ਰਦਾਨ ਕੀਤੀ ਹੈ।ਪਿਛਲੇ ਤਿੰਨ ਸਾਲਾਂ ‘ਚ ਦੋ ਮੁਲਕਾਂ ਵਿਚਾਲੇ ਸਬੰਧਾਂ ‘ਚ ਬਹੁਤ ਤਬਦੀਲੀ ਵੇਖਣ ਨੂੰ ਮਿਲੀ ਹੈ।ਯਕੀਨਨ ਹੀ ਭਾਰਤ ਅਤੇ ਪੁਰਤਗਾਲ ਆਪਣੇ ਦੁਵੱਲੇ ਸਬੰਧਾਂ ਦੀ ਪੂਰੀਆਂ ਸੰਭਾਵਨਾਵਾਂ ਨੂੰ ਅੱਗੇ ਵਧਾਉਣ ਲਈ ਇਕ ਦੂਜੇ ਦੀ ਤੇਜ਼ੀ ਨਾਲ ਹੋ ਰਹੀ ਤਬਦੀਲੀ ਨੂੰ ਬਹੁਤ ਹੀ ਧਿਆਨ ਨਾਲ ਵੇਖ ਰਹੇ ਹਨ। ਅਜੋਕੇ ਸਮੇਂ ‘ਚ ਭਾਰਤ ਅਤੇ ਪੁਰਤਗਾਲ ਵਿਚਾਲੇ ਕਈ ਆਲਮੀ ਅਤੇ ਦੁਵੱਲੇ ਮੁੱਦੇ ਮੌਜੂਦ ਹਨ, ਜੋ ਕਿ ਦੋਵਾਂ ਮੁਲਕਾਂ ਦੇ ਹਿੱਤਾਂ ਨੂੰ ਪੇਸ਼ ਕਰਦੇ ਹਨ।ਪੂਰੀ ਦੁਨੀਆ ਕਈ ਅਣਦੇਖੇ ਅਤੇ ਅਸਥਿਰ ਖਤਰਿਆਂ ਦਾ ਘਰ ਬਣੀ ਹੋਈ ਹੈ।ਮਹਾਨ ਸ਼ਕਤੀਆਂ ‘ਚ ਦੁਸ਼ਮਣੀ, ਭੂ-ਆਰਥਿਕ ਅਤੇ ਭੂ-ਰਣਨੀਤਕ ਮੁਕਾਬਲਿਆਂ ‘ਚ ਕਮੀ, ਮੰਦੀ ਆਰਥਿਕ ਸਥਿਤੀ ਅਤੇ ਰਿਵਾਇਤੀ ਤੇ ਗੈਰ ਰਿਵਾਇਤੀ ਸੁਰੱਖਿਆ ਖ਼ਤਰਿਆਂ ਦੇ ਵਾਧੇ ਕਾਰਨ ਵਿਸ਼ਵਵਿਆਪੀ ਰਣਨੀਤਕ ਸਥਿਤੀ ਨੂੰ ਵਿ...

ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਵਿਦੇਸ਼ੀ ਨਿਵੇਸ਼ਕਾਂ ਵੱਲੋਂ ਭਾਰਤ ‘ਚ ਨਿਵੇਸ਼ ਕਰਨ ਸਬੰਧੀ ਆਪਣੇ ਭਰੋਸੇ ਨੂੰ ਲਗਾਤਾਰ ਪੇਸ਼ ਕੀਤਾ ਗਿਆ ਹੈ।ਸੰਸਦ ‘ਚ ਕੇਂਦਰੀ ਬਜਟ 2020-21 ‘ਤੇ ਵਿਚਾਰ ਵਟਾਂਦਰੇ ਦੇ ਜਵਾਬ ‘ਚ ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਬੈਂਕ ਵਿਕਾਸ ਨਿਵੇਸ਼ ਲਈ ਫੰਡ ਮੁਹੱਈਆ ਕਰਵਾਉਣ ਲਈ ਬਿਹਤਰ ਯੋਗ ਹੋ ਗਏ ਹਨ।ਵਿੱਤ ਮੰਤਰੀ ਨੇ ਜ਼ੋਰ ਦੇ ਕੇ ਕਿਹਾ ਕਿ ਸਰਕਾਰ 2024-25 ਤੱਕ ਬੁਨਿਆਦੀ ਢਾਂਚੇ ਦੇ ਵਿਕਾਸ ‘ਚ ਇਕ ਲੱਖ ਕਰੋੜ ਰੁਪਏ ਤੋਂ ਵੱਧ ਦੇ ਨਿਵੇਸ਼ ਦੀ ਤਿਆਰੀ ‘ਚ ਹੈ।ਉਨ੍ਹਾਂ ਅੱਗੇ ਕਿਹਾ ਕਿ ਦੇਸ਼ ਦੀ ਆਰਥਿਕਤਾ ਅਗਾਂਹ ਉੱਚਾਈਆਂ ਛੂਹ ਰਹੀ ਹੈ।ਜੀਐਸਟੀ ਮਾਲੀਆ ਇੱਕਤਰਤਾ ‘ਚ ਵੀ ਲਗਾਤਾਰ ਵਾਧਾ ਦਰਜ ਕੀਤਾ ਗਿਆ ਹੈ।ਉਨ੍ਹਾਂ ਕਿਹਾ ਕਿ ਦੇਸ਼ ਦੀ ਜੀਡੀਪੀ 2014-15 ਦੋ ਟ੍ਰਿਲੀਅਕ ਡਾਲਰ ਸੀ ਜੋ ਕਿ 2019-20 ‘ਚ 2.9 ਟ੍ਰਿਲੀਅਨ ਡਾਲਰ ਹੋ ਗਈ ਹੈ।ਸਰਕਾਰ ਨੇ ਨੌਜਵਾਨਾਂ ਦੇ ਬਿਹਤਰ ਭਵਿੱਖ ਲਈ ਕਈ ਅਹਿਮ ਕਦਮ ਚੁੱਕੇ ਹਨ।ਵਿੱਤ ਮੰਤਰੀ ਨੇ ਅੱਗੇ ਕਿਹਾ ਕਿ ਭਾਰਤ ਦੀ ਆਰਥਿਕਤਾ ਇਕ ਸਕਾਰਾਤਮਕ ਪਹਿਲੂ ਨੂੰ ਦਰਸਾ ਰਹੀ ਹੈ ਅਤੇ ਕੇਂਦਰ ਸਰਕਾਰ ਇਸ ਵਿਸ਼ਵਾਸ ਨੂੰ ਹੋਰ ਮਜ਼ਬੂਤ ਕਰਨ ਲਈ ਹਰ ਸੰਭਵ ਉਪਰਾਲੇ ਕਰ ਰਹੀ ਹੈ। ਸਿਹਤ ਮੰਤਰੀ ਡਾ.ਹਰਸ਼ ਵਰਧਨ ਨੇ ਕਿਹਾ ਕਿ ਦੇਸ਼ ਖ਼ਤਰਨਾਕ ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਲਈ ਪੂਰੀ ਤਰ੍ਹਾਂ ਨਾਲ ਤਿਆਰ ਬਰ ਤਿਆਰ ਹੈ।ਲੋਕ ਸਭਾ ‘ਚ ਇਸ ਮੁੱਦੇ ‘ਤੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਕੋਰੋਨਾ ਵਾਇਰਸ ਦੇ ਕਹਿਰ ਤੋਂ ਬਚਣ ਲਈ ਸਾਰ...

ਪਾਕਿਸਤਾਨ ਦੀ ਇੱਕ ਅੱਤਵਾਦ ਰੋਕੂ ਅਦਾਲਤ ਨੇ 2008 ਦੇ ਮੁੰਬਈ ਹਮਲਿਆਂ ਦੇ ਮੁੱਖ ਸਾਜਿਸ਼ਕਾਰ ਹਾਫਿਜ਼ ਸਾਇਦ ਨੂੰ 11 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ।ਦੱਸਣਯੋਗ ਹੈ ਕਿ ਸਾਇਦ ਪਾਕਿਸਤਾਨ ਅਧਾਰਤ ਦਹਿਸ਼ਤਗਰਦੀ ਸਮੂਹ ਜਮਾਤ-ਉਦ-ਦਾਵਾ ਅਤੇ ਲਸ਼ਕਰ-ਏ-ਤਾਇਬਾ ਦਾ ਮੁੱਖੀ ਹੈ। ਉਸ ‘ਤੇ ਅੱਤਵਾਦ ਵਿੱਤ ਸਬੰਧੀ ਦੋ ਮਾਮਲਿਆਂ ‘ਚ ਦੋਸ਼ ਆਇਦ ਹੋਏ ਹਨ।ਪਾਕਿਸਤਾਨ ਦੇ ਅੱਤਵਾਦ ਵਿਰੋਧੀ ਮਹਿਕਮੇ, ਸੀਟੀਡੀ ਵੱਲੋਂ ਸਾਇਦ ਅਤੇ ਉਸ ਦੇ ਸਾਥੀਆਂ ਖਿਲਾਫ 23 ਮਾਮਲੇ ਦਰਜ ਕੀਤੇ ਗਏ ਸਨ। ਪਾਕਿਸਤਾਨ ਸਰਕਾਰ ਦੇ ਵਕੀਲ ਅਬਦੁੱਲ ਰਾਊਫ ਨੇ ਕਿਹਾ, “ ਹਾਫਿਜ਼ ਸਾਇਦ ਅਤੇ ਉਸ ਦੇ ਨਜ਼ਦੀਕੀ ਸਾਥੀ ਜ਼ਾਫਰ ਇਕਬਾਲ ਨੂੰ ਅੱਤਵਾਦ ਨੂੰ ਵਿੱਤੀ ਸਮਰਥਨ ਦੇਣ ਦੇ ਦੋ ਮਾਮਲਿਆਂ ‘ਚ ਸਜ਼ਾ ਸੁਣਾਈ ਗਈ ਹੈ, ਜੋ ਕਿ 11 ਸਾਲ ਦੀ ਕੈਦ ਹੈ।ਪਰ ਸਾਇਦ ਪੰਜ ਸਾਲ 6 ਮਹੀਨੇ ਦੀ ਸਜ਼ਾ ਭੁਗਤੇਗਾ ਕਿਉਂਕਿ ਉਹ ਦੋ ਮਾਮਲਿਆਂ ਦੀ ਸਜ਼ਾ ਨਾਲ-ਨਾਲ ਭੁਗਤ ਰਿਹਾ ਹੈ।” ਇਸ ਦੌਰਾਨ ਸਾਇਦ ਦੇ ਵਕੀਲ ਨੇ ਕਿਹਾ ਕਿ ਇਸ ਫ਼ੈਸਲੇ ਦੇ ਵਿਰੁੱਧ ਅਸੀਂ ਅਪੀਲ ਕਰਾਂਗੇ। ਪਾਕਿ ਵੱਲੋਂ ਸਾਇਦ ਖਿਲਾਫ ਕੀਤੀ ਗਈ ਇਸ ਕਾਰਵਾਈ ‘ਤੇ ਭਾਰਤ ਨੇ ਕਿਹਾ, “ਸੰਯੁਕਤ ਰਾਸ਼ਟਰ ਵੱਲੋਂ ਨਾਮਜ਼ਦ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਪਾਬੰਦੀਸ਼ੁਦਾ ਅੱਤਵਾਦੀ ਹਾਫਿਜ਼ ਸਾਇਦ ‘ਤੇ ਅੱਤਵਾਦ ਵਿੱਤ ਮਾਮਲੇ ‘ਚ ਪਾਕਿਸਤਾਨ ਵੱਲੋਂ ਸੁਣਾਈ ਗਈ ਸਜ਼ਾ ਪਿਛਲੇ ਲੰਮੇ ਸਮੇਂ ਤੋਂ ਲੰਬਿਤ ਸੀ।ਇਹ ਪਾਕਿਸਤਾਨ ਦੀ ਕੌਮਾਂਤਰੀ ਜ਼ਿੰਮੇਵਾਰੀ ਸੀ ਕਿ ਉਹ ਅੱਤਵਾਦ ਨੂੰ ਸਮਰਥ...

ਸ੍ਰੀਲੰਕਾ ਦੇ ਪ੍ਰਧਾਨ ਮੰਤਰੀ ਮਹਿੰਦਾ ਰਾਜਪਕਸ਼ੇ ਨੇ ਉੱਚ ਪੱਧਰੀ ਵਫ਼ਦ ਨਾਲ ਭਾਰਤ ਦਾ ਦੌਰਾ ਕੀਤਾ।ਇਸ ਫੇਰੀ ਦੌਰਾਨ ਉਨ੍ਹਾਂ ਨੇ ਭਾਰਤੀ ਲੀਡਰਸ਼ਿਪ ਨਾਲ ਵਿਚਾਰ ਚਰਚਾਵਾਂ ਕੀਤੀਆਂ।ਪੀਐਮ ਰਾਜਪਕਸ਼ੇ ਨੇ ਭਾਰਤ ਦੇ ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਅਤੇ ਆਪਣੇ ਹਮਅਹੁਦਾ ਪੀਐਮ ਨਰਿੰਦਰ ਮੋਦੀ ਨਾਲ ਮੁਲਾਕਾਤ ਕੀਤੀ ਅਤੇ ਵਿਆਪਕ ਵਿਚਾਰ ਵਟਾਂਦਰਾ ਕੀਤਾ।ਭਾਰਤੀ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਡਾ.ਐਸ ਜੈਸ਼ੰਕਰ ਨੇ ਵੀ ਸ੍ਰੀਲੰਕਾਈ ਪੀਐਮ ਨਾਲ ਮੁਲਾਕਾਤ ਕੀਤੀ। ਪੀਐਮ ਮੋਦੀ ਨੇ ਕਿਹਾ ਕਿ ਭਾਰਤ ਅਤੇ ਸ੍ਰੀਲੰਕਾ ਪ੍ਰਾਚੀਨ ਸਮੇਂ ਤੋਂ ਹੀ ਗੁਆਂਢੀ ਮੁਲਕ ਹਨ ਅਤੇ ਦੋਵੇਂ ਹੀ ਇਕ ਦੂਜੇ ਦੇ ਚੰਗੇ ਮਿੱਤਰ ਵੀ ਹਨ।ਦੋਵਾਂ ਦੇਸ਼ਾਂ ਦਰਮਿਆਨ ਦੁਵੱਲੇ ਸੰਬੰਧਾਂ ਦੀ ਨੀਂਵ ਕਈ ਪਹਿਲੂਆਂ ਮਿਸਾਲਨ ਸਭਿਆਚਾਰ, ਧਰਮ, ਕਲਾ ਅਤੇ ਭਾਸ਼ਾ ਨਾਲ ਰੱਖੀ ਗਈ ਹੈ।ਗੱਲ ਭਾਵੇਂ ਸੁਰੱਖਿਆ ਦੀ ਹੋਵੇ ਜਾਂ ਫਿਰ ਆਰਥਿਕਤਾ ਜਾਂ ਫਿਰ ਸਮਾਜਿਕ ਤਰੱਕੀ ਦੀ, ਸਾਡਾ ਅਤੀਤ ਅਤੇ ਸਾਡਾ ਭਵਿੱਖ ਹਰ ਖੇਤਰ ‘ਚ ਇਕ ਦੂਜੇ ਨਾਲ ਜੁੜਿਆ ਹੋਇਆ ਹੈ।ਸ੍ਰੀਲੰਕਾ ‘ਚ ਸਥਿਰਤਾ ਅਤੇ ਖੁਸ਼ਹਾਲੀ ਦਾ ਮਾਹੌਲ ਨਾ ਸਿਰਫ ਭਾਰਤ ਲਈ ਫਾਇਦੇਮੰਦ ਹੈ, ਬਲਕਿ ਸਮੁੱਚੇ ਹਿੰਦ ਮਹਾਂਸਾਗਰ ਖੇਤਰ ਦੇ ਹਿੱਤ ‘ਚ ਹੈ।ਇਸ ਲਈ ਭਾਰਤ ਅਤੇ ਸ੍ਰੀਲੰਕਾ ਵਿਚਾਲੇ ਨਜ਼ਦੀਕੀ ਸਹਿਯੋਗ ਇਸ ਖੇਤਰ ‘ਚ ਸ਼ਾਂਤੀ ਅਤੇ ਸਥਿਰਤਾ ਲਈ ਬਹੁਤ ਜ਼ਰੂਰੀ ਹੈ। ਇਸ ਸੰਦਰਭ ‘ਚ ਭਾਰਤ ਦੀ ‘ਗੁਆਂਢ ਪਹਿਲ’ ਨੀਤੀ ਅਤੇ ‘ਸਾਗਰ’ (ਸੁਰੱਖਿਆ ਅਤੇ ਵਿਕਾਸ ਸਾਰਿਆਂ ਲਈ) ਦਾ ਸਿਧਾਂਤ ਖਾਸ ਹੈ।ਭਾ...

ਭਾਰਤੀ ਸੰਸਦ ਵਿਚ ਕੇਂਦਰੀ ਬਜਟ ਪੇਸ਼ ਹੋਣ ਉਪਰੰਤ ਬਹੁਤ ਦਿਲਚਸਪ ਸਥਿਤੀ ਵੇਖਣ ਨੂੰ ਮਿਲੀ।ਸਮਝਿਆ ਜਾ ਰਿਹਾ ਸੀ ਕਿ ਚਾਲੂ ਵਿੱਤੀ ਸੈਸ਼ਨ, ਵਿਰੋਧੀ ਅਤੇ ਉਸਦੇ ਸਹਿਯੋਗੀ ਧਿਰਾਂ ਵਲੋਂ ਨਾਗਰਿਕਤਾ ਸੋਧ ਬਿੱਲ ਅਤੇ ਹੋਰ ਮੁੱੱਦਿਆਂ ਦੇ ਵਿਰੋਧ ਨੂੰ ਲੈ ਕੇ ਹੰਗਾਮਿਆਂ ਭਰਪੂਰ ਹੋਵੇਗਾ। ਸੱਤਾਧਾਰੀ ਧਿਰ ਵਲੋਂ ਵੀ ਇਹ ਆਖਿਆ ਗਿਆ ਸੀ ਕਿ ਉਹ ਸਪੀਕਰ ਦੀ ਇਜਾਜਤ ਨਾਲ ਸਾਰੇ ਮੁੱਦਿਆਂ ਤੇ ਬਹਿਸ ਕਰਨ ਨੂੰ ਤਿਆਰ ਹੈ। ਸਰਕਾਰ ਵਲੋਂ ਇਸ ਸੈਸ਼ਨ ਦੌਰਾਨ 45 ਬਿੱਲ ਅਤੇ 7 ਵਿੱਤੀ ਬਿੱਲ ਪੇਸ਼ ਕਰਨ ਦਾ ਏਜੰਡਾ ਸੀ, ਪਰ ਵਿਰੋਧੀ ਧਿਰ ਵਲੋਂ ਸਾਰੇ ਮੁੱਦਿਆਂ ਨੂੰ ਪਿੱੱਛੇ ਧੱਕ ਦਿੱਤਾ ਗਿਆ। ਨਾਗਰਿਕਤਾ ਸੋਧ ਬਿੱਲ , ਐਨਪੀ ਆਰ ਅਤੇ ਹੋਰ ਮੁੱਦਿਆ ਨੂੰ ਲੈ ਕੇ ਵਿਰੋਧੀ ਧਿਰ ਵਲੋਂ ਹੰਗਾਮਾ ਕਰਨ ਤੋਂ ਬਾਅਦ ਰਾਜ ਸਭਾ ਮੁਲਤਵੀ ਕਰ ਦਿੱਤੀ ਗਈ। ਜਦੋਂ ਸਦਨ ਦੀ ਕਾਰਵਾਈ ਦੁਬਾਰਾ ਸ਼ੁਰੂ ਹੋਈ ਤਾਂ ਕਾਂਗਰਸ ,ਟੀਐਮਸੀ, ਡੀ ਐਮ ਕੇ, ਐਸ ਪੀ ,ਖੱਬੇਪੱਖੀ ਅਤੇ ਹੋਰਨਾਂ ਮੈਂਬਰਾਂ ਵਲੋ ਸਰਕਾਰ ਦੇ ਖਿਲਾਫ ਜੰਮ ਕੇ ਨਾਅਰੇਬਾਜੀ ਕੀਤੀ ਗਈ। ਇਸੇ ਭਾਰੀ ਸ਼ੋਰ ਸ਼ਰਾਬੇ ਦੌਰਾਨ ਹੀ ਉਪ ਚੈਅਰਮੈਨ ਹਰੀਵੰਸ਼ ਵਲੋਂ ਸੰਸਦ ਦੇ ਦੋਵੇਂ ਸਦਨਾਂ ਨੂੰ ਰਾਸ਼ਟਰਪਤੀ ਦੇ ਭਾਸ਼ਣ ਉੱਤੇ ਧੰਨਵਾਦ ਕਰਨ ਦੇ ਮਤੇ ਦਾ ਸੱਦਾ ਦਿੱਤਾ ਗਿਆ। ਇਸੇ ਤਰਾਂ ਸਦਨ ਦੇ ਨੇਤਾ ਥਵਰ ਚੰਦ ਗਹਿਲੋਤ ਨੇ ਵੀ ਵਿਰੋਧੀ ਧਿਰ ਨੂੰ ਵਿਚਾਰ ਵਟਾਂਦਰਾ ਕਰਨ ਦੀ ਅਪੀਲ ਕੀਤੀ , ਜੋ ਬੇਕਾਰ ਸਾਬਤ ਹੋਈ। ਵਿਰੋਧੀ ਧਿਰ ਵਲੋਂ ਸੀਏਏ, ਐਨਪੀਆਰ ਅਤੇ ਇਸ ਨਾਲ ...

ਅਮਰੀਕੀ ਰਾਸ਼ਟਰਪਤੀ ਦੀ ਚੋਣ ਲਗਭਗ ਇਕ ਸਾਲ ਲੰਮੀ ਪ੍ਰਕਿਰਿਆ ਹੈ, ਜਿਸ ਵਾਸਤੇ ਉਥੋਂ ਦੀਆਂ ਦੋ ਪ੍ਰਮੁੱਖ ਰਾਜਨੀਤਕ ਪਾਰਟੀਆਂ ਆਪਣੇ ਉਮੀਦਵਾਰ ਨੂੰ ਨਾਮਜਦ ਕਰਨ ਵਾਸਤੇ ਮੁੰਹਿਮ ਦੀ ਸ਼ੁਰੂਆਤ ਕਰਦੀਆਂ ਹਨ। ਡੈਮੋਕਰੇਟਿਕ ਅਤੇ ਰਿਪਬਲਿਕਨ ਪਾਰਟੀ ਅਮਰੀਕਾ ਦੀਆਂ ਦੋ ਪ੍ਰਮੁੱਖ ਰਾਜਨੀਤਕ ਪਾਰਟੀਆਂ ਹਨ। ਰਿਪਬਲਿਕਨ ਪਾਰਟੀ ਨਾਲ ਸਬੰਧਿਤ ਅਮਰੀਕਾ ਦੇ ਮੌਜੂਦਾ ਰਾਸ਼ਟਰਪਤੀ ਡੋਨਾਰਡ ਟਰੰਪ ਹੀ, ਰਿਪਬਲਿਕਨ ਪਾਰਟੀ ਵਲੋਂ ਰਾਸ਼ਟਰਪਤੀ ਦੇ ਅਹੁਦੇ ਵਾਸਤੇ ਉਮੀਦਵਾਰ ਹੋਣਗੇ, ਜਦੋਂ ਕਿ ਦੂਸਰੇ ਪਾਸੇ ਨਵੰਬਰ 2020 ਵਿਚ ਹੋਣ ਵਾਲੀ ਅਮਰੀਕੀ ਰਾਸ਼ਟਰਪਤੀ ਦੀ ਚੋਣ ਵਾਸਤੇ ਡੈਮੋਕਰੇਟਿਕ ਪਾਰਟੀ ਦੇ ਕਈ ਉਮੀਦਵਾਰ ਕਤਾਰ ਵਿਚ ਹਨ। ਰਾਸ਼ਟਰਪਤੀ ਦੇ ਅਹੁਦੇ ਲਈ ਉਮੀਦਵਾਰ ਦਾ ਨਾਮ ਪਾਰਟੀ ਦੀ ਨੈਸ਼ਨਲ ਕਨਵੈਨਸ਼ਨ ਵਿਚ ਕੀਤਾ ਜਾਂਦਾ ਹੈ, ਜਿਸ ਵਿਚ ਪਾਰਟੀ ਦੇ ਡੈਲੀਗੇਟ ਇੱਕਠੇ ਹੋ ਕੇ ਉਮੀਦਵਾਰ ਦਾ ਨਾਮ ਨਾਮਜਦ ਕਰਦੇ ਹਨ ਕਿ ਉਹਨਾਂ ਦੀ ਪਾਰਟੀ ਵਲੋਂ ਇਸ ਅਹੁਦੇ ਵਾਸਤੇ ਕੌਣ ਪ੍ਰਤੀਨਿਧ ਹੋਵੇਗਾ। ਅਮਰੀਕਾ ਦੀ ਚੋਣ ਪ੍ਰਣਾਲੀ ਵਿਚ ਪ੍ਰਾਇਮਰੀ ਅਤੇ ਨਾਮਜਦ ਕਰਨ ਦੀ ਪ੍ਰਕਿਰਿਆ ਮਹੱਤਵਪੂਰਣ ਪ੍ਰਕਿਰਿਆਵਾਂ ਹਨ। ਮੁੱਢਲੀ ਪ੍ਰਕਿਰਿਆ ਦੇ ਅੰਤਰਗਤ ਵੱਖ ਵਾਖ ਰਾਜਾਂ ਦੇ ਪਾਰਟੀ ਮੈਂਬਰ ਇਕੱਠੇ ਹੁੰਦੇ ਹਨ ਅਤੇ ਪਾਰਟੀ ਦੇ ਕੌਂਮੀ ਸੰਮੇਲਨ ਵਾਸਤੇ ਡੈਲੀਗੇਟਾਂ ਦੇ ਚੋਣ ਕਰਦੋ ਹਨ। ਇਹ ਚੋਂਣ ਗੁਪਤ ਤਰੀਕੇ ਨਾਲ ਹੁੰਦੀ ਹੈ, ਜਦੋਂ ਕਿ ਦੂਸਰੇ ਪਾਸੇ ਨਾਮਜਦ ਕਰਨ ਦੀ ਪ੍ਰਕਿਰਿਆ ਪਾਰਦਰਸ਼ੀ ਢੰਗ ਨਾਲ...

ਅਮਰੀਕਾ ਅਤੇ ਤਾਲਿਬਾਨ ਨੇ ਸ਼ਾਂਤੀ ਸਮਝੌਤੇ ‘ਤੇ ਅੰਤਿਮ ਮੋਹਰ ਲਗਾਉਣ ਤੋਂ ਪਹਿਲਾਂ ਅਸਥਾਈ ਜੰਗਬੰਦੀ ਲਈ ਵੱਖੋ ਵੱਖ ਮਿਆਦ ਤੈਅ ਕਰਨ ਤੋਂ ਬਾਅਦ ਅਫ਼ਗਾਨ ਸ਼ਾਂਤੀ ਵਾਰਤਾ ਆਪਣੇ ਸਭ ਤੋਂ ਨਾਜ਼ੁਕ ਪੜਾਅ ‘ਤੇ ਪਹੁੰਚ ਗਈ ਹੈ ਜੰਗਬੰਦੀ ਦੋਵਾਂ ਧਿਰਾਂ ਦਰਮਿਆਨ ਭਰੋਸੇ ਦੇ ਪੱਧਰ ਨੂੰ ਨਿਰਧਾਰਤ ਕਰੇਗੀ ਅਤੇ ਨਾਲ ਹੀ ਇਹ ਇਕ ਤਰ੍ਹਾਂ ਦੀ ਪਰਖ ਹੋਵੇਗੀ ਕਿ ਦੋਵੇਂ ਹੀ ਪੱਖ ਇਕ ਦੂਜੇ ਨਾਲ ਕੀਤੇ ਵਾਅਦੇ ਨੂੰ ਪੂਰਾ ਕਰਦੇ ਹਨ ਜਾਂ ਫਿਰ ਨਹੀਂ।ਦਰਅਸਲ ਰਾਸ਼ਟਰਪਤੀ ਟਰੰਪ ਵੱਲੋਂ ਜਦੋਂ ਦਾ ਇਸ ਵਾਰਤਾ ਲਈ ਵਿਸ਼ੇਸ਼ ਪ੍ਰਤੀਨਿਧੀ ਜ਼ਲਮੈ ਖਾਲੀਜ਼ਾਦ ਨੂੰ ਨਿਯੁਕਤ ਕੀਤਾ ਹੈ, ਉਸ ਤੋਂ ਬਾਅਦ ਅਮਰੀਕਾ ਅਤੇ ਤਾਲਿਬਾਨ ਨੇ ਕਈ ਉਤਰਾਅ-ਚੜਾਅ ਵੇਖੇ ਹਨ।ਹਾਲਾਂਕਿ ਦੋਵੇਂ ਧਿਰਾਂ ਅਫ਼ਗਾਨਿਸਤਾਨ ਦੇ ਮਸਲੇ ‘ਤੇ ਇਕ ਦੂਜੇ ਦੇ ਸਾਮਨੇ ਹਨ। ਅਮਰੀਕਾ ਨੇ ਦਸ ਦਿਨਾਂ ਲਈ ਜੰਗਬੰਦੀ ਦੀ ਹਿਮਾਇਤ ਕੀਤੀ ਹੈ ਜਦਕਿ ਇਸ ਦੇ ਜਵਾਬ ‘ਚ ਤਾਲਿਬਾਨ ਨੇ ਸੱਤ ਦਿਨਾਂ ਦੀ ਜੰਗਬੰਦੀ ਦਾ ਪੱਖ ਪੂਰਿਆ ਹੈ।ਇਸ ਇਕਰਾਰਨਾਮੇ ਨੂੰ ਸਿਰੇ ਚਾੜ੍ਹਨ ਲਈ ਕਈ ਮੁਸ਼ਕਲਾਂ ਆ ਰਹੀਆਂ ਹਨ।ਦੱਸਣਯੋਗ ਹੈ ਕਿ ਸਤੰਬਰ 2019 ‘ਚ ਜਦੋਂ ਰਾਸ਼ਟਰਪਤੀ ਟਰੰਪ ਨੇ ਤਾਲਿਬਾਨੀ ਸਿਆਸੀ ਵਾਰਤਾ ਟੀਮ ਅਤੇ ਅਫ਼ਗਾਨਿਸਤਾਨ ਦੇ ਰਾਸ਼ਟਰਪਤੀ ਅਸ਼ਰਫ ਗਨੀ ਨਾਲ ਸੰਯੁਕਤ ਰਾਸ਼ਟਰ ‘ਚ ਗੱਲਬਾਤ ਕਰਨ ਲਈ ਆਪਣੀ ਸਹਿਮਤੀ ਪ੍ਰਗਟ ਕੀਤੀ ਸੀ, ਉਸ ਸਮੇਂ ਸ਼ਾਂਤੀ ਵਾਰਤਾ ਇਕ ਨਵੇਂ ਢੰਗ ਨਾਲ ਅੱਗੇ ਵੱਧ ਰਹੀ ਸੀ।ਹਾਲਾਂਕਿ ਇਹ ਉਪਰਾਲਾ ਸਿਰੇ ਨਾ ਚੜ੍ਹਿਆ, ਕਿਉਂਕਿ ਉਸ ...

ਅਜੋਕੇ ਸਮੇਂ ਜਦੋਂ ਭਾਰਤੀ ਅਰਥਿਕਤਾ ਦੀ ਵਿਕਾਸ ਦੀ ਗਤੀ ਆਲਮੀ ਮੰਦੀ ਦੇ ਪ੍ਰਭਾਵ ਕਾਰਨ ਦਬਾਅ ਹੇਠ ਹੈ।ਦੇਸ਼ ਦਾ ਨਿਰਮਾਣ ਖੇਤਰ ਵੱਧੀ ਮੰਗ ਦੇ ਕਾਰਨ ਇਸ ਸਾਲ ਜਨਵਰੀ ਮਹੀਨੇ ਕੁੱਝ ਵਾਧੇ ‘ਚ ਰਿਹਾ , ਜੋ ਕਿ ਇਕ ਸਕਾਰਾਤਮਕ ਵਿਕਾਸ ਹੈ।ਇਕ ਪ੍ਰਮੁੱਖ ਅਤੇ ਆਰਥਿਕ ਖੋਜ ਸੰਸਥਾ-ਐਚਆਈਐਸ ਮਾਰਕਿਟ ਵੱਲੋਂ ਕੀਤੇ ਗਏ ਸਰਵੇਖਣ ਅਨੁਸਾਰ ਇੰਡੀਆ ਮੈਨੂਫੈਕਚਰਿੰਗ ਪਰਚੇਸਿੰਗ ਮੈਨੇਜ਼ਰਸ ਇੰਡੇਕਸ, ਪੀਐਮਆਈ ਦਸੰਬਰ ਮਹੀਨੇ 52.7 ਸੀ ਜੋ ਕਿ ਇਸ ਸਾਲ ਜਨਵਰੀ ਮਹੀਨੇ ਵੱਧ ਕੇ 55.3 ਹੋ ਗਿਆ ਹੈ।ਪਿਛਲੇ ਅੱਠ ਸਾਲਾਂ ‘ਚ ਇਹ ਸਭ ਤੋਂ ਉੱਚੀ ਦਰ ਹੈ।ਇਸ ਤੋਂ ਸਿੱਧ ਹੁੰਦਾ ਹੈ ਕਿ ਭਾਰਤੀ ਆਰਥਿਕਤਾ ਮੁੜ ਆਪਣੇ ਪ੍ਰਕਾਸ਼ ਨੂੰ ਫੈਲਾ ਰਹੀ ਹੈ। ਪੀਐਮਆਈ ਡਾਟਾ ਨੂੰ ਐਚਆਈਐਸ ਮਾਰਕਿਟ ਵੱਲੋਂ ਦੁਨੀਆ ਭਰ ਦੇ 40 ਤੋਂ ਵੀ ਵੱਧ ਅਰਥਚਾਰਿਆਂ ਤੋਂ ਇੱਕਠਾ ਕੀਤਾ ਗਿਆ ਹੈ।ਮਹੀਨਾਵਾਰ ਡਾਟਾ ਨਿੱਜੀ ਖੇਤਰ ਦੀਆਂ ਕੰਪਨੀਆਂ ਦੇ ਸੀਨੀਅਰ ਅਧਿਕਾਰੀਆਂ ਦੇ ਸਰਵੇਖਣ ਤੋਂ ਹਾਸਲ ਹੁੰਦਾ ਹੈ।ਪੀਐਮਆਈ ਡਾਟਾ ‘ਚ ਇਕ ਉੱਚ ਨੰਬਰ ਹੈ ਜੋ ਕਿ ਆਰਥਿਕਤਾ ਦੀ ਸਮੁੱਚੀ ਸਥਿਤੀ ਨੂੰ ਬਿਆਨ ਕਰਦਾ ਹੈ।50 ਤੋਂ ਉੱਪਰ ਪੀਐਮਆਈ ਨੰਬਰ ਵਿਸਥਾਰ ਦਾ ਸੰਕੇਤ ਦਿੰਦਾ ਹੈ।ਖਪਤਾਕਾਰ ਵਸਤਾਂ ਦਾ ਉਪ-ਖੇਤਰ ਇਕ ਵਾਰ ਫਿਰ ਚਮਕ ਰਿਹਾ ਹੈ। ਪੂੰਜੀਗਤ ਵਸਤਾਂ ਆਪਣੇ ਵਿਸਥਾਰ ਦੀ ਸਥਿਤੀ ‘ਚ ਵਾਪਸ ਆ ਗਈਆਂ ਹਨ, ਜੋ ਕਿ ਅਰਥਵਿਵਸਥਾ ‘ਚ ਨਵੇਂ ਨਿਵੇਸ਼ਾਂ ਦੀ ਸੰਭਾਵਨਾ ਦਾ ਸੁਝਾਅ ਪੇਸ਼ ਕਰਦੀਆਂ ਹਨ।ਪੀਐਮਆਈ ਦੇ ਇੰਡੀਕੇਟਰ ਬਾਹਰੀ ਬਾਜ਼ਾਰ...

ਤੁਰਕਮੇਨਿਸਤਾਨ ਦੇ ਮੰਤਰੀਆਂ ਦੀ ਕੈਬਨਿਟ ਦੇ ਉਪ ਚੈਅਰਮੈਨ ਅਤੇ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਰਾਸ਼ੀਦ ਮਰੇਦੋਵ ਨੇ ਭਾਰਤ ਦਾ ਦੌਰਾ ਕੀਤਾ।ਇਸ ਘੱਟ ਮਿਆਦ ਦੀ ਫੇਰੀ ਦੌਰਾਨ ਉਨ੍ਹਾਂ ਨੇ ਆਪਣੇ ਭਾਰਤੀ ਹਮਅਹੁਦਾ ਡਾ. ਐਸ ਜੈਸ਼ੰਕਰ ਨਾਲ ਮੁਲਾਕਾਤ ਕੀਤੀ।ਦੋਵਾਂ ਆਗੂਆਂ ਨੇ ਦੁਵੱਲੇ ਅਤੇ ਖੇਤਰੀ ਮੁੱਦਿਆਂ ‘ਤੇ ਗੱਲਬਾਤ ਕੀਤੀ।ਭਾਰਤੀ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਵਿਚਾਰ ਵਟਾਂਦਰੇ ਖੇਤਰੀ ਮਸਲਿਆਂ ‘ਤੇ ਮਜ਼ਬੂਤ ਏਕੀਕਰਨ ਦੀ ਭਾਵਨਾ ਨੂੰ ਦਰਸਾਉਂਦੇ ਹਨ। ਤੁਰਕਮੇਨਿਸਤਾਨ ਉਨ੍ਹਾਂ ਪੰਜ ਮੱਧ ਏਸ਼ੀਆਈ ਗਣਰਾਜਾਂ ‘ਚੋਂ ਇਕ ਹੈ, ਜਿੰਨ੍ਹਾਂ ਨੇ 1990 ਦੇ ਸ਼ੁਰੂ ‘ਚ ਹੀ ਤੱਤਕਾਲੀਨ ਯੂਐਸਐਸਆਰ ਤੋਂ ਆਪਣੇ ਆਪ ਨੂੰ ਆਜ਼ਾਦ ਕਰਵਾ ਲਿਆ ਸੀ।ਭਾਰਤ ਮੱਧ ਏਸ਼ੀਆ ਨੂੰ ਆਪਣੇ ਵਿਸਤ੍ਰਿਤ ਗੂਆਂਢੀ ਵੱਜੋਂ ਵੇਖਦਾ ਹੈ।ਇਸ ਖੇਤਰ ‘ਚ ਤੁਰਕਮੇਨਿਸਤਾਨ ਵਿਲੱਖਣ ਭੂਗੋਲਿਕ ਸਥਿਤੀ ਰੱਖਦਾ ਹੈ, ਜਿਸ ਕਰਕੇ ਅੰਤਰ-ਖੇਤਰੀ ਰੁਝਾਨਾਂ ‘ਚ ਇਸ ਨੂੰ ਵਿਸ਼ੇਸ਼ ਮਹੱਤਵ ਮਿਲਦਾ ਹੈ।ਤੁਰਕਮੇਨਿਸਤਾਨ ਦੱਖਣੀ ਏਸ਼ੀਆ, ਮੱਧ ਏਸ਼ੀਆ ਅਤੇ ਪੱਛਮੀ ਏਸ਼ੀਆ ਨੂੰ ਆਪਸ ‘ਚ ਜੋੜਨ ਦਾ ਕੰਮ ਕਰਦਾ ਹੈ। ਇਸ ਦੇ ਦੱਖਣ ‘ਚ ਅਫ਼ਗਾਨਿਸਤਾਨ ਅਤੇ ਪੱਛਮ ‘ਚ ਇਰਾਨ ਰਾਜ ਹਨ।ਮੱਧ ਏਸ਼ੀਆ ‘ਚ ਕਜ਼ਾਖ਼ਸਤਾਨ ਅਤੇ ਉਜ਼ਬੇਕਿਸਤਾਨ ਇਸ ਦੇ ਗੁਆਂਢੀ ਮੁਲਕ ਹਨ।ਤੁਰਕਮੇਨਿਸਤਾਨ ‘ਚ ਕੇਸਪਿਅਨ ਸਮੁੰਦਰ ਤੱਟ ‘ਤੇ ਹੈ, ਜੋ ਕਿ ਯੂਰੇਸ਼ੀਆ ਅਤੇ ਯੂਰੋਪ ਨੂੰ ਰਾਹ ਪ੍ਰਦਾਨ ਕਰਦਾ ਹੈ।ਤੁਰਕਮੇਨਿਸਤਾਨ ਨੇ ਸੰਪਰਕ ਸਬੰਧਾਂ ਨੂੰ ਉਤਸ਼ਾਹਿਤ ਕਰਨ ਨੂੰ ਹਮੇਸ਼ਾ ਹੀ ਤਰਜੀਹ ਦਿੱ...

ਬ੍ਰਿਟੇਨ ਅਤੇ ਯੂਰਪੀਅਨ ਯੂਨੀਅਨ ਦਰਮਿਆਨ 47 ਸਾਲਾਂ ਦੇ ਸਬੰਧ ਹੁਣ 31 ਜਨਵਰੀ 2020 ਨੂੰ ਖ਼ਤਮ ਹੋ ਗਏ।ਦਰਅਸਲ ਬ੍ਰਿਟੇਨ ਨੇ ਯੂਨੀਅਨ ਤੋਂ ਬਾਹਰ ਹੋਣ  ਲਈ   ‘ਬ੍ਰੈਕਸਿਤ’ 2016 ਦੇ ਜਨਮਤ ਦੀ ਹਿਮਾਇਤ ਕੀਤੀ ਹੈ।ਦੱਸਣਯੋਗ ਹੈ ਕਿ ਬਰਤਾਨੀਆ 1973 ‘ਚ ਯੂਰਪੀਅਨ ਆਰਥਿਕ ਭਾਈਚਾਰੇ ਦਾ ਹਿੱਸਾ ਬਣਿਆ ਸੀ ਅਤੇ ਈਯੂ ਤੋਂ ਬਾਹਰ ਹੋਣ ਵਾਲਾ ਪਹਿਲਾ ਮੁਲਕ ਹੈ ਜੋ ਕਿ ਲਿਸਬਨ ਸੰਧੀ  ਦੀ ਧਾਰਾ 50 ਦੇ ਤਹਿਤ ਈਯੂ ਤੋਂ ਪਿੱਛੇ ਹੱਟਿਆ ਹੈ।ਇਸ ਧਾਰਾ ‘ਚ ਦੱਸਿਆ ਗਿਆ ਹੈ ਕਿ ਕਿਵੇਂ ਕੋਈ ਦੇਸ਼ ਈਯੂ ਤੋਂ ਬਾਹਰ ਹੋ ਸਕਦਾ ਹੈ। ਬ੍ਰੈਕਸਿਤ ਦੇ ਪ੍ਰਭਾਵ ਬ੍ਰਿਟਨ ਅਤੇ ਈਯੂ ਦੋਵਾਂ ਹੀ ਧਿਰਾਂ ਨੂੰ  ਵੱਖੋ-ਵੱਖ ਤਰੀਕਿਆਂ ਨਾਲ ਭੁਗਤਣੇ ਪੈਣਗੇ।ਬ੍ਰੈਕਸਿਤ ਦੇ ਸਮਰਥਕਾਂ ਲਈ ਇਹ ਕਦਮ ਦੇਸ਼ ਨੂੰ ਮਜ਼ਬੂਤੀ ਪ੍ਰਦਾਨ ਕਰਨ ਵਾਲਾ ਹੈ ਅਤੇ ਨਾਲ ਹੀ ਬ੍ਰਸ਼ਲਜ਼ ਤੋਂ ਰਾਸ਼ਟਰੀ ਸ਼ਕਤੀ ਨੂੰ ਮੁੜ ਹਾਸਲ ਕਰਨਾ ਹੈ, ਜੋ ਕਿ ਬ੍ਰਿਟੇਨ ਨੂੰ ‘ਗਲੋਬਲ ਬ੍ਰਿਟੇਨ’ ਦੀ ਰਾਹ ‘ਤੇ ਲੈ ਕੇ ਜਾਵੇਗਾ।ਭਾਵੇਂ ਕਿ ਇਹ ਸਫ਼ਰ ਆਸਾਨ ਨਹੀਂ ਹੈ, ਪਰ ਫਿਰ ਵੀ ਇਸ ਦੇ ਸੰਭਵ ਹੋਣ ਦੀ ਗੁੰਜਾਇਸ਼ ਹੈ।ਬ੍ਰਿਟੇਨ ਨੂੰ ਨਵੇਂ ਵਪਾਰ ਸਮਝੌਤਿਆਂ ਲਈ ਅਤੇ ਬਾਜ਼ਾਰ ਤੱਕ ਪਹੁੰਚ ਨੂੰ ਸੰਭਵ ਕਰਨ ਲਈ ਸਾਰੇ ਦੇਸ਼ਾਂ ਨਾਲ ਗੱਲਬਾਤ ਕਰਨੀ ਪਵੇਗੀ। ਵਿੱਤੀ ਸੇਵਾਵਾਂ ਅਤੇ ਵਿੱਤ ਬਾਜ਼ਾਰਾਂ ਦੇ ਵੱਡੇ ਖੇਤਰ ਦੇ ਨਾਲ, ਈਯੂ ਤੋਂ ਸਬੰਧ ਟੁੱਟਣ ਨਾਲ ਇਸ ਦਾ ਕਿਰਤ, ਪੂੰਜੀ ਅਤੇ ਸੇਵਾਵਾਂ ਪ੍ਰਭਾਵਿਤ ਹੋਣਗੀਆਂ।ਇਸ...