AIR World Service Punjabi

ਸੰਯੁਕਤ ਰਾਸ਼ਟਰ ਮਹਾਸਭਾ ਦੇ 74ਵੇਂ ਇਜਲਾਸ ਵਿੱਚ ਪਾਕਿਸਤਾਨ ਦੇ ਵਜ਼ੀਰ-ਏ-ਆਜ਼ਮ ਇਮਰਾਨ ਖਾਨ ਦੁਆਰਾ ਕਸ਼ਮੀਰ ਮੁੱਦੇ ਨੂੰ ਅੰਤਰਰਾਸ਼ਟਰੀ ਪੱਧਰ ‘ਤੇ ਉਠਾਉਣ ਦੀਆਂ ਕੋਸ਼ਿਸ਼ਾਂ ਇੱਕ ਵਾਰੀ ਫਿਰ ਤੋਂ ਧਰਾਸ਼ਾਈ ਹੋ ਗਈਆਂ ਹਨ। ਕਾਬਿਲੇਗੌਰ ਹੈ ਕਿ ਇਸ ਇਜਲਾਸ ਵਿੱਚ ਉਨ੍ਹਾਂ ਭਾਰਤੀ ਸੂਬੇ ਜੰਮੂ-ਕਸ਼ਮੀਰ ਦੇ ਵਸਨੀਕਾਂ ਦੀ ਅਖੌਤੀ ਦੁਰਦੁਸ਼ਾ ਦਾ ਰਾਗ ਅਲਾਪਿਆ ਤੇ ਆਪਣੀ ਭੜਾਸ ਕੱਢੀ। ਹਾਲਾਂਕਿ ਮਹਾਸਭਾ ਨੇ ਪਾਕਿਸਤਾਨ ਦੇ ਵਜ਼ੀਰ-ਏ-ਆਜ਼ਮ ਦੀ ਤਕਰੀਰ ‘ਤੇ ਕੋਈ ਵਿਸ਼ੇਸ਼ ਗੌਰ ਨਹੀਂ ਕੀਤਾ। ਇੱਥੇ ਇਮਰਾਨ ਖਾਨ ਨੇ ਇੱਕ ਵਾਰੀ ਫਿਰ ਜੰਗ ਦਾ ਮੁੱਦਾ ਵੀ ਚੁੱਕਿਆ ਤੇ ਆਪਣੀ ਤਕਰੀਰ ਵਿੱਚ ਪ੍ਰਮਾਣੂ ਲਫਜ਼ ਦੀ ਵੀ ਵਰਤੋਂ ਕੀਤੀ। ਗੌਰਤਲਬ ਹੈ ਕਿ ਪਾਕਿਸਤਾਨੀ ਆਗੂਆਂ ਦੁਆਰਾ ਆਪਣੀਆਂ ਤਕਰੀਰਾਂ ਵਿੱਚ ਇਹੋ ਜਿਹੇ ਲਫਜ਼ਾਂ ਦੀ ਵਰਤੋਂ ਆਮ ਜਿਹੀ ਗੱਲ ਹੋ ਗਈ ਹੈ ਤਾਂ ਕਿ ਅਜਿਹੀਆਂ ਹਰਕਤਾਂ ਨਾਲ ਹੋਰਨਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਜਾ ਸਕੇ। ਧਿਆਨਯੋਗ ਹੈ ਕਿ ਪਾਕਿਸਤਾਨ ਦੇ ਨੇਤਾ ਨੂੰ ਅਮਰੀਕੀ ਪ੍ਰਸ਼ਾਸਨ ਤੋਂ ਵੀ ਕੋਈ ਮਦਦ ਨਹੀਂ ਮਿਲੀ, ਸਗੋਂ ਅਮਰੀਕੀ ਵਿਦੇਸ਼ ਮੰਤਰਾਲੇ ਨੇ ਇਮਰਾਨ ਖਾਨ ਦੀ ਆਲੋਚਨਾ ਕੀਤੀ ਕਿਉਂਕਿ ਉਨ੍ਹਾਂ ਜਿਸ ਤਰ੍ਹਾਂ ਕਸ਼ਮੀਰੀ ਲੋਕਾਂ ਦੇ ਹਾਲਾਤ ਦਾ ਜ਼ਿਕਰ ਕੀਤਾ, ਉਸ ਤਰ੍ਹਾਂ ਚੀਨ ਦੇ ਉਈਗਰਾਂ ਦੀ ਦੁਰਦਸ਼ਾ ਬਾਰੇ ਚੁੱਪ ਵੱਟੀ ਰੱਖੀ। ਦੱਖਣੀ ਅਤੇ ਮੱਧ ਏਸ਼ੀਆ ਦੇ ਲਈ ਅਮਰੀਕੀ ਸਹਾਇਕ ਸਕੱਤਰ ਐਲਿਸ ਵੇਲਜ਼ ਨੇ ਕਸ਼ਮੀਰ ਬਾਰੇ ਇਮਰਾਨ ਖਾਨ ਦੁਆਰਾ ਕੀਤੀ ਗਈ ਟਿੱਪਣੀ ਨੂੰ ਕੋਈ ਅਹਿਮ...

ਸ੍ਰੀਲੰਕਾ ਦੇ ਮੌਸਮ ਦੀ ਤਰ੍ਹਾਂ ਇਸ ਵਾਰ ਇਸ ਦੇ ਰਾਜਨੀਤਿਕ ਦ੍ਰਿਸ਼ਾਂ ਨੂੰ ਵੀ ਇਸੇ ਤਰ੍ਹਾਂ ਦੇ ਭਿਆਨਕ ਚਿੰਨ੍ਹ ਦੁਆਰਾ ਚਿੰਨ੍ਹਿਤ ਕੀਤਾ ਗਿਆ ਹੈ। ਦੇਸ਼ ਵਿਚ ਰਾਸ਼ਟਰਪਤੀ ਚੋਣਾਂ 16 ਨਵੰਬਰ ਨੂੰ ਹੋਣ ਜਾ ਰਹੀਆਂ ਹਨ। ਸ਼੍ਰੀਲੰਕਾ ਵਿੱਚ ਹੁਣ ਤੱਕ ਦੀ ਮੁਹਿੰਮ ਦਾ ਸਮੁੱਚਾ ਦ੍ਰਿਸ਼ ਕਾਫ਼ੀ ਗੁੰਝਲਦਾਰ ਰਿਹਾ ਹੈ, ਜੋ ਸੰਜੀਦਾ ਨਹੀਂ ਹੈ। ਇਸ ਗੱਲ ਨੂੰ ਧਿਆਨ ਵਿਚ ਰੱਖਦਿਆਂ ਕਿ ਦੇਸ਼ ਦੇ ਸੰਵਿਧਾਨ ਦੇ ਅਧੀਨ ਸਭ ਤੋਂ ਸ਼ਕਤੀਸ਼ਾਲੀ ਦਫਤਰ ਦੀ ਚੋਣ ਇਸ ਅਭਿਆਸ ਦੇ ਦਾਅ ‘ਤੇ ਲੱਗੀ ਹੋਈ ਹੈ, ਇਹ ਅਸਧਾਰਨ ਜ਼ਰੂਰ ਹੈ, ਪਰ ਹੈਰਾਨੀ ਵਾਲੀ ਗੱਲ ਨਹੀਂ। ਲੋੜੀਂਦੀ ਜਨਤਕ ਰੁਚੀ ਦੀ ਘਾਟ ਦਾ ਇੱਕ ਕਾਰਨ ਇਹ ਹੈ ਕਿ ਦੇਸ਼ ਹਾਲੇ ਈਸਟਰ ਐਤਵਾਰ ਦੇ ਭਿਆਨਕ ਅੱਤਵਾਦੀ ਹਮਲਿਆਂ ਤੋਂ ਬਾਹਰ ਆ ਰਿਹਾ ਹੈ। ਬਹੁਤ ਸਾਰੇ ਸ੍ਰੀਲੰਕਾਈ ਲੋਕ ਮਹਿਸੂਸ ਕਰਦੇ ਹਨ ਕਿ ਦੋ ਮੁੱਖ ਰਾਜਨੀਤਿਕ ਪਾਰਟੀਆਂ ਕੋਲ ਇਹ ਪੇਸ਼ਕਸ਼ ਕਰਨਾ ਅਣਉਚਿਤ ਹੈ ਜੋ ਨਵੀਂ ਜਾਂ ਦਿਲਚਸਪ ਹੈ। ਸਾਬਕਾ ਰੱਖਿਆ ਸੱਕਤਰ, ਗੋਤਾਬਾਇਆ ਰਾਜਪਕਸ਼ੇ, ਜੋ ਕਿ ਸਾਬਕਾ ਰਾਸ਼ਟਰਪਤੀ ਮਹਿੰਦਾ ਰਾਜਪਕਸ਼ੇ ਦੇ ਛੋਟੇ ਭਰਾ ਹਨ, ਨੂੰ ਆਪਣੀ ਟੋਪੀ ਰਿੰਗ ਵਿੱਚ ਸੁੱਟਣ ਦੀ ਕਾਫ਼ੀ ਜ਼ਿੱਦ ਸੀ। ਸਾਲ ਦੀ ਸ਼ੁਰੂਆਤ ‘ਚ ਹੀ, ਉਸਨੇ ਆਪਣੀ ਅਮਰੀਕੀ ਨਾਗਰਿਕਤਾ ਨੂੰ ਅੱਗੇ ਤੋਰਨ ਅਤੇ ਚੋਟੀ ਦੇ ਅਹੁਦੇ ਲਈ ਚੋਣ ਲੜਨ ਦੇ ਯੋਗ ਹੋਣ ਲਈ ਸ਼੍ਰੀਲੰਕਾ ਦੀ ਕੌਮੀਅਤ ਨੂੰ ਮੁੜ ਤੋਂ ਸ਼ੁਰੂ ਕਰਨ ਦੀਆਂ ਆਪਣੀਆਂ ਯੋਜਨਾਵਾਂ ਦਾ ਐਲਾਨ ਕੀਤਾ ਸੀ। ਉਨ੍ਹਾਂ ਨੇ ਉ...

ਭਾਰਤ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਨੇ ਸ਼ੁੱਕਰਵਾਰ ਨੂੰ ਸੰਯੁਕਤ ਰਾਸ਼ਟਰ ਸਭਾ (ਯੂ.ਐਨ.ਜੀ.ਏ.) ਦੀ ਆਮ ਬਹਿਸ ਨੂੰ ਸੰਬੋਧਿਤ ਕਰਦਿਆਂ, ‘ਗਰੀਬੀ ਦੇ ਖਾਤਮੇ, ਸ਼ਮੂਲੀਅਤ ਅਤੇ ਜਲਵਾਯੂ ਕਾਰਵਾਈ ਲਈ ਅੰਤਰਰਾਸ਼ਟਰੀ ਸਹਿਯੋਗ’ ਦੇ ਵਿਸ਼ੇ ਬਾਰੇ ਚਰਚਾ ਕੀਤੀ। ਚਾਰ ਸਾਲ ਪਹਿਲਾਂ, 25 ਸਤੰਬਰ, 2015 ਨੂੰ, ਯੂ.ਐਨ.ਜੀ.ਏ. ਦੇ ਸਥਾਈ ਵਿਕਾਸ ਉੱਤੇ ‘ਏਜੰਡਾ 2030’ ਦੇ ਵਿਸ਼ੇਸ਼ ਸੰਮੇਲਨ ਵਿਚ ਸੰਸਾਰ ਭਰ ਦੇ ਆਗੂਆਂ ਨਾਲ ਪ੍ਰਧਾਨ ਮੰਤਰੀ ਨੇ ਵੀ ਸ਼ਮੂਲੀਅਤ ਪਾਈ। ਉਨ੍ਹਾਂ ਦੇ ਰਾਸ਼ਟਰੀ ਪੱਧਰ 'ਤੇ ਨਿਰਧਾਰਤ ਵਿਕਾਸ ਟੀਚਿਆਂ ਦੀ ਪ੍ਰਾਪਤੀ ਵਿਚ ਭਾਰਤ ‘ਚ ਗ਼ਰੀਬੀ ਦੇ ਖਾਤਮੇ ਦੇ ਉਦੇਸ਼ ਨਾਲ ਭਾਰਤ ਦੀ ਸਫਲਤਾ, ਏਜੰਡਾ 2030 ਦੇ ਸਫਲਤਾਪੂਰਵਕ ਲਾਗੂ ਕਰਨ ਵਿਚ ਇੱਕ ਵੱਡਾ ਯੋਗਦਾਨ ਹੋਣ ਦੀ ਸੰਭਾਵਨਾ ਹੈ। ਪ੍ਰਧਾਨ ਮੰਤਰੀ ਮੋਦੀ ਦੇ ਸੰਬੋਧਨ ਨੇ ਇਸ ਪ੍ਰਾਜੈਕਟ ਨੂੰ ਕਾਫ਼ੀ ਮਹੱਤਵ ਦਿੱਤਾ। ਇਸ ਪ੍ਰਾਜੈਕਟ ਨੇ ਕਈ ਪਹਿਲਕਦਮੀਆਂ ਬਾਰੇ ਵਿਸਥਾਰ ਨਾਲ ਦੱਸਿਆ ਜਿਸ ਦਾ ਗਰੀਬੀ ਮਿਟਾਉਣ ਅਤੇ ਸ਼ਮੂਲੀਅਤ ਦੋਵਾਂ 'ਤੇ ਅਸਰ ਪਿਆ ਅਤੇ ਸੰਸਾਰ ਨੂੰ ਇੱਕ "ਨਵੀਂ ਉਮੀਦ" ਦਿੱਤੀ। ਇਨ੍ਹਾਂ ਵਿੱਚ ਵਿਸ਼ਵ ਦੀ ਸਭ ਤੋਂ ਵੱਡੀ ਵਿੱਤੀ ਸ਼ਮੂਲੀਅਤ ਯੋਜਨਾ, ਜਨ ਧਨ ਯੋਜਨਾ, ਪਹਿਲਕਦਮੀ ਸ਼ਾਮਿਲ ਹੈ ਜਿਸ ਨੇ 5 ਸਾਲ ਵਿੱਚ 370 ਮਿਲੀਅਨ ਬੈਂਕ ਖਾਤੇ ਖੋਲ੍ਹ ਕੇ ਭਾਰਤ ਦੀ ਸਭ ਤੋਂ ਗਰੀਬ ਆਬਾਦੀ ਨੂੰ ਸ਼ਕਤੀਕਰਨ ਬਣਾਇਆ। ਆਧਾਰ ਪ੍ਰੋਗਰਾਮ ਨੇ ਆਪਣੇ ਬਾਇਓਮੀਟ੍ਰਿਕ ਪਛਾਣ ਡਾਟਾ...

ਭਾਰਤ ਦੇ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਡਾ.ਐਸ.ਜੈਸ਼ੰਕਰ ਤਿੰਨ ਦਿਨਾਂ ਲਈ ਫਿਨਲੈਂਡ ਦੇ ਦੌਰੇ ‘ਤੇ ਸਨ।ਬਤੌਰ ਵਿਦੇਸ਼ ਮੰਤਰੀ ਇਹ ਉਨ੍ਹਾਂ ਦੀ ਨੋਰਡਿਕ ਦੇਸ਼ ਦੀ ਪਹਿਲੀ ਫੇਰੀ ਹੈ। ਹਾਲਾਂਕਿ 1950 ਤੋਂ ਉੱਚ ਪੱਧਰੀ ਬੈਠਕਾਂ ਦਾ ਸਿਲਸਿਲਾ ਜਾਰੀ ਹੈ।ਜਿਸ ਕਰਕੇ ਦੋਵੇਂ ਮੁਲਕਾਂ ਦਰਮਿਆਨ ਡੂੰਗੀ ਸਾਂਝ ਕਾਇਮ ਹੋਈ ਹੈ।ਦੁਵੱਲੇ ਸਬੰਧਾਂ ‘ਤੇ ਧਿਆਨ ਕੇਂਦਰਿਤ ਕਰਨ ਤੋਂ ਇਲਾਵਾ ਇਸ ਵਾਰ ਦੀ ਮੁਲਾਕਾਤ ਦੌਰਾਨ ਹੋਰ ਕਈ ਖੇਤਰਾਂ ਵੱਲ ਧਿਆਨ ਕੇਂਦਰਿਤ ਕੀਤਾ ਗਿਆ।ਫਿਨਲੈਂਡ ਦੀ ਇਹ ਫੇਰੀ ਇਸ ਲਈ ਵੀ ਭਾਰਤ ਲਈ ਖਾਸ ਹੈ ਕਿਉਂਕਿ ਫਿਨਲੈਂਡ ਯੂਰੋਪੀਅਂ ਯੂਨੀਅਨ ਦਾ ਮੌਜੂਦਾ ਪ੍ਰਧਾਨ ਹੈ ਅਤੇ ਭਾਰਤ ਆਲਮੀ ਬੁਰਾਈ ਅੱਤਵਾਦ ਖਿਲਾਫ ਕਾਰਵਾਈ ਲਈ ਅੰਤਰਰਾਸ਼ਟਰੀ ਮਦਦ ਹਾਸਲ ਕਰਨ ਦੇ ਯਤਨ ਕਰ ਰਿਹਾ ਹੈ।ਦਰਅਸਲ ਭਾਰਤ ਆਪਣੇ ਗੁਆਂਢੀ ਮੁਲਕ ਵੱਲੋਂ ਸਰਹੱਦ ਪਾਰ ਅੱਤਵਾਦੀ ਗਤੀਵਿਧੀਆਂ ਦਾ ਸ਼ਿਕਾਰ ਹੋ ਰਿਹਾ ਹੈ। ਡਾ.ਜੈਸ਼ੰਕਰ ਨੇ ਫਿਨਲੈਂਡ ਦੀ ਉੱਚ ਲੀਡਰਸ਼ਿਪ ਨਾਲ ਸਰਹੱਦ ਪਾਰ ਅੱਤਵਾਦ ‘ਤੇ ਵਿਸਥਾਰ ਨਾਲ ਵਿਚਾਰ ਵਟਾਂਦਰਾ ਕੀਤਾ।ਪਾਕਿਸਤਾਨ ਵੱਲੋਂ ਕਸ਼ਮੀਰ ਮਸਲੇ ‘ਤੇ ਮਨਘੜਤ ਕਹਾਣੀਆਂ ਦੇ ਬਿਆਨ ਦੌਰਾਨ ਹੀ ਭਾਰਤ-ਫਿਨਲੈਂਡ ਦੀ ਬੈਠਕ ਵਿਸ਼ੇਸ਼ ਮਹੱਤਵ ਰੱਖਦੀ ਹੈ। ਭਾਰਤੀ ਵਿਦੇਸ਼ ਮੰਤਰੀ ਨੇ ਫਿਨਲੈਂਡ ਦੇ ਪ੍ਰਧਾਨ ਮੰਤਰੀ ਐਂਟੀ ਰੀਨੇ ਅਤੇ ਆਪਣੇ ਹਮਅਹੁਦਾ ਪੇਕਾ ਹਾਵੀਸਤੋ ਨਾਲ ਹੇਲਸਿੰਕੀ ਵਿਖੇ ਮੁਲਾਕਾਤ ਕੀਤੀ ਅਤੇ ਦੁਵੱਲੇ ਸਬੰਧਾਂ ਦੇ ਸਮੁੱਚੇ ਦਾਇਰੇ ਨੂੰ ਵਿਚਾਰਿਆ।ਗ੍ਰੀਨ ਤਕਨਾਲੋਜੀ ‘ਤੇ ਖਾਸ...

ਭਾਰਤ ਦੇ ਕੈਰੀਬੀਅਨ ਦੇਸ਼ਾਂ ਨਾਲ ਇਤਿਹਾਸਕ ਅਤੇ ਨਿੱਘੇ ਸਬੰਧ ਹਨ ਅਤੇ ਹੁਣ ਨਿਊ ਯਾਰਕ ਵਿਖੇ ਸੰਯੁਕਤ ਰਾਸ਼ਟਰ ਮਹਾਂਸਭਾ ਦੀ ਬੈਠਕ ਤੋਂ ਪਰਾਂ ਕੈਰੀਕੋਮ ਸਮੂਹ ਦੇ 14 ਆਗੂਆਂ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮਿਲਣੀ ਨੇ ਇੰਨ੍ਹਾਂ ਸਬੰਧਾਂ ਨੂੰ ਨਵਾਂ ਮੋੜ ਪ੍ਰਦਾਨ ਕੀਤਾ ਹੈ। ਕੈਰੀਕੋਮ ਸਮੂਹ ਜੋ ਕਿ ਕੈਰੀਬੀਅਨ ਭਾਈਚਾਰੇ ਦਾ ਸਮੂਹ ਹੈ, ਉਸ ਦੇ ਮੌਜੂਦਾ ਚੇਅਰਮੈਨ ਅਤੇ ਸੇਂਟ ਲੂਸੀਆ ਦੇ ਪ੍ਰਧਾਨ ਮੰਤਰੀ ਐਲਨ ਚੈਸਟੇਨੇਟ ਨੇ ਇਸ ਬੈਠਕ ਦੀ ਸਹਿ ਪ੍ਰਧਾਨਗੀ ਕੀਤੀ।ਇਸ ਬੈਠਕ ‘ਚ ਐਂਟੀਗੁਆ ਅਤੇ ਬਰਬੁਡਾ, ਬਰਬਾਡੋਸ,ਡੋਮੀਨੀਕਾ, ਜਮੈਕਾ, ਸੇਂਟ ਕਿਟਸ ਅਤੇ ਨੇਵਿਸ, ਸੇਂਟ ਲੂਸੀਆ, ਸੇਂਟ ਵਿਨਸੇਂਟ ਤੇ ਗ੍ਰੇਨਾਡੀਜ਼, ਤ੍ਰਿਨੀਦਾਦ ਅਤੇ ਟੋਬਾਗੋ ਦੇ ਮੁੱਖੀਆਂ ਅਤੇ ਸੂਰੀਨਾਮ ਦੇ ਉਪ ਰਾਸ਼ਟਰਪਤੀ ਅਤੇ ਬਾਹਾਮਾਸ, ਬੇਲੀਜ਼,ਗਰੇਨਾਡਾ,ਹੈਤੀ ਅਤੇ ਗੁਆਨਾ ਦੇ ਵਿਦੇਸ਼ ਮੰਤਰੀਆਂ ਨੇ ਰ੍ਰਿਕਤ ਕੀਤੀ। ਖੇਤਰੀ ਪੱਧਰ ‘ਤੇ ਪੀਐਮ ਮੋਦੀ ਦੀ ਕੈਰੀਕੋਮ ਦੇ ਆਗੂਆਂ ਨਾਲ ਇਹ ਪਹਿਲੀ ਬੈਠਕ ਸੀ।ਇਸ ਦੌਰਾਨ ਭਾਰਤ ਅਤੇ ਕੈਰੀਬੀਅਨ ਦੇ ਭਾਈਵਾਲ ਮੁਲਕਾਂ ਵਿਚਾਲੇ ਲਗਾਤਾਰ ਮਜ਼ਬੂਤ ਹੁੰਦੇ ਸਬੰਧਾਂ ਨੂੰ ਉਜਾਗਰ ਕੀਤਾ ਗਿਆ।ਭਾਰਤ ਕੈਰੀਕੋਮ ਨਾਲ ਆਰਥਿਕ, ਰਾਜਨੀਤਕ ਅਤੇ ਸਭਿਆਚਾਰਕ ਸਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਪੂਰੀ ਤਰ੍ਹਾਂ ਨਾਲ ਵਚਨਬੱਧ ਹੈ। ਕੈਰੀਬੀਅਨ ‘ਚ ਇੱਕ ਮਿਲੀਅਨ ਤੋਂ ਵੀ ਵੱਧ ਪ੍ਰਵਾਸੀ ਭਾਰਤੀਆਂ ਦੀ ਮੌਜੂਦਗੀ ਦੋਵਾਂ ਧਿਰਾਂ ਦਰਮਿਆਨ ਇਕ ਸਕਾਰਾਤਮਕ ਸਾਂਝ ਨੂੰ ਪੈਦਾ ਕਰਦੀ ਹੈ। ਰਾਜਨੀਤਕ ...

ਕੂਟਨੀਤੀ ਦੇ ਖੇਤਰ ‘ਚ ਬਹੁਤ ਹੀ ਸੁਹਜ ਤਰੀਕੇ ਨਾਲ ਆਪਣੇ ਆਪ ਨੂੰ ਪੇਸ਼ ਕਰਨ ਦੀ ਜੋ ਖਾਸੀਅਤ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਖਸ਼ੀਅਤ ‘ਚ ਹੈ , ਅਜੋਕੇ ਸਮੇਂ ‘ਚ ਉਹ ਦੁਨੀਆ ਦੇ ਕਿਸੇ ਹੋਰ ਆਗੂ ‘ਚ ਨਹੀਂ ਹੈ।ਉਹ ਜਿੱਥੇ ਵੀ ਜਾਂਦੇ ਹਨ ਆਪਣੇ ਇਸ ਸੁਭਾਅ ਕਾਰਨ ਉੱਥੋਂ ਦੇ ਆਗੂਆਂ, ਕਾਨੂੰਨਘਾੜਿਆਂ ਅਤੇ ਲੋਕਾਂ ਦਾ ਮਨ ਜਿੱਤ ਲੈਂਦੇ ਹਨ ਅਤੇ ਉਨ੍ਹਾਂ ਨੂੰ ਭਾਰਤ ਦੇ ਨਜ਼ਦੀਕੀ ਭਾਈਵਾਲ ਹੋਣ ਦਾ ਅਹਿਸਾਸ ਕਰਵਾਉਂਦੇ ਹਨ। ਪ੍ਰਧਾਨ ਮੰਤਰੀ ਦੀ ਇਹ ਯੋਗਤਾ ਹਾਲ ‘ਚ ਹੀ ਹਿਊਸਟਨ ਵਿਖੇ ਸਮਪਤ ਹੋਏ ਪ੍ਰੋਗਰਾਮ ‘ਚ ਵੇਖਣ ਨੂੰ ਮਿਲੀ।ਉਨ੍ਹਾਂ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਟਰੰਪ ਨਾਲ ਸਿੱਧੀ ਮੁਲਾਕਾਤ ਕੀਤੀ। ਇਸ ਤੋਂ ਪਹਿਲਾਂ ਉਹ ਸ੍ਰੀ ਟਰੰਪ ਨਾਲ 6 ਵਾਰ ਮਿਲ ਚੁੱਕੇ ਹਨ।ਇਸ ਪ੍ਰੋਗਰਾਮ ‘ਚ ਜਦੋਂ ਦੋਵੇਂ ਆਗੂ ਸ਼ਾਮਲ ਹੋਏ ਤਾਂ ਇਹ ਕਿਸੇ ਇਤਿਹਾਸਕ ਘਟਨਾ ਤੋਂ ਘੱਟ ਨਹੀਂ ਸੀ ਅਤੇ ਨਾਲ ਹੀ ਭਾਰਤ-ਅਮਰੀਕਾ ਸਬੰਧਾਂ ਦੀ ਸਾਂਝ ਨੂੰ ਪ੍ਰਦਰਸ਼ਿਤ ਕਰਨ ਵਾਲਾ ਸੀ। ਨਿਊਯਾਰਕ ਵਿਖੇ ਬੀਤੇ ਸੋਮਵਾਰ ਨੂੰ ਪੀਐਮ ਮੋਦੀ ਅਤੇ ਰਾਸ਼ਟਰਪਤੀ ਟਰੰਪ ਨੇ ਤਾਜ਼ਾ ਮੁਲਾਕਾਤ ਕੀਤੀ ਅਤੇ ਸੰਯੁਕਤ ਰਾਸ਼ਟਰ ਮਹਾਂਸਭਾ ਦੀ ਸਾਲਾਨਾ ਬੈਠਕ ‘ਚ ਸ਼ਿਰਕਤ ਕੀਤੀ।ਬਹੁ-ਪੱਖੀ ਕੂਟਨੀਤੀ ਦੇ ਸਭ ਤੋਂ ਵੱਡੇ ਪੱਧਰ ‘ਤੇ ਭਾਰਤ-ਅਮਰੀਕਾ ਦੁਵੱਲੀ ਬੈਠਕ ਨੇ ਪੂਰੀ ਦੁਨੀਆ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ।ਭਾਵੇਂ ਦੋਵਾਂ ਆਗੂਆਂ ਦਰਮਿਆਨ ਬਹੁਤ ਘੱਟ ਸਮੇਂ ਦੀ ਮਿਲਣੀ ਰਹੀ ਪਰ ਫਿਰ ਵੀ ਇਹ ਇੱਕ ਅਹਿਮ ਬੈਠਕ ਵੱਜੋਂ ਮੁਕ...

ਨਿਊਯਾਰਕ ‘ਚ ਆਯੋਜਿਤ ਸੰਯੁਕਤ ਰਾਸ਼ਟਰ ਮਹਾਂਸਭਾ ਲਈ ਇੱਕਠੇ ਹੋਏ ਵਿਸ਼ਵ ਭਰ ਦੇ ਆਗੂਆਂ ਨੂੰ ਸਵੀਡਨ ਤੋਂ ਆਈ 16 ਸਾਲਾਂ ਵਾਤਾਵਰਣ ਕਾਰਕੁੰਨ ਗ੍ਰੇਟਾ ਥਨਬਰਗ ਦੀ ਦਿਲ ਨੂੰ ਛੂਹਣ ਵਾਲੀ ਅਪੀਲ ਨੇ ਝੰਜੋਰ ਕੇ ਰੱਖ ਦਿੱਤਾ।ਉਸ ਨੇ ਦੁਨੀਆਂ ਭਰ ਦੇ ਆਗੂਆਂ ਨੂੰ ਚੁਣੌਤੀ ਦਿੰਦਿਆਂ ਕਿਹਾ, “ ਆਉਣ ਵਾਲਅੀਾਂ ਪੀੜ੍ਹੀਆਂ ਦੀਆਂ ਨਜ਼ਰਾਂ ਤੁਹਾਡੇ ‘ਤੇ ਹੀ ਟਿੱਕੀਆਂ ਹੋਈਆਂ ਹਨ।ਜੇਕਰ ਤੁਸੀਂ ਸਾਨੂੰ ਅਸਫਲ ਕਰਨਾ ਚਾਹੁੰਦੇ ਹੋ ਤਾਂ ਮੈਂ ਕਹਿਣਾ ਚਾਹਾਂਗੀ ਕਿ ਅਸੀਂ ਤੁਹਾਨੂੰ ਕਦੇ ਵੀ ਮੁਆਫ਼ ਨਹੀਂ ਕਰਾਂਗੇ।” ਮੌਜੂਦਾ ਸਮੇਂ ‘ਚ ਮਨੁੱਖੀ ਹੋਂਦ ਲਈ ਸਭ ਤੋਂ ਵੱਡਾ ਖ਼ਤਰਾ ਜਲਵਾਯੂ ਤਬਦੀਲੀ ਦਾ ਹੈ। ਜਲਵਾਯੂ ਪ੍ਰਣਾਲੀ ‘ਚ ਅਣਚਾਹੇ ਅਤੇ ਬੇਲੋੜੇ ਹੋ ਰਹੇ ਪਰਿਵਰਤਨ ਵਿਸ਼ਵ ਭਰ ਲਈ ਵਿਨਾਸ਼ਕਾਰੀ ਸਿੱਟੇ ਲੈ ਕੇ ਆਉਣਗੇ। ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਿਸ਼ਵ ਆਗੂਆਂ ਨੂੰ ਕਿਹਾ ਕਿ , “ ਸਾਨੂੰ ਮੰਨ ਲੈਣਾ ਪਵੇਗਾ ਕਿ ਜੇਕਰ ਅਸੀਂ ਜਲਵਾਯੂ ਤਬਦੀਲੀ ਵਰਗੀ ਚੁਣੌਤੀ ‘ਤੇ ਜਿੱਤ ਦਰਜ ਕਰਨਾ ਚਾਹੁੰਦੇ ਹਾਂ ਤਾਂ ਮੌਜੂਦਾ ਸਮੇਂ ‘ਚ ਇਸ ਸਬੰਧੀ ਜੋ ਯਤਨ ਹੋ ਰਹੇ ਹਨ ਉਹ ਬਹੁਤ ਘੱਟ ਹਨ। ਇਸ ਲਈ ਵਿਸ਼ਵ ਪੱਧਰ ‘ਤੇ ਪੂਰੇ ਵਤੀਰੇ ‘ਚ ਤਬਦੀਲੀ ਦੀ ਲੋੜ ਹੈ।” ਵਿਸ਼ਵ ਸੰਸਥਾ ਦੇ ਵਿਸ਼ੇਸ਼ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ ਅੱਗੇ ਕਿਹਾ ਕਿ “ ਜ਼ਰੂਰਤ ਹੈ ਕਿ ਲਾਲਚ ਤੋਂ ਮੁਕਤੀ ਨੂੰ ਆਪਣਾ ਸਿਧਾਂਤ ਬਣਾਇਆ ਜਾਵੇ ਅਤੇ ਨਾਲ ਹੀ ਉਨ੍ਹਾਂ ਕਿਹਾ ਕਿ ਭਾਰਤ ਇਸ ਮੁੱਦੇ ਦੀ ਗੰਭ...

ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਮਰੀਕਾ ਦੇ ਹਿਊਸਟਨ ‘ਚ ਐਨ.ਆਰ.ਜੀ ਸਟੇਡੀਅਮ ਵਿਖੇ ਆਯੋਜਿਤ ਹੋਏ ਇੱਕ ਇਤਿਹਾਸਕ ‘ਹਾਓਡੀ ਮੋਦੀ’ ਪ੍ਰੋਗਰਾਮ ਨਾਲ ਆਪਣੇ ਦੌਰੇ ਦਾ ਆਗਾਜ਼ ਕੀਤਾ।ਇਸ ਪ੍ਰੋਗਰਾਮ ਦੌਰਾਨ 50 ਹਜ਼ਾਰ ਤੋਂ ਵੀ ਵੱਧ ਭਾਰਤੀ –ਅਮਰੀਕੀ ਭਾਈਚਾਰੇ ਦੇ ਲੋਕਾਂ ਨੇ ਸ਼ਿਰਕਤ ਕੀਤੀ।ਪੀਐਮ ਮੋਦੀ ਨੇ ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨਾਲ ਸਟੇਜ ਨੂੰ ਸਾਂਝਾ ਕੀਤਾ। ਇਸ ਤੋਂ ਪਹਿਲਾਂ ਪੀਐਮ ਮੋਦੀ ਨੇ ਸਾਲ 2014 ‘ਚ ਨਿਊਯਾਰਕ ਵਿਖੇ ਮੈਡੀਸਨ ਸਕੁਆਇਰ ਗਾਰਡਨ ਅਤੇ 2015 ‘ਚ ਸੈਨ ਜੋਸ ‘ਚ ਅਮਰੀਕਾ ‘ਚ ਭਾਰਤ-ਅਮਰੀਕੀ ਭਾਈਚਾਰੇ ਨੂੰ ਸੰਬੋਧਿਤ ਕੀਤਾ ਸੀ।ਪਰ ਇਸ ਵਾਰ ਹਿਊਸਟਨ ਵਿਖੇ ਰਾਸ਼ਟਰਪਤੀ ਟਰੰਪ ਦੀ ਮੌਜੂਦਗੀ ਨੇ ਇਸ ਪ੍ਰੋਗਰਾਮ ਦੀ ਅਹਿਮੀਅਤ ਨੂੰ ਹੋਰ ਵਧਾ ਦਿੱਤਾ।ਇਸ ਤੋਂ ਇਲਾਵਾ ਅਮਰੀਕੀ ਸੈਨੇਟਰਾਂ ਅਤੇ ਕਾਨੂੰਨ ਘਾੜ੍ਹਿਆਂ ਨੇ ਵੀ ਇਸ ਪ੍ਰੋਗਰਾਮ ‘ਚ ਸ਼ਮੂਲੀਅਤ ਕੀਤੀ।ਜਿਸ ਤੋਂ ਸਪਸ਼ੱਟ ਹੁੰਦਾ ਹੈ ਕਿ ਭਾਰਤ-ਅਮਰੀਕਾ ਭਾਈਵਾਲੀ ਮਜ਼ਬੂਤ ਹੋ ਰਹੀ ਹੈ। ਰਾਸ਼ਟਰਪਤੀ ਟਰੰਪ ਬਾਰੇ ਬੋਲਦਿਆਂ ਪੀਐਮ ਮੋਦੀ ਨੇ ਪਹਿਲਾਂ ਤਾਂ ਉਨ੍ਹਾਂ ਵੱਲੋਂ ਇਸ ਪ੍ਰੋਗਰਾਮ ‘ਚ ਆਉਣ ‘ਤੇ ਧੰਨਵਾਦ ਪ੍ਰਗਟ ਕੀਤਾ। ਦਰਅਸਲ ਇਹ ਸਮਾਗਮ ਦੋ ਵੱਡੀਆਂ ਜਮਹੂਰੀ ਤਾਕਤਾਂ ਦੇ ਦਿਲ ਦੀ ਧੜਕਨ ਵੱਜੋਂ ਆਪਣੀ ਅਹਿਮੀਅਤ ਰੱਖਦਾ ਹੈ।ਪੀਐਮ ਮੋਦੀ ਨੇ ਸ਼੍ਰੀ ਟਰੰਪ ਨੂੰ ਆਪਣਾ, ਭਾਰਤ ਦਾ ਪੱਕਾ ਦੋਸਤ ਅਤੇ ਅਮਰੀਕਾ ਦਾ ਮਹਾਨ ਰਾਸ਼ਟਰਪਤੀ ਦੱਸਿਆ। ਰਾਸ਼ਟਰਪਤੀ ਟਰੰਪ ਨੇ ਇਸ ਪ੍ਰੋਗਰਾਮ ਨ...

ਮੰਗੋਲੀਆ ਦੇ ਰਾਸ਼ਟਰਪਤੀ ਖਾਲਟਮਾਗਿਨ ਬਟੁਲਗਾ ਭਾਰਤ ਦੇ ਪੰਜ ਰੋਜ਼ਾ ਦੌਰੇ 'ਤੇ ਹਨ। ਉਹ ਭਾਰਤੀ ਰਾਸ਼ਟਰਪਤੀ ਸ਼੍ਰੀ ਰਾਮ ਨਾਥ ਕੋਵਿੰਦ ਦੇ ਸੱਦੇ 'ਤੇ ਮੁਲਕ ਦਾ ਦੌਰਾ ਕਰ ਰਹੇ ਹਨ। ਇਕ ਦਹਾਕੇ ਸਮੇਂ ਦੌਰਾਨ ਕਿਸੇ ਮੰਗੋਲੀਆਈ ਰਾਸ਼ਟਰਪਤੀ ਦੀ ਭਾਰਤ 'ਚ ਲਗਭਗ ਇਹ ਪਹਿਲੀ ਯਾਤਰਾ ਹੈ। ਮੰਗੋਲੀਆ ਦੇ ਰਾਸ਼ਟਰਪਤੀ ਨਾਲ ਇਕ ਉੱਚ ਪੱਧਰੀ ਵਫ਼ਦ ਵੀ ਹੈ ਜਿਸ ਵਿਚ ਸਰਕਾਰੀ ਅਧਿਕਾਰੀ ਅਤੇ ਕਾਰੋਬਾਰੀ ਨੇਤਾ ਸ਼ਾਮਲ ਹਨ। ਭਾਰਤ ਦਾ ਦੌਰਾ ਕਰਨ ਵਾਲੇ ਰਾਸ਼ਟਰਪਤੀ ਸ੍ਰੀ ਬਟੁਲਗਾ ਨੇ ਰਾਸ਼ਟਰਪਤੀ ਕੋਵਿੰਦ ਨਾਲ ਵਿਆਪਕ ਪੱਧਰ 'ਤੇ ਵਿਚਾਰ ਵਟਾਂਦਰਾ ਕੀਤਾ। ਉਨ੍ਹਾਂ ਦੇ ਸਨਮਾਨ ਵਿੱਚ ਭਾਰਤੀ ਰਾਸ਼ਟਰਪਤੀ ਦੁਆਰਾ ਇੱਕ ਦਾਅਵਤ ਦੀ ਮੇਜ਼ਬਾਨੀ ਕੀਤੀ ਗਈ। ਉਪ-ਰਾਸ਼ਟਰਪਤੀ ਮ. ਵੈਂਕਈਆ ਨਾਇਡੂ ਨੇ ਵੀ ਮੰਗੋਲੀਆਈ ਰਾਸ਼ਟਰਪਤੀ ਨੂੰ ਸੱਦਾ ਦਿੱਤਾ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਸ਼ਟਰਪਤੀ ਬਟੁਲਗਾ ਨਾਲ ਵਫ਼ਦ ਪੱਧਰੀ ਗੱਲਬਾਤ ਕੀਤੀ। ਭਾਰਤ ਦੇ ਪ੍ਰਧਾਨ ਮੰਤਰੀ ਅਤੇ ਮੰਗੋਲੀਆਈ ਰਾਸ਼ਟਰਪਤੀ ਦਰਮਿਆਨ ਹੋਈ ਵਾਰਤਾਲਾਪ ਵਿਚ ਦੋਵਾਂ ਮੁਲਕਾਂ ਨੇ ਦੁਵੱਲੇ ਖੇਤਰੀ ਅਤੇ ਵਿਸ਼ਵਵਿਆਪੀ ਮੁੱਦਿਆਂ ਨੂੰ ਸ਼ਾਮਿਲ ਕੀਤਾ। ਇਸ ਵਾਰਤਾ ਦਾ ਮੁੱਖ ਮੁੱਦਾ ਸਮਰੱਥਾ ਵਧਾਉਣ, ਸੁਰੱਖਿਆ, ਬੁਨਿਆਦੀ ਢਾਂਚਾ, ਊਰਜਾ, ਆਫ਼ਤ ਪ੍ਰਬੰਧਨ ਅਤੇ ਸਭਿਆਚਾਰਕ ਵਟਾਂਦਰੇ ਵਿਚ ਦੁਵੱਲੇ ਸਹਿਯੋਗ ਦਾ ਏਜੰਡਾ ਸੀ। ਕਬੀਲੇਗੌਰ ਹੈ ਕਿ ਰਾਸ਼ਟਰਪਤੀ ਅਤੇ ਪ੍ਰਧਾਨਮੰਤਰੀ ਮੋਦੀ ਦੀ ਇਹ ਮੁਲਾਕਾਤ ਕੁਝ ਸਮ...

ਸਾਊਦੀ ਅਰਬ ਦੀ ਤੇਲ ਕੰਪਨੀ ਅਰਾਮਕੋ ਵੱਲੋਂ ਦਮਾਮ ਨਜ਼ਦੀਕ ਚਲਾਏ ਜਾ ਰਹੇ ਅਬਕੀਕ ਅਤੇ ਖੁਰੈਸ ਦੇ ਵਿਸ਼ਵ ਦੇ ਸਭ ਤੋਂ ਵੱਡੇ ਕੱਚੇ ਤੇਲ ਦੇ ਸਰੋਤਾਂ ‘ਤੇ ਹੋਏ ਡਰੋਨ ਹਮਲਿਆਂ ਨੇ ਅਮਰੀਕਾ ਅਤੇ ਇਰਾਨ ਵਿਚਾਲੇ ਤਣਾਅ ਨੂੰ ਹੋਰ ਵਧਾ ਦਿੱਤਾ ਹੈ।ਜਿਸ ਕਰਕੇ ਖਾੜੀ ‘ਚ ਸਥਿਤੀ ਨਾਜ਼ੁਕ ਬਣੀ ਹੋਈ ਹੈ।ਇਸ ਲਈ 1991 ‘ਚ ਖਾੜੀ ਜੰਗ ਤੋਂ ਬਾਅਦ ਵਿਸ਼ਵ ਪੱਧਰ ‘ਤੇ ਤੇਲ ਦੀਆਂ ਕੀਮਤਾਂ ‘ਚ ਖਾਸਾ ਵਾਧਾ ਦਰਜ ਕੀਤਾ ਗਿਆ।ਯਮਨ ਅਧਾਰਤ ‘ਅੰਸਾਰ ਅੱਲਾ’ ਬਲਾਂ ਨੇ ਇੰਨ੍ਹਾਂ ਹਮਲਿਆਂ ਦੀ ਜ਼ਿੰਮੇਵਾਰੀ ਲਈ ਹੈ।ਦੱਸਣਯੋਗ ਹੈ ਇੰਨ੍ਹਾਂ ਡਰੋਨ ਹਮਲਿਆਂ ‘ਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਹੈ।ਹੌਥੀ ਬਾਗ਼ੀ ਸਮੂਹ ਨੇ ਸਾਊਦੀ ਅਰਬ ਨੂੰ ਨਾਲ ਹੀ ਚਿਤਾਵਨੀ ਵੀ ਜਾਰੀ ਕੀਤੀ ਹੈ ਕਿ ਭਵਿੱਖ ‘ਚ ਉਨ੍ਹਾਂ ਵੱਲੋਂ ਹਮਲਿਆਂ ਦੀ ਗਿਣਤੀ ‘ਚ ਵਾਧਾ ਕੀਤਾ ਜਾਵੇਗਾ।ਸਾਊਦੀ ਅਰਬ ਦੇ ਤੇਲ ਸਰੋਤਾਂ ‘ਤੇ ਇਹ ਕੋਈ ਪਹਿਲਾ ਹਮਲਾ ਨਹੀਨ ਹੈ।ਪਿਛਲੇ ਮਹੀਨੇ ਸਾਊਦੀ ਅਰਬ ਦੇ ਇੱਕ ਹੋਰ ਪ੍ਰਮੱੁਖ ਤੇਲ ਸਰੋਤ ਸ਼ਾਬਾਹ ‘ਤੇ ਵੀ ਹੌਥੀ ਬਾਗ਼ੀਆਂ ਵੱਲੋਂ ਡਰੋਨ ਹਮਲਾ ਕੀਤਾ ਗਿਆ ਸੀ। ਸਾਊਦੀ ਵਲੀ ਅਹਿਦ ਮੁਹੰਮਦ ਬਿਨ ਸਲਮਾਨ ਨੇ ਇਸ ਹਮਲੇ ਨੂੰ ਅੱਤਵਾਦੀ ਹਮਲਾ ਕਰਾਰ ਦਿੱਤਾ ਅਤੇ ਨਾਲ ਹੀ ਕਿਹਾ ਕਿ ਸਾਊਦੀ ਅਰਬ ਇਸ ਦੇ ਖਿਲਾਫ ਸਖਤ ਕਾਰਵਾਈ ਕਰੇਗਾ।ਇੰਨ੍ਹਾਂ ਉੱਚ ਪੱਧਰੀ ਹਮਲਿਆਂ ਦੇ ਮੱਦੇਨਜ਼ਰ ਰਿਆਦ ਨੇ ਆਪਣੀ ਤੇਲ ਪਾਈਪ ਲਾਈਨ ਨੂੰ ਬੰਦ ਕਰ ਦਿੱਤਾ ਹੈ ।ਜਿਸ ਰਾਹੀਂ ਪ੍ਰਤੀਦਿਨ 0.2 ਮਿਲੀਅਨ ਬੈਰੇਲ ਅਰਬ ਲਾਈਟ ਕੱਚਾ ਤੇਲ ਸਾਊਦੀ...

ਭਾਰਤ ਅਤੇ ਇਰਾਨ ਦਰਮਿਆਨ ਵਿਦੇਸ਼ੀ ਦਫ਼ਤਰ ਸਲਾਹ ਮਸ਼ਵਰਾ ਦੇ 16ਵੇਂ ਗੇੜ ਦੀ ਬੈਠਕ ਇਸ ਹਫ਼ਤੇ ਤਹਿਰਾਨ ਵਿਖੇ ਆਯੋਜਿਤ ਹੋਈ।ਭਾਰਤ ਦੇ ਵਿਦੇਸ਼ ਸਕੱਤਰ ਵਿਜੇ ਗੋਖਲੇ ਦੀ ਅਗਵਾਈ ‘ਚ ਭਾਰਤੀ ਵਫ਼ਦ ਨੇ ਇਸ ਬੈਠਕ ‘ਚ ਸ਼ਿਰਕਤ ਕੀਤੀ ਜਦਕਿ ਇਰਾਨੀ ਪੱਖ ਦੇ ਪ੍ਰਤੀਨਿਧੀ ਮੰਡਲ ਦੀ ਅਗਵਾਈ ਉਪ ਵਿਦੇਸ਼ ਮੰਤਰੀ ਡਾ. ਸਯੇਦ ਅੱਬਾਸ ਅਰਾਗਚੀ ਨੇ ਕੀਤੀ।ਸ੍ਰੀ ਗੋਖਲੇ ਨੇ ਇਰਾਨ ਦੇ ਆਪਣੇ ਹਮਅਹੁਦਾ ਡਾ.ਜਾਵੇਦ ਜ਼ਰੀਫ ਅਤੇ ਇਰਾਨ ਦੇ ਪ੍ਰਮੁੱਖ ਆਗੂ ਆਯਤੁੱਲਾ ਖਾਮੇਨੀ ਦੇ ਸੀਨੀਅਰ ਸਲਾਹਕਾਰ ਡਾ.ਅਲੀ ਅਕਬਰ ਵੇਲਾਅਤੀ ਨਾਲ ਵੀ ਮੁਲਾਕਾਤ ਕੀਤੀ। ਦੋਵਾਂ ਧਿਰਾਂ ਨੇ ਦੁਵੱਲੇ ਸਹਿਯੋਗ ਦੇ ਸਮੁੱਚੇ ਦਾਇਰੇ ਦੀ ਮੁੜ ਸਮੀਖਿਆ ਵੀ ਕੀਤੀ , ਜਿਸ ‘ਚ ਪਹਿਲਾਂ ਤੋਂ ਚੱਲ ਰਹੇ ਸੰਪਰਕ ਅਤੇ ਬੁਨਿਆਦੀ ਢਾਂਚੇ ਦੇ ਵਿਕਾਸ ਪ੍ਰਾਜੈਕਟਾਂ ਦਾ ਮੁਲਾਂਖਣ ਸ਼ਾਮਲ ਸੀ।ਇੰਨ੍ਹਾਂ ਪ੍ਰਾਜੈਕਟਾਂ ‘ਚ ਸ਼ਾਹਿਦ ਬੇਸ਼ਤੀ ਬੰਦਰਗਾਹ ਦਾ ਵਿਕਾਸ, ਚਾਬਹਾਰ ਅਤੇ ਭਾਰਤ,ਇਰਾਨ ਅਤੇ ਅਫ਼ਗਾਨਿਸਤਾਨ ਵਿਚਾਲੇ ਹੋਏ ਤਿਕੌਣੀ ਟਰਾਂਸਿਟ ਸਮਝੌਤੇ ਨੂੰ ਪੂਰੀ ਤਰ੍ਹਾਂ ਨਾਲ ਅਮਲ ‘ਚ ਲਿਆਉਣ ਸਬੰਧੀ ਕਾਰਜ ਸ਼ਾਮਲ ਸਨ। ਇਸ ਤੋਂ ਇਲਾਵਾ ਖੇਤਰੀ ਮਸਲਿਆਂ ਨੂੰ ਵੀ ਵਿਚਾਰਿਆ ਗਿਆ।ਦੋਵਾਂ ਦੇਸ਼ਾਂ ਨੇ ਦੁਵੱਲੇ ਆਪਸੀ ਲਾਭਕਾਰੀ ਸਹਿਯੋਗ ਅਤੇ ਵਟਾਂਦਰੇ ਦੀ ਗਤੀ ਨੂੰ ਕਾਇਮ ਰੱਖਣ ਸਬੰਧੀ ਆਪੋ ਆਪਣੀ ਵਚਨਬੱਧਤਾ ਪ੍ਰਗਟ ਕੀਤੀ।ਇਹ ਵੀ ਤੈਅ ਕੀਤਾ ਗਿਆ ਕਿ ਵਿਦੇਸ਼ ਮੰਤਰੀ ਦੇ ਪੱਧਰ ‘ਤੇ ਸਾਂਝੇ ਕਮਿਸ਼ਨ ਦੀ ਬੈਠਕ ਦਾ ਅਗਲਾ ਗੇੜ ਇਰਾਨ ‘ਚ ਹੋਵੇਗਾ।...

ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਵੱਲੋਂ ਆਈਸਲੈਂਡ, ਸਵਿਟਜ਼ਰਲੈਂਡ ਅਤੇ ਸਲੋਵੇਨੀਆ ਦਾ 9 ਦਿਨਾਂ ਦੌਰਾ ਕੀਤਾ ਗਿਆ , ਜਿਸ ਦਾ ਉਦੇਸ਼ ਦੁਵੱਲੇ ਸਿਆਸੀ ਅਤੇ ਆਰਥਿਕ ਸਬੰਧਾਂ ਨੂੰ ਉਤਸ਼ਾਹਿਤ ਕਰਨਾ ਸੀ। ਭਾਰਤ ਅਤੇ ਆਈਸਲੈਂਡ ਨੇ ਮੱਛੀ ਪਾਲਣ ਸਹਿਯੋਗ, ਸਭਿਆਚਾਰਕ ਸਹਿਯੋਗ, ਅਧਿਕਾਰੀਆਂ ਲਈ ਵੀਜ਼ਾ ਸਹੂਲਤ ਅਤੇ ਆਈਸਲੈਂਡ ਯੂਨੀਵਰਸਿਟੀ ‘ਚ ਹਿੰਦੀ ਚੇਅਰ ਦੀ ਸਥਾਪਨਾ ਸਬੰਧੀ ਸਮਝੌਤਿਆਂ ਅਤੇ ਮੰਗ ਪੱਤਰਾਂ ਨੂੰ ਸਹੀਬੱਧ ਕੀਤਾ।ਆਈਸਲੈਂਡ ਨਰੋਡਿਕ ਸਮੂਹ ਦੇ ਦੇਸ਼ਾਂ ਦਾ ਇੱਕ ਹਿੱਸਾ ਹੈ।ਭਾਰਤੀ ਰਾਸ਼ਟਰਪਤੀ ਨੇ ਮੰਨਿਆ ਹੈ ਕਿ ਰੇਕਾਵਿਕ ਟਿਕਾਊ ਮੱਛੀ ਪਾਲਣ, ਸਮੁੰਦਰੀ ਆਰਥਿਕਤਾ,ਜਹਾਜ਼ਰਾਨੀ, ਗ੍ਰੀਨ ਵਿਕਾਸ, ਊਰਜਾ, ਨਿਰਮਾਣ ਅਤੇ ਖੇਤੀਬਾੜੀ ਖੇਤਰਾਂ ‘ਚ ਅਹਿਮ ਯੋਗਦਾਨ ਪਾਉਣ ਦੀ ਸਮਰੱਥਾ ਰੱਖਦਾ ਹੈ। ਆਈਸਲੈਂਡ ਆਰਕਟਿਕ ਕੌਂਸਲ ਦੀ ਪ੍ਰਧਾਨਗੀ ਕਰਦਾ ਹੈ।ਇਹ ਕੌਂਸਲ ਇੱਕ ਅੰਤਰ-ਸਰਕਾਰੀ ਸੰਗਠਨ ਹੈ ਜੋ ਕਿ ਆਰਕਟਿਕ ‘ਚ ਸਥਾਈ ਵਿਕਾਸ ਅਤੇ ਵਾਤਾਵਰਣ ਸੁਰੱਖਿਆ ‘ਤੇ ਧਿਆਨ ਕੇਂਦਰਿਤ ਕਰਦਾ ਹੈ।ਆਈਸਲੈਂਡ ਨੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ‘ਚ ਭਾਰਤ ਦੀ ਉਮੀਦਵਾਰੀ ਲਈ ਆਪਣਾ ਸਮਰਥਨ ਵੀ ਪੇਸ਼ ਕੀਤਾ ਹੈ। ਰਾਸ਼ਟਰਪਤੀ ਕੋਵਿੰਦ ਨੇ ਆਈਸਲੈਂਡ ਦੀ ਯੂਨੀ. ਦੇ ਵਿਿਦਆਰਥੀਆਂ ਨੂੰ ਸੰਬੋਧਨ ਵੀ ਕੀਤਾ।ਉਨ੍ਹਾਂ ਨੇ “ਇੰਡੀਆ-ਆਈਸਲੈਂਡ ਫਾਰ ਗ੍ਰੀਨ ਪਲੈਨਟ” ਦੇ ਵਿਸ਼ੇ ‘ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ ਅਤੇ ਨਾਲ ਹੀ ਆਈਸਲੈਂਡ ਨੂੰ ਅੰਤਰਰਾਸ਼ਟਰੀ ਸੋਲਰ ਗੱਠਜੋੜ ‘ਚ ਸ਼ਾਮਲ ਹੋਣ ਦਾ ਸੱਦਾ ਵੀ ਦਿੱਤਾ। ਸ...

ਜੰਮੂ-ਕਸ਼ਮੀਰ ਦੇ ਮੁੱਦੇ ‘ਤੇ ਭਾਰਤ ਨੂੰ ਘੇਰਨ ਦੀ ਕੋਸ਼ਿਸ਼ ‘ਚ ਪਾਕਿਸਤਾਨ ਆਪ ਹੀ ਆਪਣੇ ਜਾਲ ‘ਚ ਫਸ ਗਿਆ ਹੈ।ਉਹ ਤਾਂ ਵਿਸ਼ਵ ਪੱਧਰ ‘ਤੇ ਭਾਰਤ ਦੇ ਅਕਸ ਨੂੰ ਢਾਹ ਲਗਾਉਣ ਦੇ ਯਤਨ ਕਰ ਰਿਹਾ ਸੀ ਪਰ ਹੋਇਆ ਇਸ ਦੇ ਉਲਟ।ਤਕਰੀਬਨ ਹਰ ਮੁਲਕ ਨੇ ਪਾਕਿਸਤਾਨ ਦੇ ਦਾਅਵੇ ਨੂੰ ਨਕਾਰਦਿਆਂ ਕਿਹਾ ਹੈ ਕਿ ਧਾਰਾ 370 ਨੂੰ ਮਨਸੂਖ ਕੀਤਾ ਜਾਣਾ ਭਾਰਤ ਦਾ ਅੰਦਰੂਨੀ ਮਸਲਾ ਹੈ ਅਤੇ ਕਿਸੇ ਵੀ ਬਾਹਰੀ ਤਾਕਤ ਦਾ ਇਸ ਦਖਲ ਦੇਣਾ ਸਹੀ ਨਹੀਂ ਹੈ।ਆਲਮੀ ਤਾਕਤਾਂ ਵੱਲੋਂ ਭਾਰਤ ਦੇ ਜੰਮੂ-ਕਸ਼ਮੀਰ ਦੇ ਖਾਸ ਰੁਤਬੇ ਨੂੰ ਰੱਦ ਕੀਤੇ ਜਾਣ ਦੇ ਫ਼ੈਸਲੇ ਨੂੰ ਸੰਵਿਧਾਨ ਅਨੁਸਾਰ ਕੀਤੀ ਗਈ ਕਾਰਵਾਈ ਵੀ ਕਰਾਰ ਦਿੱਤਾ ਗਿਆ ਹੈ, ਪਰ ਫਿਰ ਵੀ ਪਾਕਿਸਤਾਨ ਦੂਜੇ ਮੁਲਕਾਂ ਤੋਂ ਸਮਰਥਨ ਹਾਸਿਲ ਕਰਨ ਦੇ ਮਕਸਦ ਨਾਲ ਹਰ ਸੰਭਵ ਕੋਸ਼ਿਸ਼ ਕਰ ਰਿਹਾ ਹੈ।ਹਾਲਾਂਕਿ ਪਾਕਿਸਤਾਨ ਨੂੰ ਕਿਸੇ ਵੀ ਦੇਸ਼ ਵੱਲੋਂ ਕਸ਼ਮੀਰ ਮੁੱਦੇ ‘ਤੇ ਹਿਮਾਇਤ ਪ੍ਰਾਪਤ ਹੋਣਾ ਅਸੰਭਵ ਜਾਪ ਰਿਹਾ ਹੈ। ਹਾਲ ‘ਚ ਹੀ ਆਪਣੀ ਇੱਕ ਟੀ.ਵੀ. ਇੰਟਰਵਿਊ ‘ਚ ਪਾਕਿ ਵਜ਼ੀਰ-ਏ-ਆਜ਼ਮ ਇਮਰਾਨ ਖ਼ਾਨ ਨੇ ਮੰਨਿਆ ਹੈ ਕਿ ਉਹ ਭਾਰਤ ਖ਼ਿਲਾਫ਼ ਰਵਾਇਤੀ ਜੰਗ ‘ਚ ਜਿੱਤ ਨਹੀਂ ਸਕਦੇ ਹਨ।ਉਨ੍ਹਾਂ ਨੇ ਪ੍ਰਮਾਣੂ ਖ਼ਤਰੇ ਨੂੰ ਵੀ ਮੁੜ ਦੁਹਰਾਇਆ ਅਤੇ ਨਾਲ ਹੀ ਕਸ਼ਮੀਰ ਮਸਲੇ ‘ਤੇ ਦੁਨੀਆ ਦੇ ਦੇਸ਼ਾਂ ਦਾ ਧਿਆਨ ਖਿੱਚਣ ਦੀ ਮੰਗ ਕੀਤੀ।ਜਨਾਬ ਖ਼ਾਨ ਨੇ ਵਿਸ਼ਵ ਨੂੰ ਚਿਤਾਵਨੀ ਵੀ ਦਿੱਤੀ ਕਿ ਜੇਕਰ ਉਨ੍ਹਾਂ ਨੇ ਭਾਰਤ ਦੇ ਪ੍ਰਮਾਣੂ ਹਥਿਆਰਾਂ ਵੱਲ ਧਿਆਨ ਨਾ ਦਿੱਤਾ ਤਾਂ ਪੂਰੀ ਦੁਨੀਆ ...

ਜ਼ਮੀਨ ਇੱਕ ਮਹੱਤਵਪੂਰਣ ਵਸੀਲਾ ਹੈ।ਇਹ ਮਨੁੱਖੀ ਰੋਜ਼ੀ-ਰੋਟੀ ਅਤੇ ਵਧੀਆ ਰਹਿਣ ਸਹਿਣ ਲਈ ਪ੍ਰਮੁੱਖ ਅਧਾਰ ਹੈ।ਇਸ ਤੋਂ ਇਲਾਵਾ ਭੋਜਨ, ਤਾਜ਼ੇ ਪਾਣੀ , ਜੈਵਿਕ ਵਿਿਭੰਨਤਾ ਅਤੇ ਕਈ ਹੋਰ ਵਾਤਾਵਰਣ ਪ੍ਰਣਾਲੀ ਸੇਵਾਵਾਂ ਅਤੇ ਵੀ ਸ਼ਾਮਲ ਹੈ।ਜਲਵਾਯੂ ਪ੍ਰਣਾਲੀ ‘ਚ ਵੀ ਜ਼ਮੀਨ ਇੱਕ ਅਹਿਮ ਭੂਮਿਕਾ ਨਿਭਾਉਂਦੀ ਹੈ। ਕਈ ਦਹਾਕਿਆਂ ਤੋਂ ਅਬਾਦੀ ਦੇ ਲਗਾਤਾਰ ਵਾਧੇ ਕਾਰਨ ਜ਼ਮੀਨ ਅਤੇ ਸ਼ੁੱਧ ਪਾਣੀ ਦੀ ਬੇਲੋੜ ਵਰਤੋਂ ਕਾਰਨ ਜ਼ਮੀਨੀ ਗਿਰਾਵਟ ਹੁੰਦੀ ਰਹੀ ਹੈ।ਖੇਤੀਬਾੜੀ ਅਤੇ ਪਸ਼ੂ ਉਤਪਾਦ, ਸ਼ਹਿਰੀਕਰਨ, ਜੰਗਲਾਂ ਦੀ ਕਟਾਈ ਅਤੇ ਖ਼ਰਾਬ ਮੌਸਮ ਦੀ ਮਾਰ ਹੇਠ ਖਾਸ ਕਰਕੇ ਸੋਕੇ ਦੇ ਕਾਰਨ ਇਸ ਪ੍ਰਕ੍ਰਿਆ ‘ਚ ਖਾਸਾ ਵਾਧਾ ਹੋਇਆ ਹੈ।ਮਨੁੱਖ 70% ਤੋਂ ਵੀ ਵੱਧ ਬਰਫ਼ ਰਹਿਤ ਜ਼ਮੀਨ ਨੂੰ ਪ੍ਰਭਾਵਿਤ ਕਰਦਾ ਹੈ।ਭੂਮੀ ‘ਚ ਵਿਗਾੜ ਅਤੇ ਮਾਰੂਥਲੀਕਰਨ ਬਹੁਤੇਰੇ ਮੁਲਕਾਂ ਲਈ ਇੱਕ ਵੱਡੀ ਆਰਥਿਕ, ਸਮਾਜਿਕ ਅਤੇ ਵਾਤਾਵਰਣ ਸਬੰਧੀ ਸਮੱਸਿਆ ਹੈ।ਮਾਰੂਥਲੀਕਰਨ ਭੂਮੀ ‘ਚ ਆ ਰਹੀ ਗਿਰਾਵਟ ਦਾ ਹੀ ਇੱਕ ਰੂਪ ਹੈ, ਜਿਸ ਕਾਰਨ ਉਪਜਾਊ ਜ਼ਮੀਨ ਵੀ ਬੰਜਰ ਹੁੰਦੀ ਜਾ ਰਹੀ ਹੈ। ਇੰਨ੍ਹਾਂ ਤਬਦੀਲੀਆਂ ਦੇ ਹੱਲ ਲੱਭਣ ਅਤੇ ਚੁਣੌਤੀਆਂ ਦਾ ਸਾਹਮਣਾ ਕਰਨ ਦੇ ਮਕਸਦ ਨਾਲ ਹੀ 197 ਦੇਸ਼ਾਂ ਦੇ ਲਬਘਬ 9 ਹਜ਼ਾਰ ਪ੍ਰਤੀਨਿਧੀਆਂ ਨੇ ਦਿੱਲੀ ਨਾਲ ਲੱਗਦੇ ਉਪਨਗਰ ‘ਚ 2 ਸਤੰਬਰ ਤੋਂ 13 ਸਤੰਬਰ ਤੱਕ ਚੱਲਣ ਵਾਲੇ ਇਕ ਪ੍ਰਮੁੱਖ ਸੰਮੇਲਨ ‘ਚ ਹਿੱਸਾ ਲਿਆ।ਭਾਰਤ ਨੇ 14ਵੀਂ ਕਾਨਫਰੰਸ ਆਫ਼ ਸੰਮੇਲਨ ਜਾਂ ਕੋਪ 14 ‘ਚ ਸੰਯੁਕਤ ਰਾਸ਼ਟਰ ਕੰਨਵੇਂਸ਼ਨ ਟੂ ਕੰਬੇਟ...

ਇਸ ਸਾਲ ਦੇ ਸ਼ੁਰੂ ਵਿੱਚ ਤਾਲਿਬਾਨ ਨੇ ਚੌਦਾਂ ਮੈਂਬਰੀ ਸ਼ਾਂਤੀ ਪ੍ਰਤੀਨਿਧੀ ਮੰਡਲ ਦਾ ਗਠਨ ਕੀਤਾ ਸੀ ਜਿਸ ਨੂੰ ਸੰਯੁਕਤ ਰਾਸ਼ਟਰ ਨਾਲ ਕਠਿਨ ਸ਼ਾਂਤੀ ਵਾਰਤਾ ਦਾ ਕੰਮ ਸੌਂਪਿਆ ਗਿਆ ਸੀ। ਜਿੱਥੇ ਇਹ ਗੱਲਬਾਤ ਅੱਗੇ ਵਧਣੀ ਚਾਹੀਦੀ ਸੀ ਪਰ ਓਧਰ ਅਫਗਾਨਿਸਤਾਨ ਦੀ ਸਰਕਾਰ ਅਤੇ ਤਾਲਿਬਾਨ ਵਿਚਕਾਰ ਜੰਗ ਅੱਗੇ ਵਧ ਗਈ ਸੀ। ਤਾਲਿਬਾਨ ਦੇ ਹਮਲਿਆਂ ਦੀ ਪ੍ਰਕਿਰਤੀ ਨੂੰ ਮੱਦੇਨਜ਼ਰ ਰੱਖਦਿਆਂ ਇਹ ਦੱਸਿਆ ਗਿਆ ਹੈ ਕਿ ਉਹ ਆਮ ਤੌਰ ‘ਤੇ ਅੰਨ੍ਹੇਵਾਹ ਹਮਲਾ ਕਰਦਾ ਹੈ ਅਤੇ ਆਮ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ, ਇਸ ਲਈ ਇਸ ਗੱਲਬਾਤ ਨੂੰ ਸ਼ੁਰੂਆਤ ਤੋਂ ਜਾਰੀ ਰੱਖਣਾ ਮੁਸ਼ਕਿਲ ਸੀ।  ਇਸ ਗੱਲਬਾਤ ਦਾ ਉਦੇਸ਼ ਰਾਜਨੀਤਿਕ ਆਧਾਰਿਤ ਵਿਆਪਕ ਢਾਂਚਾ ਉਸਾਰਨਾ ਸੀ ਜੋ ਤਾਲਿਬਾਨ ਅਤੇ ਕਾਬੁਲ ਵਿੱਚ ਹੋਰਨਾਂ ਵਰਗਾਂ ਦੀ ਮੁੱਖ ਧਾਰਾ ਦੀ ਰਾਜਨੀਤਿਕ ਪ੍ਰਣਾਲੀ ਦੀਆਂ ਇੱਛਾਵਾਂ ਨੂੰ ਪੂਰਾ ਕਰੇ। ਹਾਲਾਂਕਿ ਗੱਲਬਾਤ ਦਾ ਮੁੱਖ ਮੁੱਦਾ ਅੱਤਵਾਦ ਵਿਰੋਧੀ ਗਰੰਟੀ ਸੀ ਜੋ ਤਾਲਿਬਾਨ ਨੇਤਾਵਾਂ ਨੂੰ ਅਮਰੀਕਾ ਨੂੰ ਦੇਣੀ ਪਈ ਸੀ ਜਦੋਂ ਇਹ ਅੰਤਰਰਾਸ਼ਟਰੀ ਅੱਤਵਾਦੀ ਨੈਟਵਰਕਸ ਦੇ ਮੇਜ਼ਬਾਨ ਵਜੋਂ ਉਭਰਿਆ ਸੀ। ਅੱਤਵਾਦ ਵਿਰੋਧੀ ਗਾਰੰਟੀ ਦੀ ਨਿਰੰਤਰ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਇੱਕ ਵਿਧੀ ਦੇ ਤੌਰ ਤੇ, ਅਮਰੀਕੀ ਸਰਕਾਰ ਨੇ ਕਥਿਤ ਤੌਰ 'ਤੇ ਤਾਲਿਬਾਨ ਤੋਂ ਮੰਗ ਕੀਤੀ ਹੈ ਕਿ ਉਹ ਅਫਗਾਨਿਸਤਾਨ ਦੇ ਖੇਤਰ ਤੋਂ ਲੜਾਕੂਆਂ ਦੀ ਵਾਪਸੀ ਤੋਂ ਬਾਅਦ ਆਪਣੇ ਖੁਫੀਆ ਨੈਟਵਰਕ ਸਮੇਤ ਪੂਰੀ ਕੂਟਨੀਤਕ ਮੌਜੂਦ...

ਖੇਤਰੀ ਵਿਆਪਕ ਆਰਥਿਕ ਭਾਗੀਦਾਰੀ (ਆਰ.ਸੀ.ਈ.ਪੀ.) ਦੀ ਬੈਠਕ ਹਾਲ ਹੀ ਵਿੱਚ ਬੈਂਕਾਕ ਵਿੱਚ ਹੋਈ ਸੀ। ਕਾਬਿਲੇਗੌਰ ਹੈ ਕਿ ਇਹ ਬੈਠਕ ਉਸ ਵੇਲੇ ਹੋਈ ਜਦੋਂ ਅਮਰੀਕਾ ਅਤੇ ਚੀਨ ਵਿਚਾਲੇ ਵਪਾਰਕ ਜੰਗ ਅਤੇ ਜਾਪਾਨ ਅਤੇ ਦੱਖਣੀ ਕੋਰੀਆ ਵਿਚਾਲੇ ਆਰਥਿਕ ਟਕਰਾਅ ਦੀ ਸਥਿਤੀ ਬਣੀ ਹੋਈ ਹੈ। ਭਾਰਤ ਨੇ ਪਿਛਲੇ ਮਹੀਨੇ ਆਯੋਜਿਤ ਆਰ.ਸੀ.ਈ.ਪੀ. ਦੀ ਬੈਠਕ ਵਿੱਚ ਹਿੱਸਾ ਨਹੀਂ ਲਿਆ ਸੀ ਪਰ ਭਾਰਤੀ ਵਣਜ ਅਤੇ ਉਦਯੋਗ ਮੰਤਰੀ ਪਿਊਸ਼ ਗੋਇਲ ਨੇ ਇਸ ਦੀ ਵਰਤਮਾਨ ਵਿੱਚ ਹੋਈ ਇੱਕ ਅਹਿਮ ਬੈਠਕ ਵਿੱਚ ਸ਼ਿਰਕਤ ਕੀਤੀ ਸੀ। ਇਹ ਵਿਸ਼ਵ ਪੱਧਰੀ ਆਰਥਿਕ ਸਰਗਰਮੀਆਂ ਵਿੱਚ ਭਾਰਤ ਦੀ ਗਤੀਸ਼ੀਲਤਾ ਨੂੰ ਹੁਲਾਰਾ ਦੇਣ ਲਈ ਕਾਫੀ ਮਹੱਤਵਪੂਰਨ ਸੀ। ਗੌਰਤਲਬ ਹੈ ਕਿ ਸ਼੍ਰੀ ਗੋਇਲ ਨੇ ਸਮੂਹ ਦੇ ਹੋਰ ਮੈਂਬਰ ਮੁਲਕਾਂ ਨਾਲ ਬਹੁ-ਪੱਖੀ ਅਤੇ ਦੁ-ਪੱਖੀ ਗੱਲਬਾਤ ਦੇ ਏਜੰਡੇ ਵਾਲੀ ਮੰਤਰੀ-ਪੱਧਰੀ ਬੈਠਕ ਵਿੱਚ ਹਿੱਸਾ ਲਿਆ ਸੀ। ਆਰ.ਸੀ.ਈ.ਪੀ. ਵਿੱਚ ਦਸ ਮੈਂਬਰੀ ਐਸੋਸੀਏਸ਼ਨ ਆਫ ਸਾਊਥ-ਈਸਟ ਏਸ਼ੀਅਨ ਨੇਸ਼ਨਜ਼ (ਆਸਿਆਨ) ਅਤੇ ਛੇ ਹੋਰ ਖੇਤਰੀ ਦੇਸ਼, ਭਾਰਤ, ਚੀਨ, ਜਾਪਾਨ, ਦੱਖਣੀ ਕੋਰੀਆ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਸ਼ਾਮਿਲ ਹਨ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਸੰਗਠਨ ਦਾ ਨਿਰਮਾਣ ਪੂਰੇ ਆਸਿਆਨ ਅਤੇ ਇਸ ਦੇ ਆਲੇ-ਦੁਆਲੇ ਦੇ ਖਿੱਤੇ ਵਿੱਚ ਇੱਕ ਮੁਕਤ ਵਪਾਰ ਵਿਵਸਥਾ ਦੀਆਂ ਸੰਭਾਵਨਾਵਾਂ ਨੂੰ ਵਧਾਉਣ ਲਈ ਕੀਤਾ ਗਿਆ ਸੀ। 7ਵੀਂ ਮੰਤਰੀ ਪੱਧਰੀ ਬੈਠਕ ਤੋਂ ਬਾਅਦ ਇਸ ਵਿੱਚ ਹਿੱਸਾ ਲੈਣ ਵਾਲੇ 16 ਮੁਲਕਾਂ ਦੁਆਰਾ ਜਾਰੀ ਸੰਯੁਕ...

 ਭਾਰਤ ਦੇ ਵਿਦੇਸ਼ ਮੰਤਰੀ ਡਾ.ਐਸ.ਜੈਸ਼ੰਕਰ ਨੇ ਆਪਣਾ ਅਹੁਦਾ ਸੰਭਾਲਣ ਤੋਂ ਬਾਅਦ ਆਸੀਆਨ ਖੇਤਰ ਦੇ ਆਪਣੇ ਦੁਵੱਲੇ ਦੌਰਿਆਂ ਦੇ ਪਹਿਲੇ ਪੜਾਅ ਤਹਿਤ ਇੰਡੋਨੇਸ਼ੀਆ ਅਤੇ ਸਿੰਗਾਪੁਰ ਦਾ ਦੌਰਾ ਕੀਤਾ।   ਆਪਣੇ ਦੱਖਣ-ਪੂਰਬੀ ਏਸ਼ੀਆਈ ਦੌਰੇ ਦੇ ਪਹਿਲੇ ਪੜਾਅ ਦੌਰਾਨ ਡਾ.ਜੈਸ਼ੰਕਰ ਨੇ ਇੰਡੋਨੇਸ਼ੀਆ ਦੇ ਆਪਣੇ ਹਮਅਹੁਦਾ ਰੇਟਨੋ ਮਰਸੂਦੀ ਨਾਲ ਗੱਲਬਾਤ ਕੀਤੀ।ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਸਮੁੰਦਰੀ ਮਾਮਲਿਆਂ ਦੇ ਤਾਲਮੇਲ ਮੰਤਰੀ ਜਨਰਲ (ਸੇਵਾਮੁਕਤ) ਲੂਹੁਤ ਬਿਨਸਾਰ ਪੰਡਜੈਤਨ ਨਾਲ ਵੀ ਮੁਲਾਕਾਤ ਕੀਤੀ।ਦੋਵਾਂ ਮੰਤਰੀਆਂ ਨੇ ਭਾਰਤ ਦੇ ਅੰਡੇਮਾਨ ਅਤੇ ਨਿਕੋਬਾਰ ਦੀਪ ਸਮੂਹਾਂ ਅਤੇ ਇੰਡੋਨੇਸ਼ੀਆ ਦੇ ਏਸੀਹ ਦੀਪ ਸਮੂਹ ਵਿਚਾਲੇ ਆਪਸੀ ਸਹਿਯੋਗ ਦੇ ਵਧੇਰੇ ਤਰੀਕਿਆਂ ਨੂੰ ਵਿਚਾਰਿਆ।ਇੰਡੋਨੇਸ਼ੀਆ ਭਾਰਤ ਦਾ ਇੱਕ ਨੇੜਲਾ ਸਮੁੰਦਰੀ ਗੁਆਂਢੀ ਮੁਲਕ ਹੈ।ਇੰਡੋਨੇਸ਼ੀਆ ਦੇ ਉੱਤਰੀ ਧੁਰੇ ਤੋਂ ਮਹਿਜ 90 ਮੀਲ ਦੀ ਦੂਰੀ ‘ਤੇ ਹੀ ਭਾਰਤ ਦਾ ਦੱਖਣੀ ਧੁਰਾ ਲੱਗਦਾ ਹੈ।ਦੋਵਾਂ ਦੇਸ਼ਾਂ ਦਰਮਿਆਨ ਸਮੁੰਦਰੀ ਸਹਿਯੋਗ ਬਹੁਤ ਮਹੱਤਤਾ ਰੱਖਦਾ ਹੈ।   ਭਾਰਤ ਦੀ ‘ਐਕਟ ਈਸਟ’ ਨੀਤੀ ਅਤੇ ਇੰਡੇਸ਼ੀਆ ਦੀ ‘ਗਲੋਬਲ ਮੈਰੀਟਾਈਮ ਫੁਲਕਰਮ’ ਦੋਵੇਂ ਹੀ ਇਕ ਦੂਜੇ ਦੇ ਪੂਰਕ ਹਨ।ਦੋਵਾਂ ਮੁਲਕਾਂ ਨੇ ਆਸੀਆਨ ਦੀ ਕੇਂਦਰਿਤਾ ਅਤੇ ਏਕਤਾ ਨੂੰ ਉਤਸ਼ਾਹਿਤ ਕੀਤਾ ਹੈ।ਇਸ ਦੇ ਨਾਲ ਹੀ ਭਾਰਤ-ਇੰਡੋਨੇਸ਼ੀਆ ਨੇ ਹਿੰਦ-ਪ੍ਰਸ਼ਾਂਤ ਦੇ ਟੀਚਿਆਂ ਅਤੇ ਉਦੇਸ਼ਾਂ ਦੇ ਦ੍ਰਿਸ਼ਟੀਕੋਣ ਨੂੰ ਮਜ਼ਬੂਤੀ ਨਾਲ ਅੱਗੇ ਤੋਰਿਆ ਹੈ, ਕਿਉਂਕ...

ਸੰਯੁਕਤ ਰਾਸ਼ਟਰ ਮਨੁੱਖੀ ਅਧਿਕਾਰ ਕੌਂਸਲ ਦੀ 42ਵੀਂ ਬੈਠਕ ‘ਚ ਕਸ਼ਮੀਰ ਮਸਲੇ ‘ਤੇ ਇੱਕ ਮਤਾ ਪਾਸ ਕਰਵਾਉਣ ਦੇ ਮਕਸਦ ਨਾਲ ਪਾਕਿ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਇਸ ਮੌਜ਼ੂ ਨੂੰ ਕੌਮਾਂਤਰੀ ਪੱਧਰ ‘ਤੇ ਚੁੱਕਣ ਦੇ ਬਹੁਤ ਯਤਨ ਕੀਤੇ ਪਰ ਉਨ੍ਹਾਂ ਨੂੰ ਨਾਕਾਮੀ ਹੀ ਹੱਥ ਲੱਗੀ।ਜ਼ਿਕਰਯੋਗ ਹੈ ਕਿ ਪਾਕਿਸਤਾਨ ਨੂੰ 47 ਮੈਂਬਰੀ ਸਮੂਹ ‘ਚੋਂ 24 ਮੁਲਕਾਂ ਦੀ ਹਿਮਾਇਤ ਦੀ ਜ਼ਰੂਰਤ ਹੋਵੇਗੀ ਪਰ ਲੱਖ ਕੋਸ਼ਿਸ਼ਾਂ ਕਰਨ ਦੇ ਬਾਵਜੂਦ ਵੀ ਪਾਕਿਸਤਾਨ ਨੂੰ ਮੂੰਹ ਦੀ ਖਾਣੀ ਪਈ।ਕੌਂਸਲ ‘ਚ ਇਸ ਮੁੱਦੇ ‘ਤੇ ਫੌਰੀ ਬਹਿਸ ਲਈ ਬੇਨਤੀ ਦਾਇਰ ਕਰਨ ‘ਚ ਵੀ ਸਮਰਥਨ ਹਾਸਿਲ ਕਰਨ ‘ਚ ਅਸਫਲ ਰਿਹਾ।ਇੱਥੇ ਇਹ ਧਿਆਨ ਦੇਣ ਵਾਲੀ ਗੱਲ ਹੈ ਕਿ ਸੈਸ਼ਨ ਦੇ ਕਾਰਜਕਾਲ ਦੌਰਾਨ ਕਿਸੇ ਵੀ ਸਮੇਂ ਬਹਿਸ ਲਈ ਗੁਜ਼ਾਰਿਸ਼ ਕੀਤੀ ਜਾ ਸਕਦੀ ਹੈ।ਇਸ ਵਾਰ ਕਿਸੇ ਵੀ ਮਸਲੇ ‘ਤੇ ਫੌਰੀ ਬਹਿਸ ਦਾਇਰ ਕਰਨ ਦੀ ਅੰਤਿਮ ਮਿਤੀ 19 ਸਤੰਬਰ ਹੈ।ਭਾਰਤ ਨੇ ਜਨੇਵਾ ਵਿਖੇ ਆਪਣੇ ਮੰਤਰੀ ਨੂੰ ਨਾ ਭੇਜਣ ਦਾ ਫ਼ੈਸਲਾ ਦੇ ਕੇ ਇਹ ਸੰਕੇਤ ਦਿੱਤਾ ਹੈ ਕਿ ਉਸ ਲਈ ਇਹ ਮਸਲਾ ਕੁੱਝ ਅਹਿਮੀਅਤ ਨਹੀਂ ਰੱਖਦਾ ਹੈ।ਹਾਲਾਂਕਿ ਭਾਰਤ ਨੇ ਪਾਕਿਸਤਾਨ ਦੇ ਦਾਅਵਿਆਂ ਅਤੇ ਟਿੱਪਣੀਆਂ ਦਾ ਖੜਕਵਾਂ ਜਵਾਬ ਪੇਸ਼ ਕੀਤਾ ਹੈ। ਪਾਕਿ ਵਿਦੇਸ਼ ਮੰਤਰੀ ਕੁਰੈਸ਼ੀ ਨੇ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦੀ ਗੱਲ ਕਰਦਿਆਂ ਮੁੜ ਕਸ਼ਮੀਰ ਮੁੱਦੇ ਨੂੰ ਕੌਂਸਲ ‘ਚ ਚੁੱਕਣ ਦੀ ਕੋਸ਼ਿਸ਼ ਕੀਤੀ।ਉਨ੍ਹਾਂ ਨੇ ਨਾਲ ਹੀ ਮੰਗ ਕੀਤੀ ਕਿ ਇਸ ਮਸਲੇ ਦੀ ਸੰਯੁਕਤ ਰਾਸ਼ਟਰ ਵੱਲੋਂ ਸਾਂਝੀ ਜਾਂ...

ਭਾਰਤ ਅਤੇ ਨੇਪਾਲ ਨੇ ਆਪਣੇ ਦੁਵੱਲੇ ਸਬੰਧਾਂ ਨੂੰ ਇਕ ਹੋਰ ਉਚਾਈ ਪ੍ਰਦਾਨ ਕੀਤੀ ਹੈ।ਦੋਵਾਂ ਦੇਸ਼ਾਂ ਦੇ ਪ੍ਰਧਾਨ ਮੰਤਰੀਆਂ ਨੇ ਸਾਂਝੇ ਤੌਰ ‘ਤੇ ਦੱਖਣੀ ਏਸ਼ੀਆ ਦੀ ਪਹਿਲੀ ਸਰਹੱਦ ਪਾਰ ਪੈਟਰੋਲੀਅਮ ਪਾਈਪਲਾਈਨ ਦਾ ਵੀਡੀਓ ਕਾਨਫਰੰਸ ਦੁਆਰਾ ਉਦਘਾਟਨ ਕੀਤਾ।ਇਹ ਪੈਟਰੋਲੀਅਮਨ ਪਾਈਪ ਲਾਈਨ ਭਾਰਤ ਵੱਲੋਂ ਬਿਹਾਰ ਰਾਜ ਦੇ ਮੋਤੀਹਾਰੀ ਤੋਂ ਨੇਪਾਲ ਦੇ ਅਮਲੇਖਗੁੰਜ ਤੱਕ ਹੋਵੇਗੀ।69 ਕਿਲੋਮੀਟਰ ਲੰਬੀ ਇਹ ਪਾਈਪਲਾਈਨ ਭਾਰਤ ਵੱਲ 32.7 ਕਿਮੀ. ਅਤੇ ਨੇਪਾਲ ਵੱਲ 37.2 ਕਿਮੀ. ਪੈਂਦੀ ਹੈ, ਜੋ ਕਿ ਨੇਪਾਲ ਦੇ ਲੋਕਾਂ ਨੂੰ ਸਾਲਾਨਾ 20 ਲੱਖ ਟਨ ਸ਼ੁੱਧ ਪੈਟਰੋਲੀਅਮ ਉਤਪਾਦਾਂ ਦੀ ਸਪਲਾਈ ਦੀ ਸਮਰੱਥਾ ਰੱਖਦੀ ਹੈ। ਇਸ ਨੂੰ ਭਾਰਤ ਅਤੇ ਨੇਪਾਲ ਦਰਮਿਆਨ ਨਜ਼ਦੀਕੀ ਦੁਵੱਲੇ ਸਬੰਧਾਂ ਦਾ ਪ੍ਰਤੀਕ ਦੱਸਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਮੋਤੀਹਾਰੀ-ਅਮਲੇਖਗੁੰਜ ਪਾਈਪਲਾਈਨ ਪ੍ਰਾਜੈਕਟ ਖੇਤਰ ਦੀ ਊਰਜਾ ਸੁਰੱਖਿਆ ਨੂੰ ਉਤਸ਼ਾਹਿਤ ਕਰਨ ਅਤੇ ਆਵਾਜਾਈ ਖਰਚਿਆਂ ‘ਚ ਕਟੌਤੀ ਕਰਨ ‘ਚ ਮਦਦ ਕਰੇਗਾ।ਉਨ੍ਹਾਂ ਨੇ ਇਸ ਗੱਲ ‘ਤੇ ਵੀ ਸੰਤੁਸ਼ਟੀ ਪ੍ਰਗਟ ਕੀਤੀ ਕਿ ਉੱਚ ਰਾਜਨੀਤਿਕ ਪੱਧਰ ‘ਤੇ ਨਿਯਮਤ ਆਦਾਨ-ਪ੍ਰਦਾਨ ਨੇ ਭਾਰਤ-ਨੇਪਾਲ ਸਾਂਝੇਦਾਰੀ ਨੂੰ ਹੁਲਾਰਾ ਦੇਣ ਲਈ ਅਗਾਂਹਵਧੂ ਏਜੰਡਾ ਤਿਆਰ ਕੀਤਾ ਹੈ। ਨਵੀਂ ਦਿੱਲੀ ਤੋਂ ਇਸ ਪ੍ਰਾਜੈਕਟ ਦਾ ਉਦਘਾਟਨ ਕਰਦਿਆਂ ਸ੍ਰੀ ਮੋਦੀ ਨੇ ਭਰੋਸਾ ਜਤਾਉਂਦਿਆਂ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਦੁਵੱਲੇ ਸਬੰਧ ਵੱਖ-ਵੱਖ ਖੇਤਰਾਂ ‘ਚ ਵਧੇਰੇ ਡੂੰਗ...

ਇਰਾਨ ਨੇ ਐਲਾਨ ਕੀਤਾ ਹੈ ਕਿ ਪ੍ਰਮਾਣੂ ਸਮਝੌਤੇ ਤਹਿਤ ਉਹ ਆਪਣੀਆਂ ਪ੍ਰਤੀਬੱਧਤਾਵਾਂ ਤੋਂ ਹੌਲੀ-ਹੌਲੀ ਪਿੱਛੇ ਹੱਟ ਰਿਹਾ ਹੈ ਜੋ ਕਿ ਉਸ ਨੇ ਜੁਲਾਈ 2015 ‘ਚ ਵਿਸ਼ਵ ਸ਼ਕਤੀਆਂ ਨਾਲ ਕੀਤੀਆਂ ਸੀ।ਇਰਾਨ ਵੱਲੋਂ ਚੁੱਕੇ ਗਏ ਇਸ ਕਦਮ ਪਿੱਛੇ ਦਾ ਕਾਰਨ ਇਹ ਹੈ ਕਿ ਜਦੋਂ ਦਾ ਯੂਰੋਪੀਅਨ ਯੂਨੀਅਨ ਪ੍ਰਮਾਣੂ ਸਮਝੌਤੇ ਪ੍ਰਤੀ ਆਪਣੇ ਵਾਅਦਿਆਂ ਨੂੰ ਪੂਰਾ ਕਰਨ 'ਚ ਅਸਫਲ ਰਹੀ ਹੈ, ਉਸ ਤੋਂ ਬਾਅਦ ਹੀ ਇਰਾਨ ਵੱਲੋਂ ਵੀ ਇੰਨ੍ਹਾਂ ਨੇਮਾਂ ਨੂੰ ਮੰਨਣ ਤੋਂ ਨਾਂਹ ਕੀਤੀ ਗਈ ਹੈ, ਕਿਉਂਕਿ ਕਿਸੇ ਵੀ ਇਕਰਾਰਨਾਮੇ ਦੀ ਸਫਲਤਾ ਦੋਵਾਂ ਧਿਰਾਂ ਵੱਲੋਂ ਉਸ ਦੀਆਂ ਸ਼ਰਤਾਂ ਪੂਰੀਆਂ ਕਰਨ ‘ਤੇ ਹੀ ਅਧਾਰਿਤ ਹੁੰਦੀ ਹੈ।ਅਮਰੀਕਾ ਵੱਲੋਂ ਪ੍ਰਮਾਣੂ ਸਮਝੋਤੇ ਤੋਂ ਇਕਤਰਫਾ ਪਿੱਛੇ ਹੱਟਣ ਤੋਂ ਬਾਅਦ ਇਰਾਨ ਅਤੇ ਈ.ਯੂ ਵੱਲੋਂ ਪ੍ਰਮਾਣੂ ਸਮਝੌਤੇ ਨੂੰ ਬਚਾਉਣ ਦੇ ਅਣਥੱਕ ਯਤਨ ਕੀਤੇ ਜਾ ਰਹੇ ਸਨ।ਯੂਰੋਪੀਅਨ ਯੂਨੀਅਨ ਨੇ ਵਾਅਦਾ ਕੀਤਾ ਸੀ ਕਿ ਇਸ ਪ੍ਰਮਾਣੂ ਸਮਝੌਤੇ ਤਹਿਤ ਇਰਾਨ ਨੂੰ ਹਾਸਿਲ ਹੋਣ ਵਾਲੇ ਆਰਥਿਕ ਲਾਭਾਂ ਨੂੰ ਯਕੀਨੀ ਬਣਾਇਆ ਜਾਵੇਗਾ ਤਾਂ ਜੋ ਇਰਾਨ ਪ੍ਰਮਾਣੂ ਸਮਝੌਤੇ ਨੂੰ ਕਾਇਮ ਰੱਖ ਸਕੇ। ਇਰਾਨ ਪ੍ਰਮਾਣੂ ਊਰਜਾ ਏਜੰਸੀ ਦੇ ਡਾਇਰੈਕਟਰ ਅਲੀ ਅਕਬਰ ਸਲੇਹ ਨੇ ਇਸ ਫ਼ੈਸਲੇ ਪਿੱਛੇ ਇਰਾਨ ਦੀ ਦਲੀਲ ਨੂੰ ਪੇਸ਼ ਕੀਤਾ।ਉਨ੍ਹਾਂ ਅਨੁਸਾਰ ਯੂਰੋਪੀਅਨ ਯੂਨੀਅਨ ਆਪਣੇ ਕੀਤੇ ਵਾਅਦੇ ਨੂੰ ਕਾਇਮ ਰੱਖਣ ‘ਚ ਅਸਫਲ ਰਹੀ ਹੈ, ਜਿਸ ਕਰਕੇ ਇਰਾਨ ਨੇ ਪ੍ਰਮਾਣੂ ਸਮਝੌਤੇ ਪ੍ਰਤੀ ਆਪਣੀਆਂ ਵਚਨਬੱਧਤਾਵਾਂ ਤੋਂ ਪਿੱਛੇ ...

ਪਾਕਿਸਤਾਨ ਆਪਣੇ ਆਪ ਨੂੰ ਕਸ਼ਮੀਰ ਮਸਲੇ ‘ਤੇ ਫਸਿਆ ਮਹਿਸੂਸ ਕਰ ਰਿਹਾ ਹੈ।ਇਸਲਾਮਾਬਾਦ ਜੰਮੂ-ਕਸ਼ਮੀਰ ਨੂੰ ਹਾਸਲਿ ਵਿਸ਼ੇਸ਼ ਰੁਤਬੇ ਦੇ ਮਨਸੂਖ ਕਰਨ ਦੇ ਭਾਰਤ ਦੇ ਫ਼ੈਸਲੇ ਦੇ ਵਿਰੋਧ ‘ਚ ਅੰਤਰਰਾਸ਼ਟਰੀ ਪੱਧਰ ‘ਤੇ ਸਾਰੇ ਮੁਲਕਾਂ ਦਾ ਇਸ ਸਬੰਧੀ ਧਿਆਨ ਕੇਂਦਰਿਤ ਕਰਨ ‘ਚ ਰੁਝਾ ਹੋਇਆ ਹੈ।ਦੂਜੇ ਪਾਸੇ ਨਵੀਂ ਦਿੱਲੀ ਨੇ ਸਿੱਧੇ ਤੌਰ ਕਿਹਾ ਹੈ ਕਿ ਜੰਮੂ-ਕਸ਼ਮੀਰ ਨਾਲ ਸਬੰਧਿਤ ਉਸ ਦਾ ਇਹ ਫ਼ੈਸਲਾ ਪੂਰੀ ਤਰ੍ਹਾਂ ਨਾਲ ਉਸ ਦਾ ਅੰਦਰੂਨੀ ਮਾਮਲਾ ਹੈ।ਭਾਰਤ ਆਪਣਾ ਨਜ਼ਰੀਆ ਵਿਸ਼ਵ ਅੱਗੇ ਰੱਖਣ ‘ਚ ਪੂਰੀ ਤਰ੍ਹਾਂ ਨਾਲ ਸਫਲ ਵੀ ਹੋਇਆ ਹੈ।ਜਿਸ ਕਰਕੇ ਦੁਨੀਆ ਦੇ ਵਧੇਰੇ ਮੁਲਕਾਂ ਨੇ ਭਾਰਤ ਦੇ ਇਸ ਫ਼ੈਸਲੇ ਨੂੰ ਮਾਨਤਾ ਦਿੱਤੀ ਹੈ। ਪਰ ਪਾਕਿਸਤਾਨ ਸੰਤੁਸ਼ਟ ਨਹੀਂ ਹੈ।ਸਥਿਤੀ ਇਹ ਬਨ੍ਹ ਗਈ ਹੈ ਕਿ ਕਸ਼ਮੀਰ ਮੁੱਦੇ ‘ਤੇ ਪਾਕਿਸਤਾਨ ਆਪਣੇ ਆਪ ਨੂੰ ਇੱਕਲਾ ਪਾ ਰਿਹਾ ਹੈ, ਇੱਥੋਂ ਤੱਕ ਕਿ ਉਸ ਦੇ ਮਿੱਤਰ ਮੁਲਕ ਵੀ ਖੁਲ੍ਹ ਕੇ ਉਸ ਦੀ ਹਿਮਾਇਤ ‘ਚ ਨਹੀਂ ਖੜ੍ਹੇ ਹਨ।ਪਿਛਲੇ ਹਫ਼ਤੇ, ਪਾਕਿਸਤਾਨ ਦੇ ਵਜ਼ੀਰ-ਏ-ਆਜ਼ਮ ਅਤੇ ਫੌਜ ਮੁੱਖੀ ਨੇ ਸਾਊਦੀ ਅਰਬ ਅਤੇ ਸੰਯੁਕਤ ਅਰਬ ਅਮੀਰਾਤ ਦੇ ਵਿਦੇਸ਼ ਮੰਤਰੀਆਂ ਨੂੰ ਸੱਦਾ ਦਿੱਤਾ ਸੀ।ਸੰਤੁਲਿਤ ਰਣਨੀਤਕ ਅਰਥਾਂ ‘ਚ ਦੌਰੇ ‘ਤੇ ਆਏ ਦੋਵੇਂ ਵਿਦੇਸ਼ ਮੰਤਰੀਆਂ ਨੇ ਪਾਕਿਸਤਾਨ ਉਹ ਮੌਕਾ ਨਾ ਦਿੱਤਾ ਜਿਸ ਦੀ ਉਹ ਭਾਲ ‘ਚ ਸੀ। ਇਸ ਤੋਂ ਬਾਅਦ ਪਾਕਿ ਵਿਦੇਸ਼ ਮੰਤਰੀ ਸ਼ਾਹ ਮਹਿਮੂਦ ਕੁਰੈਸ਼ੀ ਨੇ ਕਿਹਾ , “ ਉਨ੍ਹਾਂ ਨੂੰ ਉਮੀਦ ਹੈ ਕਿ ਦੋਵੇਂ ਦੇਸ਼ ਸਾਨੂੰ ਨਿਰਾਸ਼ ਨਹੀਂ ਕਰਨਗੇ।ਦੋਵਾਂ...