AIR World Service Punjabi

ਪੰਜ ਰਾਫੇਲ ਲਾੜਕੂ ਜਹਾਜਾਂ ਦੀ ਪਹਿਲੀ ਖੇਪ ਅੰਬਾਲਾ ਏਅਰ ਫੋਰਸ ਵਿਖੇ ਪਹੁੰਚਣ ਨਾਲ ਨਿਰਸੰਦੇਹ ਭਾਰਤੀ ਹਵਾਈ ਫੌਜ ਜੰਗੀ ਸਮਰੱਥਾ ਨੂੰ ਜਬਰਦਸਤ ਹੁੰਗਾਰਾ ਮਿਲਿਆ ਹੈ। ਇਸਦੇ ਨਾਲ ਹੀ ਅੰਬਾਲਾ ਹਵਾਈ ਅੱਡੇ ਤੇ ਰਣਨੀਤਕ ਤੌਰ ਮਹੱਤਵਪੂਰਣ ਸਮਝੇ ਜਾਂਦੇ 17 ਗੋਲਡਨ ਐਰੋਜ਼ ਸਕੁਐਡਰਨ ਦਾ ਉਦਾਘਟਨ ਵੀ ਅਹਿਮ ਹੈ।ਕਿਉੰਕਿ ਇਸ ਨਾਲ ਪੱਛਮੀ ਮੋਰਚੇ ਤੋਂ ਸਿਰਫ 250 ਕਿਲੋਮੀਟਰ ਦੀ ਦੂਰੀ ਤੇ ਹਵਾਈ ਫੌਜ ਦੀ ਕਾਰਜਸ਼ੀਲ ਤਿਆਰੀ ਵੀ ਸ਼ਪੱਸ਼ਟ ਨਜ਼ਰੀਂ ਆਉਂਦੀ ਹੈ। ਫਰਾਂਸ ਦੀ ਹਵਾਬਾਜੀ ਫਰਮ ਡਾਸਾਲਟ ਦੁਆਰਾ ਬਣਾਏ ਗਏ ਇਹ ਲੜਾਕੂ ਜਹਾਜ,ਦੱਖਣੀ ਫਰਾਂਸ ਦੇ ਬਾਰਡੋ ਦੇ ਮੈਰੀਗਨੈਕ ਏਅਰਬੇਸ ਤੋਂ ਚਲ ਕੇ ਬਾਅਦ ਵਿਚ ਸੰਯੁਕਤ ਅਰਬ ਅਮੀਰਾਤ ਵਿਚ ਫ੍ਰੈਚ ਦੇ ਇਕਲੌਤੇ ਏਅਰਬੇਸ ਤੇ ਠਹਿਰਣ ਉਪਰੰਤ ਅਸਮਾਨ ਵਿਚ ਹੀ ਪੈਟਰੋਲ (AIR TO AIR REFELLING) ਭਰਦੇ ਹੋਏ 7000 ਕਿਲੋਮੀਟਰ ਦੀ ਦੂਰੀ ਤਹਿ ਕਰਕੇ ਅੰਬਾਲਾ ਵਿਖੇ ਪਹੁੰਚੇ ਹਨ। ਭਾਰਤੀ ਹਵਾਈ ਫੌਜ ਦੀ ਸਮੁੱਚੀ ਸ਼ਕਤੀ ਨੂੰ ਬਦਲਣ ਅਤੇ ਨਵਾਂ ਰੂਪ ਦੇਂਣ ਦੇ ਸਮਰੱਥ ਇਹਨਾਂ ਲਾੜਕੂ ਰਾਫੇਲ ਹਵਾਈ ਜਹਾਜਾਂ ਤੋ ਉਮੀਦ ਕੀਤੀ ਜਾਂਦੀ ਹੈ ਕਿ ਇਹ ਭਾਰਤ ਦੀਆਂ ਅੰਤਰ ਰਾਸ਼ਟਰੀ ਸਰਹੱਦਾਂ ਤੇ ਹਵਾਈ ਸ਼ਕਤੀ ਸਮੀਕਰਣਾਂ ਨੂੰ ਬਦਲ ਕੇ ਰੱਖ ਦੇਵੇਗਾ।ਤੱਥ ਇਹ ਵੀ ਹੈ ਕਿ ਹਵਾਈ ਸ਼ਕਤੀ ਭਵਿੱਖ ਦੇ ਯੁੱਧ ਖੇਤਰਾਂ ਵਿਚ ਨਿਰਣੇਜਨਕ ਭੂਮਿਕਾ ਨਿਭਾਵੇਗੀ। ਵਧੇਰੇ ਪ੍ਰਭਾਵਸ਼ੀਲਤਾ, ਲੰਮੀ ਪਹੁੰਚ ਅਤੇ ਢੁੱਕਵੀ ਹਥਿਆਰ ਵੰਡ ਨਿਸ਼ਚਿਤ ਸ਼ਕਤੀ ਪ੍ਰਦਾਨ ਕਰਦਾ ਹੈ। ਰਾਫੇਲ ...

ਭਾਰਤ ਅਤੇ ਬ੍ਰਿਟੇਨ ਵਿਚਕਾਰ ਇਕ ਮੁਕਤ ਵਪਾਰ ਸਮਝੌਤੇ (ਐਫਟੀਏ)ਵਾਸਤੇ ਹੋਈ ਗੱਲਬਾਤ ਦੀ ਪੁਸ਼ਟੀ ਦੇ ਐਲਾਨ ਨਾਲ ਦੋਵਾਂ ਦੇਸ਼ਾਂ ਦੇ ਆਰਥਿਕ ਸਬੰਧਾਂ ਨੂੰ ਇਕ ਨਵੀਂ ਦਿਸ਼ਾ ਮਿਲਣ ਦੀ ਸੰਭਾਵਨਾ ਦਿਖਾਈ ਦਿੱਤੀ ਹੈ। ਦੋਵਾਂ ਦੇਸ਼ਾਂ ਵਿਚਾਲੇ ਹੋਈ 14 ਵੀ ਸਾਂਝੀ ਆਰਥਿਕ ਅਤੇ ਵਪਾਰ ਕਮੇਟੀ (ਜੇਟਕੋ) ਦੀ ਵਰਚੁਅਲ ਬੈਠਕ ਵਿਚ ਇਸ ਮੁੱਦੇ ਤੇ ਵਿਚਾਰ ਚਰਚਾ ਕੀਤੀ ਗਈ। ਇਸ ਬੈਠਕ ਦੀ ਪ੍ਰਧਾਨਗੀ ਭਾਰਤ ਦੇ ਵਣਜ ਅਤੇ ਉਦਯੋਗ ਮੰਤਰੀ ਪਿਯੂਸ਼ ਗੋਇਲ ਅਤੇ ਯੂਕੇ ਦੇ ਅੰਤਰ ਰਾਸ਼ਟਰੀ ਵਪਾਰ ਰਾਜ ਦੇ ਸਕੱਤਰ ਐਲਿਜਾਬੈਥ ਟਰੱਸ ਨੇ ਕੀਤੀ। ਨਤੀਜਿਆਂ ਦੀ ਪ੍ਰਾਪਤੀ ਹਿੱਤ ਯਤਨਾਂ ਨੂੰ ਤੇਜ ਕਰਨ ਦੇ ਵਾਸਤੇ ਕੰਮ ਕਰਨ ਵਾਲੇ ਗਰੁੱਪਾਂ ਦੀਆਂ ਵਿਸ਼ੇਸ਼ ਮੀਟਿੰਗਾਂ ਕੀਤੀਆਂ ਜਾਣਗੀਆਂ। ਇਸ ਤਰਾਂ ਰਾਜ ਮੰਤਰੀਆਂ ਦੀ ਮਹੀਨਾਵਾਰ ਮੀਟਿੰਗਾਂ ਤੋਂ ਇਲਾਵਾ ਕੇਂਦਰੀ ਮੰਤਰੀ ਪਿਯੂਸ਼ ਗੋਇਲ ਅਤੇ ਸ਼੍ਰੀਮਤੀ ਟਰੱਸ ਵਿਚਕਾਰ ਵੀ ਇਸ ਸਾਲ ਦੌਰਾਨ ਨਵੀਂ ਦਿੱਲੀ ਵਿਚ ਮੀਟਿੰਗ ਆਯੋਜਿਤ ਹੋਵੇਗੀ । ਇਸ ਮੌਕੇ ਤੇ ਜਾਰੀ ਬਿਆਨ ਵਿਚ ਸੰਯੁਕਤ ਵਪਾਰ ਸਮੀਖਿਆ ਰਾਹੀਂ ਵਪਾਰ ਦੀ ਬੁਨਿਆਦੀ ਪਹਿਲਕਦਮੀਆਂ ਨੂੰ ਪੇਸ਼ ਕੀਤਾ ਗਿਆ। ਜਿਸ ਵਿਚ ਜੀਵ ਵਿਗਿਆਨ, ਸਿਹਤ, ਸੂਚਨਾ, ਟੈਕਨਾਲੋਜੀ, ਭੋਜਨ, ਪਾਣੀ ਅਤੇ ਰਸਾਇਣ ਖਣਿਜ ਆਦਿ ਉਹ ਖੇਤਰ ਹਨ, ਜਿਹਨਾਂ ਨੂੰ ਪਹਿਲ ਦੇ ਆਧਾਰ ਤੇ ਸ਼ਾਮਿਲ ਕੀਤਾ ਗਿਆ ਹੈ ਅਤੇ ਇਹਨਾਂ ਬਾਰੇ ਵਪਾਰ ਨਾਲ ਸਬੰਧਿਤ ਸਾਲਾਨਾ ਮੀਟਿੰਗਾਂ ਵਿਚ ਗੱਲਬਾਤ ਕੀਤੀ ਜਾਵੇਗੀ। ਵਣਜ ਅਤੇ ਉਦਯੋਗ ਮੰਤਰਾਲੇ ਦੇ ਵਪਾਰ ਸਬੰਧ...

ਚੀਨ ਦੇ ਵੁਹਾਨ ਸ਼ਹਿਰ ਤੋਂ ਅਚਾਨਕ ਸ਼ੁਰੂ ਹੋਈ ਕੋਰੋਨਾਵਾਇਰਸ ਮਹਾਂਮਾਰੀ ਨੇ ਲਗਭਗ ਪੂਰੀ ਦੁਨੀਆਂ ਨੂੰ ਆਪਣੀ ਮਾਰ ਹੇਠ ਲੈ ਲਿਆ ਹੈ।ਪਹਿਲਾਂ ਤਾਂ ਵਿਸ਼ਵ ਇਸ ਦੇ ਫੈਲਾਅ, ਫਿਰ ਇਸ ਦੇ ਲੱਛਣਾਂ ਨਾਲ ਪ੍ਰੇਸ਼ਾਨ ਰਿਹਾ।ਉਸ ਨੂੰ ਇਹ ਸਮਝਣ ‘ਚ ਵੀ ਸਮਾਂ ਲੱਗਿਆ ਕਿ ਕੀ ਇਹ ਵਾਇਰਸ ਛੂਤ ਦੀ ਬਿਮਾਰੀ ਵਾਲਾ ਹੈ ਜਾਂ ਨਹੀਂ।ਦੂਜਾ ਅਤੇ ਸਭ ਤੋਂ ਮਹੱਤਵਪੂਰਨ ਕੀ ਇਸ ਨਾਲ ਨਜਿੱਠਣ ਲਈ ਕੋਈ ਫੌਰੀ ਐਂਟੀਜੇਨ ਹੈ? ਭਾਰਤ ਨੇ ਮੱਧ ਜਨਵਰੀ ‘ਚ ਆਪਣੇ ਨਾਗਰਿਕਾਂ ਨੂੰ ਸੰਕਰਮਜ਼ ਤੋਂ ਬਚਾਉਣ ਦੇ ਉਦੇਸ਼ ਨਾਲ ਚੀਨ ਲਈ ਯਾਤਰਾ ਸਬੰਧੀ ਇੱਕ ਸਲਾਹ ਜਾਰੀ ਕੀਤੀ।ਵਿਸ਼ਵ ਸਿਤਹ ਸੰਗਠਨ ਵੱਲੋਂ ਸਾਰੇ ਦੇਸ਼ਾਂ ਨੂੰ ਸੰਭਾਵਿਤ ਮਾਮਲਿਆਂ ਦਾ ਪਤਾ ਲਗਾਉਣ , ਜਾਂਚ ਕਰਨ ਅਤੇ ਪ੍ਰਬੰਧਨ ਕਰਨ ਸਬੰਧੀ ਵਿਸਥਾਰਤ ਤਕਨੀਕੀ ਮਾਰਗਦਰਸ਼ਨ ਅਤੇ ਸਲਾਹ ਜਾਰੀ ਕੀਤੇ ਜਾਣ ਤੋਂ ਬਾਅਦ, ਚੀਨ ਅਤੇ ਹਾਂਗਕਾਂਗ ਤੋਂ ਆਉਣ ਵਾਲੇ ਯਾਤਰੀਆਂ ਦੀ ਥਰਮਲ ਸਕ੍ਰੀਨਿੰਗ ਸ਼ੁਰੂ ਕੀਤੀ ਗਈ ਤਾਂ ਜੋ ਵਾਇਰਸ ਦੀ ਮੌਜੂਦਗੀ ਦਾ ਪਤਾ ਲਗਾਇਆ ਜਾ ਸਕੇ। ਜਿਵੇਂ ਹੀ ਇਸ ਵਾਇਰਸ ਨੇ ਵਧੇਰੇ ਦੇਸ਼ਾਂ ਨੂੰ ਆਪਣੀ ਮਾਰ ਹੇਠ ਲਿਆ ਤਾਂ ਵਿਸ਼ਵ ਸਿਹਤ ਸੰਗਠਨ ਨੇ ਇਸ ਨੂੰ ਵਿਸ਼ਵਵਿਆਪੀ ਮਹਾਂਮਾਰੀ ਵੱਜੋਂ ਨਾਮਜ਼ਦ ਕੀਤਾ ਅਤੇ ਨਾਲ ਹੀ ਐਲਾਨ ਕੀਤਾ ਕਿ ਇਸ ਦਾ ਕੋਈ ਫੌਰੀ ਇਲਾਜ ਮੌਜੂਦ ਨਹੀਂ ਹੈ।ਬਾਅਦ ‘ਚ ਦੁਨੀਆ ਭਰ ਦੇ ਕਈ ਦੇਸ਼ ਕੋਵਿਡ-19 ਲਈ ਇੱਕ ਪ੍ਰਭਾਵਸ਼ਾਲੀ ਟੀਕਾ ਲੱਭਣ ‘ਚ ਮਸ਼ਰੂਫ ਹੋ ਗਏ , ਜਿਸ ‘ਚ ਭਾਰਤ ਦੀਆਂ ਪ੍ਰਯੋਗਸ਼...

ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਮਰੀਕਾ ਦੀਆਂ ਕੰਪਨੀਆਂ ਨੂੰ ਭਾਰਤ ‘ਚ ਵੱਖ-ਵੱਖ ਖੇਤਰਾਂ ‘ਚ ਨਿਵੇਸ਼ ਕਰਨ ਦਾ ਸੱਦਾ ਦਿੱਤਾ ਹੈ।ਉਨ੍ਹਾਂ ਨੇ ਬੁਨਿਆਦੀ ਢਾਂਚਾ, ਹਵਾਬਾਜ਼ੀ, ਰੱਖਿਆ ਅਤੇ ਪੁਲਾੜ ਖੋਜ ਦੇ ਖੇਤਰਾਂ ‘ਚ ਅਮਰੀਕੀ ਕੰਪਨੀਆਂ ਨੂੰ ਨਿਵੇਸ਼ ਕਰਨ ਲਈ ਕਿਹਾ ਹੈ।ਇਸ ਹਫ਼ਤੇ ਹੋਈ ਇੰਡੀਆ ਆਈਡੀਆ ਸੰਮੇਲਨ ਨੂੰ ਸੰਬੋਧਨ ਕਰਦਿਆਂ ਪੀਐਮ ਮੋਦੀ ਇਸ ਗੱਲ ਦਾ ਪ੍ਰਗਟਾਵਾ ਕੀਤਾ। ਦੱਸਣਯੋਗ ਹੈ ਕਿ ਇਸ ਸੰਮੇਲਨ ਦੀ ਮੇਜ਼ਬਾਨੀ ਅਮਰੀਕਾ-ਭਾਰਤ ਵਪਾਰਕ ਕੌਂਸਲ ਵੱਲੋਂ ਕੀਤੀ ਗਈ ਸੀ।ਇਸ ਸਾਲ ਦਾ ਵਿਸ਼ਾ- “ ਇੱਕ ਵਧੀਆ ਭਵਿੱਖ ਦਾ ਨਿਰਮਾਣ” ਸੀ।ਇਸ ਸੰਮੇਲਨ ਦਾ ਉਦੇਸ਼ ਵਿਦੇਸ਼ੀ ਮੁਦਰਾ ਨੂੰ ਭਾਰਤ ਵੱਲ ਆਕਰਸ਼ਤ ਕਰਨਾ ਹੈ, ਜੋ ਕਿ ਕੋਵਿਡ-19 ਤੋਂ ਬਾਅਧ ਦੇ ਰਿਕਵਰੀ ਏਜੰਡਾ ਦਾ ਹਿੱਸਾ ਹੈ। ਪੀਐਮ ਮੋਦੀ ਨੇ ਦੱਸਿਆ ਕਿ 2020-21 ਦੀ ਪਹਿਲੀ ਤਿਮਾਹੀ ਤਿਮਾਹੀ ਦੌਰਾਨ ਭਾਰਤ ਨੂੰ 20 ਅਰਬ ਡਾਲਰ ਦਾ ਵਿਦੇਸ਼ੀ ਨਿਵੇਸ਼ ਹਾਸਲ ਹੋਇਆ ਹੈ।ਉਨ੍ਹਾਂ ਇਹ ਵੀ ਕਿਹਾ ਕਿ ਭਾਰਤ ਦੀ ਕਾਰੋਬਾਰ ਕਰਨ ਦੀ ਸਹੂਲਤ ‘ਚ ਅਸਾਨੀ ਸਬੰਧੀ ਦਰਜਾਬੰਦੀ ‘ਚ ਵੀ ਸੁਧਾਰ ਹੋਇਆ ਹੈ। ਭਾਰਤ ਨੇ ਸਿੱਧੇ ਵਿਦੇਸ਼ੀ ਨਿਵੇਸ਼ ‘ਚ ਰਿਕਾਰਡ ਪਹੁੰਚ ਸਥਾਪਤ ਕੀਤੀ ਹੈ।ਐਫਆਈਆਈ ਪੋਰਟਫੋਲੀਓ ਤੋਂ ਐਫਡੀਆਈ ਵੱਲ ਹੋਈ ਤਬਦੀਲੀ ਇੱਕ ਸਵਾਗਤਯੋਗ ਰੁਝਾਨ ਨੂੰ ਦਰਸਾਉਂਦੀ ਹੈ।ਐਫਡੀਆਈ ਇੱਕ ਸਥਿਰ ਨਿਵੇਸ਼ ਹੈ ਜਦਕਿ ਐਫਆਈਆਈ ਵੱਧ ਵਿਆਜ਼ ਦਰਾਂ ਕਰਕੇ ਵਧੇਰੇ ਨਿਵੇਸ਼ ਨੂੰ ਆਕਰਸ਼ਤ ਕਰਨ ‘ਚ ਅਸਫਲ ਰਿਹ...

ਭਾਰਤ ਅਤੇ ਅਮਰੀਕਾ ਦੀਆਂ ਜਲ ਸੈਨਾਵਾਂ ਅੰਡੇਮਾਨ ਅਤੇ ਨਿਕੋਬਾਰ ਦੀਪ ਸਮੂਹ ‘ਚ ਸਾਂਝੀ ਕਿਵਾਇਦ ਦਾ ਹਿੱਸਾ ਬਣੀਆਂ।ਅਮਰੀਕਾ ਨਾਲ ਹੋਈ ਇਸ ਕਿਵਾਇਦ ਨੂੰ ਪੈਸੇਕਸ ਜਾਂ ਪਾਸਿੰਗ ਅਭਿਆਸ ਦਾ ਨਾਂਅ ਦਿੱਤਾ ਗਿਆ।ਇਸ ‘ਚ ਜ਼ਮੀਨੀ ਕਾਰਵਾਈ , ਨਿਗਰਾਨੀ ਅਤੇ ਦੋ ਸੈਨਾਵਾਂ ਵਿਚਾਲੇ ਅੰਤਰ-ਕਾਰਜਸ਼ੀਲਤਾ ਵਰਗੇ ਅਭਿਆਸ ਅਤੇ ਪਣਡੁੱਬੀ ਵਿਰੋਧੀ ਕਿਵਾਇਦਾਂ ਨੂੰ ਸ਼ਾਮਲ ਕੀਤਾ ਗਿਆ।ਦੋਵਾਂ ਦੇਸ਼ਾਂ ਦੀਆਂ ਜਲ ਸੈਨਾਵਾਂ ਨੇ ਆਪੋ ਆਪਣੇ ਉੱਤਮ ਤਜ਼ਰਬਿਆਂ ਨੂੰ ਵੀ ਸਾਂਝਾ ਕੀਤਾ। ਦੱਖਣੀ ਚੀਨ ਸਾਗਰ ‘ਚ ਚੀਨ ਦੀ ਫੌਜੀ ਸ਼ਕਤੀ ਦੇ ਵੱਧ ਰਹੇ ਪ੍ਰਭਾਵ ਨੂੰ ਵੇਖਦਿਆਂ ਦੋ ਦੇਸ਼ਾਂ ਦਰਮਿਆਨ ਅਜਿਹੀ ਕਿਵਾਇਦਮਹੱਤਵਪੂਰਨ ਹੈ । ਸਮੁੰਦਰੀ ਖੇਤਰ ‘ਚ ਬੰਗਾਲ ਦੀ ਖਾੜੀ ‘ਚ ਅਜਿਹੇ ਅਭਿਆਸਾਂ ਦਾ ਆਯੋਜਨ, ਜੋ ਕਿ ਮਲਾਕਾ ਸਟਰੇਟਸ ‘ਚ ਹੁੰਦੇ ਹਨ ਉਹ ਬਹੁਤ ਹੀ ਖਾਸ ਅਹਿਮੀਅਤ ਰੱਖਦੇ ਹਨ। ਇਹ ਅੰਤਰਰਾਸ਼ਟਰੀ ਵਪਾਰ ਲਈ ਇੱਕ ਅਹਿਮ ਸਮੁੰਦਰੀ ਰਸਤਾ ਹੈ। ਇਸ ਕਿਵਾਇਦ ‘ਚ ਭਾਰਤੀ ਜਲ ਸੈਨਾ ਦੇ ਚਾਰ ਸਮੁੰਦਰੀ ਜਹਾਜ਼ ਸ਼ਾਮਲ ਹੋਏ ਅਤੇ ਅਮਰੀਕਾ ਜਲ ਸੈਨਾ ਵੱਲੋਂ ਯੂਐਸਐਸ ਨਿਮੀਟਜ਼, ਇੱਕ ਪ੍ਰਮਾਣੂ ਸ਼ਕਤੀ ਲੜਾਕੂ ਜਹਾਜ਼, ਜੋ ਕਿ ਦੱਖਣੀ ਚੀਨ ਸਾਗਰ ‘ਚ ‘ ਨੈਵੀਗੇਸ਼ਨ ਦੀ ਆਜ਼ਾਦੀ’ ਦੀ ਮੁਹਿੰਮ ‘ਚ ਸ਼ਾਮਲ ਹੈ।ਇਸ ਕਿਵਾਇਦ ਨੂੰ ਉਸ ਸਮੇਂ ਕੀਤਾ ਗਿਆ ਹੈ ਜਦੋਂ ਚੀਨ ਦੱਖਣੀ ਚੀਨ ਸਾਗਰ ‘ਚ ਆਪਣੇ ਖੁਦ ਦੇ ਫੌਜੀ ਅਭਿਆਸਾਂ ‘ਚ ਰੁੱਝਿਆ ਹੋਇਆ ਹੈ। ਭਾਰਤੀ ਜਲ ਸੈਨਾ ਕਿਸੇ ਵੀ ਸਥਿਤੀ ‘ਚ ਤ...

ਭਾਰਤ ਨੇ ਊਰਜਾ ਸੁਰਖਿਆ ਨੂੰ ਲੈ ਕੇ ਇਕ ਮਹੱਤਵਪੂਰਣ ਕਦਮ ਚੁੱਕਿਆ ਹੈ। ਜਿਸਦੇ ਅੰਤਰਗਤ ਭਾਰਤ ਸਰਕਾਰ ਨੇ ਪੈਟਰੋਲੀਅਮ ਭੰਡਾਰ ਸੰਚਾਲਨ ਦੀ ਰਣਨੀਤਕ ਸਾਂਭ ਸੰਭਾਲ ਪੱਖੋਂ ਅਮਰੀਕਾ ਨਾਲ ਇਕ ਆਪਸੀ ਇਕਰਾਰ ਕਰਦੇ ਸਮਝੌਤੇ ਉੱਤੇ ਦਸਤਖਤ ਕੀਤੇ ਹਨ। ਇਹ ਕਦਮ ਇਸ ਲਈ ਵੀ ਮਹੱਤਵਪੂਰਣ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਇਸਦਾ ਫੈਸਲਾ ਪਿਛਲੇ ਹਫਤੇ ਭਾਰਤ-ਅਮਰੀਕਾ ਰਣਨੀਤਕ ਊਰਜਾ ਭਾਈਵਾਲੀ ਦੀ ਦੂਜੀ ਮੰਤਰੀ ਪੱਧਰ ਦੀ ਬੈਠਕ ਦੌਰਾਨ ਹੋ ਗਿਆ ਸੀ, ਜਿਸਦੀ ਦੀ ਪਹਿਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਅਪ੍ਰੈਲ 2018 ਵਿਚ ਕੀਤੀ ਗਈ ਸੀ। ਅਜਿਹੇ ਸਮਝੌਤੇ ਨਾਲ ਦੇਸ਼ ਨਾ ਸਿਰਫ ਭੂ-ਰਾਜਨੀਤਕ ਉਥਲ ਪੁਥਲ ਦੀ ਸਥਿਤੀ ਵਿਚ ਊਰਜਾ ਦੀ ਸਪਲਾਈ ਨੂੰ ਨਿਰੰਤਰ ਯਕੀਨੀ ਬਣਾਈ ਰੱਖੇਗਾ, ਬਲਕਿ ਤੇਲ ਕੀਮਤਾਂ ਦੀ ਅਸਥਿਰਤਾ ਤੋਂ ਵੀ ਆਪਣੇ ਆਪ ਨੂੰ ਬਚਾਏਗਾ, ਜਿਵੇਂ ਕਿ ਦੇਸ਼ ਨੂੰ 2008 ਵਿਚ ਸਰਕਾਰੀ ਖ਼ਜ਼ਾਨੇ ਵਿਚ ਭਾਰੀ ਘਾਟਾ ਪੈਣ ਕਾਰਣ ਤਣਾਅ ਵਾਲੀ ਸਥਿਤੀ ਵਿਚੋਂ ਲੰਘਣਾ ਪਿਆ ਸੀ। ਇਸਤੋਂ ਇਲਾਵਾ ਤੇਲ ਦੀ ਸਪਲਾਈ ਵਿਚ ਆਈ ਵਿਘਨ ਦੀ ਸਥਿਤੀ ਜਾਂ ਅੰਤਰ ਰਾਸ਼ਟਰੀ ਪੱਧਰ ਤੇ ਤੇਲ ਦੀਆਂ ਕੀਮਤਾਂ ਵਿਚ ਅਸਥਿਰਤਾ ਤੋਂ ਪੈਦਾ ਹੋਈਆਂ ਚੁਣੌਤੀਆਂ ਨੂੰ ਦੂਰ ਕਰਨ ਲਈ ਭਾਰਤ ਅਮਰੀਕਾ ਦੇ ਰਣਨੀਤਕ ਪੈਟਰੋਲੀਅਮ ਭੰਡਾਰਾਂ ਵਿਚ ਕੱਚੇ ਤੇਲ ਨੂੰ ਜਮਾਂ ਕਰਕੇ ਆਪਣੇ ਰਣਨੀਤਕ ਤੇਲ ਦੇ ਭੰਡਾਰਾਂ ਨੂੰ ਵਧਾਉਣਾ ਚਾਹੁੰਦਾ ਹੈ। ਇਸ ਸਮੇਂ ਦੋਵਾਂ ਦੇਸ਼ਾ...

ਪ੍ਰਧਾਨ ਮੰਤਰੀ ਮੋਦੀ ਦਾ ਸੰਯੁਕਤ ਰਾਸ਼ਟਰ ਦੀ ਆਰਥਿਕ ਅਤੇ ਸਮਾਜਿਕ ਪਰਿਸ਼ਦ ਨੂੰ ਕੀਤਾ ਗਿਆ ਆਨ ਲਾਈਨ ਸੰਬੋਧਨ ਭਾਰਤ ਦੇ ਬਹੁਪੱਖੀ ਸੁਧਾਰਾਂ ਦੀ ਰੂਪ ਰੇਖਾ ਨੂੰ ਪੇਸ਼ ਕਰਨ ਦੇ ਸੰਦਰਭ ਵਿਚ ਮਹੱਤਵਪੂਰਣ ਹੈ। ਇਹ ਯਾਦ ਕਰਵਾਉਦਿਆਂ ਕਿ ਸੰਯੁਕਤ ਰਾਸ਼ਟਰ,ਦੂਜੇ ਵਿਸ਼ਵ ਯੁੱਧ ਦੇ ਕਹਿਰ ਤੋਂ ਬਆਦ ਹੋਂਦ ਵਿਚ ਆਇਆ, ਪ੍ਰਧਾਨ ਮੰਤਰੀ ਨੇ ਮੈਂਬਰ ਦੇਸ਼ਾਂ ਨੂੰ ਅਪੀਲ ਕੀਤੀ ਕਿ ਉਹ ਕੋਵਿਡ-19 ਕਾਰਣ ਪੈਦਾ ਹੋਏ ਹੋਂਦ ਦੇ ਸੰਕਟ ਦੀ ਵਰਤੋਂ ਬਹੁਪੱਖੀ ਵਿਕਾਸ ਦੇ ਪੱਖ ਤੋਂ ਪੁਨਰ ਜਨਮ ਅਤੇ ਸੁਧਾਰ ਨੂੰ ਯਕੀਨੀ ਬਣਾਉਣ ਵਾਸਤੇ ਕਰਨ। ਸ਼੍ਰੀ ਮੋਦੀ ਨੇ ਇਸ ਸੰਬੋਧਨ ਵਿਚ ਵਿਕਾਸ ਨਿਰਧਾਰਿਤ ਨਿਸ਼ਾਨਿਆਂ (SDG) ਦੀ ਪ੍ਰਮੁੱਖ ਭੂਮਿਕਾ ਨੂੰ ਉਜਾਗਰ ਕੀਤਾ ਅਤੇ ਇਸ ਗੱਲ ਤੇ ਜੋਰ ਦਿੱਤਾ ਕਿ ਸਭਨਾਂ ਨੂੰ ਲੋਕ ਕੇਂਦਰਿਤ ਸੰਪੂਰਣ ਸਮਾਜ ਬਣਾ ਕੇ ਵਿਕਾਸ ਦੀ ਭਾਵਨਾ ਨਾਲ ਮਿਲ ਕੇ ਕੰਮ ਕਰਨਾ ਹੋਵੇਗਾ ਅਤੇ ਇਸ ਗੱਲ ਨੂੰ ਯਕੀਨੀ ਬਣਾਉਣਾ ਹੋਵੇਗਾ ਕਿ ਕੋਈ ਵੀ ਇਸ ਵਿਚ ਪਿੱਛੇ ਨਾ ਰਹਿ ਜਾਵੇ। ਭਾਰਤੀ ਪ੍ਰਧਾਨ ਮੰਤਰੀ ਨੇ ਇਸ ਤੱਥ ਨੂੰ ਪੇਸ਼ ਕੀਤਾ ਕਿ ਕਿਸ ਤਰਾਂ ਭਾਰਤ ਵਿਚ ਰਾਜਾਂ, ਸਥਾਨਿਕ ਸਰਕਾਰਾਂ, ਸਮਾਜ ਦੇ ਵੱਖ ਵੱਖ ਵਰਗਾਂ ਅਤੇ ਹਰ ਤਬਕੇ ਦੇ ਲੋਕਾਂ ਨੇ ਆਪਣੇ ਕੌਮੀ ਵਿਕਾਸ ਨਿਸ਼ਾਨਿਆਂ ਨੂੰ ਪੂਰਾ ਕਰਨ ਵਾਸਤੇ ਇਕ ਸਰਬ ਬਹੁਪੱਖੀ ਦ੍ਰਿਸ਼ਟੀਕੋਣ ਨੂੰ ਅਪਣਾ ਕੇ ਕੰਮ ਕੀਤਾ ,ਜਿਸ ਨਾਲ ਉਹਨਾਂ ਨੂੰ ਪ੍ਰਭਾਵਸ਼ਾਲੀ ਨਤੀਜੇ ਪ੍ਰਾਪਤ ਹੋਏ ਹਨ। ਇਸ ਵਿਚ 600.000 ਪਿੰਡਾਂ ਦਾ ਪੂਰਣ ਰੂਪ ਵਿਚ ਗੰਦਗੀ ਰ...

ਸਕਰਿਪਟ ਯੋਗੇਸ਼ ਸੂਦ ਪੱਤਰਕਾਰ ਭਾਰਤੀ ਰੇਲਵੇ ਵਲੋਂ ਆਧੁਨਿਕੀਕਰਨ ਦੀ ਦੌੜ ਵਿਚ ਆਪਣੇ ਆਪ ਨੂੰ ਸ਼ਾਮਿਲ ਕਰਦੇ ਹੋਏ 2030 ਤੱਕ ਵੱਖ ਵੱਖ ਪਹਿਲਕਦਮੀਆਂ ਰਾਹੀਂ ਇਕ ਪੂਰਣ ਜੀਰੋ ਕਾਰਬਨ ਐਮੀਟਰ ਨੂੰ ਅਪਣਾਉਂਦੇ ਹੋਏ ਰੇਲਵੇ ਨੂੰ ਪੂਰੀ ਤਰ੍ਹਾਂ ਪ੍ਰਦੂਸ਼ਣ ਰਹਿਤ ( ਗਰੀਨ) ਬਣਾਉਣ ਦਾ ਨਿਸ਼ਾਨਾ ਮਿੱਥਿਆ ਗਿਆ ਹੈ। ਜਿਸ ਵਿਚ ਬ੍ਰੌਡਗੇਜ ਦਾ ਬਿਜਲੀਕਰਨ, ਇਸਦੀ ਕਾਰਜ ਕੁਸ਼ਲਤਾ ਵਿਚ ਹੋਰ ਸੁਧਾਰ ਅਤੇ ਨਵਿਆਉਣਯੋਗ ਸਰੋਤਾਂ ਦੀ ਵਰਤੋਂ ਨੂੰ ਸ਼ਾਮਿਲ ਕੀਤਾ ਗਿਆ ਹੈ। ਇਸਦੇ ਨਾਲ ਹੀ 2023 ਤੱਕ ਭਾਰਤ ਦੇ ਸਾਰੇ ਰੂਟਾਂ ਦਾ ਬਿਜਲੀਕਰਨ ਕਰਨ ਦਾ ਟੀਚਾ ਵੀ ਨਿਰਧਾਰਿਤ ਕੀਤਾ ਗਿਆ ਹੈ। ਰੇਲਵੇ ਦਾ ਬਿਜਲੀਕਰਨ, ਲੋਕੋਮੋਟਿਵ ਅਤੇ ਗੱਡੀਆਂ ਦੀ ਕਾਰਜ ਕੁਸ਼ਲਤਾ ਵਿਚ ਸੁਧਾਰ, ਕੋਚਾਂ ਵਿਚ ਬਾਇਉ ਪਖਾਨਿਆਂ ਦੀ ਫਿਟਿੰਗ ਅਤੇ ਊਰਜਾ ਦੇ ਨਵਿਆਉਣਯੋਗ ਸਰੋਤਾਂ ਦੀ ਵਰਤੋਂ ਵੱਲ ਵੱਧਣਾ, ਇਸ ਪੂਰਣ ਜੀਰੋ ਕਾਰਬਨ ਨੂੰ ਪ੍ਰਾਪਤ ਕਰਨ ਦੀ ਰਣਨੀਤੀ ਦਾ ਹੀ ਇਕ ਹਿੱਸਾ ਹੈ। ਬੀਤੇ ਦਿਨ ਰੇਲਵੇ ਮੰਤਰੀ ਪਿਯੂਸ਼ ਗੋਇਲ ਨੇ ਭਾਰਤੀ ਸਨਅਤਕਾਰਾਂ ਨੂੰ ਸੰਬੋਧਨ ਕਰਦੇ ਹੋਇਆ ਦੱਸਿਆ ਕਿ ਭਾਰਤੀ ਰੇਲਵੇ ਦਾ ਅਗਲੇ ਸਾਢੇ ਤਿੰਨਾਂ ਸਾਲਾਂ ਵਿਚ 100 ਫੀਸਦੀ ਬਿਜਲੀਕਰਨ ਅਤੇ ਅਗਲੇ 10 ਸਾਲਾਂ ਵਿਚ 100 ਫੀਸਦੀ ਨੈਟ ਜੀਰੋ ਆਪਰੇਟਰ ਸਿਸਟਮ ਕਰਨ ਦਾ ਨਿਸ਼ਾਨਾ ਹੈ । ਜਿਸ ਨਾਲ 2030 ਤੱਕ ਭਾਰਤ ਦਾ ਹਰ ਸ਼ਹਿਰੀ ਇਹ ਮਾਣ ਮਹਿਸੂਸ ਕਰੇਗਾ ਕਿ ਉਹ ਵਿਸ਼ਵ ਦੀ ਸਭ ਤੋਂ ਵੱਡੀ ਪੂਰਣ ਤੌਰ ਤੇ ਗੰਦਗੀ ਰਹਿਤ ਰੇਲਵੇ ਦਾ ਹਿੱਸਾ ਹੈ। ਉ...

ਦੁਨੀਆ ਭਰ ਵਿੱਚ ਫੈਲੀ ਮਹਾਮਾਰੀ ਦੇ ਵਿਚਕਾਰ ਭਾਰਤ ਨੇ ਆਪਣੇ ਗੁਆਂਢੀ ਦੇਸ਼ਾਂ ਨੂੰ ਉਨ੍ਹਾਂ ਦੀਆਂ ਖਾਸ ਸਮਾਜਿਕ-ਆਰਥਿਕ ਲੋੜਾਂ ਨੂੰ ਪੂਰਾ ਕਰਨ ਵਿੱਚ ਸਹਾਇਤਾ ਜਾਰੀ ਰੱਖੀ ਹੈ। ਭਾਰਤ ਨੇ ਇਸ ਹਫ਼ਤੇ ਮਾਲਦੀਵ ਦੇ 61 ਟਾਪੂਆਂ ਲਈ ਬਾਹਰੀ ਤੰਦਰੁਸਤੀ ਉਪਕਰਣ ਪ੍ਰਦਾਨ ਕੀਤੇ ਹਨ। ਮੁਹੱਈਆ ਕਰਵਾਏ ਗਏ ਉਪਕਰਣ ਮਾਰਚ, 2019 ਵਿੱਚ ਰਾਸ਼ਟਰਪਤੀ ਮੁਹੰਮਦ ਇਬਰਾਹਿਮ ਸੋਲੇਹ ਦੀ ਭਾਰਤ ਫੇਰੀ ਦੌਰਾਨ ਐਲਾਨ ਕੀਤੇ ਗਏ ਮਾਲਦੀਵ ਵਿਚਲੇ ਵਿਕਾਸ ਪ੍ਰੋਜੈਕਟਾਂ ਲਈ ਭਾਰਤ ਵੱਲੋਂ ਦਿੱਤੀ ਜਾਣ ਵਾਲੀ ਸਹਾਇਤਾ ਦਾ ਹਿੱਸਾ ਹਨ। ਗੌਰਤਲਬ ਹੈ ਕਿ ਭਾਰਤ ਨੇ ਮਾਲਦੀਵ ਵਿੱਚ ਸਥਾਨਕ ਸੰਸਥਾਵਾਂ ਰਾਹੀਂ ਉੱਚ ਪ੍ਰਭਾਵ ਵਾਲੇ ਸਮੁਦਾਇਕ ਵਿਕਾਸ ਕਾਰਜਾਂ ਦੇ ਲਈ 5.5 ਮਿਲੀਅਨ ਅਮਰੀਕੀ ਡਾਲਰ ਅਤੇ ਸਮਾਜਿਕ-ਆਰਥਿਕ ਵਿਕਾਸ ਪ੍ਰੋਜੈਕਟਾਂ ਦੇ ਲਈ 6.9 ਮਿਲੀਅਨ ਅਮਰੀਕੀ ਡਾਲਰ ਦੀ ਸਹਾਇਤਾ ਪ੍ਰਦਾਨ ਕਰਨ ’ਤੇ ਸਹਿਮਤੀ ਦਿੱਤੀ ਹੈ। ਇਸ ਮੌਕੇ ਬੋਲਦਿਆਂ ਮਾਲਦੀਵ ਦੀ ਸੰਸਦ ਦੇ ਸਪੀਕਰ ਮੁਹੰਮਦ ਨਸ਼ੀਦ ਨੇ ਭਾਰਤ ਨਾਲ ਮਾਲਦੀਵ ਦੇ ਸੰਬੰਧਾਂ ਦੀ ਮਹੱਤਤਾ ਉੱਤੇ ਜ਼ੋਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਮਾਲਦੀਵ ਭਾਰਤ ਨਾਲ ਨਜ਼ਦੀਕੀ ਸੰਬੰਧਾਂ ਤੋਂ ਬਿਨਾਂ ਨਾ ਤਾਂ ਅੱਗੇ ਵੱਧ ਸਕਦਾ ਹੈ ਤੇ ਨਾ ਹੀ ਵਿਕਾਸ ਕਰ ਸਕਦਾ ਹੈ। ਉਨ੍ਹਾਂ ਨੇ ਹੋਰਨਾਂ ਨੇਤਾਵਾਂ ਨੂੰ ਵੀ ਅਪੀਲ ਕੀਤੀ ਕਿ ਉਹ ਭਾਰਤ ਵਰਗੇ ਨੇੜਲੇ ਸਹਿਯੋਗੀਆਂ ਅਤੇ ਗੁਆਂਢੀਆਂ ਨਾਲ ਕਿਸੇ ਵੀ ਮਸਲੇ ‘ਤੇ ਸਮਝਦਾਰੀ ਨਾਲ ਫੈਸਲਾ ਕਰਨ। ਮਾਲਦੀਵ ਦੇ ਵਿਦੇਸ਼ ਮੰਤਰ...

ਕੋਵਿਡ-19 ਮਹਾਮਾਰੀ ਦੇ ਸਿੱਟੇ ਵਜੋਂ 15ਵਾਂ ਭਾਰਤ-ਯੂਰਪੀ ਸੰਘ ਸੰਮੇਲਨ ਵਰਚੁਅਲ ਤੌਰ ਤੇ ਹੋਇਆ। ਆਪਣੀਆਂ ਸਾਂਝੀਆਂ ਕਦਰਾਂ-ਕੀਮਤਾਂ ਅਤੇ ਲੋਕਤੰਤਰ, ਆਜ਼ਾਦੀ, ਕਾਨੂੰਨ ਦੇ ਸ਼ਾਸਨ ਅਤੇ ਮਨੁੱਖੀ ਅਧਿਕਾਰਾਂ ਦੇ ਸਤਿਕਾਰ ਆਦਿ 'ਤੇ ਜ਼ੋਰ ਦਿੰਦਿਆਂ, ਦੋਵਾਂ ਧਿਰਾਂ ਨੇ ਪ੍ਰਭਾਵਸ਼ਾਲੀ ਬਹੁਪੱਖੀਵਾਦ ਬਾਰੇ ਸੰਯੁਕਤ ਰਾਸ਼ਟਰ ਅਤੇ ਵਿਸ਼ਵ ਵਪਾਰ ਸੰਗਠਨ ਦੇ ਬਹੁ-ਪੱਖੀ ਆਦੇਸ਼ ਪ੍ਰਤੀ ਆਪਣੀ ਵਚਨਬੱਧਤਾ ਦੀ ਪੁਸ਼ਟੀ ਕੀਤੀ। ਇਹ ਸੰਮੇਲਨ ਨਾ ਸਿਰਫ਼ ਆਪਸੀ ਸੰਬੰਧਾਂ ਦਾ ਜਾਇਜ਼ਾ ਲੈਣ ਦਾ ਇਕ ਮੌਕਾ ਸੀ, ਬਲਕਿ ਮਹਾਮਾਰੀ ਦੇ ਸਮਾਜਿਕ-ਆਰਥਿਕ ਨਤੀਜਿਆਂ ਦੇ ਪਿਛੋਕੜ ਵਿੱਚ, ਇਸ ਨੇ ਯੂਰਪੀ ਸੰਘ ਅਤੇ ਭਾਰਤ ਦੀ ਰਣਨੀਤਕ ਭਾਈਵਾਲੀ ਦੇ ਲਈ ਦਿਸ਼ਾ-ਨਿਰਦੇਸ਼ 2025 ਨੂੰ ਵੀ ਅਪਣਾਇਆ, ਜੋ ਸੰਬੰਧਾਂ ਨੂੰ ਹੋਰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਮਹੱਤਵਪੂਰਨ ਉਪਰਾਲਾ ਹੈ। ਇਸ ਪ੍ਰਕਾਰ, ਸੰਯੁਕਤ ਕਾਰਵਾਈ ਦੇ ਦਾਇਰੇ ਦਾ ਵਿਸਥਾਰ ਕਰਦੇ ਹੋਇਆਂ ਭਾਰਤ ਦੇ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਅਤੇ ਯੂਰਪੀ ਸੰਘ ਦੀ ਕੌਂਸਿਲ ਦੇ ਪ੍ਰਧਾਨ ਸ਼੍ਰੀ ਚਾਰਲਸ ਮਿਸ਼ੇਲ ਅਤੇ ਕਮਿਸ਼ਨ ਦੀ ਪ੍ਰਧਾਨ ਸ਼੍ਰੀਮਤੀ ਉਰਸਲਾ ਵਾਨ ਡੇਰ ਲੀਅਨ ਇਸ ਗੱਲ ‘ਤੇ ਸਹਿਮਤ ਹੋਏ ਹਨ ਕਿ ਮੌਜੂਦਾ ਚੁਣੌਤੀਆਂ ਦਾ ਟਾਕਰਾ ਕਰਨ ਲਈ ਰਣਨੀਤਕ ਭਾਈਵਾਲੀ ਦੇ ਇਨ੍ਹਾਂ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਨੂੰ ਕਿਵੇਂ ਕਾਰਜ ਅਧੀਨ ਲਿਆਂਦਾ ਜਾਵੇ। ਗੌਰਤਲਬ ਹੈ ਕਿ ਦੋਵਾਂ ਪੱਖਾਂ ਨੇ ਜਨਤਕ ਸਿਹਤ ਦੇ ਮੁੱਦਿਆਂ ਨੂੰ ਹੱਲ ਕਰਨ ਲਈ ਵਿਸ਼ਵ-ਪੱਧਰੀ ਸਹਿ...

ਦੁਨੀਆ ਭਰ ਵਿੱਚ ਕੋਰੋਨਾ ਵਾਇਰਸ ਦੇ ਫੈਲਣ ਤੋਂ ਛੇ ਮਹੀਨਿਆਂ ਬਾਅਦ ਤੱਕ ਵੀ ਭਾਰਤ ਵਿੱਚ ਇਸ ਮਹਾਮਾਰੀ ਨੂੰ ਫੈਲਣ ਵਿੱਚ ਨਾ ਸਿਰਫ਼ ਕਾਫੀ ਸਮਾਂ ਲੱਗਿਆ ਸਗੋਂ ਇਸ ਦੇ ਮਾਰੂ ਪ੍ਰਭਾਵ ਨੂੰ ਵੀ ਘੱਟ ਰੱਖਣ ਵਿੱਚ ਕਾਮਯਾਬ ਰਿਹਾ ਹੈ। ਰੋਜ਼ਾਨਾ ਪਾਏ ਜਾਣ ਵਾਲੇ ਸੰਕ੍ਰਮਿਤ ਮਾਮਲਿਆਂ ਦੀ ਦਰ ਵਿੱਚ ਭਾਰੀ ਗਿਰਾਵਟ ਆਈ ਹੈ ਅਤੇ ਠੀਕ ਹੋਣ ਦੀ ਦਰ ਵੀ 63 ਫੀਸਦੀ ਤੋਂ ਪਾਰ ਹੋ ਗਈ ਹੈ। ਇਸ ਤੋਂ ਇਹ ਸਿੱਧ ਹੁੰਦਾ ਹੈ ਕਿ ਭਾਰਤ ਨੇ ਆਪਣੀ ਵੱਡੀ ਆਬਾਦੀ ਦੀ ਚੰਗੀ ਦੇਖਭਾਲ ਕੀਤੀ ਹੈ। ਕਾਬਿਲੇਗੌਰ ਹੈ ਕਿ ਤਾਲਾਬੰਦੀ ਲਾਗੂ ਕਰਨ ਦੇ ਪ੍ਰਧਾਨ ਮੰਤਰੀ ਦੇ ਸਮੇਂ ਸਿਰ ਲਏ ਫੈਸਲੇ ਨੇ ਸਰਕਾਰ ਨੂੰ ਸਹੂਲਤਾਂ ਅਤੇ ਬੁਨਿਆਦੀ ਢਾਂਚੇ ਨੂੰ ਖੜ੍ਹਾ ਕਰਨ ਲਈ ਲੋੜੀਂਦਾ ਸਮਾਂ ਦਿੱਤਾ। ਜਨਵਰੀ ਮਹੀਨੇ ਦੌਰਾਨ ਭਾਰਤ ਵਿੱਚ ਕੋਵਿਡ-19 ਦੇ ਨਮੂਨਿਆਂ ਦੀ ਜਾਂਚ ਲਈ ਸਿਰਫ਼ ਇੱਕ ਲੈਬੋਰਟਰੀ ਸੀ ਜਦਕਿ ਅੱਜ ਦੇਸ਼ ਭਰ ਵਿੱਚ ਇਹੋ ਜਿਹੀਆਂ 1200 ਤੋਂ ਵੱਧ ਲੈਬੋਰਟਰੀਆਂ ਹਨ। ਨਮੂਨਿਆਂ ਦੀ ਜਾਂਚ ਲਈ ਸਹੂਲਤਾਂ ਵਿੱਚ ਵੀ ਵਾਧਾ ਹੋਇਆ ਹੈ। ਭਾਰਤ ਨੇ ਹੁਣ ਤੱਕ 12 ਮਿਲੀਅਨ ਤੋਂ ਵੱਧ ਨਮੂਨਿਆਂ ਦੀ ਜਾਂਚ ਕੀਤੀ ਹੈ। ਅਸਲ ਵਿੱਚ ਇਸ ਦਾ ਟੈਸਟਿੰਗ, ਟਰੇਸਿੰਗ ਅਤੇ ਇਲਾਜ 'ਤੇ ਕਾਫੀ ਚੰਗਾ ਪ੍ਰਭਾਵ ਪਿਆ ਹੈ। ਭਾਰਤ ਵਿੱਚ ਕੋਵਿਡ-19 ਦੇ ਸੰਕ੍ਰਮਿਤ ਮਾਮਲੇ ਨੌਂ ਲੱਖ ਦੇ ਅੰਕੜੇ ਨੂੰ ਪਾਰ ਕਰ ਚੁੱਕੇ ਹਨ ਜਦਕਿ 63 ਫੀਸਦੀ ਮਰੀਜ਼ਾਂ ਦਾ ਇਲਾਜ ਕਰਨ ਮਗਰੋਂ ਉਨ੍ਹਾਂ ਨੂੰ ਹਸਪਤਾਲਾਂ ਤੋਂ ਛੁੱਟੀ ਦੇ ...

ਅਮਰੀਕਾ ਦੀ ਤਕਨਾਲੋਜੀ ਕੰਪਨੀ ਗੂਗਲ ਨੇ ਅਗਲੇ ਪੰਜ ਤੋਂ ਸੱਤ ਸਾਲਾਂ ਦੌਰਾਨ ਭਾਰਤ ਵਿੱਚ 10 ਬਿਲੀਅਨ ਅਮਰੀਕੀ ਡਾਲਰ (75000 ਕਰੋੜ ਰੁਪਏ) ਦਾ ਨਿਵੇਸ਼ ਕਰਨ ਦਾ ਫੈਸਲਾ ਕੀਤਾ ਹੈ। ਇਹ ਭਾਰਤ ਦੀ ਡਿਜੀਟਲ ਅਰਥ-ਵਿਵਸਥਾ ਦੇ ਲਈ ਸੱਚਮੁੱਚ ਹੀ ਬਹੁਤ ਵਧੀਆ ਉਪਰਾਲਾ ਹੈ। ਇਸ ਦਾ ਮਕਸਦ ਭਾਰਤ ਦੀ ਆਰਥਿਕਤਾ ਦੇ ਡਿਜੀਟਲਾਈਜੇਸ਼ਨ ਲਈ ਮਹੱਤਵਪੂਰਨ ਚਾਰ ਖੇਤਰਾਂ 'ਤੇ ਧਿਆਨ ਕੇਂਦ੍ਰਿਤ ਕਰਕੇ ਭਾਰਤ ਦੇ ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਗਤੀ ਦੇਣਾ ਹੈ। ਇਸ ਦੇ ਅੰਤਰਗਤ ਹਰੇਕ ਭਾਰਤੀ ਲਈ ਆਪਣੀ ਭਾਸ਼ਾ ਵਿੱਚ ਸਰਲ ਤਰੀਕੇ ਨਾਲ ਪਹੁੰਚ ਅਤੇ ਜਾਣਕਾਰੀ ਦੀ ਸਹੂਲਤ, ਉਤਪਾਦਾਂ ਅਤੇ ਸੇਵਾਵਾਂ ਜੋ ਭਾਰਤ ਦੀਆਂ ਵਿਲੱਖਣ ਲੋੜਾਂ ਦੇ ਅਨੁਕੂਲ ਹੋਣ ਦਾ ਨਿਰਮਾਣ, ਕਾਰੋਬਾਰਾਂ ਖਾਸ ਤੌਰ 'ਤੇ ਛੋਟੇ ਅਤੇ ਦਰਮਿਆਨੇ ਉਦਯੋਗਾਂ (ਐੱਸ.ਐੱਮ.ਈ.) ਨੂੰ ਡਿਜੀਟਲ ਤਕਨਾਲੋਜੀ ਦੀ ਸਹੂਲਤ ਨਾਲ ਅੱਗੇ ਵਧਾਉਣਾ ਅਤੇ ਖੇਤੀਬਾੜੀ, ਸਿੱਖਿਆ ਅਤੇ ਸਿਹਤ ਵਰਗੇ ਖੇਤਰਾਂ ਵਿੱਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਤਕਨੀਕ ਦੀ ਵਰਤੋਂ ਨਾਲ ਸਮਾਜਿਕ ਭਲਾਈ ਦੇ ਕਾਰਜਾਂ ਵਿੱਚ ਤੇਜ਼ੀ ਲਿਆਉਣਾ ਹੈ। ਗੂਗਲ ਫਾਰ ਇੰਡੀਆ ਦੇ ਸਾਲਾਨਾ ਵਰਚੁਅਲ ਸੰਮੇਲਨ ਵਿੱਚ ਗੂਗਲ ਦੇ ਸੀ.ਈ.ਓ. ਸੁੰਦਰ ਪਿਚਾਈ ਨੇ ਕਿਹਾ ਕਿ ਫੰਡਾਂ ਨੂੰ ਇਕੁਇਟੀ ਨਿਵੇਸ਼, ਭਾਗੀਦਾਰੀ, ਕਾਰਜਾਂ ਤੇ ਬੁਨਿਆਦੀ ਢਾਂਚਾ ਅਤੇ ਈਕੋ-ਸਿਸਟਮ ਵਿੱਚ ਨਿਵੇਸ਼ ਦੁਆਰਾ ਕਨੈਕਟੀਵਿਟੀ ਵਧਾਉਣ ਅਤੇ ਡਿਜੀਟਲ ਤਕਨਾਲੋਜੀ ਅਪਣਾਉਣ ਦੀਆਂ ਗੂਗਲ ਦੀਆਂ ਕੋਸ਼ਿਸ਼ਾਂ ਵਿ...

ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਲੀ ਸੀਏਨ ਲੂੰਗ ਦੀ ਅਗਵਾਈ ਹੇਠ ਸੱਤਾਧਾਰੀ ਪੀਪਲਜ਼ ਐਕਸ਼ਨ ਪਾਰਟੀ (ਪੀ.ਏ.ਪੀ.) ਪਿਛਲੇ ਹਫ਼ਤੇ 2020 ਦੀਆਂ ਆਮ ਚੋਣਾਂ ਜਿੱਤਣ ਤੋਂ ਬਾਅਦ ਮੁੜ ਸੱਤਾ ਵਿੱਚ ਆਈ ਹੈ। ਇਨ੍ਹਾਂ ਆਮ ਚੋਣਾਂ ਵਿੱਚ 96 ਫੀਸਦੀ ਵੋਟਿੰਗ ਹੋਈ ਸੀ। ਪੀ.ਏ.ਪੀ. ਨੇ ਸੰਸਦ ਦੀਆਂ 93 ਵਿੱਚੋਂ 83 ਸੀਟਾਂ ਜਿੱਤੀਆਂ ਸਨ ਤੇ ਬਾਕੀ 10 ਸੀਟਾਂ ਵਿਰੋਧੀ ਧਿਰ ਵਰਕਰ ਪਾਰਟੀ ਦੇ ਹਿੱਸੇ ਆਈਆਂ ਸਨ। 1959 ਵਿੱਚ ਪਹਿਲੀ ਵਾਰ ਸੱਤਾ ਵਿੱਚ ਆਉਣ ਤੋਂ ਬਾਅਦ ਪੀ.ਏ.ਪੀ. ਦਾ ਇਹ ਲਗਾਤਾਰ 15ਵਾਂ ਲਗਾਤਾਰ ਕਾਰਜਕਾਲ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਲੀ ਸੀਏਨ ਲੂੰਗ ਨੂੰ ਚੋਣਾਂ ਵਿੱਚ ਸ਼ਾਨਦਾਰ ਜਿੱਤ ‘ਤੇ ਵਧਾਈ ਦਿੱਤੀ। ਸਿੰਗਾਪੁਰ ਚੋਣ ਨਤੀਜਿਆਂ ਦਾ ਅਰਥ ਇਹ ਹੈ ਕਿ ਭਾਰਤ-ਸਿੰਗਾਪੁਰ ਸੰਬੰਧਾਂ ਵਿੱਚ ਹੋਰ ਵੀ ਨੇੜਤਾ ਆਏਗੀ। ਭਾਰਤੀ ਪ੍ਰਧਾਨ ਮੰਤਰੀ ਅਤੇ ਸਿੰਗਾਪੁਰ ਦੇ ਪ੍ਰਧਾਨ ਮੰਤਰੀ ਲੀ ਦੇ ਕਾਰਜਕਾਲ ਦੌਰਾਨ ਦੋਵਾਂ ਦੇਸ਼ਾਂ ਦੇ ਸੰਬੰਧ ਕਾਫੀ ਤੇਜ਼ ਗਤੀ ਨਾਲ ਅੱਗੇ ਵਧੇ ਹਨ। ਪ੍ਰਧਾਨ ਮੰਤਰੀ ਮੋਦੀ ਸਿੰਗਾਪੁਰ ਦੇ ਬਾਨੀ ਅਤੇ 1959-1990 ਤੱਕ ਸਿੰਗਾਪੁਰ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਵਰਗਵਾਸੀ ਲੀ ਕੁਆਨ ਯੇਵ ਦੀ ਹਮੇਸ਼ਾ ਪ੍ਰਸੰਸਾ ਕਰਦੇ ਹਨ। ਇੱਕ ਆਧੁਨਿਕ ਸਿੰਗਾਪੁਰ ਬਣਾਉਣ ਵਿੱਚ ਉਨ੍ਹਾਂ ਦੀ ਭੂਮਿਕਾ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ। ਭਾਰਤ ਦੇ ਪ੍ਰਧਾਨ ਮੰਤਰੀ ਨੇ ਮਾਰਚ 2015 ਵਿੱਚ ਸ਼੍ਰੀ ਯੇਵ ਦੇ ਅੰਤਿਮ ਸਸਕਾਰ ਵਿੱਚ ਸ਼ਿਰਕਤ ...

ਹੁਣ ਤੋਂ ਤਕਰੀਬਨ ਪੰਜ ਮਹੀਨਿਆਂ ਵਿੱਚ, ਮਤਲਬ ਇਹ ਕਿ ਦਸੰਬਰ ਵਿੱਚ 197 ਦੇਸ਼ਾਂ ਦੁਆਰਾ ਇਤਿਹਾਸਕ ‘ਪੈਰਿਸ ਸਮਝੌਤੇ’ ’ਤੇ ਗੱਲਬਾਤ ਕਰਦਿਆਂ ਪੰਜ ਸਾਲ ਹੋ ਜਾਣਗੇ। ਇਸ ਸਮਝੌਤੇ 'ਚ ਵਿਸ਼ਵੀ ਤਾਪਮਾਨ ਦੇ ਵਾਧੇ ਨੂੰ ਪੂਰਵ-ਉਦਯੋਗਿਕ ਪੱਧਰਾਂ ਨਾਲੋਂ 2 ਡਿਗਰੀ ਸੈਲਸੀਅਸ ਤੋਂ ਹੇਠਾਂ ਲਿਆਉਣਾ ਅਤੇ ਅੰਤ ਵਿਚ ਵਾਧੇ ਨੂੰ 1.5 ਡਿਗਰੀ ਸੈਲਸੀਅਸ ਤੱਕ ਸੀਮਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਇਨ੍ਹਾਂ ਟੀਚਿਆਂ ਨੂੰ ਪ੍ਰਾਪਤ ਕਰਨ ਲਈ ਸਮਝੌਤੇ ਤੇ ਹਸਤਾਖਰ ਕਰਨ ਵਾਲੇ ਹਰੇਕ ਦੇਸ਼ ਨੇ ਆਪਣੀ ਕੌਮੀ ਯੋਜਨਾ ਬਣਾਈ ਹੈ, ਜਿਸ ਦੁਆਰਾ ਕਾਰਬਨ ਦੇ ਨਿਕਾਸ ਵਿੱਚ ਕਮੀ ਲਈ ਉਸ ਨੇ ਟੀਚਾ ਨਿਰਧਾਰਤ ਕੀਤਾ ਹੈ ਅਤੇ ਉਹ ਢੰਗ-ਤਰੀਕੇ ਅਪਣਾਉਂਦਾ ਹੈ ਜਿਸ ਦੁਆਰਾ ਉਸ ਨੇ ਇਨ੍ਹਾਂ ਉਦੇਸ਼ਾਂ ਨੂੰ ਪੂਰਾ ਕਰਨਾ ਹੈ। ਕਾਬਿਲੇਗੌਰ ਹੈ ਕਿ ਸਮਝੌਤੇ ਦੇ ਤਹਿਤ ਅਮੀਰ ਅਤੇ ਵਿਕਸਤ ਦੇਸ਼, ਵਿਕਾਸਸ਼ੀਲ ਦੇਸ਼ਾਂ ਨੂੰ ਜਲਵਾਯੂ ਤਬਦੀਲੀ ਨਾਲ ਲੜਨ ਅਤੇ ਇਸ ਵਿੱਚ ਸੁਧਾਰ ਦੇ ਲਈ ਵਿੱਤੀ ਅਤੇ ਤਕਨੀਕੀ ਸਹਾਇਤਾ ਪ੍ਰਦਾਨ ਕਰਨਗੇ। ਪੈਰਿਸ ਸਮਝੌਤੇ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰਨ ਅਤੇ ਵਿਸ਼ਵ ਪੱਧਰੀ ਜਲਵਾਯੂ ਤਬਦੀਲੀ ਪ੍ਰਤੀ ਸਿਆਸੀ ਵਚਨਬੱਧਤਾ ਨੂੰ ਦਰਸਾਉਣ ਅਤੇ ਇਸ ਸੰਬੰਧੀ ਕੀਤੇ ਜਾਣ ਵਾਲੇ ਕਾਰਜਾਂ ਨੂੰ ਯਕੀਨੀ ਬਣਾਉਣ ਲਈ ਹਰ ਸਾਲ ਇਕ ਬੈਠਕ ਕੀਤੀ ਜਾਂਦੀ ਹੈ। ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਮੱਦੇਨਜ਼ਰ ਇਸ ਸਾਲ ਦੀ ਬੈਠਕ ਵਰਚੁਅਲ ਢੰਗ ਨਾਲ ਆਯੋਜਿਤ ਕੀਤੀ ਗਈ ਸੀ। ਇਸ ਦੀ ਪ੍ਰਧਾਨਗੀ ਯੂਰਪੀਅਨ ਯ...

ਭਾਰਤ ਅਤੇ ਅਮਰੀਕਾ ਵਿਚਾਲੇ ਰਣਨੀਤਕ ਸਾਂਝੇਦਾਰੀ ਪਿਛਲੇ ਦੋ ਦਹਾਕਿਆਂ ਤੋਂ ਤੇਜ਼ੀ ਨਾਲ ਵਧੀ ਹੈ ਅਤੇ ਦੋਵਾਂ ਵਿਚਾਲੇ ਮਜ਼ਬੂਤ ਰਣਨੀਤਕ ਸਬੰਧ ਕਾਇਮ ਹੋਏ ਹਨ, ਪਰ ਇਸ ਦੀ ਸਾਰਥਕਤਾ, ਉਪਯੋਗਤਾ ਅਤੇ ਸਹੂਲਤ ਲਈ ਅਸਲ ਚੁਣੌਤੀ ਉਸ ਸਮੇਂ ਸਾਹਮਣੇ ਆਈ ਜਦੋਂ ਚੀਨ ਨੇ ਅਸਲ ਨਿਯੰਤਰਣ ਰੇਖਾ ‘ਤੇ ਆਪਣੀ ਹਮਲਾਵਰ ਨੀਤੀ ਦਾ ਪ੍ਰਦਰਸ਼ਨ ਕੀਤਾ। ਭਾਰਤ ਦੀ ਦੁਨੀਆਂ ਦੇ ਕਈ ਮੁਲਕਾਂ ਨਾਲ ਰਣਨੀਤਕ ਸਾਂਝ ਹੈ, ਪਰ ਅਮਰੀਕਾ ਨੇ ਖੁੱਲੇ ਤੌਰ ‘ਤੇ ਭਾਰਤ ਦੀ ਹਿਮਾਇਤ ਕਰਦਿਆਂ ਚੀਨ ਦੀ ਇਸ ਕਾਰਵਾਈ ਦੀ ਸਖ਼ਤ ਨਿਖੇਧੀ ਕੀਤੀ ਹੈ।ਇਸ ਦੇ ਨਾਲ ਹੀ ਅਮਰੀਕਾ ਨੇ ਕੁੱਝ ਅਜਿਹੇ ਕਦਮ ਚੁੱਕੇ ਜਿੰਨ੍ਹਾਂ ਕਰਕੇ ਚੀਨ ਨੂੰ ਪਿੱਛੇ ਹੱਟਣ ਲਈ ਮਜ਼ਬੂਰ ਹੋਣਾ ਪਿਆ। ਹਾਲਾਂਕਿ ਇਹ ਮੰਨਣਾ ਸਹੀ ਨਹੀਂ ਹੋਵੇਗਾ ਕਿ ਚੀਨ-ਭਾਰਤ ਸਰਹੱਦ ‘ਤੇ ਅਮਰੀਕਾ ਅਤੇ ਭਾਰਤ ਦਰਮਿਆਨ ਕੋਈ ਫੌਜੀ ਗੱਠਜੋੜ ਹੈ।ਭਾਰਤ ਅਤੇ ਅਮਰੀਕਾ ਦੋਵੇਂ ਹੀ ਚੀਨ ਵਿਰੋਧੀ ਗੱਠਜੋੜ ਦੇ ਗਠਨ ਦੇ ਹੱਕ ‘ਚ ਨਹੀਂ ਹਨ। ਪਰ ਦੂਜੇ ਪਾਸੇ ‘ਰਣਨੀਤਕ ਭਾਈਵਾਲੀ’ ਨੂੰ ਧਿਆਨ ‘ਚ ਰੱਖਦਿਆਂ ਵਾਈਟ ਹਾਊਸ ਅਤੇ ਅਮਰੀਕੀ ਵਿਦੇਸ਼ ਵਿਭਾਗ ਵੱਲੋਂ ਕਈ ਸਾਹਸੀ ਐਲਾਨ ਕੀਤੇ ਗਏ ਅਤੇ ਦੱਖਣੀ ਚੀਨ ਸਾਗਰ ‘ਚ ਦੋ ਹਵਾਈ ਜਹਾਜ਼ ਭੇਜਣ ‘ਤੇ ਪੈਂਟਾਗਾਨ ਖ਼ਿਲਾਫ ਕਾਰਵਾਈ ਕਰਨ ਅਤੇ ਐਲਏਸੀ ‘ਤੇ ਭਾਰਤੀ ਫੌਜ ਦੀ ਹਿੰਮਤ ਅਤੇ ਬਹਾਦਰੀ ਨੇ ਸਾਬਤ ਕਰ ਦਿੱਤਾ ਹੈ ਕਿ ਚੀਨ ਵੱਲੋਂ ਕਿਸੇ ਵੀ ਤਰ੍ਹਾਂ ਦੀ ਗੈਰ ਕਾਨੂੰਨੀ ਜਾਂ ਅਨੈਤਿਕ ਕਾਰਵਾਈ ਨੂੰ ਸਫ...

ਅਫ਼ਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਵੱਲੋਂ ਅਫ਼ਗਾਨ ਸ਼ਾਂਤੀ ਪ੍ਰਕ੍ਰਿਆ ਨਾਲ ਸਬੰਧਤ ਇੱਕ ਹਫ਼ਤੇ ਤੱਕ ਚੱਲਣ ਵਾਲੇ ਵਰਚੁਅਲ਼ ਸੰਮੇਲਨ ਦੀ ਮੇਜ਼ਬਾਨੀ ਕੀਤੀ ਗਈ ਹੈ।ਇਸ ਦਾ ਆਯੋਜਨ ਰਾਸ਼ਟਰਪਤੀ ਭਵਨ ਵੱਲੋਂ ਕੀਤਾ ਗਿਆ ਹੈ।ਇਸ ਸੰਮੇਲਨ ਦਾ ਮਕਸਦ ਦੇਸ਼ ‘ਚ ਸ਼ਾਂਤੀ ਪ੍ਰਕ੍ਰਿਆ ‘ਤੇ ਇੱਕ ਮਤ ਸਥਾਪਤ ਕਰਨਾ ਹੈ।ਇਸ ਸੰਮੇਲਨ ‘ਚ ਵੀਡੀਓ ਕਾਨਫਰੰਸ ਰਾਹੀਂ 19 ਦੇਸ਼ਾਂ ਅਤੇ ਅੰਤਰਰਾਸ਼ਟਰੀ ਸੰਗਠਨਾਂ ਦੇ ਨੁਮਾਇੰਦੇ ਸ਼ਿਰਕਤ ਕਰ ਰਹੇ ਹਨ। ਇਸ ਕਾਨਫਰੰਸ ‘ਚ ਸ਼ਾਮਲ ਹੋਣ ਵਾਲੇ ਦੇਸ਼ਾਂ ਅਤੇ ਸੰਗਠਨਾਂ ‘ਚ ਈਰਾਨ,ਭਾਰਤ, ਪਾਕਿਸਤਾਨ,ਅਣਰਬਾਈਜਾਨ, ਮਿਸਰ, ਚੀਨ, ਕਜ਼ਾਕਿਸਤਾਨ, ਕਿਰਗਿਸਤਾਨ, ਕਤਰ, ਸਾਊਦੀ ਅਰਬ, ਰੂਸ, ਤਜ਼ਾਕਿਸਤਾਨ, ਉਜ਼ਬੇਕਿਸਤਾਨ, ਤੁਰਕੀ , ਸੰਯੁਕਤ ਅਰਬ ਅਮੀਰਾਤ, ਸੰਯੁਕਤ ਰਾਜ, ਇਸਲਾਮਿਕ ਸਹਿਕਾਰਤਾ ਸੰਗਠਨ ਅਤੇ ਸੰਯੁਕਤ ਰਾਸ਼ਟਰ ਹਨ। ਇੰਨ੍ਹਾਂ ਬੈਠਕਾਂ ਦੀ ਮੇਜ਼ਬਾਨੀ ਕਾਰਜਕਾਰੀ ਵਿਦੇਸ਼ ਮੰਤਰੀ ਮੁਹੰਮਦ ਹਨੀਫ ਅਤਮਰ ਕਰ ਰਹੇ ਹਨ।ਅਫ਼ਗਾਨ ਵਿਦੇਸ਼ ਮੰਤਰਾਲੇ ਨੇ ਕਿਹਾ ਹੈ ਕਿ ਇਸ ਹਫ਼ਤੇ ਭਰ ਚੱਲਣ ਵਾਲੇ ਸੰਮੇਲਨ ‘ਚ ਵੱਖ-ਵੱਖ ਦੇਸ਼ਾਂ ਅਤੇ ਕੌਮਾਂਤਰੀ ਸੰਗਠਨਾਂ ਦੇ ਨੁਮਾਇੰਦੇ ਹਿੰਸਾ ‘ਤੇ ਕਾਬੂ ਪਾਉਣ, ਤਾਲਿਬਾਨੀ ਕੈਦੀਆਂ ਦੀ ਰਿਹਾਈ, ਜੰਗਬੰਦੀ ਅਤੇ ਅੰਤਰ-ਅਫ਼ਗਾਨ ਵਾਰਤਾ ਦੀ ਸ਼ੁਰੂਆਤ ਸਬੰਧੀ ਵਿਚਾਰ ਚਰਚਾ ਕਰਨਗੇ। ਅਫ਼ਗਾਨ ਸਰਕਾਰ ਦਾ ਕਹਿਣਾ ਹੈ ਕਿ ਉਹ ਦੇਸ਼ ‘ਚ ਸ਼ਾਂਤੀ, ਸਥਿਰਤਾ ਨੂੰ ਯਕੀਨੀ ਬਣਾਉਣ ਅਤੇ ਚੱਲ ਰਹੇ ਯੁੱਧ ਨੂੰ ਖ਼ਤਮ ਕਰਨ ਲਈ ਅੰਤਰ-ਅਫ਼ਗਾਨ ਵਾਰਤਾ ਜਲਦ ਹੀ ਸ਼ੁਰੂ ...

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇੰਡੀਆ ਗਲੋਬਲ ਵੀਕ-2020 ਨੂੰ ਵੀਡੀਓ ਕਾਨਫਰੰਸ ਰਾਹੀਂ ਸੰਬੋਧਨ ਕੀਤਾ।ਇਸ ਤਿੰਨ ਦਿਨਾਂ ਵਰਚੁਅਲ ਕਾਨਫਰੰਸ ‘ਚ 30 ਦੇਸ਼ਾਂ ਦੇ 5 ਹਜ਼ਾਰ ਭਾਗੀਦਾਰਾਂ ਵੱਲੋਂ ਸ਼ਿਰਕਤ ਕੀਤੀ ਜਾ ਰਹੀ ਹੈ।ਇਸ ਦੇ 75 ਸੈਸ਼ਨਾਂ ‘ਚ 250 ਗਲੋਬਲ ਬੁਲਾਰੇ ਸੰਬੋਧਨ ਕਰਨਗੇ।ਉੱਘੀਆਂ ਹਸਤੀਆਂ ‘ਚ ਬ੍ਰਿਿਟਸ਼ ਵਿਦੇਸ਼ ਸਕੱਤਰ ਡੋਮਿਿਨਕ ਰਬ, ਬ੍ਰਿਿਟਸ਼ ਗ੍ਰਹਿ ਸਕੱਤਰ ਪ੍ਰੀਤੀ ਪਟੇਲ ਵਰਗੇ ਸਿਆਸੀ ਆਗੂਆਂ ਨੇ ਸ਼ਮੂਲੀਅਤ ਕੀਤੀ ਹੈ। ਇਸ ਤੋਂ ਇਲਾਵਾ ਉੱਦਮੀ ਅਤੇ ਹੋਰ ਖੇਤਰਾਂ ਨਾਲ ਸੰਬੰਧਤ ਲੋਕਾਂ ਨੇ ਗਲੋਬਲ ਵੀਕ-2020 ‘ਚ ਹਿੱਸਾ ਲਿਆ ਹੈ। ਪ੍ਰਧਾਨ ਮੰਤਰੀ ਮੋਦੀ ਨੇ ਇਸ ਸਮਾਗਮ ਦਾ ਆਯੋਜਨ ਕਰਨ ਲਈ ਇੰਡੀਆ ਇੰਕ ਸਮੂਹ ਦੀ ਸ਼ਲਾਘਾ ਕੀਤੀ ਹੈ।ਉਨ੍ਹਾਂ ਕਿਹਾ ਕਿ ਅਜਿਹੇ ਸਮਾਗਮ ਭਾਰਤ ‘ਚ ਮੌਜੂਦ ਮੌਕਿਆਂ ਨੂੰ ਵਿਸ਼ਵਵਿਆਪੀ ਪੱਧਰ ‘ਤੇ ਪਹੁੰਚਾਉਣ ‘ਚ ਮਦਦਗਾਰ ਹੋਣਗੇ।ਪੀਐਮ ਮੋਦੀ ਨੇ ਭਾਰਤ ਅਤੇ ਬ੍ਰਿਟੇਨ ਵਿਚਲੇ ਸਬੰਧਾਂ ਦੀ ਪ੍ਰਸ਼ੰਸਾ ਵੀ ਕੀਤੀ ਜੋ ਕਿ ਸਮੇਂ ਦੇ ਨਾਲ ਨਾਲ ਹੋਰ ਮਜ਼ਬੂਤ ਹੋ ਰਹੇ ਹਨ। ਪੀਐਮ ਮੋਦੀ ਨੇ ਕਿਹਾ ਕਿ ਮੌਜੂਦਾ ਸਮੇਂ ਪੁਨਰ ਸੁਰਜੀਤੀ ਬਾਰੇ ਗੱਲ ਕਰਨਾ ਸੁਭਾਵਿਕ ਹੀ ਹੈ ਅਤੇ ਭਾਰਤ ਅਤੇ ਵਿਸ਼ਵ ਦੀ ਪੁਨਰ ਸੁਰਜੀਤੀ ਨੂੰ ਆਪਸ ‘ਚ ਜੋੜਨਾ ਵੀ ਕੁਦਰਤੀ ਹੀ ਹੈ।ਉਨ੍ਹਾਂ ਕਿਹਾ ਕਿ ਭਾਰਤ ਦੁਨੀਆ ਭਰ ਦੀ ਪੁਨਰ ਸੁਰਜੀਤੀ ਲਈ ਅਹਿਮ ਭੂਮਿਕਾ ਨਿਭਾ ਰਿਹਾ ਹੈ ਅਤੇ ਆਲਮੀ ਭਲਾਈ ਤੇ ਖੁਸ਼ਹਾਲੀ ਲਈ ਭਾਰਤ ਵੱਲੋਂ ਹਰ ਸੰਭਵ ਯਤਨ ਕੀਤਾ ਜਾ ਰਿਹਾ ਹੈ।ਪੂਰੀ ਦੁਨੀਆ ਨੇ...

ਅਮਰੀਕਾ ਦੇ ਸਾਬਕਾ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜੌਨ ਬੋਲਟਨ ਨੇ ਕਿਹਾ ਕਿ 21ਵੀਂ ਸਦੀ ‘ਚ ‘ਚ ਭਾਰਤ-ਅਮਰੀਕਾ ਸਬੰਧ ਅਮਰੀਕਾ ਲਈ ਸਭ ਤੋਂ ਵੱਧ ਖਾਸ ਹੋਣਗੇ।ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਅਮਰੀਕਾ ਦੇ ਨਜ਼ਰੀਏ ਤੋਂ ਚੀਨ ਨਾਲ ਸਬੰਧ ਚੁਣੌਤੀਪੂਰਨ ਹੀ ਹੋਣਗੇ।ਰਣਨੀਤਕ ਪੱਧਰ ‘ਤੇ ਅਮਰੀਕਾ-ਭਾਰਤ ਵਿਚਾਲੇ ਦੁਵੱਲੇ ਸਬੰਧ ਵਾਸ਼ਿਗੰਟਨ ਲਈ ਇਸ ਸਦੀ ‘ਚ ਸਭ ਤੋਂ ਖਾਸ ਬਣਨ ਜਾ ਰਹੇ ਹਨ।ਦੂਜੇ ਪਾਸੇ 21ਵੀਂ ਸਦੀ ‘ਚ ਚੀਨ ਅਮਰੀਕਾ ਲਈ ਸੰਭਾਵਤ ਖਤਰੇ ਨਾਲੋਂ ਘੱਟ ਨਹੀਂ ਹੈ।ਸ੍ਰੀ ਬੋਲਟਨ ਨੇ ਕਿਹਾ ਕਿ ਵਿਸ਼ਵ ਦੇ ਉਪਰਲੇ ਪੱਧਰ ‘ਤੇ ਭਾਰਤ ਅਜਿਹਾ ਦੇਸ਼ ਹੋਵੇਗਾ ਜੋ ਕਿ ਹਰ ਖੇਤਰ ’ਚ ਸਭਨਾਂ ਨੂੰ ਵਿਖਾਈ ਪਵੇਗਾ। ਦੁਨੀਆਂ ਦੀਆਂ ਸਭ ਤੋਂ ਵੱਡੀਆਂ ਦੋ ਲੋਕਤੰਤਰੀ ਤਾਕਤਾਂ ਵਿਚਾਲੇ ‘ਬਹੁਤ ਸਾਰੀਆਂ ਸਾਂਝੀਆਂ ਕਦਰਾਂ- ਕੀਮਤਾਂ ਅਤੇ ਵੱਧ ਰਹੀ ਵਿਰਾਸਤੀ ਸਾਂਝ’ ਬਾਰੇ ਗੱਲ ਕਰਦਿਆਂ ਉਨ੍ਹਾਂ ਕਿਹਾ ਕਿ ਅਮਰੀਕਾ ਇੱਕ ਅਜਿਹਾ ਦੇਸ਼ ਬਣ ਗਿਆ ਹੈ, ਜਿੱਥੇ ਦੁਨੀਆ ਭਰ ਦੇ ਲੋਕ ਪ੍ਰਵਾਸ ਕਰ ਚੁੱਕੇ ਹਨ।ਇਸ ਲਈ ਭਾਰਤ ਵੱਲ ਵਧੇਰੇ ਧਿਆਨ ਜਾਣਾ ਲਾਜ਼ਮੀ ਹੀ ਹੈ। ਬੋਲਟਨ ਨੇ ਮੰਨਿਆਂ ਕਿ ਭਾਰਤ ਅਤੇ ਅਮਰੀਕਾ ਦਰਮਿਆਨ ਅਜਿਹੇ ਬਹੁਤ ਸਾਰੇ ਮਸਲੇ ਹਨ ਜਿੰਨ੍ਹਾਂ ਨੂੰ ਵਿਚਾਰੇ ਜਾਣ ਦੀ ਲੋੜ ਹੈ।ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ‘ਭੁ-ਰਾਜਨੀਤਿਕ ਤੌਰ ‘ਤੇ ਇਹ ਬਹੁਤ ਹੀ ਨਾਜ਼ੁਕ ਮਸਲਾ ਹੈ’। ਪੂਰਬੀ ਲੱਦਾਖ ‘ਚ ਭਾਰਤ-ਚੀਨ ਵਿਚਾਲੇ ਹੋਏ ਟਕਰਾਅ ਬਾਰੇ ਬੋਲਦਿਆਂ ਬੋਲਟਨ ਨੇ ਕਿਹਾ ਕਿ ਇਸ ਤਰ੍ਹਾਂ ਦ...

ਭਾਰਤ ਅਤੇ ਚੀਨ ਦੇ ਵਿਸ਼ੇਸ਼ ਦੋ ਨੁਮਾਇੰਦਿਆਂ ਵਿਚਾਲੇ ਭਾਰਤ-ਚੀਨ ਸਰਹੱਦ ਮਸਲਿਆਂ ‘ਤੇ 2 ਘੰਟਿਆਂ ਤੱਕ ਚੱਲੀ ਬੈਠਕ ਤੋਂ ਬਾਅਦ ਦੋਵਾਂ ਧਿਰਾਂ ਨੇ ਆਪੋ ਆਪਣੇ ਸੈਨਿਕਾਂ ਨੂੰ ਪਿੱਛੇ ਹਟਾਉਣ ਦਾ ਫ਼ੈਸਲਾ ਕੀਤਾ।ਇਸ ਫ਼ੈਸਲੇ ਨਾਲ 5 ਮਈ ਤੋਂ ਗਲਵਾਨ ਘਾਟੀ ‘ਚ ਸ਼ੂਰੂ ਹੋਏ ਟਕਰਾਅ ਨੂੰ ਕੁੱਝ ਠੱਲ ਪਵੇਗੀ।ਦੱਸਣਯੋਗ ਹੈ ਕਿ ਗਲਵਾਨ ਘਾਟੀ ‘ਚ ਭਾਰਤ ਅਤੇ ਚੀਨ ਵਿਚਾਲੇ ਤਣਾਅਪੂਰਨ ਸਥਿਤੀ ਬਣੀ ਹੋਈ ਸੀ। ਭਾਰਤ ਦੇ ਕੌਮੀ ਸੁਰੱਖਿਆ ਸਲਾਹਕਾਰ ਅਜੀਤ ਡੋਵਾਲ ਅਤੇ ਚੀਨ ਦੇ ਵਿਦੇਸ਼ ਮੰਤਰੀ ਵਾਂਗ ਯੀ ਵਿਚਾਲੇ ਇਕ ਵਰਚੁਅਲ ਬੈਠਕ ਹੋਈ।ਟੈਲੀਫੋਨ ‘ਤੇ ਹੋਈ ਗੱਲਬਾਤ ਦੌਰਾਨ ਦੋਵਾਂ ਹੀ ਵਿਸ਼ੇਸ਼ ਨੁਮਾਇੰਦਿਆਂ ਨੇ ਭਾਰਤ ਅਤੇ ਚੀਨ ਦਰਮਿਆਨ ਖੇਤਰੀ ਵਿਵਾਦ ਅਤੇ ਸਮੁੱਚੇ ਸੁਰੱਖਿਆ ਮਸਲਿਆਂ ਨੂੰ ਹੱਲ ਕਰਨ ਲਈ ਸਹਿਮਤੀ ਪ੍ਰਗਟ ਕੀਤੀ।ਇਸ ਟਕਰਾਅ ਦੀ ਸਥਿਤੀ ਨੂੰ ਜਲਦ ਤੋਂ ਜਲਦ ਖ਼ਤਮ ਕਰਨ ਲਈ ਰਾਜਨੀਤਿਕ ਦਖਲਅੰਦਾਜ਼ੀ ਕੀਤੀ ਗਈ ਹੈ।ਇਸ ਐਲਾਨ ਤੋਂ ਬਾਅਦ ਸਰਹੱਦਾਂ ‘ਤੇ ਸਾਂਤੀ ਅਤੇ ਅਮਨ ਦੀ ਪੂਰੀ ਤਰ੍ਹਾਂ ਨਾਲ ਬਹਾਲੀ ਦੀ ਉਮੀਦ ਕੀਤੀ ਜਾ ਰਹੀ ਹੈ।ਇਹ ਕੰਮ ਪੜਾਅਵਾਰ ਅਤੇ ਇੱਕ-ਇੱਕ ਕਰਕੇ ਮੁਕੰਮਲ ਕੀਤਾ ਜਾਵੇਗਾ।ਇਸ ‘ਚ ਅੱਗੇ ਕਿਹਾ ਗਿਆ ਹੈ ਕਿ ਦੋਵਾਂ ਧਿਰਾਂ ਨੂੰ ਅਸਲ ਕੰਟਰੋਲ ਰੇਖਾ ਦਾ ਸਨਮਾਨ ਕਰਨਾ ਚਾਹੀਦਾ ਹੈ ਅਤੇ ਇਸ ਦੀ ਸਥਿਤੀ ‘ਚ ਕਿਸੇ ਵੀ ਤਰ੍ਹਾਂ ਦੇ ਬਦਲਾਅ ਲਈ ਇਕਪਾਸੜ ਕਾਰਵਾਈ ਨਹੀਂ ਕਰਨੀ ਚਾਹੀਦੀ ਹੈ ਅਤੇ ਭਵਿੱਖ ‘ਚ ਕਿਸੇ ਵੀ ਅਜਿਹੀ ਘਟਨਾ , ਜੋ ਕਿ ਸਰਹੱਦੀ ਖੇਤਰਾਂ ਦੀ ਅਮਨ ਸ਼ਾਂਤ...

ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਟੈਲੀਫੋਨ ‘ਤੇ ਗੱਲਬਾਤ ਕੀਤੀ। ਉਨ੍ਹਾਂ ਨੇ 25 ਜੂਨ ਤੋਂ 1 ਜੁਲਾਈ 2020 ਤੱਕ ਰੂਸ ‘ਚ ਸੰਵਿਧਾਨਕ ਸੋਧਾਂ ਲਈ ਹੋਈ ਰਾਏਸ਼ੁਮਾਰੀ ਦੇ ਸਫਲਤਾਪੂਰਵਕ ਮੁਕੰਮਲ ਹੋਣ ‘ਤੇ ਵਧਾਈ ਪੇਸ਼ ਕੀਤੀ।ਰਾਏਸ਼ੁਮਾਰੀ ‘ਚ ਮਿਲੀ ਜਿੱਤ ਨਾਲ ਰਾਸ਼ਟਰਪਤੀ ਪੁਤਿਨ 2024 ‘ਚ ਆਪਣਾ ਮੌਜੂਦਾ ਕਾਰਜਕਾਲ ਪੂਰਾ ਕਰਨ ਤੋਂ ਬਾਅਦ 2036 ਤੱਕ ਦੋ ਵਾਰ ਸੰਭਾਵਤ ਛੇ ਸਾਲਾਂ ਦੀ ਮਿਆਦ ਲਈ ਇਸ ਅਹੁਦੇ ‘ਤੇ ਬਣੇ ਰਹਿ ਸਕਦੇ ਹਨ।ਪੀਐਮ ਮੋਦੀ ਦੁਨੀਆ ਦੇ ਪਹਿਲੇ ਆਗੂ ਹਨ, ਜਿੰਨ੍ਹਾਂ ਨੇ ਰਾਸ਼ਟਰਪਤੀ ਪੁਤਿਨ ਨੂੰ ਇਸ ਸਬੰਧ ‘ਚ ਵਧਾਈ ਦਿੱਤੀ ਹੈ। ਦੂਜੇ ਵਿਸ਼ਵ ਯੁੱਧ ‘ਚ ਮਿਲੀ ਜਿੱਤ ਦੀ 75ਵੀਂ ਵਰ੍ਹੇਗੰਢ ਸਮਾਰੋਹਾਂ ਦਾ ਜ਼ਿਕਰ ਕਰਦਿਆਂ ਪੀਐਮ ਮੋਦੀ ਨੇ 24 ਜੂਨ ਨੂੰ ਵਿਜੇ ਦਿਵਸ ਪਰੇਡ ‘ਚ ਭਾਰਤ ਦੀ ਸੁਰੱਖਿਆ ਟੁੱਕੜੀ ਦੀ ਸ਼ਮੂਲੀਅਤ ਨੂੰ ਭਾਰਤ ਅਤੇ ਰੂਸ ਦਰਮਿਆਨ ਸਥਾਈ ਮਿੱਤਰਤਾ ਦਾ ਪ੍ਰਤੀਕ ਦੱਸਿਆ। ਇਸ ਗੱਲਬਾਤ ਦੌਰਾਨ ਦੋਵਾਂ ਹੀ ਆਗੂਆਂ ਨੇ ਕੋਵਿਡ-19 ਮਹਾਂਮਾਰੀ ਕਾਰਨ ਪੈਦਾ ਹੋਣ ਵਾਲੇ ਮਾੜੇ ਨਤੀਜਿਆਂ ਨੂੰ ਸੁਲਝਾਉਣ ਲਈ ਦੋਵਾਂ ਦੇਸ਼ਾਂ ਵੱਲੋਂ ਚੁੱਕੇ ਗਏ ਪ੍ਰਭਾਵੀ ਉਪਾਵਾਂ ਦੀ ਵੀ ਚਰਚਾ ਕੀਤੀ।ਉਨ੍ਹਾਂ ਨੇ ਮਹਾਂਮਾਰੀ ਕਾਲ ਤੋਂ ਬਾਅਦ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਸਾਂਝੇ ਤੌਰ ‘ਤੇ ਉਨ੍ਹਾਂ ਦਾ ਮੁਕਾਬਲਾ ਕਰਨ ਲਈ ਸਹਿਮਤੀ ਪ੍ਰਗਟ ਕੀਤੀ। ਭਾਰਤੀ ਪੀਐਮ ਮੋਦੀ ਨੇ ਭਾਰਤ ‘ਚ ਸਾਲ 2020 ਦੇ ਅੰਤ ‘ਚ ਆਯੋਜਿਤ ਹੋਣ ਵ...

ਖੇਤੀਬਾੜੀ ਭਾਰਤੀ ਆਰਥਿਕਤਾ ਦੀ ਨੀਂਵ ਹੈ।ਭਾਰਤੀ ਕਿਸਾਨ ਦੇਸ਼ ਲਈ ਵਾਧੂ ਅਨਾਜ ਪੈਦਾ ਕਰਦੇ ਹਨ।ਇਸੇ ਕਰਕੇ ਹੀ ਤਾਂ ਦੇਸ਼ ‘ਚ ਪ੍ਰਧਾਨ ਮੰਤਰੀ ਕਲਿਆਣ ਅੰਨ ਯੋਜਨਾ ਅਧੀਨ 80 ਕਰੋੜ ਭਾਰਤੀਆਂ ਨੂੰ ਨਵੰਬਰ 2020 ਤੱਕ ਮੁਫ਼ਤ ਅਨਾਜ ਦਿੱਤਾ ਜਾ ਰਿਹਾ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਖੇਤੀਬਾੜੀ ਖੋਜ, ਵਿਸਥਾਰ ਅਤੇ ਸਿੱਖਿਆ ਦੀ ਪ੍ਰਗਤੀ ਦਾ ਵੀਡੀਓ ਕਾਨਫਰੰਸ ਰਾਹੀਂ ਜਾਇਜ਼ਾ ਲਿਆ। ਭਾਰਤੀ ਖੇਤੀਬਾੜੀ ਖੋਜ ਕੌਂਸਲ ਦੇ ਡਾਇਰੈਕਟਰ ਜਨਰਲ ਅਤੇ ਖੇਤੀਬਾੜੀ ਖੋਜ ਅਤੇ ਵਿਸਥਾਰ ਮਹਿਕਮੇ ਦੇ ਸਕੱਤਰ ਡਾ.ਤ੍ਰਿਲੋਚਨ ਮਹਾਪਾਤਰਾ ਨੇ ਵੱਖ-ਵੱਖ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ ਤਰਜੀਹ, ਪ੍ਰਦਰਸ਼ਨ ਅਤੇ ਤਿਆਰੀਆਂ ਨੂੰ ਪੇਸ਼ ਕੀਤਾ।ਆਈਸੀਏਆਰ ਦੇ ਵੱਖ-ਵੱਖ ਕੇਂਦਰਾਂ ‘ਚ ਹੋਈ ਖੋਜ ਦੇ ਅਧਾਰ ‘ਤੇ 2014 ਤੋਂ ਖੇਤੀ ਫਸਲਾਂ ਦੀਆਂ ਨਵੀਆਂ ਕਿਸਮਾਂ (1434), ਬਾਗ਼ਬਾਨੀ ਫਸਲਾਂ (462) ਅਤੇ ਜਲਵਾਯੂ ਮੁਤਾਬਕ ਵੱਖ-ਵੱਖ ਫਸਲੀ ਚੱਕਰ (1121) ਨੂੰ ਵਿਕਸਤ ਕੀਤਾ ਗਿਆ ਹੈ। ਮੋਲੇਕੁਲਰ (ਅਣੂ) ਪ੍ਰਜਨਨ ਦੀਆਂ ਤਕਨੀਕਾਂ ਰਾਹੀਂ ਵੱਖ-ਵੱਖ ਕਿਸਮਾਂ ਨੂੰ ਤਿਆਰ ਕੀਤਾ ਗਿਆ ਹੈ, ਜੋ ਕਿ ਕਈ ਤਰ੍ਹਾਂ ਦੇ ਤਣਾਅ ਸਹਿਣ ਯੋਗ ਹਨ।ਕਣਕ ਦਾ ਐਚਡੀ 3226 ਅਤੇ ਟਮਾਟਰ ਕ੍ਰਮਵਾਰ 7 ਬਿਮਾਰੀਆਂ ਅਤੇ ਚਾਰ ਬਿਮਾਰੀਆਂ ਪ੍ਰਤੀਰੋਧਕ ਹਨ। ਵਪਾਰਕ ਪ੍ਰੋਸੈਸਿੰਗ ਦੀ ਅਸਲ ਕਿਸਮ ਦੀ ਜ਼ਰੂਰਤ ਨੂੰ ਪੂਰਾ ਕਰਨ ਲਈ ਆਰਕਵਿਸੇਸ, ਆਰਕਅਲੇਸ਼ਾ ਅਤੇ ਆਰਕਯੋਜੀ ਵਰਗੀਆਂ ਕਿਸਮਾਂ ਤਿਆਰ ਕੀਤੀਆਂ ਗਈਆ...

ਭਾਰਤ ਅਤੇ ਭੂਟਾਨ ਦਰਮਿਆਨ ਇਸ ਹਫ਼ਤੇ 600 ਮੈਗਾਵਾਟ ਖੋਲੋਂਗਛੂ ਪਣ ਬਿਜਲੀ ਪ੍ਰਾਜੈਕਟ ਲਈ ਇੱਕ ਰਿਆਇਤੀ ਸਮਝੌਤਾ ਸਹੀਬੱਧ ਹੋਇਆ ਹੈ।ਇਸ ਸਮਝੌਤੇ ਨੇ ਦੋਵਾਂ ਦੇਸ਼ਾਂ ਵਿਚਾਲੇ ਸਦੀਆਂ ਤੋਂ ਚੱਲੇ ਆ ਰਹੇ ਵਿਲੱਖਣ ਸਬੰਧਾਂ ਨੂੰ ਨਵੀਆਂ ਰਾਹਾਂ ਵੱਲ ਤੋਰਿਆ ਹੈ।ਇਹ ਭਾਰਤ ਅਤੇ ਭੂਟਾਨ ਵਿਚਾਲੇ ਪਹਿਲਾ ਸੰਣੁਕਤ ਹਾਈਡ੍ਰੋ ਪ੍ਰਾਜੈਕਟ ਹੋਵੇਗਾ, ਜੋ ਕਿ ਪੂਰਬੀ ਭੂਟਾਨ ‘ਚ ਖੋਲੋਂਗਛੂ ਨਦੀ ਦੇ ਹੇਠਲੇ ਪਾਸੇ ਸਥਿਤ ਹੈ।ਇਸ ਨੂੰ ਖੋਲੋਂਗਛੂ ਹਾਈਡਰੋ ਊਰਜਾ ਲਿਮਟਿਡ ਵੱਲੋਂ ਲਾਗੂ ਕੀਤਾ ਜਾਵੇਗਾ।ਇਸ ਪ੍ਰਾਜੈਕਟ ਦੇ 2025 ਦੇ ਮੱਧ ਤੱਕ ਮੁਕੰਮਲ ਹੋਣ ਦੀ ਸੰਭਾਵਨਾ ਹੈ। ਖੋਲੋਂਗਛੂ ਹਾਈਡ੍ਰੋ ਊਰਜਾ ਲਿਮਟਿਡ, ਭੂਟਾਨ ਦੀ ਡਰੂਕ ਗ੍ਰੀਨ ਕਾਰਪੋਰੇਸ਼ਨ, ਡੀਜੀਪੀਸੀ ਅਤੇ ਭਾਰਤ ਦੇ ਸਤਲੁਜ ਜਲ ਵਿਦਯੂਤ ਨਿਗਮ ਲਿਮਟਿਡ, ਐਸਜੇਵੀਐਨਐਲ ਵਿਚਕਾਰ ਇੱਕ ਸੰਯੁਕਤ ਉੱਦਮ ਹੈ। ਵਿਦੇਸ਼ ਮੰਤਰੀ ਡਾ.ਐਸ ਜੈਸ਼ੰਕਰ ਨੇ ਵੀਡੀਓ ਕਾਨਫਰੰਸ ਰਾਹੀਂ ਭੂਟਾਨ ਦੇ ਆਪਣੇ ਹਮਅਹੁਦਾ ਦੀ ਮੌਜੂਦਗੀ ‘ਚ ਖੋਲੋਂਗਛੂ ਪਣ ਬਿਜਲੀ ਪ੍ਰਾਜੈਕਟ ਦਾ ਉਦਘਾਟਨ ਕੀਤਾ।ਇਸ ਮੌਕੇ ਉਨ੍ਹਾਂ ਨੇ ਭਾਰਤ ਅਤੇ ਭੂਟਾਨ ਦੇ ਸਬੰਧਾਂ ਦੀ ਪ੍ਰਸੰਸਾ ਕੀਤੀ ਅਤੇ ਕਿਹਾ ਕਿ ਇਹ ਵਿਲੱਖਣ ਰਿਸ਼ਤਾ ਹੈ।ਉਨ੍ਹਾਂ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਾਲੇ ਭੂਗੋਲਿਕ, ਸਭਿਆਚਾਰਕ ਅਤੇ ਅਧਿਆਤਮਕ ਸਾਂਝ ਮੌਜੂਦ ਹੈ ਅਤੇ ਸਾਡਾ ਵਿਸ਼ਵਵਿਆਪੀ ਨਜ਼ਰੀਆ ਵੀ ਸਾਂਝਾ ਹੈ। ਭੂਟਾਨ ਲਗਭਗ 38,300 ਵਰਗ ਕਿਲੋਮੀਟਰ ਖੇਤਰ ਵਾਲਾ ਇੱਕ ਛੋਟਾ ਜਿਹਾ ਹਿਮਾਲਿਆਈ ਦੇਸ਼ ਹੈ।ਭੂਟਾਨ ਉੱਤਰ ‘...