AIR World Service Punjabi

ਅਮਰੀਕਾ ਅਤੇ ਈਰਾਨ ਦਰਮਿਆਨ ਤਣਾਅ ਦੇ ਚੱਲਦਿਆਂ ਭਾਰਤ ਦੀਆਂ ਚਿੰਤਾਵਾਂ ਵੀ ਵੱਧ ਗਈਆਂ ਹਨ।ਭਾਰਤ ਦੇ ਇੰਨ੍ਹਾਂ ਦੋਵਾਂ ਹੀ ਮੁਲਕਾਂ ਨਾਲ ਮਿੱਤਰਤਾ ਵਾਲੇ ਸਬੰਧ ਹਨ। ਪਿਛਲੇ ਦਿਨੀ ਈਰਾਕ ਵਿਖੇ ਈਰਾਨ ਦੇ ਇੱਕ ਜ਼ਿੰਮੇਵਾਰ ਮੇਜਰ  ਜਨਰਲ ਕਾਸਿਮ ਸੁਲੇਮਾਣੀ ਦੀ ਹੱਤਿਆ ਬਹੁਤ ਹੀ ਹੈਰਾਨ ਕਰਨ ਵਾਲੀ ਕਾਰਵਾਈ ਰਹੀ ਅਤੇ ਵਿਸ਼ਵ ਵਿਆਪੀ ਪੱਧਰ ਤੇ ਚਿੰਤਾਜਨਕ ਸਥਿਤੀ ਨੂੰ ਪੈਦਾ ਕਰਨ ਵਾਲੀ ਘਟਨਾ  ਹੈ ,  ਕਿਉਂਕਿ ਇਸ ਨਾਲ ਪੱਛਮੀ ਏਸ਼ੀਆਂ ਦੇ ਖੇਤਰ  ਵਿਚ ਇਕ ਨਵੀਂ ਅਤੇ ਅਪ੍ਰੋਖ ਜੰਗ ਦੇ ਆਸਾਰ ਨਜ਼ਰ ਆਉਣ ਲੱਗ ਪਏ ਹਨ।   ਵੇਖਿਆ ਜਾਵੇ ,  ਮੇਜਰ ਜਨਰਲ ਕਾਸਿਮ ਸੁਲੇਮਾਣੀ ਈਰਾਨ ਦੇ ਕੱਟੜਪੰਥੀ ਹਲਕਿਆਂ ਅੰਦਰ ਇੱਕ ਜਾਣਿਆ ਪਛਾਣਿਆ ਨਾਮ ਸੀ ਅਤੇ ਇਹ ਵੀ ਸੱਚ ਹੈ ਕਿ ਇੱਕ ਸਫਲ ਕਮਾਂਡਰ ਹੋਣ ਦੇ ਨਾਤੇ ਈਰਾਨ ਵਿਚ ਉਸਦਾ ਆਪਣਾ ਇੱਕ ਸਥਾਨ ਸੀ ,  ਜਿਸਦੇ  ਦਬਦਬੇ ਅੱਗੇ ਈਰਾਨ ਅੰਦਰ ਸਭ ਨਰ ਮਸਤਕ ਸਨ।   ਉਸ ਨੇ ਆਪਣੇ ਦੋ ਦਹਾਕਿਆਂ ਦੌਰਾਨ ਈਰਾਨੀ ਫੌਜ ਦੀ ਸਫਲ ਅਗਵਾਈ ਕੀਤੀ ਅਤੇ ਆਪਣੇ ਹਰ ਫਰਜ਼ ਨੂੰ ਪੂਰੀ ਤਨਦੇਹੀ ਅਤੇ ਵਫ਼ਾਦਾਰੀ ਨਾਲ ਪੂਰਾ ਕੀਤਾ , ਜਿਸ ਕਾਰਨ ਉਹ ਈਰਾਨ ਦੇ ਧਾਰਮਿਕ ਅਤੇ ਚੋਟੀ ਦੇ ਨੇਤਾ ਅਯਤੁੱਲਾ ਅਲੀ ਖੁਮੈਨੀ ਦੇ ਬਹੁਤ ਨਜਦੀਕ ਸੀ। ਇਹ ਵੀ ਵਰਣਨ ਯੋਗ ਹੈ ਕਿ ਇਸ ਨੇਤਾ ਵਲੋਂ ਜਨਰਲ ਸੁਲੇਮਾਣੀ ...

ਸਿੰਗਾਪੁਰ ਦੇ ਸੀਨੀਅਰ ਮੰਤਰੀ ਅਤੇ ਸਮਾਜਿਕ ਨੀਤੀਆਂ ਲਈ ਤਾਲਮੇਲ ਮੰਤਰੀ ਥਰਮਨ ਸ਼ੰਮੁਗਰਤਨਮ ਵੱਲੋਂ ਨਵੀਂ ਦਿੱਲੀ ਅਤੇ ਮੁਬੰਈ ਦਾ ਕਾਰਜਕਾਰੀ ਦੌਰਾ ਕੀਤਾ ਗਿਆ।ਆਪਣੀ ਇਸ ਫੇਰੀ ਦੌਰਾਨ ਉਨ੍ਹਾਂ ਨੇ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ , ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਅਤੇ ਹੋਰ ਸਾਕਾਰੀ ਆਗੂਆਂ ਨਾਲ ਮੁਲਾਕਾਤ ਕੀਤੀ।ਸ੍ਰੀ ਥਰਮਨ ਨਾਲ ਸਿੰਗਾਪੁਰ ਵਿਦੇਸ਼ ਮੰਤਰਾਲੇ ਅਤੇ ਪੀਐਮ ਦਫ਼ਤਰ ਦੇ ਅਧਿਕਾਰੀ ਵੀ ਇਸ ਦੌਰੇ ‘ਤੇ ਸਨ।ਉਨ੍ਹਾਂ ਨੇ ਆਪਣੇ ਵਫ਼ਦ ਦੇ ਨਾਲ ਮੁਬੰਈ ਦੇ ਮੁੱਖ ਮੰਤਰੀ ਉਧਵ ਠਾਕਰੇ ਅਤੇ ਉਦਯੋਗ ਦੇ ਮਾਹਿਰਾਂ ਨਾਲ ਵੀ ਮੁਲਾਕਾਤ ਕੀਤੀ। ਸ਼੍ਰੀ ਥਰਮਨ ਵੱਲੋਂ ਭਾਰਤ ਦੇ ਕੀਤੇ ਗਏ ਇਸ ਦੌਰੇ ਪਿੱਛੇ ਦਾ ਮਕਸਦ ਸੀ ਕਿ ਦੋਵਾਂ ਮੁਲਕਾਂ ਦਰਮਿਆਨ ਵਪਾਰਕ ਅਤੇ ਨਿਵੇਸ਼ ਸਬੰਧਾਂ ਨੂੰ ਉਤਸ਼ਾਹਿਤ ਕੀਤਾ ਜਾਵੇ।ਇਸ ਗੱਲ ਦੀ ਗਵਾਹੀ ਇਸ ਤੱਥ ਤੋਂ ਸਪੱਸ਼ਟ ਹੁੰਦੀ ਹੈ ਕਿ ਭਾਰਤੀ ਨੀਤੀ ਘਾੜਿਆਂ ਨਾਲ ਆਪਣੇ ਵਿਚਾਰ ਚਟਾਂਦਰੇ ਦੌਰਾਨ ਉਨ੍ਹਾਂ ਨੇ ਡਿਜੀਟਲ ਆਰਥਿਕਤਾ, ਬੁਨਿਆਦੀ ਢਾਂਚਾ, ਹੁਨਰ ਵਿਕਾਸ ਅਤੇ ਭਾਰਤ-ਸਿੰਗਾਪੁਰ ਵਿਆਪਕ ਆਰਥਿਕ ਸਹਿਕਾਰਤਾ ਇਕਰਾਰਨਾਮੇ (ਸੀ.ਈ.ਸੀ.ਏ.) ਨੂੰ ਤਰਜੀਹ ਦੇ ਅਧਾਰ ‘ਤੇ ਵਿਚਾਰਿਆ ।ਇਸ ਤੋਂ ਇਲਾਵਾ ਸ੍ਰੀ ਸ਼ੰਮੁਗਰਤਨਮ ਨੇ ਸਾਲ 2022 ‘ਚ ਜੀ-20 ਲਈ ਭਾਰਤ ਦੀ ਪ੍ਰਧਾਨਗੀ ਲਈ ਸਿੰਗਾਪੁਰ ਦੇ ਸਮਰਥਨ ਨੂੰ ਪੇਸ਼ ਕੀਤਾ। ਦੋਵਾਂ ਦੇਸ਼ਾਂ ਦਰਮਿਆਨ ਦੁਵੱਲਾ ਵਪਾਰ ਪਹਿਲਾਂ ਹੀ ਸਿਖਰਾਂ ‘ਤੇ ਹੈ।ਸਾਲ 2019 ‘ਚ ਦੁਵੱਲਾ ਵਪਾਰ 26 ਬਿਲੀਅਨ ਡਾਲਰ ਤੋਂ ਵੀ ਵ...

ਪਿਛਲੇ ਹਫ਼ਤੇ ਅਮਰੀਕਾ ਵੱਲੋਂ ਇਰਾਨ ਦੇ ਅਲ-ਕੁਡਸ ਬਲ ਦੇ ਕਮਾਂਡਰ ਮੇਜਰ ਜਨਰਲ ਕਾਸਿਮ ਸੁਲੇਮਾਨੀ ਦੀ ਹੱਤਿਆ ਕਰ ਦਿੱਤੀ ਗਈ , ਜਿਸ ਤੋਂ ਬਾਅਦ ਫ਼ਾਰਸ ਦੀ ਖਾੜੀ ‘ਚ ਤਣਾਅ ਦੀ ਸਥਿਤੀ ਬਣੀ ਹੋਈ ਹੈ।ਇਸੇ ਤਣਾਅ ਦੀ ਸਥਿਤੀ ਨੂੰ ਅੱਗੇ ਵੱਧਣ ਤੋਂ ਰੋਕਣ ਦੇ ਮਕਸਦ ਨਾਲ ਭਾਰਤੀ ਵਿਦੇਸ਼ ਮਾਮਲਿਆਂ ਦੇ ਮੰਤਰੀ ਡਾ.ਐਸ.ਜੈਸ਼ੰਕਰ ਨੇ ਇਰਾਨ ਦੇ ਆਪਣੇ ਹਮਅਹੁਦਾ ਮੁਹੰਮਦ ਜਾਵਿਦ ਜ਼ਰੀਫ ਨਾਲ ਗੱਲਬਾਤ ਕੀਤੀ ਅਤੇ ਕਿਹਾ ਕਿ ਇਹ ਸਾਰੀ ਸਥਿਤੀ ਬਹੁਤ ਹੀ ਗੰਭੀਰ ਮੋੜ ‘ਤੇ ਆ ਖੜੀ ਹੋਈ ਹੈ।ਉਨ੍ਹਾਂ ਨੇ ‘ਤਣਾਅ ਦੇ ਪੱਧਰ’ ‘ਤੇ ਭਾਰਤ ਵੱਲੋਂ ਜਤਾਈ ਜਾ ਰਹੀ ਚਿੰਤਾ ਦਾ ਪ੍ਰਗਟਾਵਾ ਵੀ ਕੀਤਾ ਅਤੇ ਦੋਵਾਂ ਧਿਰਾਂ ਨੇ ਹਰ ਪਲ ਇਕ ਦੂਜੇ ਦੇ ਸੰਪਰਕ ‘ਚ ਰਹਿਣ ਦੀ ਸਹਿਮਤੀ ਵੀ ਪ੍ਰਗਟ ਕੀਤੀ।ਜ਼ਿਕਰਯੋਗ ਹੈ ਕਿ ਭਾਰਤੀ ਵਿਦੇਸ਼ ਮੰਤਰੀ 19ਵੀਂ ਸੰਯੁਕਤ ਕਮਿਸ਼ਨ ਦੀ ਬੈਠਕ ‘ਚ ਸ਼ਿਰਕਤ ਕਰਨ ਲਈ ਕੁੱਝ ਹਫ਼ਤੇ ਪਹਿਲਾਂ ਤਹਿਰਾਨ ਦੇ ਦੌਰੇ ‘ਤੇ ਸਨ।ਇਸ ਦੌਰਾਨ ਉਨ੍ਹਾਂ ਨੇ ਇਰਾਨ ਦੇ ਰਾਸ਼ਟਰਪਤੀ ਹਸਨ ਰੂਹਾਨੀ ਅਤੇ ਆਪਣੇ ਹਮਰੁਤਬਾ ਸ੍ਰੀ ਜ਼ਰੀਫ ਸਮੇਤ ਹੋਰ ਸੀਨੀਅਰ ਆਗੂਆਂ ਨਾਲ ਮੁਲਾਕਾਤ ਕੀਤੀ ।ਦਰਅਸਲ ਉਮੀਦ ਕੀਤੀ ਜਾ ਰਹੀ ਹੈ ਸ੍ਰੀ ਜ਼ਰੀਫ ‘ਰਾਏਸਿਨਾ ਸੰਵਾਦ’ ਲਈ ਭਾਰਤ ਦਾ ਦੌਰਾ ਕਰਨਗੇ, ਜੋ ਕਿ ਇਸੇ ਮਹੀਨੇ ਦੀ 14 ਤਰੀਕ ਨੂੰ ਸ਼ੁਰੂ ਹੋ ਰਿਹਾ ਹੈ। ਭਾਰਤ ਦੇ ਵਿਦੇਸ਼ ਮੰਤਰੀ ਵੱਲੋਂ ਟੈਲੀਫੋਨ ਰਾਹੀਂ ਆਪਣੇ ਇਰਾਨ ਦੇ ਹਮਅਹੁਦਾ ਨਾਲ ਉਸ ਸਮੇਂ ਗੱਲਬਾਤ ਕੀਤੀ ਗਈ ਹੈ ਜਦੋਂ ਸੁਲੇਮਨੀ ਦੇ ਕਤਲ ਤੋਂ ਬਾਅਦ ਅਮਰੀਕੀ ...

ਪਾਕਿਸਤਾਨ ਨਿੱਤ ਨਵੀਆਂ ਮੁਸ਼ਕਲਾਂ ‘ਚ ਫਸਦਾ ਜਾ ਰਿਹਾ ਹੈ।ਇੱਕ ਸਮੱਸਿਆ ਅਜੇ ਹੱਲ ਨਹੀਂ ਹੁੰਦੀ ਕਿ ਉੱਥੋਂ ਦੀ ਸਿਆਸਤ ਕਿਸੇ ਦੂਜੇ ਮਸਲੇ ਨਾਲ ਭੱਖ ਜਾਂਦੀ ਹੈ।ਰਾਸ਼ਟਰੀ ਜਾਂ ਫਿਰ ਅੰਤਰਰਾਸ਼ਟਰੀ ਪੱਧਰ ‘ਤੇ ਪਾਕਿਸਤਾਨ ਕਿਸੇ ਨਾ ਕਿਸੇ ਨਵੇਂ ਮਸਲੇ ਨਾਲ ਘਿਰਿਆ ਹੋਇਆ ਹੈ।ਬੀਤੇ ਸ਼ੁੱਕਰਵਾਰ ਸਿੱਖਾਂ ਦੇ ਗੁਰੁ ਸ੍ਰੀ ਗੁਰੁ ਨਾਨਕ ਦੇਵ ਜੀ ਦੇ ਜਨਮ ਅਸਥਾਨ ‘ਤੇ ਸਸ਼ੋਬਿਤ ਗੁ.ਨਨਕਾਣਾ ਸਾਹਿਬ ਵਿਖੇ ਸਿੱਖ ਵਿਰੋਧੀ 400 ਤੋਂ ਵੀ ਵੱਧ ਭੀੜ ਦੇ ਰੂਪ ‘ਚ ਸ਼ਰਾਰਤੀ ਅੰਸਰਾਂ ਵੱਲੋਂ ਹਮਲਾ ਕੀਤਾ ਗਿਆ। ਉਨ੍ਹਾਂ ਨੇ ਸਿੱਖ ਵਿਰੋਧੀ ਨਾਅਰੇ ਲਗਾਉਂਦਿਆਂ ਇਸ ਸਥਾਨ ਨੂੰ ਤੋੜਨ ਦੀ ਧਮਕੀ ਤੱਕ ਦਿੱਤੀ।ਗੁਰਦੁਵਾਰਾ ਸਾਹਿਬ ਦਾ ਘਿਰਾਓ ਕਰਕੇ ਇਸ ‘ਤੇ ਪੱਥਰਬਾਜ਼ੀ ਕੀਤੀ ਗਈ।ਦੱਸਣਯੋਗ ਹੈ ਕਿ ਇਸ ਭੀੜ ਦੀ ਅਗਵਾਈ ਮੁਹੰਮਦ ਹਸਨ ਦੇ ਪਰਿਵਾਰ ਵੱਲੋਂ ਕੀਤੀ ਗਈ।ਮੁਹੰਮਦ ਹਸਨ ਉਹ ਲੜਕਾ ਹੈ ਜਿਸ ਨੇ ਕਥਿਤ ਤੌਰ ‘ਤੇ ਇਕ ਸਿੱਖ ਕੁੜੀ ਜਗਜੀਤ ਕੌਰ ਨੂੰ ਅਗਵਾ ਕਰਕੇ ਉਸ ਦਾ ਜ਼ਬਰੀ ਧਰਮ ਪਰਿਵਰਤਨ ਕੀਤਾ ਅਤੇ ਬਾਅਦ ‘ਚ ਉਸ ਨਾਲ ਵਿਆਹ ਵੀ ਕੀਤਾ।ਜਗਜੀਤ ਕੌਰ ਗੁਰਦੁਵਾਰਾ ਸਾਹਿਬ ਦੇ ਗ੍ਰੰਥੀ ਦੀ ਧੀ ਹੈ।ਮੁਹੰਮਦ ਵੱਲੋਂ ਕੀਤੇ ਗਏ ਇਸ ਕਾਰੇ ਦਾ ਸਿੱਖ ਭਾਈਚਾਰੇ ਵੱਲੋਂ ਵਿਰੋਧ ਕੀਤਾ ਗਿਆ ਸੀ, ਜਿਸ ‘ਤੋਂ ਬਾਅਦ ਹਸਨ ਦੇ ਪਰਿਵਾਰ ਦੀ ਅਗਵਾਈ ‘ਚ ਸੈਂਕੜੇ ਹੀ ਮੁਜ਼ਾਹਰਾਕਾਰੀਆਂ ਨੇ ਇਸ ਇਤਿਹਾਸਿਕ ਗੁ. ਜਨਮ ਅਸਥਾਨ ਸਾਹਿਬ ‘ਤੇ ਪੱਥਰਬਾਜ਼ੀ ਕੀਤੀ। ਇੱਕ ਵੀਡੀਓ ‘ਚ ਹਜੂਮ ਦੀ ਅਗਵਾਈ ਕਰ ਰਿਹਾ ਇਮਰਾਨ ਚਿਸ਼ਤੀ ਗੁ.ਸ...

ਅਮਰੀਕਾ ਨੂੰ ਸਾਡਾ ਸੰਦੇਸ਼ ਮਿਲ ਗਿਆ। ਇਰਾਨ ਪੱਖੀ ਮੁਜ਼ਾਹਰਾਕਾਰੀਆਂ ਨੇ ਬਗਦਾਦ ਦੇ ਸਖ਼ਤ ਸੁਰੱਖਿਆ ਵਾਲੇ ‘ਗ੍ਰੀਨ ਜ਼ੋਨ’ ਵਿੱਚ ਸਥਿਤ ਅਮਰੀਕੀ ਦੂਤਾਵਾਸ ਦੇ ਆਸ-ਪਾਸ ਦੇ ਇਲਾਕੇ ਵਿੱਚ ਵਾਪਰੀ ਹਾਲੀਆ ਘਟਨਾ ਨਾਲ ਇਹੀ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ। ਗੌਰਤਲਬ ਹੈ ਕਿ ਟਰੰਪ ਪ੍ਰਸ਼ਾਸਨ ਅਤੇ ਇਸਲਾਮਿਕ ਮੁਲਕ ਇਰਾਨ ਵਿਚਾਲੇ ਲੰਮੇ ਸਮੇਂ ਤਕ ਚੱਲੀ ਖਿੱਚੋਤਾਣ ਦੌਰਾਨ ਇੱਕ ਅਮਰੀਕੀ ਠੇਕੇਦਾਰ ਦੀ ਹੱਤਿਆ ਅਤੇ ਕੁਝ ਅਮਰੀਕੀ ਸੈਨਿਕਾਂ ਦੇ ਜ਼ਖਮੀ ਹੋਣ ਤੋਂ ਬਾਅਦ ਸਥਿਤੀ ਬਣੀ ਤਣਾਅ ਵਾਲੀ ਬਣੀ ਹੋਈ ਹੈ। ਕਾਬਿਲੇਗੌਰ ਹੈ ਕਿ ਇਰਾਨ ਪੱਖੀ ਇੱਕ ਗੁੱਟ ਦੁਆਰਾ ਕੀਤੇ ਗਏ ਇੱਕ ਹਮਲੇ ਵਿਚ ਕੁਝ ਅਮਰੀਕੀ ਸੈਨਿਕਾਂ ਦੇ ਜ਼ਖਮੀ ਹੋਣ ਦੀ ਖ਼ਬਰ ਮਿਲੀ ਹੈ। ਇਸ ਹਮਲੇ ਦੇ ਵਿਰੋਧ ਵਿੱਚ ਰਾਸ਼ਟਰਪਤੀ ਟਰੰਪ ਨੇ ਆਪਣੀ ਫੌਜ ਨੂੰ ਪੰਜ ਟਿਕਾਣਿਆਂ 'ਤੇ ਹਮਲਾ ਕਰਨ ਦਾ ਹੁਕਮ ਦਿੱਤਾ, ਜਿਸ ਵਿਚ ਘੱਟੋ-ਘੱਟ 25 ਲੋਕ ਮਾਰੇ ਗਏ ਸਨ ਤੇ ਜ਼ਖਮੀਆਂ ਦੀ ਗਿਣਤੀ ਇਸ ਤੋਂ ਦੁੱਗਣੀ ਸੀ। ਇਸ ਹਮਲੇ ਤੋਂ ਬਾਅਦ ਇਰਾਕ ਵਿਚ ਮੌਜੂਦ ਇਰਾਨ ਪੱਖੀ ਗੁੱਟ ਨੂੰ ਗੁੱਸਾ ਆਇਆ, ਜਿਸ ਨੇ ਬਗਦਾਦ ਵਿਚ ਅਮਰੀਕੀ ਸਫਾਰਤਖਾਨੇ 'ਤੇ ਹਮਲਾ ਕੀਤਾ; ਬਾਹਰਲੀ ਕੰਧ ਨੂੰ ਤੋੜਨ ਦੀ ਕੋਸ਼ਿਸ਼ ਕੀਤੀ ਅਤੇ ਕੰਧ ਦੇ ਅੰਦਰ ਤੈਨਾਤ ਅਮਰੀਕੀ ਫੌਜੀਆਂ ਨੂੰ ਸਥਿਤੀ ਸੰਭਾਲਣ ਲਈ ਗੋਲੀਬਾਰੀ ਤਕ ਕਰਨ ਦੀ ਨੌਬਤ ਆ ਗਈ ਸੀ। ਕਾਬਿਲੇਗੌਰ ਹੈ ਕਿ ਇਰਾਨ ਦੀ ਹਿਮਾਇਤ ਪ੍ਰਾਪਤ ਸ਼ੀਆ ਲੜਾਕੂਆਂ ਦੇ ਗੁੱਟ ਕਤੀਬ ਹਿਜ਼ਬੁੱਲਾ ਜੋ ਕਿ ਪਾ...

ਹਾਲ ਹੀ ‘ਚ ਸੀਨੀਅਰ ਪਾਕਿਸਤਾਨੀ ਪੱਤਰਕਾਰ ਸਲੀਮ ਸਫੀ ਨੇ 'ਡੇਲੀ ਜੰਗ' ਵਿਚ ਇਕ ਛੋਟਾ ਜਿਹਾ ਹਿੱਸਾ ਲਿਖਿਆ, ਜਿਸ ਵਿੱਚ ਮੁਲਕ ਦੇ ਚੱਲ ਰਹੇ ਹਾਲਾਤ ਨੂੰ ਬਿਆਨ ਕੀਤਾ ਗਿਆ ਸੀ ਅਤੇ ਪਾਕਿਸਤਾਨ ਨੂੰ ਤੁਰੰਤ ਇਕ ਨਵਾਂ ਸਮਾਜਿਕ ਸਮਝੌਤਾ ਵਿਕਸਤ ਕਰਨ ਦੀ ਜ਼ਰੂਰਤ ਨੂੰ 'ਹੁਣ ਜਾਂ ਕਦੇ ਨਹੀਂ' ਕਹਿ ਕੇ ਜਾਹਿਰ ਕੀਤਾ ਗਿਆ ਸੀ। ਉਸ ਦੇ ਅਨੁਸਾਰ ਪਾਕਿਸਤਾਨ ਅੱਜ ਇਕ ਅਜਿਹੇ ਪੜਾਅ 'ਤੇ ਪਹੁੰਚ ਗਿਆ ਹੈ ਜਿੱਥੇ ਰਾਜ ਦੇ ਵੱਖ-ਵੱਖ ਅਦਾਰੇ ਇਕ ਦੂਜੇ ਨਾਲ ਲੜ ਰਹੇ ਹਨ ਅਤੇ ਇਕ-ਦੂਜੇ ਪ੍ਰਤੀ ਜ਼ੀਰੋ-ਰਿਸਲ ਮਾਨਸਿਕਤਾ ਵਿਕਸਤ ਕਰ ਰਹੇ ਹਨ। ਇਕ ਸੰਸਥਾ ਦੂਜੀ ਸੰਸਥਾ ਦੇ ਦੁਖੀ ਹੋਣ ‘ਤੇ ਖੁਸ਼ ਹੁੰਦੀ ਹੈ। ਉਸਨੇ ਲਿਖਿਆ ਕਿ ਮੌਜੂਦਾ ਦੌਰ ‘ਚ ਪਾਕਿਸਤਾਨ ਨੂੰ ਅਤੀਤ ਵਿੱਚ ਹੋਈਆਂ ਗਲਤੀਆਂ ਨੂੰ ਵੇਖਣ ਅਤੇ ਭਵਿੱਖ ਵਿੱਚ ਰਾਜਨੀਤੀ ਦਾ ਇੱਕ ਨਵਾਂ ਨਮੂਨਾ ਵਿਕਸਤ ਕਰਨ ਲਈ ਇੱਕ ਸੱਚੇ ਅਤੇ ਮੁੱਦੇ ਹੱਲ ਕਰਨ ਵਾਲੇ ਕਮਿਸ਼ਨ ਦੀ ਜ਼ਰੂਰਤ ਹੋਏਗੀ। ਮੌਜੂਦਾ ਸਮੇਂ ਪਾਕਿਸਤਾਨ ਵਿੱਚ ਇਸ ਤਰ੍ਹਾਂ ਦੇ ਗੰਭੀਰ ਹਾਲਾਤ ਬਿਮਾਰੀ ਵਾਂਗ ਵੱਧਦੇ ਜਾ ਰਹੇ ਹਨ, ਕਿਉਂਕਿ ਮੁਲਕ ਇਸ ਵੇਲੇ ਕਈ ਸੰਕਟਾਂ ਦਾ ਸਾਹਮਣਾ ਕਰ ਰਿਹਾ ਹੈ। ਰਾਜਨੀਤਿਕ ਪੱਧਰ 'ਤੇ ਜਾਦੂ-ਟੂਣੇ ਦੀ ਬਦੌਲਤ, ਵਿਰੋਧੀ ਧਿਰ ਦੀਆਂ ਬਹੁਤੀਆਂ ਰਾਜਨੀਤਿਕ ਤਾਕਤਾਂ ਭ੍ਰਿਸ਼ਟਾਚਾਰ ਅਤੇ ਭਤੀਜਾਵਾਦ ਲਈ ਆਪਣਾ ਬਚਾਅ ਕਰਨ ਵਿੱਚ ਰੁੱਝੀਆਂ ਹੋਈਆਂ ਹਨ, ਜਿਨ੍ਹਾਂ ਨੇ ਸੱਤਾ ਵਿੱਚ ਰਹਿੰਦੇ ਹੋਏ ਕਥਿਤ ਤੌਰ ਤੇ ਸ਼ਮੂਲੀਅ...

ਭਾਰਤ ਆਪਣੀ ‘ਗੁਆਂਢ ਪਹਿਲ’ ਨੀਤੀ ਲਈ ਵਚਨਬੱਧ ਹੈ।ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮਈ 2014 ਤੋਂ ਬਤੌਰ ਪੀਐਮ ਇਸ ਅਹੁਦੇ ‘ਤੇ ਬਿਰਾਜਮਾਨ ਹਨ ਅਤੇ ਉਨ੍ਹਾਂ ਨੇ ਉਦੋਂ ਤੋਂ ਹੀ ਕਈ ਮੌਕਿਆਂ ‘ਤੇ ਆਪਣੀ ਇਸ ਪ੍ਰਤੀਬੱਧਤਾ ਨੂੰ ਵਾਰ-ਵਾਰ ਦੁਹਰਾਇਆ ਹੈ।ਪੀਐਮ ਮੋਦੀ ਨੇ 26 ਮਈ 2014 ਨੂੰ ਆਪਣੇ ਸਹੁੰ ਚੁੱਕ ਸਮਾਗਮ ‘ਚ ਖੇਤਰੀ ਸਹਿਯੋਗ ਲਈ ਦੱਖਣੀ ਏਸ਼ੀਆ ਐਸੋਸੀਏਸ਼ਨ, ਸਾਰਕ ਦੇ ਸਾਰੇ ਮੈਂਬਰ ਮੁਲਕਾਂ/ਸਰਕਾਰਾਂ ਦੇ ਮੁੱਖੀਆਂ ਨੂੰ ਸੱਦਾ ਦਿੱਤਾ ਸੀ।ਆਪਣਾ ਅਹੁਦਾ ਸੰਭਾਲਣ ਤੋਂ ਬਾਅਦ ਪੀਐਮ ਮੋਦੀ ਨੇ ਆਪਣੀ ਪਹਿਲੀ ਵਿਦੇਸ਼ ਯਾਤਰਾ ਵੱਜੋਂ ਭੂਟਾਨ ਦੀ ਚੋਣ ਕੀਤੀ ਸੀ।ਉਨ੍ਹਾਂ ਨੇ ਗਰੀਬੀ,ਕੁਪੋਸ਼ਣ ਅਤੇ ਸਾਰਿਆਂ ਲਈ ਸਿੱਖਿਆ ਦੀ ਪਹੁੰਚ ਸੰਭਵ ਕਰਨ ਵਰਗੇ ਮੁੱਦਿਆਂ ਨਾਲ ਨਜਿੱਠਣ ਲਈ ਦੱਖਣੀ ਏਸ਼ੀਆਈ ਗੁਆਂਢੀ ਮੁਲਕਾਂ ਨਾਲ ਸਾਂਝੇ ਯਤਨਾਂ ਦੀ ਮੰਗ ਕੀਤੀ ਸੀ।ਭਾਰਤ ਨੇ ਆਪਣੇ ਗੁਆਂਢੀ ਮੁਲਕਾਂ ਦੀ ਭਲਾਈ ਅਤੇ ਵਿਕਾਸ ਲਈ ਆਪਣੇ ਮਾਹਰਾਂ ਦੇ ਤਜ਼ਰਬਿਆਂ ਨੂੰ ਸਾਂਝਾ ਕਰਨ ਦੀ ਗੱਲ ਵੀ ਕਹੀ। ਸਾਲ 2020 ਦੇ ਆਗਾਜ਼ ਦੇ ਮੌਕੇ ‘ਤੇ ਪੀਐਮ ਮੋਦੀ ਨੇ ਆਪਣੇ ਗੁਆਂਢੀ ਮੁਲਕਾਂ ਦੇ ਆਗਅੂਾਂ ਨੂੰ ਜਿੱਥੇ ਨਵੇਂ ਸਾਲ ਦੀ ਮੁਬਾਰਕਬਾਦ ਦਿੱਤੀ , ਉੱਥੇ ਹੀ ਗੁਆਂਢੀ ਮੁਲਕਾਂ ਨਾਲ ਵਧੇਰੇ ਸਾਂਝ ਵਧਾਉਣ ਦੀ ਇਸ ਭਾਵਨਾ ਨੂੰ ਭਵਿੱਖ ‘ਚ ਵੀ ਜਾਰੀ ਰੱਖਣ ਦੀ ਇੱਛਾ ਪ੍ਰਗਟ ਕੀਤੀ। ਪੀਐਮ ਮੋਦੀ ਨੇ ਨਵੇਂ ਸਾਲ ਦੇ ਮੌਕੇ ਭੂਟਾਨ ਦੇ ਰਾਜਾ ਜਿਗਮੇ ਖੇਸਰ ਨਮਗੇਲ ਵਾਂਗਚੁਕ, ਭੂਟਾਨ ਦੇ ਪ੍ਰਧਾਨ ਮੰਤਰੀ ਡਾ.ਲੋਟੇ ਸ਼ੇਰਿ...